أضنيتني يانحيل العود= ليتك تحل الأسى ليتك
وانا عشقتك بدون حدود= واخلصت لك يوم حبيتك

ياطايش الفكر ياسارح = من دون خطه ولاتخطيط
ماتدري ان الفلك سابح = والكون بالكاينات محيط

قابل=
سلام يانبض ردينـاه=تعبير عن طيب مبدانا
قدام لانبتـدي معنـاه=ونبث بالحرف شكوانا
نبض الوجود=
ترحيب بالطيب مديناه=وحنا ليا جيت تلقانـا
والحرف من يمكم نقراه=ونحلل القيـل لاجانـا
قابل=
تغير الود عن مجـراه=واستبدل الوصل هجرانا
وذاك الغرام الذي عشناه=اصبح مصيره خبركانا
نبض الوجود=
اش غير الود وايش انحاه=وبدل فرحكـم بالأحزانـا
عطنا السبب والدوا تلقاه=ياجيـك حـالاً ومجانـا
قابل=
في وقت قلبي رموه عداه=ظلمـا وزورا وبهتانـا
اقفى وصمته دليل رضاه=على الذي تفعل عدانـا
نبض الوجود=
الصمت والاّ لباس الآآآه=ماتنصف القلب احيانـا
فهيم مثلـك ولايخفـاه=جَرّعْهـم المُـرّ الوانـا
قابل=
من عافنا وابتعـد عفنـاه=ونصون عهد الذي صانا
وراع الخزى كان جاريناه=صار الخزى من سجايانا
نبض الوجود=
ياقابل البعض لو سبناه=يـزداد بغيـاً وطغيانـا
واللي على الطيبه مرباه=مايخلفه أيّ مـن كانـا
قابل=
ماودنا تكبر المأسأة=باسباب حاسدوفتانا
والعاقل الله لا اعطاه=يزداد حلما واحسانا
نبض الوجود=
من كان هذا هدف دنياه=تقوى ودينـاً وإيمانـا
الله يثبت عليه خطـاه=ويغشاها روحاً وريحانا

قابل=
سلام مثل الذهب رنان=ترجم حروف الوفا عنا
قدام تسمع لحون الدان=اللي بها هاجسي غنـا
محمدسعد=
ترحيب ياعازف الألحـان=بحروف مثل الذهب جنـا
في عيد لما هلالـه بـان=عجزت عن الوصف ألسنا
قابل=
تبقون يافارس الميـدان=فالبال لو عنك طولنـا
لاجلك فرسم المثل ربان=اليـا نشدنـا يوصلنـا
محمدسعد=
راع الوفا يارفيع الشـان=وحنا على العهد مازلنـا
ننشد نبي عزف ياشيهان=حتـى نكايـد عوازلنـا
قابل=
كلما نقول انتهى الحرمان=وعن سيرة الصد حولنـا
تعصف بنا دورة الازمان=وتردنـا حيـث ماكنـا
محمدسعد=
دع عنك ذاك الذي قد كان=يـا خيـر منـه يمثلنـا
لو نتبع اللي بلا برهـان=من قبل عاميـن عزلنـا
قابل=
اللي على شوفة الاعيان=في صحتـه لاتجادلنـا
اما عطينا عليه اثمـان=ولا علـى الله توكلنـا
محمد سعد=
الوقت لو دار بالإنسان=أيامنـا مـن تعاملنـا
مرة تجينا على العنوان=ومرة تضيع معالمنـا
قابل=
دام الصفا سنة الخـلان=ايامـنـا ماتبـدلـنـا
وان كان فالمسألة قولان=مافاد كـل الـذي قلنـا
محمدسعد=
وقتٍ مضى دونه البيبـان=يكفـي منـه ماتحملـنـا
إن مابرى الجرح حتى الآن=وش عذرنـا لاتقابلـنـا