|
بخيتان البشري = سلام وانته من الاخيار = والعرف والقن حاويها ودي معك فالمثل مشوار =بحروف نرسم معانيها حرب = ترحيب وانته مـن الاحـرار = الـلــي ماتـخـلـف مـبـاديـهـا في ساحة الشعر والشعار = ارســـم حــروفــك لـقـاريـهـا بخيتان البشري = تبقى ويبقى الوفا معيار = لأهله في كامل مساعيها دارت وحارت بي الافكار = وارست في شطك سواعيها حرب = يامـعـدن الـطـيـب لاتـحـتـار = ياللـي لـنـا الـحـال شاكيـهـا ابغى استمع نشرة الاخبار = الــلــي مـانـعـلــم خـوافـيـهــا بخيتان البشري = يابو عمر من سماها نار = تمطر وتضرِم باراضيها دُخانها يحجب الانظار = عن جمر حرّق مطافيها حرب = الله يـجـيـرك مـــن الاخـطــار=دنــيــا.ومــكــثــر بـــلاويــــهــــا لكن عسى اللي حصل.مرّار=ازمـــــــه وربــــــــك يــعــديــهــا بخيتان البشري = يحميني الله من الاضرار = ويحميك 0 مكثر مضاويها تناقلت وقربت للجار = تطحن رحاها فأهاليها حرب = جبنا حروفك يمين يسار=لـكــن مـاجـبـنـا مـغـازيـهـا يعلـم بهـا عالـم الاســرار=ويعلـم بـهـا قـلـب كانيـهـا بخيتان البشري = كان الفكر في حروفي حار = بظهر بقايا مواريها دايم وهي قبضة الاشرار = حتى القتل مايساويها حرب = اخبـرك ياصاحبـي هـودار=واجـــب قضـيـتـك تنهـيـهـا ان كان تقدر تجيب الثار=احــقــوقــكـــم لاتـخــلــيــهــا بخيتان البشري = ياحرب وين الفكر بك دار = ما اخبرك ترمي وتخطيها قضية الكل يابيطار = عن واقع العُرب راويها حرب = مدري عتبنا على الابصار=والا عــلــى بــــال راعـيــهــا اصبـتـهـا والـمــلا حــضّــار=لجـل ايـش خطّيـت راميهـا بخيتان البشري = ماينتمي للطريق الضّار = اللي يحسّب قوافيها وابن عرابي من الخُبّار = للهاوية مايودّيها حرب = ماجهل معانيك يالمغوار= فـثـالـث ردودي مـوفّـيـهـا قلـت الحكومـات والثـوار= وقلنا عسى الله يسويها بخيتان البشري = اخفيتها يالحليم القّار = ولِحقتها في تواليها واوفيت ياوافي المعبار =ومني تحية لك اهديها حرب = صارت صغار العلوم كبـار=ولاادري وش اللي مجريها ومــادام مـوجـود لـلأشـعـار=نــقـــاد كـــــلً يــثـــق فــيــهــا أنـا مـعـك حـسـب ماتخـتـار=تـكــفــي قـــــرارت قـاضـيـهــا وصلاة ربي على المختـار=شـفـيـع الأمــــه و هـاديـهــا |
لا يا بعيد المدى 0 (والماد = كل ما قربنا (بنا ) يبعد) ونلقى مدى بُعدنا بك 0 (عاد = لبُعد به (مادنا )0 وابعد) |
في شكلها متسع مافيه = مساحة الصدر بالداخل وتاسع مدينة 0 ألم يحويه = لو شوفها كان بالساهل |
اربع مراحل حياته هي=يتيم 0مقهور 0 ومثآبر والرابعة صار يبكي حي = محروم من شوفته صابر |
تكتب عليّه قسيمة ليه = ياعسكري مالها داعي واللي مخالف لأنه بيه = تسامحه دوم وتراعي |
كنت انتظر وانتظاري طال = حتى تجاوز شهور وعام وباقي معي ينتظر لازال = لليوم 0كملت ( 6 ) اعوام |
ليلي معك ما انتهى لو راح = وانته وانا عن بعض رحنا يبقى نسيمه علاج جراح =وبصمة مع العمر ما عشنا |
صاحبك لاتخيب هقواته = احفظ معه قدرك العالي لاكثرت الرجل هفواته = يلقى بها رخص لو غالي |
تركي البشري = أبختصر لك حروف الحب = حسب إجتهادي وخبراتي كتلة مشاعر تهز القلب = والله يعينك على الآتي بخيتان البشري = أنا على عكس ما ترغب = بشرح تفاصيل مأساتي لا روح لا جسم لا تعجب = هذا وأنا في بداياتي |
بخيتان= المشتكي لو شكى يلقـى=من يستمع في معاناتـه من جُور منهو عليه القى=القبض وأستملك لذاتـه سالم البشري= المشتكي لاشكى يهقى=مانتركه في متاهاتـه ودام الأمل فيه لايشقى=الجور تقصر مسافاته بخيتان= ياستاذ رفقى بنا رفقى = الوضع صعبة شُروحاته أعرفك لرموزها ترقى = والمشتكى تفك شفراته سالم البشري= لساع يابادع الطرقـى=المشتكى فـي بداياتـه وش سبب الآه والحرقى=حتى اجتهد في مداواته بخيتان= من بعد ماحظنا استلقى = ضيع على القلب فرصاته البُعد سبب لنا فرقى = مع من تعلت مداراته سالم البشري= إن كان قلبك لقي وفقى = سهلة بقية مهماته البُعد مايعتبر عوقى = عن ودّ تبغى ملاقاته بخيتان= كل ما انفتح للوصل مسقى = جاء من يحول مساراته من غرب بيردها شرقى = حتى تجي حسب رغباته سالم البشري= مايستهم حايز السبقى =لو حاولوا في إعاقاته لاصار ودّه وفي 0 يبقى = راع الحسد دون غاياته |
آهن على الوّد لا استملك = وآهين من بُعد نحّابه في واقع الحال له تملك = لكن غايب ماتهنابه |
من غاب يرجع بعد ماراح =لاينشغل فكر لحبابه مقفله لو تجيه رياح = الهجر 0 ماينفتح بابه صبره يعالج به الأجراح = القلب لو كان شي صابه لشوفهم برق عينه لاح = واقرب من الروح لثيابه عارض تفاجأ به الأرواح = احيان ما نحسب حسابه عن ما كتب كاتبه ماباح = للي قرأ الحرف في كتابه |
بخيتان البشري = سلام والحبل لا شدوه = اهل الوفا مايعقدونه وباب الخزى كل مافكوه = اهله 0 عليهم يصكونه علي عيد = ترحيب بالوافيه مدوه = وانته من اللي يمدونه من قبل ذا الباب ماعتادوه = وش حدهم لين يعطونه بخيتان البشري = تبقى 0 وطيب النبا حدوه = عن منهجه مايريدونه كل مايشيد البنا هدوه = غلب على الفكر يبنونه علي عيد = بالك فبحر العرب شربوه = وكلآ ملا منه ماعونه والفكر كل ماضمحل اسقوه = اوجاج 0حالي يقولونه بخيتان البشري = بحر العرب للعرب عدوه = عمقه حوى دُر مكنونه وما استخرجو منه به ردوه = في حوزة اللي يعرفونه علي عيد = مخصوص دره لمن عاموه = لؤلؤ وياقوت يجنونه وذولاك لافيدهم جابوه = مافي شواطيه يقنونه |
ياصاحبي لا تلد العين = فيني وأنا فيك ما اصدق زحمت نفسك مابين وبين = نطق وأنا عنك ما أحقق |
المستشار = لاجا خصيمك على مرماك =وبندقك توك ملقمها تاخذ بثأرك على ماجاك = والا تفاوض ويفهمها بخيتان = تصمد وعقلك إذا قداك = تخيط للمشكلة فمها وابليس لو ماعماه اعماك =وفرصتك واجب تغانمها المستشار = حيرتني هب يامقواك = ومعاي ضاعت معالمها اسألك والامر مايخفاك =واجابتك لي ملغمها بخيتان = اللي سألته جواب اعطاك =وميزته لك معلمها مبداه ماتوهه مبداك =زي ما استلمها يسلمها المستشار = لا الآن مابان لي مغزاك =وقعت 0 كمل وختمها يا استاذ فالقيل ما اتحداك =طبيبها وانت عالمها بخيتان = على حسب مابديت افتاك = بلثامها لك ملثمها كل ما تعنا الوفا عناك =وانت التقرير ترجمها |
بخيتان البشري= في عتمة الشوق طرفـي تـاه=واحيـى بصيـص الامـل نـوره رجّـــع بـحـسـنُـه بــعــد مــاتــاه=طرفي 0 وركّز على الصوره ناصر الحجوري = ياحضك اسمك على مسماه=بخيتان والبخت في حضوره هــذا بـخـت زيــن ويــن الـقـاه=وابـــشــــر الــقــلـــب بــــســــروره بخيتان البشري= قولـك ورد وانفهـم معـنـاه =وغاية مساعيك مشكوره الــمُــر ذقــتـــه قــبـــل لااراه =وكـلٍ مـع الـحـظ لــه دوره ناصر الحجوري = اللي قبل لاّ تراه انساه = داريه لاتجرح شعوره عينك ترى ماتشوف بلاه = اللي برؤياه مسحوره بخيتان البشري= ياناصر الوقت كم خباه = حتى اخرج الرجل من طوره تنسى زمان الآسى والآه = كل ما الفرح سجل حضوره |
حافظ لك الود يا إسمك = كذا كذا خاطري مشروح سِمت الهوى وصابني سهمك = حتى انتشر فالجسد والروح نادى خفى الوّد من يمك = يزهم على ونة المجروح ابكى الهوى0 بعد ما ضمك = ليلي 0 وحلم الغرام ينوح |
ياسيد دمع البكى مني =بين الفرح والفراق الصعب في ظرف ساعة تمكني = كيف اعزله بعد ما استصعب |
يمكن ويمكن ويمكن لا=ويمكن كذا ماحصل يمكن لكن ماهو حرام اهوى=حرام فالقلب ماتسكن |
:0756:==
:0756:== :0756:== :0756:== :0756:== اصحاب في حضرة الاصحاب = مرو على اصحاب واغتابوا ياللأسف كلهم اللباب = لكنهم وقتها غابوا :0736::0736::0736::076::076::076: |
لازال فيك الالم غامض = وحارو معاي الاطباء فيه غير ارفع إيدّي للحافظ = واسأّله حِفظ اللذي راجيه |
بخيتان البشري = سلام سالم معه تسلم = ياناصر الظالم المظلوم في مثل ذا اليوم لو تعلم = ما اوجدت حرفي من المعدوم حفيد الحجيري = ترحيبة المسلم لمسلم = يامرحبابك عساك تدوم حرفي يجاوبك اذا تزهم = فاليوم هذا وفي كل يوم بخيتان البشري = تبقى بما إنك الملهم = ونسمع عن المهدي المزعوم في وقتنا 0 ومنك بستعلم = نبأ بأن الطيور تحوم حفيد الحجيري = لا زال حرفك لنا مبهم=وما زال سد العلوم علوم افتاك من قال لا اعلم= يامن فوسط البحور تعوم بخيتان البشري = شاعر معانيه لك سلّم = واعطاك من دُرها المنظوم لاجل إنه الصعب بك يُفهم = يامن تعليت بين نجوم حفيد الحجيري = ونعم وحرفي كما المعلم = بالعرف والمعرفة مرسوم لكنك استرسل واقدم = حتى البنا فوق ساس يقوم بخيتان البشري = ما نكتبه حرفنا مالم = انته وانا بجودته مختوم من ساس وقياس متكلم =واحد وخمسين له معلوم 290 لو تنضم = مع اليماني بعدها تقوم عطيتك الصك لاتحلم = تمطر سما لامزن لا غيوم حفيد الحجيري = آنـــــا مــعـــك لــيـــن تـسـتـسـلـم=وانــتـــه وانـــــا فـالـمـلاقــا قـــــوم ومــانــي فــالارقــام ذي مــلــزم=لــــكـــــن بـمــدلــولــهــا مـــــلـــــزوم والله أعــــلــــم لــــكـــــنّ اِعــــلـــــم=نــاصــرك هــــذا كـثـيــر حــلــوم ما اصدقه لو حلف وأقسم=مــخــرفّ ومـهـديّـنـا مـحـشــوم |
بخيتان = بعد الفكر مانشف ريقه = يطرد سراب الرجا ضميان هل الامل صعب تحقيقه = مع ياس كل ما ختفى له بان سالم ابو صليب = لو الامل عز توثيقه = والوقت ماوالف العطشان لاتعطي الياس توفيقه = دنيا البنادم فرح واحزان |
الرايس = ســــلام يــاعــد هــــذا الـجـيــل=واستسمـحـك يارفـيـع الـشـان ابغى اكتسب من جنابك قيل=واقــــول شـجـعـنــى بـخـيـتــان بخيتان = ترحيب من شاذلية هيل = لرايس انقدمه فنجان ابشر بعذب الرها تبجيل =اليا ابدأ القاف ياشيهان الرايس = عسى البقا فيـك ياحلحيـل=ياعـد يـروى بـه العطشـان جيتك عجل بعد هد الحيل=من لوعة الصد والهجـران بخيتان = لاباس ياللي نصيت سهيل =يالشاكي الباكي الحيران عجلت لكن بلا تفصيل = قافل على وضعك البيبان الرايس = آنـاغــرامــى ســرابـــه لـــيـــل=وقلبى على ملايمه شفقان واللّى احتملته من التنكيـل=زايـد عـلـى طـاقـة الأنـسـان بخيتان = لاتصير مابين حط وشيل = إن كان أملكّ النهار يبان وإن ماترجى مزون تخيل =اتكل عوضها على الرحمن الرايس = ارى مزن وارتجيه يسيل=ويعـود ودى مثـل ماكـان لأن شوقـى عليـه مهيـل=ولللأان مانى منه قنعان بخيتان = يبقى الرجا في إعتدال الميل = تستّر من شوفه الاعيان والصعب لنه لقي تذليل =مابينكم . المصافا زان الرايس = اخشى جروح الصدود تعيل=وعلاجـهـا ماحـصـل لــلأان حتى الأمل فالخفوق اغتيل=وخـالــف الـظــن والحـسـبـان بخيتان = خل التفاءل معك قنديل = يطرد وحوش الظلام الجان وامسك طريق الصبر لاتحيل =يمكن يجي للاماني شان والياس خله مسافة ميل = قدام ينتابك الحرمان دنيا البنادم ياكم تكيل = وكم عيشتّ بالفراق اخوان |
الوقت ودّك في بعض احيان = تخفي قسى ايامه كفوفك حتى ماتفرح عليك اعيان = مع اهلها ضَل معروفك |
يجري مع الدم ياهاجر = ودك معي فالجسد والروح كيف اعزله جاوب الحاير = ياللي مليت الفؤاد جروح |
فالشارع العام والفرعي = كم صيدليات للنهدي وزاهد ومزهود مع مرعي = وكيلهم 0فالبلد يعدي |
ياللي غرامك بطعم التوت = يتذوقه 0((طيف))0 وجداني ببقى مع الطيف لين اموت = دامك على البُعد تحداني |
حبي لقى في ودادك طب = يبري آسى محتوي ذاتي كل مانسيم الشمال يهب = اذكر معك اجمل اوقاتي |
كل مابدى جرح لعيوني = وإن لك سبب فيه اياً كان لاجل معزتك في نوني =اخفيه واغمضّ الاعيان |
من كثر ودّك وتقديرك = احفظ رسايلك لا وصلت وكل ما استجد حرف تعبيرك = كل ما الاحاسيس ((بك ضحكت)) |
عبيد السالمي = ياصحابنـا يـا هـل الــوادي = يالي لكم بـاع فـي الكسـره اصيـح فـي الوقـت ونـادي = وش امس واليوم وش بكره بخيتان البشري = مابيـن مـرسـول ومـنـادي = بنـحـاول نـوصــلّ الـفـكـره ماضي وحاضر لنا بادي = ومستقبل الله عليـم امـره عبيد السالمي = أن جاء عرب تعرف الاقادي=تاخـذ مـن الـي مضـى عبـره نفـوس فـي حـرب وجهـادي=ولاحداّ ضمن فالزمن عمـره بخيتان البشري = شفنا على روس الاشهادي = حقد وحسد ما انطفى جمره للفانية حبهم زادي = ونقول على الله الدبره عبيد السالمي = يالله في برقّ ورعـادي=يعوض الي نفـذ صبـره أيـامـنـا حـــر وبـــرادي=والأرض من مابها غبره بخيتان البشري = بعطيك من حكمة اجدادي = قبل القلم يفتقد حبره قدام لا نسمع الرادي = ونسمع معه موجز النشره يوم الفقر عاش جلادي = ولا احدن سلم واتقى شره ما مات مخلوق من زادي = وغصن الهوى مانجبر كسره عبيد السالمي = الـلـي فــداء جـدكـم فــادي=وانـتــه عـلــى جـرتــه واثـــره تـاريـخـكـم هــــز الاوتــــادي=وفـخـركـم زاد مــــن فــخــره والـــشـــرع والــســنــه للهادي=واهل الحسن والحسين اسره لــوزودو ضـعــف الاعـــدادي=نــاويــن حــــج بــــلا عــمــره بخيتان البشري = الاجودي ولد الاجوادي = الدرب يمشيه ماغره ياللي على الحيد ماحادي = والصايم افطر على تمره باحكامها ناصل المادي = لو فُرسها كرة وفره ولو ينهدم قصر بغدادي = وفراتها جف من نهره عبيد السالمي = الوقـت لـه قطـع وامـدادي=ولابـــد بـعــد الــرخــى زره وحديث مجهول الاسنادي=يـــضـــر راويــــــه مـــاســــره والـفــن لاتـحـسـبـه عــــادي=يطلـع مـن الــرأس أبـوغـره والــورد مـعـروف والـكـادي=مـايـزرعـه ســاكــن الــحــره بخيتان البشري = ايامه بياد وجدادي =ومابينها فره وكره واللي بلا اثبات و وكادي = من جابها ماحدا قره رُواد لو جاه رَوادي = من يمشي الدرب له جُره والتين والخوخ فالوادي =مرهون للسيل يعتره |
صحيح مال الهوى طبا = لو ماصفى وعانق التفكير ونسيم الاشواق لا هبا = يلغي معه كامل التعكير |
إن كنت ياودّ منحدي = على هوى النفس لاتنحد تصبح مع الوّد متحدي = وتمسي مع المُر مالك حد |
بخيتان = فالغابة المُوحشة منفى = سُوره عليه الحراسة دوم عايش وكل ما الالم خفى = زاده أنين الفؤاد سهوم المستشار = في حالكم ربنا يرفى = سبحانه الواحد القيوم وفي لحظة ارماشة الطرفى = الله نصر عبده المظلوم بخيتان = آمين وما كان بي يخفى = ولازال في خاطري مكتوم أصعب من اللي ذُكر آنفى = لا اقعد ولاعاد منه اقوم المستشار = هات الخفي واشرح الحرفى = حنا معك فالبحور نعوم عجل على مابكم تكفى = حتى معك فاللزوم نزوم بخيتان = قمت اضرب الكف بالكفى = فاللي بناء فالخيال حلوم واخلف معي وقفة الصفا = وزوّر ختم طِيبه المزعوم المستشار = مثله من الوافية يُعفى = طير الرخم خاب لو يحوم لاتحسب حساب لو قفى = تلقاه من حومته منجوم |
مشهور القليطي = سلام مني لكم ماخُص=بالحب والطيب ابداها بالشرع الي علينا نص=ويسيير الناس برضاها بخيتان البشري = ترحيب ينصى القليطي خُص = مني على الطيب مبداها على سواير وقن وحص = اليا اخطت الناس خطاها |
البيرق المنصور = اسمـع مـن الـنـاس يابخيـتـان = والسمع ماهو سوات الشوف وشــوقــي اشــاهــدك يــاربـــان = شــوق الا جـاويـد للـمـعـروف بخيتان البشري = بين الاجاويد لي عنوان = للكل فالنايفة معروف ويوم السعد لا جنابك بان = والطيب بين العرب مصفوف البيرق المنصور = بــــك افـخـتــر طـيـلــة الازمــــان = واسمي ماينقص نقط وحروف لــكـــن فـالـيـوتـيــوب ان كــــــان = تسمـح وتنـشـر لـنـا المـعـزوف بخيتان البشري = رفيع مايوم قدرك هان = عندي 0وبالطيبة محفوف لكن مابان شي للآن = وابشر يصلك متى مانشوف |
اوجدت لك فاحترامي درب = تمشيه على امل تاصل يمكن ينمي علاقة قرب = مدلولها يفسر الحاصل |
ياجار في جيرتك ملزوم = وانته خشيري وبك ملزم لايمكن اسكِنك فالبدروم = انته معي فوق لو تعلم |
بحر الهوى = لاعقـب اللـي عـلـى بـالـي=تكفون لاحد (ن)وراه يرد لانـه حبيـبـي لــي الحـالـي=اخاف يزعل وعني يصد بخيتان البشري = بالله ياطيب الفالي = شفر لنا حرف منه يسد حتى لا شفناه طوالي = نخرج 0وبعده ماعاد الد |
الساعة الآن 01:41 AM |
Powered by vBulletin® Copyright ©2000 - 2025, Jelsoft Enterprises Ltd. Designed & TranZ By Almuhajir