ليت إنتعامل كذا فالطيب = نمشي على الحب كالاخوان
لاشك فينا ولا تثريب = ودرب المودة لنا عنوان

تعال قلي عن أشواقك = عبر غرام المحبة لي
ودي حنانك ومشتاقك = والبعد نار إتوقد بي

وكاد مافي احد مرتاح = الكل يشكي من همومه
الي سنينه اسى واجراح = واللي فقد خير إنجومه

طال انتظاري وانا استناه = لحظة من العمر يسعدنا
والوقت طول ولا شفناه = ماغير زاد الوله عدنا

ياعزة النفس ارتفعي = لاتجادلي كل من فزك
لاضر فيها ولا نفعي = وتبقي على الدوم في عزك

محتاج قلبي هوى طيبتك = لازال حبي لكم باقي
تعال عيني إشتكت غيبتك = لاتزيدفي حرقة اشواقي

لولا غلاه يسكن الانفاس = مشقيت نفسي على حضوري
قلبي وروحي مع الاحساس= تموت دونه في منظوري

ياليتها يوم زارتني = حست بقلبي وخفقاته
كل العبارات خانتني = ضاعت بنا فحوج أوقاته

مرت بنا اعمارنا وراحت = وسنين تجري وتطوى طي
اجسام جاها السقم طاحت= وعيون دوبك تناظر شي

ياليتني كنت في عيونك = واشوف نظرة عيونك لي
ياهل مثل عيني يغلونك = ولا جنان المحبة بي

لاتقول قول الزرى ويحرجك = قدام ناسك وخلانك
من قوم أهل القدر يخرجك = إحرص قبل ينطق لسانك

يامن فدرب الهوى لمتو = ماعرفتو طعم المحبة كيف
والله لو يوم له ذقتو = ماكان قلتو عليه من زيف