اذاكان عبد للكرم طوعه عمه =مضافة ارجال كلهم ما يحبونه
توصط بقلب العاصمه تقل بالقمه=ولاهمه اضيوف الشرف لويهينونه
لياحان وقته شفت به ناس ملتمه=وليا صدروا مقفين قاموا يسبونه
اذا انك عرفت العبدبالاسم لي سمه= ترى العبد مات وحالت اسنبن من دونه

انشدك عن شيخ به لصاحبه خير = فيه البهايم والمزارع والاملاك
ثابت محله لايتزحزح ولايسير = ولو ينقطع راسه تحطه بمخباك

انشدك عن رجال في فعله شجاع = يدخل بسيفه بالصفوف المظلمات
وليا حكم على الرجل حكمه مطاع = وكم من جموع خاضها راحت شتات

وشوحيد فايز باسم الوحيد =ثابت في راس غيره ويحماه
لانبات ولاجماد ولاحديد= واضح مبداه خافي منتهاه
ان ثبت في موقعه باسه شديد=وان نزل عن موقعه مثل الحصاه
شفت عود ينقله عقله بليد = يتباهى في وجوده ويغذاه

انشدك عن دين وعقبه دين = من خلقت ابن ادم وهو جاري
لك وعليك وبالزمان الشين =وعند الرخا وبحكمة الباري

ويش رجل خالف العاده بفعله = قيل هات الخيرلكن جاب ضده
طالب الفزعه ياليته مافزع لـه = يوم عقب له مثـل كـل يعـــــده

انشدك عن عدة بزور على لون =متشابهين بطولهم والوصوفي
ابوهم اللي يعتبر للبشر عون = اللي وفي وبا المهمات يوفي
اليا اتركوه ونظموهم بقانون = وصاروا لبعض الناس مثل الضيوفي
تعطّروا وصفّوا وصاروا يغنون = ليا منهم ركبوا خطات الهنوفي
كم جاوبوا من يدعي البين بلحون = قلته حسب سمعي وعلمي وشوفي

من يخبرني لعل الخير فاله = عن اعيال واصلين في عملهم
وصلهم بين العجوز ام الجماله=وبين ثنتين وقليل من يجدهم
وكل واحد بعمله دايم الحاله = يعملون بجد واربعة عددهم
تلّهم راع اللوازم من حلاله = وفي محلات العمل بيده عقدهم

انشدك عن ورع قليل فايـــده = الا ليا منك حملته فــي يــــديك
شغله تقوم به السمول البايده = لكن عن اللي ما تحبه يحتميك

فيه بنت سولفوا عنها خرافه =وانسبوها للزعيم اللي حملها
قالو ان البنت مافيها مرافه = وقالو ان البنت ماخانت بطلها
علمها مضمون باسباب العسافه= ماتحول غير تنجح في عملها