|
حزام ناسف= سلام ياكاسبين الطيـب =من بعد مازان لي معناه أقول ماعنٌكـم تجنيـب = يابشر ياهل الوفا والجاه بخيتان البشري= يامرحبا غاية الترحيـب = من هاجسي خاطري غناه تشريفكم للبشور يطيـب = عزيز مثلـك ولانشنـاه حزام ناسف= تبقـون طوعتهـا تهذيـب = والكل يدرى علـى ممشـاه لاجل الخبر تحت ناب الذيب = اللي على الضلع لج عـواه بخيتان البشري= نشيد بأهل الوفا ونهيب = والعاقل الدرب مايغواه ياذيب عطنا على ترتيب = علمك وبيّن لنا فحـواه حزام ناسف= يامرسلي فوق وارد جيب = أنصى بخيتان في مشحاه قله معبد شباب وشيـب = يرجون والأجر لاتنسـاه بخيتان البشري= الله عسى العاقبات تصيب = وتفرّح الكل في منجاه قدام هذا الخبر لاتجيب = ومن بعده السعو ماهملناه حزام ناسف= اللي حصل أمـر عالم غيب = واللي كتب ربنا نرضاه ومـن يــمكـم مـالحقنا ريب = والكـل مــنا يحث خطاه بخيتان البشري= ثقتك بالله بك لا تخيب= والآدمي ما كِتب له جاه دعوة بالأسحار رب مجيب = برحمتة مطلبه لباه شمس الآمل شارقة متغيب = وما راده الله بنا سواه عسى جروح العباد تطيب =واللي رجآله رجا يلقاه |
العبيدي= تكفين تكفين يآرسآله=قولي لهم قلبنآ مشتآق يمكني قصّرت فوصآله=بس الفكر يمهم منسآق بخيتآن البشري= اخوك نشبان في حاله=منكم ترى خآطره مآضآق دايم وشرواك في باله=ياصاحب الشوق والأشواق العبيدي= الله يسآعدك فالحآله=يآهم يآغلب او فآفرآق انت عليك الصبر نآله=لآبد بعد الغروب اشرآق بخيتآن البشري= مايوم فكرت فهماله=واصبر على شئ ماينطاق اقوم واقعد فأقباله=ومع كل هذا معي ماراق العبيدي= انا ادري انه معك عاله=يجرحك والجرح ذآ حرآق خله بذكره على فاله=وخلك على مواجهه سبآق بخيتآن البشري= ماطابق اقواله افعاله=منه الحزن داخلي اطباق اصبحت مرمي على جاله=عاشق وقلبي معه عشاق العبيدي= الصبر لابد تلجاله=مآدآم قلبك بهم خفآق العشق معروف من طاله=يلقى الصدر من وداده ضآق بخيتآن البشري= الصبر من كثر ماعناله=ليا شافني يقلب الأخلاق يقول ماعاد يبغاله=ويرد قلبي بلاش نفاق العبيدي= غيرك تعنى وتشقآله=واصبح لكثر الحزن ذواق مير البلآ بعد مآطآله=شآف السحآبه بلآ برآق بخيتآن البشري= كل(ن) وله ذوق يحلآله=دام البشر فالحيآة اذواق مهما الزمن بعدنآ طاله=بعيش به فالحياة تريآق |
لأجلي بقايا بَشر لي عام = لا قلب لا عقل بي لا رُوح تعال شفنِي بعدك حطام = مخلوق ظلا يجي ويروح |
كيف العمل في دموع العين = اللي مطرها معي ما كف همال وبله معي عامين = من حال بيه يفوق الوصف |
راق الزمن مع همومي راق = وآنا معه بالعمر مارقت كثير صابه كماي وفاق = وأنا فغيبوبتي ما فقت بندر مستور البشري= زيد الصبر واطلب الخلاق = لاتقول من ذا الصبر غلقت الشاعر الفاهم العملاق = لابد يصفي معاك الوقت |
يقول نبغى انفتاحية = فنظامها اختلاط وأنس مايدري إن الأباحية = اساسها بختلاط الجنس |
أبـــــو ذيـــــاب = سلاااام يامنتـدى المعيـان=مركـاز ياصفـوة الشعـار ولحن الطرب يوم أنـه زان=جينا نشـرف هنـا بالـدار بخـيـتـان الـبـشـري= ترحيب يرجح به الميـزان=في دار الأجـواد بالأخيـار الليل مـن طيـب الألحـان=اعزف لنا القيل دون أوتـار أبـــــو ذيـــــاب= محفوظ لك فالحشى برهـان=من عذب حرفك لنا ياجـار والأن من فكـرك الميـزان=وسط الحشى هم زاده نـار بخـيـتـان الـبـشـري = لك عِرف لك معرفة لك شان=وطوعت حرفي لكم بوقـار الفكر يازن ليا شـي بـان=ياليت تكشف لنـا الأسـرار أبـــــو ذيـــــاب = قلبي بنار الأسـى بركـان=ومن هاجسي زاد بالأعصار كيف ؟؟ أسعد الود يابخيتان=من بعد ضاق الأمل بحصار بخيتان البشري= لاتصير في جمرها حرقان=ولاتوه في سكة الأفكـار ابحث فمكنونه الحيـران=يمكن تلقي خبر لك سار أبو ذياب= عيني تشوفه وانا زعـلان=ولا شاف يتجاهل الاَنظـار عيا يطيـع الـذي شفقـان=ويجبر بخاطر هوى المختار بخيتان البشري= دامك على ودهم ولهان = لاتكون في ذا الأمر محتار سامح وخلك معه نيشان = لوكان حضرة جانبه جار زيده وفا وانت به كسبان = وتجني مع الطيب كل اثمار ولاشفت بدل بها نقصان = انساه لاترتجي غدار |
بخيتان = سلام يمشي على قـدام = دايم وهو ريوسه مفصول بأهل الوفا للوفا مقـدام = دليل واضح وله مدلـول ابوذياب = يامرحبـا وبيننـا رد دام = ولو غبت ذكرك لنا محلول وافي وعزك لنـا سنـدام = شرواك ياسيف يا مسلـول بخيتان= عسى البقا والرجال حشـام = تلحـف اقوالهـا بفـعـول انته وأنا أصحاب مانا أخصام = نبى انتخاوى فـدرب يطـول ابوذياب = جتني معانيك ياضرغام = يامروض الحرف يالاول ولأن هات المعاني نظام = نبحر برسم المثل والقول بخيتان = أختار منـا أميـر إمـام = يمكن نصل عالم المجهول لاشك تعرف هدفنا هـام = ومخاطره للعقول تهـول ابوذياب = أيام فـي دربنـا أحكـام = و أكيد الأسباب تلعب قول والأن يامترجم الأعـلام = عطنا وحنا نجيب حلـول بخيتان = أختار لا تطري الأيـام = بعدين في أمرها بنجول قدام ناقع سوى فخصام = لابد واحد يجي مسـؤل ابوذياب = حشمة جنابك نقوم قيـام = بالفكر والحل بالمعقـول وانا معاك فساحة الأعدام = والجد بنعلاَجه بصمول بخيتان = الآن ملزم معي إلـزام = وتنفذ اللي عليه اقول مابين جنة ودنيا حطام = تفجير سيارة المسؤل ابوذياب = نمشي ولو طاحـت الأقـدام = ونسعى على وضعنا المغلول أرهـاب ياشينهـم إجـرام = ماشين في دينهم بنزول |
لأجلك قبلت الصداقة لي = صديق صادق مصادقني بشرح لك الحال بالملي = واصحى تجامل وصادقني |
عشت الأمل فالحياة جروح=تنـزف بألآمهـا ضـدي واللي سكن في صميم الروح=حظي بلقياه متردي |
الساعة الآن 10:07 AM |
Powered by vBulletin® Copyright ©2000 - 2025, Jelsoft Enterprises Ltd. Designed & TranZ By Almuhajir