بالله يانجمة السمار=قولي لودي كفى هجره
القلب مايحتمل ماصار=ياصل وربه.عليه اجره

يامن رحل مع غروب الشمس=برعاية الله يامسافر
الشوق يحمس فؤادي حمس=والبعد ياحبيبي كافر

لاتشكي الجور ويضيرك=نكران من كنت ترجيهم
انته غريمي مهو غيرك=ياقلب ماطعتني فيهم

اشتقت لك و المشاعر شيء=ماهو بيدي ولايدك
لاتحسبنه غلاك شوي=اتحمله لو بدى صدك

انزل من العين لوتسمح=ماهو مكانك بها والله

لاصرت لحساسها تجرح=تبقى لها مثل خلق الله

ياليت لو للبشر منخل=نذرابه النذل والطيب

واللي سقط منه مايشكل=ينثر مع الريح ويسيب

ليه الشقي لابغا يرتاح=يدمي له الوقت بجراحه
وكل مالفرح في عيونه لاح=يقتل على ايدين سفاحه

كل المصايب تراها تهون= الا تبلد مشاعر قلب

اليا تبلد. وش تجنون =غيرالشقى والعنا والغلب

خذني معك في دروب الشوق=ياقلب لاتغادر الحالك

الطف بدمعة نثرها الموق=وحال/ن/ من الشوق متهالك

ليت الحزن للبنادم فيه= تاريخ مدة صلاحيه

حتى لا من انتهاء يرميه=ويحيى حياته طبيعيه

ياعاذلي مابها بعدين=خذها جروحي وجربها
حتى تحس بعذابي زين=ونفسي تجنب معتبها

ليه عذر لاجفيت النوم=اسامر الليل ونجومه

اشوف. طيف الغلا مرسوم=صورته بالجدي مرسومه

وين التقي يالخلايق قلب=مايحس بالهم لو مره

ولايشتكي من همومه غلب= مرتاح والوقت مايضره

قلبٍ تعلق بأمر الرب=ودنياه بالزيف ماتجره
مؤمن حياته أخذهادرب=للأخره يعرف مقره

احسنت رد المثل ياذرب=لكن الارواح في غُره

ياكم مؤمن شكى من كرب=عايش زمن. يوم ماسره

دنيا كذا ياكحيلة حرب=ومن يبتلى ماحرم اجره
وكل مشرقه راجعه للغرب=ومن غيرنا ناخذ العبره
انعيش فيها عباد الرب=في درب ألأنصار والهجره
ومهما حصل للبشر من صعب=جني العسل من بعد صبره

منهم تشبعت بالاجراح= وعنهم ضمير الوفا غايب

من حبهم .قل متى ترتاح=ياقلب وتقول لي تايب

بانت مقاصدك ودروبك=حاراتها معتمة يا اخي
مقدر اجاريك بسلوبك=لازال يبقى ضميري حي

من فلها والزهر والورد=نسقتها باقت اشواقي

فيهادفاء. عن صقيع البرد=يحويك في داخل اعماقي

كم نفتقد بالحياة احباب=بفراقهم نفقد الراحه
القلب لفراقهم منصاب= وبشوفهم طب لجراحه

قلبي عن الود في معزل= حتى تملكت وجدانه
واعطاك كل الغلا واجزل=ياكيف ماتحس بشجانه؟!!

سنين والشوق يلعبي=من غلبة الود ياغايب
واليوم في مملكة حبي=حفلة ولا غيرك الصاحب
اعلن مراسيمها قلبي=واقام لك حفلها الصاخب
على نغم اااه ياغلبي= لاتحسب ان الغلا كاذب

قلبي ضناه الآ لم و الهم=من بعد فرقا محبينه
كل ماجروح الفراق تلم=يفتق بهاالحزن. في حينه

اصحى ولا تنفخ الجمره؟=اللي بروحي وتبكيني؟!!
لاتحسب ان الغلا عبره؟!!=انساك لاسبلت عيني؟!!

ليه وطن فاق للأوطان=اسمه بلاد السعوديه
به نفحة المسك والايمان=والامن وايات متليه
مافيه جماعة الاخوان= ولا احزاب ولا نصيريه
والحكم دستورة القران=مهو قوانين وضعيه

ترقرقة دمعتي بالعين=انته سبايب ترقرقها
قفيت ماقلت ليه وين!!=ماتدري الروح سارقها!!

كلٍ بدنياه له مغزى=يسعى لتحقيق غاياته
وانا اللذي بالوجود ابغى=غلاي مايشكي اهاته

يانسمة الليل مريتي=على فؤاد العليل وطاب


لجلك من اديارهم جيتي=احباب نالو غلاي احباب

تثاوب الليل بدماسه=وايقض بروح المشقى شوق
وردد لا اللاهات بنفاسه=لافراق غالي عليه يتوق

مهما تعذب لها ماتلين=روحي . وتشتاق يا غالي
متمرسة بالعذاب اسنين=فاقت على عمرها الحالي

العام نفس الشهر واليوم=فارقتها. روح مضنوني

ولازال دمع الفراق يروم= للخد ومعانق عيوني

الله ينكد عليك النوم=يامنكد القلب بعلومك
اعطيك علم العرب واقوم=وتعيد من قل مافهومك

اليا متى يادروب الود=وانتي من الناس مجهوله

واللي عبر في طريقك لد =واليا مخارجك مقفوله

لوكنت جالس مع الجلاس=العين لي تفتقد عينك
من لهفة الود والاحساس=تقول يحبيبي وينك؟

كل ما خياله بفكري دار=تملا دموعي محاجرها
كن اللقاء والعناق الحار=حاضر بكامل مشاعرها

كل ماتكامل نجوم الليل=يسر يبي الشوق لدياره

ويعلل لخاطري تعليل=اللي به اشواق جباره

اجرح وبالجرح لاتبالي=يطيب ولا عسى مايطيب
هذا هو القلب يالغالي=منك انت يستعذب التعذيب

ارجوك لاتكثر عتابك=يكفيني البعد ياعيني
احسب الوقت بغيابك=اطويه و القاه يطويني

كنت اتشره عليك بود=ماقولها قدم خلق الله
ومادام ضايع معاك الجهد=ماعاد تفرق. معي والله

خذ من خفوقي حنانا الود=اللي صدق لك بتعبيره
وازرع بداله جفاك وصد=من شان ماتعيش في حيره

قلبي1 والاشواق2 وهمومي3= تكاتفتو في عذاب الروح
يالين طرفي. جفى نومي=وارسل دموع العذاب. ينوح

كحيلة حرب=

هل للقلوب الجريحه طب=ينفع معاها ويبريها؟!!!!
وتعيش باق العمر في حب=ولاعاد تشكي مـأسيها

الهيثم=

في وقتنا اليوم هذا صعب=الناس مكبر بلاويها
يكود يلطف عليها الرب=ويردها في مباديها
قادم من بعيد=
صبيت كل المعاني صب=ورسلت اسماء معانيها
ماظن باقى علاج وغب=فقلوب جرح الاسى فيها
لانه الشوق مهما هب=مايحسها غير راعيها
البعُد ناره معانا تشب= والقرب باحساس يطفيها
بخيتان البشري=

كانه نسيم المودة هب = بيرادة الله يشفيها
وكان المجافى مراره صب = تبقى 0 واهلها تداريها
الحر الاشقر=

تطفى عروق الغــلا وتشب= في قلب منهو مضريها
وتبطي حروف الشعر والطب= اتعالج اللي حصل فيها