|
اللحظة اللي بها شفتك = تصنيفها اسعد اللحظات في وصفها لا تخيلتك = تسوى عمر من حياتي فات |
ماحي كامل مافيه عيوب = ماغير وجه الله الكامل مالك ومال الخلايق توب = كلٍ وعيبه له مزامل |
لولا الخطر به مخافة صمت = ما كان صمتي خطر خوفه فيما خطر للفكر واتممت = مراحل لما خفى شوفه |
بخيتان البشري= سلام واللي شكى اهوالي = ابا اشتكي لك حسب شكواه متأمل إنك بتلقالي = لمعالجه مايطابق داه علي عيد البشري= ترحيب بالجهد والمالي = مع ماقفي ياعزيز الجاه لكن جاوب على سؤالي = وش السبب واللذي عاناه بخيتان البشري= تبقى وفالمنزل العالي = وكلٍ يحطك على يمناه اقول ياطيب الفالي = طول المدى عذبه واعياه علي عيد البشري= قلي معه كيف الامالي = في حاضره واللذي يرجاه على حسب نص الاقوالي = هات الشكيه على ما ابداه بخيتان البشري= مابينها الفكر بي طالي = وكل مالعقل بينها قداه يلقى هوى النفس بي مالي = مع الذي هو سبب ماجاه علي عيد البشري= الله يعدل له الحالي = والمرء ماجور في مسعاه لاصار بالنفس ميالي = لابد عن ميلها تنهاه القلب خله مع الوالي = واصحى على غفلته تنساه دايم معه سير طوالي = العقل من يتبعه نجاه |
نِبتت 0 تربتّ 0 وكبرت لين = سرّت بها عين قانيها وشاخت وشانت في لمحة عين =وقدّمت له تهانيها |
مليـت مـن غربتـي ملـيـت=رغم إننّي داخـل أوطانـي غربة مشاعر لها عانيت =من اقرب الناس لأعياني |
جهزت للقلب مطلوبه = وكل ماطلب شي لبيناه اطفيت نيران مشبوبه = تحرق جميع الذي تلقاه نسي الأسى وعاد لنشوبه = يرجي لعله ينال مناه عند الذي تاه بدروبه = اللي نوى حرقته واجفاه مايلام في ودّ محبوبه =لو الجفا كل مايجناه لو الهوى يبان ملعوبه = ماكان احد يشتكي من آه لكن من أكبر عيوبه = يأتي معك عكس ماتهقاه وخل الامل دوم مندوبه = يمكن يصيبه بعد ما اخطاه |
ضاق النسم واستضاقت روح = انفاسها 0 في منازعها وانته ما همك تجي وتروح = مودّة القلب نازعها |
بخيتان البشري = لاجيت مايبان لي حرصه = ومهما آحكي مايكلمني ولاشفت حانت معي فرصه = اقبّله مايقاومني حفيد الحجيري = الــعـــشـــق يـحـتــاجــلــه قــــرصــــه=و إنـتَ بهـا أدرى و فاهمنـي جربّ و ركزّ على خُرصه!!!=وبــــــــــــردةّ الــــفــــعــــل عـــلـــمـــنـــي بخيتان البشري = مالـي مـعـه فالـهـوى قـصـه=ولاهـو فيمـا صـار مزعلنـي حُص الخبر ياحسن حُصه=يـمـكـن لـمــا فـيــه تخـبـرنـي حفيد الحجيري = مــبــداك نَـــــص الــهـــوى نَــصـــه=و قلبي خضر معك زلهمنـي والــــدرب مــــا نــوقــفّ فـنُــصّــه=لِن كنت لأعظم حجر تعني بخيتان البشري = قدام لا دربه تقُصه = قلبك لما فيه شابكني ولما الهوى كان ما يخُصه =وصلت له مقصدي يعني |
ابوهيا = ســــــوال بـــعـــد الـــســـلام ابـــديــــه=وابــــغــــى افــــــــادات يــاســـيـــادي أن كان مثل القمر في يديه=يـكــفــيــه والا الــنــظـــر غـــــــادي بخيتان البشري = ترحيب رسمه بخط إيديه = استاد ينصى به استادي كلٍ وعقله معه يقديه = والدين في حُكمها فادي |
مدري متى ياعنى ايامي =القى معك لحظة الافراح كل مابدى نوّ قدامي =لقدومها 0 عن عيوني راح |
ابوهيا = سلامـة الـشـوف ياخـيـي=الـلـي خــذا القـلـب يتـهـنـا اثريك في المشكله زيي=متـى يــروح العـنـاء عـنـا بخيتان = تسلم بها يابعد حيي = والله على خير يجمعنا لو اختلف عنك في رأيي = يبقى الوفا ناتجه معنا ابوهيا = أنـــــا مـــعـــك دوم مـتـهــيــي=لـــو كـــان هـلــت مدامـعـنـا أنا الاخو وانت لي خيـي=نشكي سواء من مواجعنا بخيتان = وافي عوايدك ماتعيي =وقت الطلب فيك مطمعنا خيي ولي تشتكي غيي = وجعان ماعنك يمنعنا مانع 0 ولابد من فيي = لو شمس الايام تتبعنا وتطوي آسى لازمك طيي = وفرحتك تاصل مسامعنا |
مرة في سَيد المحبة عين = ومرة بها دال لغموضك حاول تعرف اتجاهك وين = قدام لاتابس عروقك |
يالله يامطلع بالحال = تفرج هموم الذي ضاقت به الوسيعه وحاله مال = ولخشعتك دمعته فاضت |
بخيتان البشري= تـرى الوفـاء مايـعـود نـقـص=هـات الــذي مقـلـق الخـاطـر ونحص معك المعاني حص=ونمشي على القن والسايـر ساهر الليل = رصيت بعض المعاني رص=وانــا مــن المشتـكـي حـايــر انته علـى مشتكـاي تخـص=والا بــدعـــواك لـــــي زايــــــر بخيتان البشري= قـريـت فالملتـقـى لـــك نـــص=فالمـسـتـشـاريـن وش دايـــــر وجتنـي رسالـه قـبـل وتـنـص=منك العتب قول ويش ساير ساهر الليل = مـــــادمـــــت رغـــــبـــــان مــتــنـــقـــص=جــانـــي عـــتـــب وانــكــتــب جـــايـــر لاكــنــنــي فــــــي الــمــلاقــى فــــــص=اخــــبــــط بــكـــفـــي وانـــــــــا طــــايـــــر لو شفت جسمي ضعيف وعص=وقـــــت الـغــضــب اعـجــبــك ثــايـــر عـــنـــد الـمـعــانــد ازيـــــــد الـــنــــص=واتــــشـــــوف دم الــــعـــــدو كـــــايـــــر بخيتان البشري= دامك من الطيب مستنقص=واخــذتــك عــزتــك ومـكــابــر وبـلـحـيـل فـالـعلــم مـتــربــص=ودمـــك كـــذا يـتـضـح فـايــر انـتـه ونـفـسك بـهــا ابـخــص=مـن دون لاتقـول وتجـاهـر كلـن عـلـى مايـبـي يـحـرص=وكـلـن عـلـى مـابـغـى قـــادر |
سالم البشري= كيف اشتري بسمة الراحه=واريّــح الـكـل مـــن حـولــي دام الشقا مشهـر سلاحـه=فـي وجـه الآمــال قولـولـي بخيتان البشري= دام الشقى طال في مراحه=ماغيـر صبـرك بـه يـزولـي وتتلبس السعـد و وشاحـه=عسـى يجـمـل مـعـك قـولـي سالم البشري= صـابـر والافـكــار سـواحــه=في عرض الايام والطولي والحـظ لـو ضـاع مفتاحـه=هـل يُتـرك البـاب مقفولي بخيتان البشري= الـبـاب لُــه ســر مابـاحـه=حِكمـه لهـا فيـه مدلـولـي والصبر أعظم بلاء زاحه=خلك معُه عنه لاتحُولـي |
قلت الزمن قدّ مايعطي = لابد له يوم ما ياخذ قالوا في حقه كذا مخطي = انته الذي فيه مستاخذ |
علي بن عيد= ســـلام قـبــل الـصـبـاح يــبــان=ويظهـر لنـا فـى الأفـق نــوره قلبي عشق فالحياه انسان=احيى فوسط الحشـى ثـوّره بخيتان = ترحيب يطرب لك ألاذان = بلحون لاوضحت الصوره لكن قلي قليبه لاااان = واصبحت وده فمنظوره علي بن عيد= اصدر قرار الهوى بإتقان = معه الوفا حرر سطوره هايم بودي وانا هيمان = في وده الروح مخشوره بخيتان = حاول تحافظ على الاوزان = قبل الهوى يختلف دوره إرِو الزهر داخل البستان = وعيشه وّله وانشق زهوره |
بخيتان البشري = يابو علي نوّها من وين = ماجاتك الطيبة توفون سلام وانته الوفا له عين = لو كان تخطيه بعض عيون في قصر ودّه بناء دورين =والساس مايحتمل يبنون صُمم لواحد وحط اثنين =يقول عقله ماينهدّون يلعب بها في يده بنجين =بلون ميت بيحيي لون وانا معه كاشف الكرتين = ماهمني بنج له يخفون مابين الاقواس به قوسين = ماكان( (ياء) (كاف) (واو) و(نون)) معاه يورو بدولارين = بعد اصرفه مابقى مضمون حفيد الحجيري = يا مرحبا ، للوفي وافين=يا محزمي لا أعتزيت العون حرفك فنظم البنا تثمين=وعرفك فمد الوفا عربون هيضتني بالكلام الزين=وأشغلت بالي بما تطرون !! انت وصاحبك بين وبين=بين الظما والروا تسعون في حال بلحيل متصافين=وفي حال عكس الصفا تبدون لكن قبل ما نصفّ الدين=ونقول داين و ذا مديون بنمكنّ الطيّبه تمكين=والطيّبه تعادل القانون والصف ما يفترق صفين=والرمش ستر و غطا للنون |
منّ الذي فالحكم مختص = بالعدل يحكم على القاضي لو كان تاصل قِصاص يِقص = بالحق والغير يعتاضي القاضي اللي حكم بالنّص = ويصدّر احكام فالماضي إدانته بالدليل تنّص = مايحكمُه قبل ويقاضي |
لحظة بها خاطري مشروح = يرسم فرح ساعته ليلي هبت رياح الملام تفوح =سمومها هدت بحيلي |
المستشار = لجل ايش ضايق كذا ياذيب =احزنتني وانت ماتدري والله دنيا ماتسوا تطيب =نبحر بها افلاكنا تجري خل الامل في إله الغيب = يزيل ظلامها ! المزري كم قبل يشكي من التعذيب = وزانت معه فآخر الامري بخيتان = دنيا تودي بنا وتجيب = ونلقابها عُسر مع يسري صم الحجر لو تصيب تذيب = لوعات مما بنا يجري حتى الفكر اسأله مايجيب = يقول عن حلها مزري ويبقى الامل لو عيون تشيب = مما حوى داخله صدري |
علي بن عيد= ســـلام قـبــل الـصـبـاح يــبــان=ويظهـر لنـا فـى الأفـق نــوره قلبي عشق فالحياه انسان=احيى فوسط الحشـى ثـوّره بخيتان = ترحيب يطرب لك ألاذان = بلحون لاوضحت الصوره لكن قلي قليبه لاااان = واصبحت وده فمنظوره علي بن عيد= اصدر قرار الهوى بإتقان = معه الوفا حرر سطوره هايم بودي وانا هيمان = في وده الروح مخشوره بخيتان = حاول تحافظ على الاوزان = قبل الهوى يختلف دوره إرِو الزهر داخل البستان = وعيشه وّله وانشق زهوره |
ماجلان = ســــــــلام يــاعــمــنــا بــخــيــتـــان=وعـسـاك دايــم عـلـى الـراحـه نــبــغــى تـــحـــدد لـــنـــا فـــــــلآن=موعدك في مجلس الساحه بخيتان البشري = يامرحبابك ياماجلان = عسى الاحاسيس مرتاحه لكنك ارسل لي العنوان = والاسم للرجل مفتاحه ماجلان = اخـــو الـفــرح يـارفـيـع الـشــان=بــيــشـــارك الــقــلـــب فــفــراحـــه والـنـايـف الـــي كــمــا ورقــــان=معروف .. من يمة القاحه بخيتان البشري = وانعم بكم داخل الاعيان = يامكسب القلب وارباحه وتحديدها عندنا لاحان = الوقت ياصلكّ إيضاحه |
حفيد الحجيري = الـمـوتـر الـلــي يـسـوقـونـه=أكـثـر مــن أعــداد ركـابـه منهو يثبتّ دركسونه؟؟=فالخـط لا حـاد دولابــه بخيتان البشري = لا انقاد باللي يقودونه =وحاد فالخط مجنابه فاللي بهم بحلق عيونه = يثبت على حسبة حسابه |
صقر المراقيب = في وضع فيه البشر صرعا = مـحـتــاج شــاعـــر لتـحـلـيـلـه يشرح لي الوضع في درعـا = مـوجـز ولا احـتـاج تفصيـلـه بخيتان البشري = حصري لمن يتبع الشرعا = توقيتهم خايف يحيله البعض لو اعتلى يرعا = ما يخيْل المزن ويخيله |
تركي المعبدي = زرعت في حقلهم نخله = وسقيتها من عروق الدم لين الثمر بان في حقله =وانا على جنيته مهتم اخاف اخيم تحت ظله =واصبح في حكم الامر معدم كيف العمل للخوي قله = مادام غرقان وسط اليم بخيتان البشري = اللي زرع ينتظر غله = ومجودّ الزرع ومعقم وآباره موقت لفصله = وغارم وللحصد متولم والطلع يبان و يدله = ولاظنتي وقتها يندم العود من زرقته شكله = ونظرتك ماتخيب يامعلم |
مشعل الحربي = عداد مايشكـي الأهـات=راع الموده من طعونه سلام مبدي لك الغايات=الطيب والود مضمونـه بخيتان البشري = عداد مايبدي البسمات = راع المحبة لمفتونه يامرحبا ياقريب الذات = لك مد يمناي عربونه مشعل الحربي = دمعي ذرفته على الوجنات=وسـم الأسـى فـيـه مقـرونـه دام البـقـا يـأهــل الـهـقـوات=مـكـتـوب بالـعـيـن تـقـرونـه بخيتان البشري = لاباس ياشاكي اللوعات =بكيت من حال تطرونه اش سبب الآه والحسرات = اللي في كتبك تقولونه مشعل الحربي = الي معه أجمل اللحظات=قلـبـي قضـاهـا وممنـونـه اليوم يبحـث عـن العنـات=لأجـل الـي بنيتـه يهـدونـه بخيتان البشري = بلا سبب قصتك ماجات = باللي علينا تعدونه شوف الذي اخلف الحسبات =وابحث خفى سر مكنونه مشعل الحربي = حجه وعندي عليها ثبات=أشـرار فالـدرب يحدونـه واليوم قلبي من الطعنات=تزعزعت جملـة ركونـه بخيتان البشري دام الدلايل على الدعوات = معك وفيها تدينونه البينة ماتبى شرهات =ودرب السنع ماتغرونه عن الخطأ يمتنع بثقات =وبإثباتك الحق يحكمونه إما تناسيت له مافات = والا من الكشف تمحونه |
ابو ذياب = مــدام جـسـر الـوفــاء مـمـتـد=مابيـنـنـا واعـتــلا .. نـجـمــه ســلام مـثـل العـطـر والــورد=ينصاك يالشاعر .. الحكمه بخيتان البشري = يامن على الطيبة معتد = عداد ماهبت النسمه ترحيب به شوفكم يسعد =ياذيب معروف من اسمه ابو ذياب = عليـك ذوق المعانـي عــد=يامبدع الحرف في رسمه ياحـر لـو ماعليـكـم جـهـد=نبغى لطرح المثـل قسمـه بخيتان البشري = وانته على مثلها تنعد = خبير والموقف تحسمه ابشر معك بجتهد واجد = لابان منك المثل وسّمه ابو ذياب = صار الهوى لي ماله شهد=كأسـه مـن الأه فـي سقمـه ليـه الـهـوى عنـنـا مــا يـلـد=ويساعـد القـلـب فــي هـمـه بخيتان البشري = طبع الهوى بين صد ورد = ياكم ظلم الهوى عمه اللي مشى في دروب الود =تبعثره دوم وتلمه إن ماثبى يقتنع ويشد = حتى الآسى زود مايظمه وإلا يتعايش خصيم وضد =يصبر ولو زاد به ظلمه |
عارف المطرفي = ســلام مـالـه عـــدد يـحـصـى=لـو عـدتـه الـنـاس ماتحصـيـه اشكـي مـن لـي بـنـا ورســى=له بيت جوف الحشـى بانيـه جرّح في قلبي غرس غرسى=وش رأيكم وش نظركـم فيـه اسـآل مـن يـعـرف الـدرسـى=يفيـدنـي فـــي ألـــم اشـكـيـه بخيتان البشري = ترحيب في مجمله كفى = ومن طيب يالمطرفي بثنيه حالك ولاشك به ادرى = ورأينا فالامر نبديه من حال تشكيه ماسرى = أثر على القلب ماتشكيه ساس البناء كان به قرى = زيد الوفا كانك راجيه |
كم فالهوى ضاع عُشاقي =ضحية اللي تصنعها لاتبكي الوقت بفراقي = ومعزتك في مكانتها نزعت ملكية اشواقي = واعطيتها من يحصنّها بوداد مايعرف نفاقي = ومحبتي صدق صاينها |
لحظة بها خاطري مشروح = يرسم فرح ساعته ليلي هبت رياح الملام تفوح =سمومها هدت بحيلي |
سفير حرب = يـا منتـدى سالـم و مسـروح=ســــــــلام مــــنـــــي لـــشـــعـــارك جينا نزيد الصروح صروح=ومـا تنطفـي نـارنـا و نــارك بخيتان البشري = الكل بك خاطره مشروح = يامرحبا دارنا دارك خط القلم بالوفا مشروح = وانوارنا تزيد بانوارك سفير حرب = عسا البقا و الدلال تفوح=وبهارهـا الطيـب وبـهـارك معاك يحلى البنـا والبـوح=ومشوارنـا نفـس مشـوارك بخيتان البشري = خل المعاني تجي وتروح =وبنستمع لآخر اخبارك وحرفي معك فرصته ممنوح =يرسم معك جزل لاشارك سفير حرب = قلـبـي مــن الـعـام بــس يـنـوح=وانــا مـعـه حــرب و مـعـارك كـلــمــا عـذلــتــه يــزيـــد الــنـــوح=وعجزت في وضعه أتدارك بخيتان البشري = قلب البنادم كثير جروح =واحزان تقلب لك افراحك وحنا مانقدر بشي نبوح = قدام نقرا لك إصدارك سفير حرب = اصــدارنــا قـلـبـنــا الـمــجــروح=يبغـى الافـاده مـن أشـعـارك من ود ساكن بوسط الروح=لـكــن مـــع الـصــد مـتـشـارك بخيتان البشري = دام السما بالبروق تلوح = ومخيلته وبل متبارك ربيعها ماش عنه نزوح = لولا سبب كان له تارك |
تكتب عليّه قسيمة ليه = ياعسكري مالها داعي واللي مخالف لأنه بيه = تسامحه دوم وتراعي |
اسأل وادوّر وليف الطيب = ابغى اتطمن على احواله ولا عنه مخلوق لي يجيب = ولا يرد لا دق جواله وانا اعرف إن الوفا مايغيب =عن كل شرواه وامثاله عسى كلامي معاه يثيب = والقى إجابة في مرساله للصاحب اللي سأل ترحيب = ماأستغرب ان جيت في باله قال المثل مايخيب الطيب = باهله ولا يقل مثقاله الظرف جاني بلا ترتيب = اختارني فأول ارجاله ومن الخوي لوحصل تأنيب = يزيد فالود منزاله |
بخيتان البشري = لايكون واشي حكى فينا = ما اخبرك تسمع بنا واشين واثق والايام مقفينا = ونقلق على مثلكم غالين وليف الشوق = لايدخل الشك ياخينا = مسكانكم داخل العينين واللي كماكم موفينا = محسوب عندي من الوافين بخيتان البشري = الحرف من امس ودينا = وانا انتظر رد لا ذلحين لجليش جيناك شاكينا = وانتم عن احوالنا لاهين وليف الشوق = عل هون ياصاحبي بينا = اهل الوفا نجيلهم عانين الحرف عيا يوفينا = وتقديركم عالي العالين بخيتان البشري = احيان للصبر مافينا = ولاعاد ندري نلقي وين وزدتو علينا مآسينا = مانحتمل وقتها ثنتين وليف الشوق = عن امس ياليت تعفينا = ونجاوب اليوم جيم لسين عجل عن اوضاعك افتينا = يمكن عليها معاك نعين بخيتان البشري = من بعد مارست سواعينا =على شواطيه منتظرين فجأة علا موجه المينا = ياكيف نصبح من الناجين وليف الشوق = لايمكن نقول مامدينا = انقاذكم دام غرقانين لكن نحتاج تبيينا = ونكون فالخط متجهين بخيتان البشري = لما معه كان مغرينا = كنا معه فالهوى سالين ولما صدق من نواحينا = الود 0 اخلف بناه الزين وليف الشوق = لاصار بالعكس ماشينا =واخلف معه هقوة الهاقين واجب نقدم تعازينا = وانساه دامه من المقفين |
لاتبيع من بالوفا شاريك = فاللحظة اللي بها غافل لو كان جارحك 0بيداويك 0= لو تعتبر نفسك العاقل |
اجهل سبب ما بدالي منك = والا انت شايف سبب مني اللي حصل كان صادر عنك = لاتظنه إنه صدر عني |
اش يجلي الخاطر المحزون = مما احتوى من كدر يخفيه وعن امره إن كان ماتدرون = من يعرف 0وكيف بالاقيه |
بخيتان البشري = ابحث وادوّر جواب تجيب=يفـيـد فالـلـي شـغـل بـالـي بعد سلام الوفا 0 والطيب=صرحـه بكـم عنـدنـا عـالـي علي عيد = تلقى إجابه شفى ياذيب=عجل وفصل لنا الحالي يامرحبـا والوفـا مايغـيـب=ويزيد في كـل الاحوالـي بخيتان البشري = اشكي من فراقه التعذيب = اللي بوده برئ حالي كل ما تأملت فالتقريب = القى عنا البُعد فأمالي علي عيد = يامشتكي من سعى مايخيب=مــن يطـمـع الـقـرب لايبـالـي تثمر جهـود الفتـى وتصيـب=لاصــار غـالـي عـلـى غـالـي بخيتان البشري = كُثر السعي بلا وصل شيثيب = واليا متى والمدى طالي يم الهدف تاقن التصويب = ومرمى الهدف ياعلي خالي علي عيد = كل شي فوقته على ترتيب = نتيجته طعمها حالي لاتهاب وتزودّ التصعيب = وحبل الرجا فيه مازالي |
الساعة الآن 05:00 PM |
Powered by vBulletin® Copyright ©2000 - 2025, Jelsoft Enterprises Ltd. Designed & TranZ By Almuhajir