اتعبتني بسهر ياكم = تسهر عيوني وترهقها
لا وين ونتا معي ياهم = ماتفارق الروح وتعتقها

أخذ فؤادي معه واقفا = لحظة معيني لقت عينه
حتى لحقته وقلت تكفا = أخذت قلبي معك وينه

ما دام ذاك العشم باقي = خلينا نسعى معه مقدام
لا تنقض الجرح باعماقي = وتردنا للآسى اعوام

حدك .. تعدي على حدي = حدك وحدي متحادين
لاتعدي .. حدك ولا اعدي = حتى نتخارج ومتساوين

الحال هذا معك عامين = تداوي القلب ثم تكويه
ما تخاف ربك معي يازين = لانته وصلته ولا مكفيه

الشر هايم وفوق الخير = الله كفانا زمان اليوم
ليا جيت مقضي لزوم الغير = تشوف شره ويجيك اللوم

ياود ما يحتمل قله = يكفيه من هم واحزاني
دوبه على القلب لا يتله = ماعاد له فالهوى ثاني

لياغاب عقلي معه ياناس = ولا عاد عادت لنا لبسمه
القلب في غيبته حساس = يبكي من ادناتها نسمه

شافت عيون الشقي فالنوم = محبوبها اللي مفارقها
ولمت بقلبه كثير هموم = من يوم بانت حقايقها

على البسيطه نشوف احوال = شفنا العجب في لياليها
ايام تمضي لنا اهول = ويام تقفي بأمانيها

الـجـرح لا كــان ينشـافـي = يـهــون طــبــه ولا يـعـوقــك
المشـكـلـه فــالــذي خــافــي = ويجري مع الدم بعروقك

الــجـــرح لابــــــان يــاكــافــي = لاصار بالحيل مايشوقـك
وويش الذي يبين الخافي = غير الذي بالخفى يبوقك

دارت خــطــاهــم مـقـفـيــنــي = وادرى على العين غرقانه
حتى غدا الشوق كاوينـي = ومن يومها الروح ذبلانه

ضميتـهـا بـعـد طــول فـــراق = سمعتـهـا نـبـض احسـاسـي
ماتحمـلـت لـوعـة الاشــواق = ذابت ونامت على انفاسي

ماترتخـي للعيـون جـفـون = ولـلـيـل يـقـفـي بــــلا راحــــه
من يوم قفو وحالي دون = والقلـب جـدت بــه جـراحـه

لولا المحبه القديمة ذيك = تبطي ولا جيت لـك ثانـي
لاكني جيتك على مابيـك = لجـل المحبـه لـهـا شـانـي

وده سـكـن خافـقـي والـــروح = ماتهـتـنـي يـــوم مـــن دونــــه
لجله دوا العاشق المجروح = الـلـي تـصـوب مـــن عـيـونـه

يـامــن لـكــم فـالـهـوا خــبــره = ابـغـا افــاده عـلـى الـعـاجـل
ياهل ترا يجوز مـن نظـره = يصير شغلي هو الشاغل

جواب خط القلم حبره = عسى لك يفيد ياالسائل
راع الهوى مانشغل فكره = لو ماالنظر ساس للحاصل

لا غابـت الشمـس فغيـابـه = واقـبـل علـيـه ظــلام الـلـيـل
مابات ليلـي علـى حسابـه = ويضوي عليه نهاري ويل

يـامـطـول الـلـيـل للهايـــم = محروم دايم من الراحه
ماهو كمـا حالـت النايـم = مرتـاح والعـيـن مرتـاحـه

يااااقلـب حظـك تـرا تعبـان = لاتـتـعـب الــــروح تشـقـيـهـا
ارضى بقسمك ولو مازان = كـــنـــز الـقـنــاعــه يـكـفـيــهــا

قالو لا باس الفكر سارح = منـتـم عـلـى مـــا خبـرنـاكـم
قلت السبب بعده الجـارح = والـــــود مـــاظـــن يـخـفــاكــم

ياليتـهـا بالـحـشـا لـــو يـــوم = يعيـشـهـا حــرقــة اشــواقــي
ليظل يشكي اسى محروم = ويــقـــدر الـــــود بـاعـمــاقــي

عين المها والرموش تقول = سـتـغــفــر الله قـــمـــر ثـــانـــي
لاسلهمت شي مـو معقـول = والـيـا ارتـخـت زادت جـنـانـي

= ابــــــــــــــــــــــــــــــــو فــــــــــــــــــــــــــــــــرح
نبغـالـنـا فـــي ريـــاض الـقـيــل = جـــولـــه بـــعـــد مــــــا تـلاقــيــنــا
مـنـهـاجـهـا الــعـــز والـتـكـمـيـل = ونـتــاجــهــا غـــــــرس لــيــديــنــا
= ولــــــــــــــــــــــــــد الــــــــســـــــــاحـــــــــل
لـي الشـرف معـك يالحلحـيـل = اقـــطـــف زهــــــور الـبـسـاتـيـنــا
نمشي طريق الصفا مانميل = حــــتـــــى تـــحـــقــــق امــانــيـــنـــا
= ابــــــــــــــــــــــــــــــــو فــــــــــــــــــــــــــــــــرح
جانا الخبر في شهـر ابريـل = وحـــــنـــــا فـــرحـــنــــا وغــنــيـــنـــا
ولا كنه الدمع غصب يسيـل = كـــــــــل مـالـتـفــتــنــا حــوالــيـــنـــا
= ولــــــــــــــــــــــــــد الــــــــســـــــــاحـــــــــل
ايــــــــام واخــبـــارهـــا كــالــفــيـــل = مــــــن كــبــرهــا يــــــوم تـلـفـيـنــا
اصــبـــر ورب الـعــبــاد يــزيـــل = عـنـا العـنـا ان كـــان توحـيـنـا
= ابــــــــــــــــــــــــــــــــو فــــــــــــــــــــــــــــــــرح
الـصـبـر لاويـــن فـيــه نـشـيــل = ومـعــروفــنــا فـــيــــه مـايـبـيــنــا
اجـيــال راحـــت وجــانــا جــيــل = وحـــنـــا لا رحـــنــــا ولا جــيــنـــا
= ولــــــــــــــــــــــــــد الــــــــســـــــــاحـــــــــل
مــالــلأمــر يـــاخــــوي تــبــديـــل = الله يـــــصـــــبـــــرك ويــــعــــيــــنــــا
لا بــــــــد مــاتــرتــعــد وتــخـــيـــل = والله مـــــن الــخــيــر يـسـقـيـنــا
= ابــــــــــــــــــــــــــــــــو فــــــــــــــــــــــــــــــــرح
وفـيـت واشعـلـت لـــي قـنـديـل = فــــــي لـــيـــل ادلــــــج يـسـلـيــنــا
والــــبــــاب بـنـقــفــلــه تــقــفــيـــل = حــتـــى يــجـــي امـــــر بــاريــنــا
= ولــــــــــــــــــــــــــد الــــــــســـــــــاحـــــــــل
الـحـمــدلله فــــي شــــط الـنـيــل = رســـيـــت سـفـيــنــة دعــاويــنـــا
والـحـق فــي مـحـكـم التـنـزيـل = مــاظـــل مــــــن يـتـبــعــه فــيــنــا

ضـاق الفضـا واظلمـة دنيـاي = مـــــن بــعـــد اشـــــر يـوادعــنــا
حتى الصخر من انين ابكاي = عــــود ثــــرى مـــــن مـواجـعـنــا