|
قلنا صدق حلم قاضيها = لكن انتم ماصدقتم نمور فالجد نقصيها = مهما صمدتم وعاندتم |
ودك ملِك دولة اعماقي = والقلب له كرسي السلطه ومشاعري شعبك الباقي = على الولآء وعهد لك حطه |
لك في خفى خافقي منزال = ومنزال في نون الاعياني ولاحياني الله وعمري طال = منساك لو كان تنساني |
لاشك ماعندي ادنى شك = إنك مثل ماني اشوفك اشك ثوب الحقايق شك = وينفتق داخل كشوفك |
تستشهد الحادثة بشهود = فالأصل لا تشوف لا تنطق مهما يطول الزمن وتعود = يلقى بها القاضي المنطق |
بعد رحل داخلي عقب = ذكرى رفيعةّ مقام وسوَم اربع عشر من رجب يُكتب = تاريخها 0 والخميس اليوم |
تكفى العتب لا يجيني منك = مالي على معاتبك مدخال حمل العنا جيت اشيله عنك = ماجيت ازيده بعد ما مال |
صعب المجاريح نحصيهم = وجروحهم مستحيل تعد ومادامنا منهم وفيهم = قلنا نسوي حساب ورصد واجب علينا نواسيهم = لو مالنا في سببها يد واهل الهوى اللي نلاقيهم = طرحى جروح الجفا والصد على المفاهيم نوصيهم = ما للهوى من خصيم وند واهل الغلا لو تغليهم = يصعد سما ما انجرح به ود سر المحبة يداويهم = لا ارخى الوصل ذاك هذا شد ندمح خطاهم ونرضيهم = ولا كل قالة عليها نلد |
ياليت تشرح لي الاسباب = يمكن بها تِقتنع نفسي اللي بها تِقفل الابواب = حتى على (بر) معك ارسي |
إن سلتني فالمنازل فوق = منازل اللي لهم مقدار اهل المكانة واهل الذوق = ونذكرك معهم من الحُضْار لو فالزمن التقي بك عوق = بتلتقي في فؤادي دار وإن ماطرابك عليه شوق = تبقى مودتك مهما صار ومهما تسوق المطايا سَوق = ما الفت لها والحمول انظار |
يانفس لو طالت ايامك = ما لك بها مع هواك قبول لا اضيع بِك كامل اعوامك = ونهايتي فيك للمجهول |
امشي لا جا فالعرب لفْاق = ما اجلس مجاليس لفْاقه ماني على مثلهم مفتاق = ولا لي بمجلاسهم فاقه |
انا الذي جيت متشوقّ = في بالي إنك لي المشتاق لكنني عدت متفوق = بأشواق حازت على الاخفاق |
حبك ولقياك وعتابك = بعد فراقك لها حشّمت وجيّرتها شيك لحسابك = و اودعتها سر بنك الصمت |
ارعي مزونك عليّ لا اقبلّت = ولوابل خيالها مدرك لكنني كل ما حصلت = انك لما اعنيه مستترك |
اسأل عن الكحل فعيونك = تشريه كل يوم والثاني والا كذا من حلا نونك = فعيونك الكحل رباني |
بخيتان = نبغى نشعبن معك ياسرور = الشعبنه جات حزتها باعذب لحن نطرب الجمهور = ونعايش الناس فرحتها سرور = لاسامح الله حروف تجور = صيغت على غير عادتها فمحل مبعوثنا الدكتور = لازال حاكم ولايتها بخيتان = لقيت لها فالمسار عبور = وإدرك عناوين فكرتها طاح الرخا في كوالمبور = ان كان غيّر سياستها سرور = عنوانها داخـل المحظـور = ماجت عل وقـت حروتهـا وماليزيا غير دار ام فور = ماهي علـى خيـر سيرتهـا |
ياللي تحرى الاجابة 0وين = تلقى لها فالوجود وجود ماكل ماينكتب ذلحين = يعني معك واقعه موجود |
جيته بماعون كله طيب = قالوا قبل لاتجي روّح دايم يجي كل مانت تغيب = وماعون لك بالزرى لوّح |
كل ما اكتشفته بك اقنعني = اقنع بكل ماكشفته فيك عن كشف الايام قنّعني = وقانِع عن الجايه استفتيك |
ليل الهوى ليل لو طوّل = بين المودين ياقُصره تاليه ماكِنّ له أوّل = بيسهروا فيه لا بُكرة |
قالوا لنا الوقت شيبنا = قلنا كذا الصدق ماجبتوه حنا في ماضيه غلبنا = والا انتم اليوم خيبتوه |
ازرع واشوفك نديم القلع = لاشواق مترّبعة التصنيف آخر مدها لاوقتّ الطلع = ويخلّصِ الصيف قبل اتصِيف |
بخيتان = طبعه كذا يجيب ويودي = ماجاب ودى ماودى جاب الود ودي وماودي = من كثر (احنطر واسنطر ) تاب مشهور = كم حنطرو واصنطرو ضدي=يا بو محمد بلا مخلا ب خليت الا يا م اتعدي=كني غريبه من الا غرا ب بخيتان = الطرف لو كان بك لدي = في وضع مثلك تضيع اسباب لاتحسب ايام وتعدي = عيشي حبيبة مع الاحباب |
آه الهوى مابلاني بك = اللي بلاني غلا قدرك عالم بها ربنا وربك = إن ماتطمن بها صدرك |
صدوف الايام مايسلم = من شوفها كائناً من كان حكمة والانسان مايعلم = توقيتها 0 خارج الحسبان |
في ملتقى حرب لاهل العرِف = والقيل مجلس ومجلاسي ماتلتقيبه هزيل الحرف = دام الجزل حرب له ساسي |
مهما تنوع ملذاتي = مابين مُر وحلا يبقون ياللي سأل عن صفى ذاتي = ذاتك على ماسأل ممنون |
الحكم يصدر على الظاهر = كلاً وله فالمنازل قدر لاتضيق الصدر والخاطر = ماضاق بك خاطري والصدر |
شعلل هوى الروح واشعلها = واحرق بقايا آنينك ذاك اليا متى وانت عازلها = عن قلب مايشتهي فرقاك |
بخيتان البشري = ترحيب يابو علي واستّر = طرف الذي تفرِحه شوفتك عليك رب الملأ يستر = يحفظك حاضر وفي غيبتك حفيد الحجيري = عدد جماهير مانشسترّ=تبقى على الطيبّه وقفتك ولو أجمع الحرف في دفترّ=تعجز حروفي،،ولا وفتك |
لو كان صبري بحر ينضب = مالله خلق من حجر قلبي ولاهو حديد وفولاذ انصب = حتى اتحمل معك غلبي |
إسمع صريح العبارة الآن = وإصغي لما تسمع أّذآنك في ذمتّك 0 ماجزء الانسان ؟= لاباع عمره على شانك |
يارابح الشعر 0لو تبغاه = وحريص 0تلقاه يارابح في ملتقى حرب صرح بناه = متذوقه دائماً رابح * رابح الشعر ليس اسم شخص للمعلومية فقط |
بخيتان البشري = سلام مطلع لتبياني =ما اخص يالملتقى ياتيك من طيبه الطيبة عاني = ياصل وبالود متحريك ياللي تجيني من اخواني = حرفي تفاصيلها يعطيك الليلة الهاجس اظناني = وقمت افتكر فالليالي ذيك عمار الاحمدي = ترحيـب ضـوه لـكـم بـانـي = على الوفا والصفى نوفيك مـن طيـبـه الطيـبـه لسـانـي = ردد حروفك يبي يرضيك الهاجس اللي طرى الاني = بقول يمكن يبـي يوحيـك ولايـفــكــربــكــم ثـــــانـــــي = الـلـي ليالـيـه ذكــره فـيــك بخيتان البشري = تبقى على طول الازماني = يامرحبا بارك الله بيك حرفي وصل عز صدقاني = واستاذنه قال انا لافيك ولليوم غايب ولاجاني = كيف العمل فيه بستفتيك كمل شهر والحق الثاني = والهاجس يقول وش يدريك عمار الاحمدي = طب الهواجيس اغراني = علمه بحر في مدى التشكيك والحرف لاغاب ( يمداني ) = ابحث لاحرف الهوى تحريك ان كان مغرور زرياني = قله ترى حرفنا يفديك خله في دنياه شقياني = بيعود من بعدها يرجيك |
بخيتان البشري = الداهيه للعواصف ند = واطرب على جوه الماطر سلام يبقى وفاء ويمد = ماينعرف له معك آخر الداهيه = ترحيب من خاطري ياعد = يـزيـنــه ذِكــــرك الـعــاطــر يامـن لـنـا فالـلـزوم تـسـد = هات الذي فبالكم خاطـر بخيتان البشري = تبقى على الطيب يامنشد = في وقت فيه الذهب نادر كل مامشى فالخلايق لد = اعمى بصيرة لو يناظر ؟ الداهيه = اللي عن الطيبه مبعد = ويعافها عوفة الكافر لاترتجي خير فيه يجد = شطب على اسمه من الكادر |
حفيد الحجيري = مــا كــل سـيـفـاً مـــن نْـصـابـه = ومـا كــل خـيّـال ســجّ الخـيـل كــــــلاً عـــلـــى قــــــدّه ثــيــابـــه = والدفّـه ماهـو كـمـا التفصـيـل والـحـرف لأهـلـه هــمَ أولابـــه = يا جاهل أهله قديماً ؛ قيل : الـقـيـل مـــن يـجـهــل أربــابــه = مـا يُعتـبـر مــن رجــال القـيـل بخيتان البشري = الباب من سد بوابه = وسُور الحصن مرتفع ما يميل شرواك من عزها لآبه = حرب الحرابه لبن وهيل واللي حروفه تخطابه = ناشبْ بها بين حط وشيل ينقاد ماحدِ تقدابه = والاودية موعدّة بالسيل |
- احمد الغانمي = المعرفه مكسب العقال=من حاشها نحسب حسابه ون جات زله من الجهال=في ذمتي ماتشقابه بخيتان البشري = مكسب تجارة ثمنها رجال = بالمعرفة ينفتح بابه مفتاحها منعطا لعيال = مافكو لعلم دولابه |
مرسى ينبع = هذا المثل ما عليه جدال=الطيب الناس ترقابه اما الذى يعمل البطال=فالملتقى صعب نرضابه بخيتان البشري = في ملتقى رجال تلقى جبال = يزهابهم ذكر يزهابه كلِ ولعقودها حلال = لمن لا عرف درب مجنابه |
سرور البشري = حرف المثل يعصفك يالين= عبره لمن يعتبر تبقا ولاهو عريه ولاهو دين=من ساس جبته مهو سرقا بخيتان البشري = حرف المثل صافح التثمين = بمثالكم عانقه عنقا ماهو كمن جاك فالتالين = يمرمسه حقه الشنقا |
الساعة الآن 09:50 PM |
Powered by vBulletin® Copyright ©2000 - 2025, Jelsoft Enterprises Ltd. Designed & TranZ By Almuhajir