نيران الاشواق فى غيابك= تحرق فرح من يحبك حرق
وصارت حياتي من اسبابك= تسرق بصيص السعاده سرق

احذر من القول يوم يجيك=ماكل نقله صفت نيه
وياخذ بك الهم ويوديك= وتعيش فأحوال قهريه
اخذ النبى واترك التشكيك= وشوف البراهين فوريه
وفعل الشياطين لايغويك= فالارض جني وجنيه
ولاتصدر احكام من يفتيك= تظلم بها ناس مبريه
واطلب من الرب لايبليك= لاشفت لك ناس مبليه

لا قلت لي روح ماحبك = ترتاح وانا تريحني
انثر لك الورد في دربك= وانته بالاشواك تجرحني
اضنى فؤادي امل قربك= ولانته بحبك مصارحني
وقلبي والاعيان تسهربك= واكيل صبري وتنضحني

راح البناخي طلب عمه= للقرب بأحوال ميسوره
اعطاه علمه ولاتمه= اثر المشورات محذوره
ومن يوم رده بداء همه= قلبه معلق بأموره
لاقرب الزاد من فمه= ماتقبله نفس مكسوره

مع نسمة الليل فاح الورد= وجروح الاوطان تسريبه
واهات شوقه سردها سرد= واصبح فى قمة تصاويبه
يبغى المسامر باخذ ورد= ومستملكه حي ناحيبه
لاهو فى برده دفاله برد= ولاطفى فى حره ملاهيبه

عندي خبر يوم حبيتك = انك تبادل هوايه مزوح
وعشت الآمل فيك واعطيتك= صافي وداد الهوى المذبوح
وياما بالاشواق ناديتك= تشفي بقربك جروح الروح
وياللاسف بعد عزيتك= جاوزت حد الهوى المسموح

لاني فى قربه ونلت العطف= ولاني فى بعده وناسيني
قاسيه مدمج معي باللطف= وبنار الاشواق كاويني

جبنا المحاصيل للشراي=والرخص ياللاسف فالسوق
والارض جفت بلا سقاي= وينه شباب الآدب والذوق

يابلاك بيري على الموضه= ومتصدره وضعنا الجاري
فالسوق الانواع معروضه=ولاعاد للنوكيا طاري
مجمل صفاتك بها فوضه=وفيك السكاكين غداري
تحلم بك اطفال فالروضه=ومع مستوى كل الاعماري