البيت يبنى على ساسه = والمرجله والشجاعه ساس
والعلم معروف له ناسه = والراس من يوم يومه راس
وعمر الردي مارفع راسه = ولا عادته يكسب النوماس
معروف حجمه ومقياسه = مايقام له وزن عند الناس

تمضي لنا بالحياه أقدار = غصبا علينا نعانيها
ويبقى لها عندنا تذكار = واحداث نذكر لياليها

قدام لا ينطق لساني = وتسمع بقلبي صدى الآهات
تحدرت دمعة احزاني = وعبرت عن خفايا الذات

تبرئي يا حروف القاف = من ضعف الأمثال والمعنا
ما احلاك لا قالك العراف = وجادت معانيه وامتعنا
مثل الذهب في يد الصراف = لنا صرفناه ينفعنا
ويسد في ساعة الميقاف = ولا تختلف وزنته معنا

في ملتقى حرب شفنا الطيب = وشفنا الأدب في مجالسهم
لعلها شمسهم ما تغيب = ولا يجف منهل مدارسهم
أهل المعزه شباب وشيب = يأنس بهم من يجالسهم
ويكسب من علومهم تهذيب = ويقتبس من مقابسهم

غصبا على الخاطر المجروح = يقبل بالأفراح ويجامل
لجل الليالي تجي وتروح = وحسابها ما يجي كامل

مجهد ومحتاج للراحه = ومشاهد الورد والكادي
في سفح عالي من الباحه = مشرف على الروض والوادي
الرد من الشاعر ماجلان =
خذني ولي روح طماحة = في جوك الرايق الهادي
بسمع جديدك على الساحة = والطير فوق الشجر شادي

عبره بالأعماق محبوسه = من خوف تكشف خفايا الذات
اللي لها سنين محسوسه = واعيشها معظم الأوقات

البدع من راشد الزهراني المحيط =
لاسار نبع الموده قل = ولا بقي ود في نبعه
ياذات الافهام كيف الحل = في ود غير معي طبعه
الرد من الشاعر الكبير شاعر =
مافيه ياصاحبي مكمل=ان كان ماللفكر جمعه
تفصيل وان كان بالمجمل=فيه الهوى تذرف الدمعه
رد اخر من الشاعر القدير ابو سالم الرحال =
من لايجل الموده جل=كبه ياراشد لاتتبعه
ما يوم هذخليل وخل=يسيرمادام ذاوضعه

وقعت فالموج يا فرعون = اللي وسيعه محيطاته
مسكين مافيه عندك عون= يوقف معك ضد موجاته
وربي جعلني بهذا الكون = سلطه على الشر وآفاته
اصون منهج حياتي صون = والشر ما ابدى بزلاته