|
( الفــــلم )
من كاس علقم مزيجه سم=بسقي ظمى ودنا واخلص وانهي معك مجريات الفلم=بطولة العاشق المخلـص |
بعد فوز الاتحاد بكاس خادم الحرمين الشريفين على الهلال 5-4 بركلات الترجيح
كلٍ بدلوه بعـد ادلـى=غاب القمر وانبلج نوره نمور والكاس مايحلـى=الا مع مخامس نموره |
( لاهــزّك الحرمـــان )
لاهزّك الشوق والحرمـان=فارض المـوادع تلاقينـي جالس تحت مايلات اغصان=ماكنّـهـا الا تواسيـنـي |
( يادااااار )
يادار صرتي حجار وطين=من دونك الهـم يبرالـي ياكيف قفّوا بشر غالين ؟=وانتي كما المنبت الغالي |
ماغبطك ياللي جمعت المال=وافنيت وقتك على جمعـه وش خانته يوم كل يـزال=لاصار مامْسحت به دمعـه |
( اثبــــــات )
شوف الصباح وتبسّامه=للبحر في روعة الاجواء تعرف بان الصفا هامه=ماتنحني بكثرة الاعبـاء |
صحيح قاسي وفيك وفيك=واتعبتني فـي مداراتـك لكن احبك وعذري فيك=حسنتْك تشفـع لسيّاتـك |
انا اشهد ان العقل زينه=واللي فقدها يلو تلقـاه نعمه من الله في يدّينه=مانال منها ياغير شقاه |
بيت طرحته في قسم الكسرات وشرفوني الشعراء بكمالته
والبيت هو
عزي لمنهو غريب الدار=لا خل لا صوت لا بسمه
وجائت الكمالات على النحو التالي
ماهر ابو خالد= عزي لمنهو غريب الدار=لاخل لاصوت لابسمـه مستوحش الدار بعد الجار=مانال من جيرته قسمه قابل البشري= عزي لمنهو غريب الدار=لاخل لاصوت لابسمـه جارت على قلبه الاقدار= وبيّن اثرها على جسمه عبدالعزيز الزويهري= عزي لمنهو غريب الدار=لاخل لاصوت لا بسمـه ما غير يستوهم الانظـار=و يشكي لحضن الألم همّه عبود= عزي لمنهو غريب الدار=لاخل لاصوت لابسمـه وحيدكني صويب بنـار=واناالـذي مشتهراسمـه البيرق المنصور= عزي لمنهو غريب الدار = لا حضن . لا همس . لا كلمه غير ايتوجد لهيب النار = لا خل. لا صوت. لا بسمه ابو مبارك اليوبي= عزي لمنهو غريب الدار=لاخل لاصوت لابسمـه ماغير ونه وعقله طار=تسترحمه هفة النسمـه ابن خير الله الردادي= عزي لمنهو غريب الدار=لاخل لاصوت لابسمـه جالس ويستنظر الأقدار=ومحتار بالأمر وبحسه بخيتان البشري= عزي لمنهو غريب الدار=لاخل لاصوت لابسمـه ماغير يسلا مع الأشعار=كل ما نثر همّه يلمّه برق المعاني= عزي لمنهو غريب الدار=لاخل لاصوت لابسمـه غير الهواجيس والافكار=الي سببها نحل جسمه بيان الصمت= عزي لمنهو غريب الدار=لاخل لاصوت لابسمه يقضي نهاره فكر محتار=والليل يقضيه في همه الفـــــارس= عزي لمنهو غريب الدار=لاخل لاصوت لابسمه غير العنى والهموم كثار=بانت على الوجه مرتسمه |
لا روّحت عين تبقى عين=تدرى على الشوق لايظمى لكن ابنشدك قلبـي ويـن=شف ودنا يحتضر من (ما) |
مع الشاعر الجميل ابو ذيــاب
أبو ذياب= سؤال!! مني لكـم ملـزوم=فيـه مـن الهـم مشقيـنـا العين عافت ... تذوق النوم=والنفس ضاقت تـرى فينـا حبيت والحب ماهـو لـوم=هو مـن الحـب معطينـا كانت حياتي فـرح وسلـوم=وبعض الليالي ... عتب لينا عاهدت نفسي أظل محشـوم=عشان يرسـى ف مرسينـا واللي لقيته أسى ... وهموم=راح وغــادر شواطيـنـا ضاع (الأمل) في حياتي كوم=وضاعت حياتي ومساعينـا الى متـى حالتـي بـدوم؟؟=يهل الهوى تجملوا فينـا؟؟؟ الفـــارس= جينا على ونـة المغمـوم=وثار الحزن في ضواحينـا واسبتشرت للسعاده حـوم=لجـل انـه بيـوم كاوينـا والحب لاشك فيـه علـوم=وخطوط ونهـج وقوانينـا صحيح يلبس في حين هدوم=قشـرى ولكنّهـا حيـنـا ومدام عندك هدف مرسوم=اسعـه بلـيّـا تهاويـنـا واللي في بحر الهوى بيعوم=لايقـول ملحـه ماذيـنـا لاتقول عايف وراح بيـوم=وانكر من احلامنـا سنينـا الخير كله في سود غيـوم=لاجـات تنبـت اراضينـا |
اكبر ظليمة مابين اثنين=ود اختلف جهره وسرّه ولا الوفا لاجمع قلبين=لله ياصحـابـنـا درّه |
احترت في دنيتي والحال=واخذت لي بالفكر سجـه ياكيف ناسٍ غدوا ابطال=والراس مابه سوى الدجه |
الفـــــارس= احترت في دنيتي والحال=واخذت لي بالفكر سجـه ياكيف ناسٍ غدوا ابطال=والراس مابه سوى الدجه ياسر الكبيدي= حار الفكر وإنشغلي بال = وحبيت أشارك فالهرجه لاجيت تحكم على رجال = شف موقفه ساعة العجه |
به ناس لو ناظـرك رادوا=ماشقـوك فـي بذلهـا لله ولا بعض ناس لـو زادوا=حكمك على السيف ابو سله |
محاوره تشرفت بها مع الشاعر القدير هزيم الرعد
الـــــفــــــارس = عد النسيـم ان هفـا واروى=قلبٍ يعيش الولـع والشـوق سـلام بـه غايـة المنـوى=نطلع مع اهل المثـل لافـوق هــزيــم الــرعـــد = أعذب لحون الهـوى تـروى=لجلك كسيت القوافـي طـوق ترحيب وانا علـى حـروى=أهلاً هلا يـا رفيـع الـذوق الـــــفــــــارس = تبقى ومثلـك علـى الهقـوى=بنشـدك ياطيـب المنطـوق عن ود ماصـادف السلـوى=من بعد شمسه بدت في شروق هــزيــم الــرعـــد = اسمك منـه ممتلـك حظـوى=وانا اشهد انه عليـك يلـوق ذا ود فـي منطقـه اقــوى=ويا بخت عاشق على معشوق الـــــفــــــارس = شهادتـك تعتـبـر نـقـوى=وانا اشهد انك حسين عـذوق والود لـه فالحشـا سطـوى=كيف اعتلى المركز المرموق هــزيــم الــرعـــد = الـود لأهـل الهـوى تقـوى=كل الجـوارح وراه يسـوق لا واطن الـروح وإستقـوى=ما فيه قبلـه هـدف مسبـوق الـــــفــــــارس = على كذا الحـال والرجـوى=نبطي وفيهم ماصـار وفـوق ومـن بيننـا زادت الفجـوى=وعيّت ظروفه معاي تـروق هــزيــم الــرعـــد = إصعد معه لو جبل رضـوى=مـادام قلبـك معـه موثـوق ذا الحال كـل الـذي يهـوى=ومهما حصل ! للقلوب عروق |
لي خل جاور نبات الفل=مقصـوده يكايـد الفّلـه عهدٍ مضى مرتوي بالكل=واليوم نال الرضى كلّـه |
الله ياحمـسـة الـبـنّـه=لاذعذعت حزّت الترياق والهيل تسمع لـه الدنّـه=بين العرب يبعث الاشواق مجلاسهـا كنـه الجنّـه=اللي اجْمعت معظم العشاق واللي شكى مثلـي الونّـه=يسلا ولو خاطره حـرّاق |
قلبٍ جفا الزاد والشربي=ابطلقه وابْرِح اطلاقـه يجوز لاهفهف الغربي=يرجع وله فالهوى طاقه |
( ســـؤال يستلزم الجابه=لجل اتحدد معاملنا )
ياساكن العين من ودّك=ابنشدك وانت قاضيها دمعتك لاضايقت خدّك=تشيلهـا او تخليهـا؟! |
على ضفـاف الامانـي ذيـك=وردة اذْبَلَت ... في حضن كاسه كم اثّرت حيـل فـي شاريـك=اللـي قطفهـا مـن احساسـه |
شدتني امراه في احد شوارع مكه ممن يمارسون ( مهنة الشحاذه ) ومعها ابنها واثنتين من بناتها وهي توجههم بقصد الشحاذه يافلان روح هناك يافلانه تعالي هنا فدندن في اذني قول الشاعر الام مدرسةٌ اذا اعددتها=اعددت شعباً طيب الاعراقي وكيف هذه (المدرسه) وسعيها الحثيث وراء المال ولو كان على حساب ابنائها لذلك قلت
للمال بيدينهم زالـوا=صرح المروّه ومبناها باسم الملمات يغتالوا=طُهر البراءة ومعناها |
علمتنـي ليـن ماشرهـو=القلب واعضائي الاخـرى وعرفت اصل الهوى شنهو=مثل البحر يمتلي ويعـرى |
الله يانايـح الاغـصـان=في نوحتك شي يرثينـي كل النياح ومعك جنحان!=وش حالي فاقد جناحيني ؟ |
واقلبي اللي نحتـه سقـوم=لما امتطى صهـوة الالام حيثه غدى مثل فارس قوم=صابه سهم .. ثم قفته سهام |
قيس الامل في حدود الصمت=قيس العنا في حدود اليـاس تعرف ياكيف بهواك آلمـت=قلبٍ تخاوى مع الهوجـاس |
اكنّ دمـع الغـرام سنيـن=في داخـل العيـن اشوالـي من خوف ساكن صميم العين=يحـدّره دمعـي الغـالـي |
محاوره تشرفت بها مع الشاعر القدير هزيم الرعد
الــــفــــارس = مادمت رجـال متنـوّر=تعرف خبا الود ودروبه من طاش فالود وتهـوّر=وش في تصوّرك بينوبه هـزيــم الـرعــد = ماني بداري ومتصـوّر=وش الذي فيه مشروبـه يقـوم حظـه ويتطـوّر=يمكن توفّـق فإسلوبـه الــــفــــارس = مشروبه الصِبر لا شوّر=بالجود لو زان ماجوبـه لنّه فالاحساس مـازوّر=اكبر خطايـاه وعيوبـه هـزيــم الـرعــد = غير الصفا فيه لا يدوّر=ما اظن الأطباع محجوبه لواكتشف كـذب بيثـوّر=حقده ! يجـزاه بذنوبـه الــــفــــارس = لاتلومه الياس من سوّر=عايش في اوضاع مقلوبه من جوع الامال متضوّر=والعوج فاحوال موجوبه هـزيــم الـرعــد = كم فالهوى قلب متعـوّر=كله من اسباب محبوبـه ينزك ببوره ولا يكـوّر=كان الأمل فيه إعجوبـه |
مسكين قلب الشقي لا حـب=يغتر فـي عـوده المايـس مايـدري ان اللهب لاشـب=يقضي على الخُضر واليابس |
اللي مضى للدهـر بعتـه=واخذت منّه بصيص امال واصبحت الايام نازِعتـه=اقضي حياتي على الاطلال |
مردود تشرفت به مع الشاعر القدير بيان الصمت
الفـــــارس= يوم اقصـر الغيـم هتانـه=ضجّه طرت فالمدن والريف وش يقنع قلـوب عطشانـه=حطّت امل في سحابة صيف بيان الصمت= سبحانه مسيِّـر امزانـه=من حكمته للسّهَل والخيف واعطى الدعا يعدل اوزانه=من دون تسأل بكم وكيف |
( عتاب في الوقــت الضائــع )
لو تدري وش في فؤادي كن=يوم انْك تقصر عن الواجب صحيح كنت النظـر لكـن=العين ماتعتلـي الحاجـب |
اعطيتك الحُوج كل الحُوج=ماباقي الا دقاق الصبـر خليتهـا لليـال العـوج=اكافح مدودهـا والجـزر |
قـدر الامانـه بحـد ذاتـه=نبض المعزه بوجيـه الخيـر واللي قصـر عـن اماناتـه=عن وجه الاخيار غصب يدير |
الفـــــارس= قلبٍ جفا الزاد والشربي=ابطلقه وابرح اطلاقه يجوز لاهفهف الغربي=يرجع وله في الهوى طاقه هزيم الرعد= معلوم ياحضرة الحربي=بيطير من فيض اشواقه دامه على الود متربّي=اقل مارد خفّاقه |
محاوره تشرفت بها مع الشاعر القدير جليس الليل
الفـــــارس= الليل ومن بعد هد الحيـل=قلت اشكي اللي عرف مَده سلام ياصل جليس الليـل=اللي مع الليل مـن مُـده جليس الليل= قيس المسافات ميل بميل=ان كنت موجود في جـده ترحيب من خاطري تكميل=مثل النهر فاض من عده الفـــــارس= بعد القمـر ماكتمـل بالحيـل=ذكـرت خلـي وضيـا خـده سيطرت ع الشوق وذقت الويل=هلكنـي هجمـات مـرتـده جليس الليل= للـود لحظـات بالتأويـل=تمنـع المـرء وتـصـده خلك مع الصوم والتهليـل=واخشى من الوقت في غده الفـــــارس= الود طبعه كذا تشبيـل=ولا المعنّى ماهو بيـده ادناة حاجه تجي كالسيل=ياكيـف تبغانـي ارده جليس الليل= لا تناظـر الــود بالتعطـيـل=تقضي على الصرح وتهده خلـك بصفـه معـه لاتمـيـل=ان كنـت رغـبـان فــي وده |
مــع الشاعر الجميل احمد المحياوي
احمد المحياوي= الهم ما كان له طـاري=واليوم في خافقي تجدد وتلخبطت معظم أفكاري=حتى القلم صار متـردد من كنت له بالغلا شاري=لا شافني صار يتصـدد ليته عن الحب في داري=ويحس لا صرت متودد فجأه تغيب عن أنظاري=وبالصد قالوا ترى تهدد قلت ابتعد واترك دياري=لجل الهوى فيه يتبـدد الفـــــارس= تحسب بعادك عنَه باري؟؟!=بالله يـاصـاحـبـي ردّد (ياليل ماطولك) سهـاري=الين ضـو الفجـر يـزدَد لاتطش زيتك على الناري=كافـح ولمكافحـك عـدّد يمكن سعى فيـه متـواري=خلافكـم لـيـن مـاشُـدِّد واذكـر لياليـه مـدراري=دامه علـى البـال متمـدّد ويعود نهر الهوى الجـاري=ولديـن عازلـك بتـسـدّد |
مـــع الشاعر الجميل زكــي اليوبـــي
زكي اليوبـي= ســلام والمـبـتـدا سـنــه=والرد واجب على قاريه الود ياهـل الهـوى جنـه=والا جهنـم علـى نـاويـه الفـــــارس= ترحيب مايختلـف قنـه=ياسائل الود عن تاليـه يمشي على اثنينهم لنـه=الوضع يعوّد على راعيه |
لي بال اطــول من الفتـره=اللي على صـدر متــرقّب واقصر من الراس للغتره=لاصار للذلّـــــــه يعـــقّب |
كنت اتحمل جروحي فيك=وسيله لغايةٍ اجمل الا سهوم الخيانه ذيك=لجل انها جات في مقتل |
الساعة الآن 04:40 PM |
Powered by vBulletin® Copyright ©2000 - 2024, Jelsoft Enterprises Ltd. Designed & TranZ By Almuhajir