|
يا لوف قلبي عليهم لوف=سفن البحر هايجً فيهن ربانهن طش حمله خوف=تغرق ماتاصل موانيهن |
له ود مستوطن اعماقي=أسس على العز بنيانه بّعد اكتمل صرحه الراااااقي=بكى على افرااااااق خلانه |
لو الزمن يوم بك غراء=تلقاك في قلب من يفداك دروس الوفاء حرفها يقراء=في قلب من قلب ما ينساك |
كحيلة حرب= منساه حتى يجي عسفان= ويصير جنب النعيريه وجبال فيفاء تجي لمعان = على الحدود الشماليه سرور البشري= الشمس تطلع وبكره يبان= منه الخبرفالبكيريه وإن كان تشكينه الحرمان=حربي وبافزع ياحربيه كحيلة حرب= فزعتك يا سرور لها شان=لكن على ويش مبنيه؟ لامشتكيناولاشيءًكان=هذه خيالات شعريه والحرف عندي رسم فان=يبدع والالوان زيتيه تشكر لها يا رفيع الشان=فزعتك للعوز مخبيه يامحزمً با الفشق مليان=رشاش ذخيرته حيه حربي يكفي ترانا خوان=افرح بهاوالفخر ليه سرور البشري= سرور في محزمه نيران=واما الفشق للحريبيه وشتان مابينها شتان=هذي ثوابت حقيقيه كحيلة حرب= ادري بكم تعدم النيشان=وحرفك فلا ينكتب زيه من بحر ينبع إلى خيطان=يسلم الحرف جبريه ماقلت قولً كذب وبهتان=اصول الكسرة حجازيه في حرب تاسيسها وان كان=بعض القبايل لها شويه سرور البشري= الله ليخزيك يالشيطان=مابغى أجرح الصوم ياخيه وبعد الفطر فارس الميدان=مافيه رحمه وماويه |
اشتاقلك كل يوم ويوم=لك شوق يهز وجداني اديار ودك سماها غيوم=كل ماصحت امطرت ثاني |
لو الزمن يوم بك غراء=تلقاك في قلب من يفداك دروس الوفاء حرفها يقراء=في قلب من قلب ما ينساك |
قلب العنى لاتلومونه=لو يشتكي من مرار الاه يبكي على من يبكونه=كتب على دمعته ويلاه |
الكحيله = با الله يارايـح الفقـره=سلم على اللي سكن فيها قله طريتو علـى فكـره=غيبتك ماني براضيهـا عمار = في ديرتي واملك الخبره=مـاظــن سـاكــن فراضـيـهـا شوفـو لهـا بالظـنـى دبــره=مـن شــان نـقـدر نراضيـهـا الكحيله = يامـدور بقشـه الابـره=الخلق منتـه بمحصيـه صديقتي والبنـي كثـره=معقول حافظ لسميها؟؟؟؟؟ عمار = راعي هوى يملك الغيره=فـدروب جــدان يحفظـهـا وان كان مايعـرف الديـره=بـعـلـمـه كــيـــف يـعـشـقها الكحيله = اجل سلم علـى أميـره=ان كان عندك خبر منها يا الاحمدي طيب السيره=ديرتك عـزً الساكنهـا والقاف لاتزيد تدويـره=حنـا بيوتـك نثمنهـا لاطال حكيً فقد خيـره=حكمة صدق قول قايلها |
الغيرهم ما عطيت الود =والغيرهم ماني معطيته هذاك وشبه علي يلد؟=قُله. تراني ....توطيته! |
حدثت نفسي وقالت لي=لاوين قلبك مودينا؟ قلت العفو ماني المفتي =يمكن على خير ناوينا قالت ودادً له اخلصتي=قلت اوقفي لاتزيدينا هذاك وده كماشفتي=اموت لو قيل ناسينا دربي وفاء
معروف يحدث كما قلتي = في ود بين الموّدينا كانك وثقتي توثقتي = للخير لابد تلقينا اليا صدقتي وصادقتي = من بعدها وش تحرينا لاتفكري 0 لو تخوفتي = يحصل كذا للمحبينا |
الساعة الآن 03:57 AM |
Powered by vBulletin® Copyright ©2000 - 2025, Jelsoft Enterprises Ltd. Designed & TranZ By Almuhajir