مبادئ المرء دستوره = والكل يمشي حسب مبداه
ومسكين من غره غروره = وماله وزين الزمان اغراه

صب الهوى كاسه الصافي = وقال لي يامعذب ذوق
وقلت له يالغضي كافي = من ذاق كاس الهوى مايفوق

ما احسب فراق الأحبه نار = اقل تذكار يحييها
ووقودها الشوق والتذكار = وذكر المحبه وطاريها

به من جمال الطبيعه وصف = وبه من شموخ الجبل صوره
واحساس كله حنان وعطف = من حسنه الروح مأسوره

تقنعوا في قناع الزيف =واخفوا علينا حقيقتهم
وقالوا زعلنا سحابة صيف = ياكم الأحباب مرتهم

إحساس لا مس مشاعر قلب = ساعة صفا بيني وبينه
ماقلت يقلب حياتي قلب = واشتاق لمشاهدة عينه

لاجاتنا من حبيب محب = كيف انتعامل مع اخلاقه
وكيف نلقى لجرحه طب = واذواقنا توافق اذواقه

خذ من زمانك صفاه وروح = عن حاظرك واترك الماضي
لا تعيش مثلي بقايا روح = في حال ماني عنه راضي

سلام ياعايش الحربي = مع وافر الود والتقدير
طيبك ومعناك اثربي = منهج عليه الرجال تسير
نسمة نسيم الهوى الغربي = منها على خافقي تأثير
تيارها مر وابحربي = في نطاق دوامة التفكير

يامن لكم بالوفا دربى=ترحيب مع وافر التوقير
ذات الأدب فيك متربى=منهج عنه مثلكم مايدير
شاذى نسيم الهوى العذبى=عليه كل القلوب تغير
يبحر بالأشجان لا هبى=وياكم فيه العقول تحير

يا أهل المعاني ورسم القيل = يامن لكم فن من فنه
من يكثر الظن والتأويل = لا تساعدونه على ظنه
ويخطي على أهل المثل ويميل = ويخلف معانيه عن قنه
ردوه بالنصح والتدليل = ولا تقصرون الجهد عنه

عدي وفي خاطرك لا تشيل = النذل ياما يجي منه
لا تنزعج لا عترضك خبيل = او طفل غره صغر سنه
طايش مايوفي كفوف الكيل = ويظن بين العرب إنه
مافيه مثله في هذا الجيل = إنه وإنه ولكنه