جاني جواب حضرة المختار= مما كتب فيه حيرني
يشكي من طلعت الاسعار = يالله يارب دبرني

يللي تبصبص على الجيران = من اعلا اسوار في دارك
اوعك تقرب من النيران = بكرة يجوز ينكشف عارك

خلك مسالم ولا تنجر= خلف المشاكل وراعيها
عديمه ودربها خنجر= ياما تخلف مساعيها

ثلاثة ياصاحبي انصحك = الحقد والظلم والريبه
خلك حنين وهو مربحك = تكسبها الناس بالطيبه

ليه اللقيط عندنا ينعاب = والمجتمع دايم ايعيره
مسكين ماله بالاسباب = لاتحملونه غلط غيره

ياسليل المجد ياابن الكرام = يامن به العقد في صحبي اكتمل
ياكم بحثنا مالقينا المرام = حتى عرفناك يانعم الرجل
الذهب معروف وزنه بالجرام = من غلاه معروف مابين الحلل
يللي على خلق وذوق واحترام = وفي قلوب الخلق مجعلك محل
اللي عرف مثلك يغرمبه غرام = ياكبير القلب يامصلح خلل
لك وعد مني والزم به التزام = ماتركت الحر والله ياجمل
وان حصل تقصيرمني بالكلام = انت سيد العفو يضربك مثل
وختام صلوا علي خير الانام = عدد مبرق رعد وحبات الرمل

اقرأ بتمهل وبتفكير = زود تفهم معانيها
عظة في سورة التكوير= ياغافل الذكر تحييها

يللي تبختر كذا ومختال = شايف بنفسك على اقرانك
حرص لاينقلب لك حال = ابليس يسعي لخسرانك

يالله ياعالم الاسرار = يارازق الحوت في بحره
نقمتك يارب من الاشرار= صهيون معطي لنا ظهره
تقتل رجال من الاحرار= واصحاب اراضي مندحره
ارسل عليهم سيول جرار= النفس يارب منقهره

الناس تجري ورى الموضه = كثير يسأل على ماجد
ذا لبس فاضح تحت حوضه = من شوفته نفسنا تنسد
واخر تقاليع مرفوضة = في ديننا مالها من سرد
دنيانا ليه كذا فوضة = متى يوقف هذا المد

في ناس فيها وفا نادر= تمشي على الصدق ترقابه
وناس اتحرى غلط صادر= تفرح وتشمت وتهنابه

يللي تسامح ماهو ضعف= تبغى بها رضوة الرحمن
الدين امرنا بنبذ العنف = واللي يسامح هوالكسبان

يهل الدراسة ويهل العلم = يللي بكم تضرب الامثال
انا في واقع ولا فحلم = حتى وصلنا لهذا الحال
اخوان مابينهم من سلم =اتناحرو لجل حفنة مال
واللي يخبي لابوه السم = واشيا كثيرة ماتنقال
ياخوان امتى الصلاح يتم = ويصحى الضمير اللذى مغتال

اثنين كنا على الشاطي = نهمس غرام الهوى بشويش
حتى نسينا من الخاطي = لحظات حلوة عشان نعيش

احكم تحكم مثل ماتريد= قلبي اخذته وهو ملكك
يللي بصيد القلوب تجيد= راض بما يصدره حكمك

من ماضي الوقت والحاضر = مخبر غلطنا على الاصحاب
حتى اللذي يذكر الخاطر = يلقى وفا مننا مايعاب

مسكين ذا قلبنا نواح = من غث مافي بدنيانا
كذاب يجمع من الارباح= والصادق اصبح فمعانا

احلى الصدف عرفتني به = مثل القمر ساطع بنوره
روحي وقلبي وهبته له = والعين تهنى مع حضوره

ابو ياسر| الجود نجنيه من جودك =مادام بالملتقي اجواد
الطيب لاجا من عودك = خسران منهو لكم جحاد
مشعل النويمي | درب الوفى دوم مقصودك=بالطيب انتم اهل امجاد
كريم مخبور بجدودك = انتم اهلها من الرواد
ابو ياسر| والله مازيد عن زودك =يللي كرمكم علي زاد
شفت الكرم جا فردودك = انا لكم بالوفى سداد

افسابق العهد والماضي = كانت لي احلام وردية
ادرس واصبح انا قاضي = وافتي بمسائل شرعية
لكن بللي انقسم راضي = واقدار تمضي بنا هية
مادام بالعافية حاضي = الحمد للي وهب لية

بعد الحبايب مالي خلق = ذا قلبي هيمان في اسره
اللي فتني عيونه زرق = ماله شبيه سابقا عصره

الله ذكر فالكتاب اقسم = من فيه ذرة كبر محروم
اترك غرورك قبل تحسم= تندم بفعلتك يامغروم

من قال ذا الحب مايذبح = اراهنه باللذي يبغاه
يقتل بليله واذا اصبح = يبحث فدربه عسى يلقاه

مشعل )سلام يابحر فالكسرة = يللي لكم بالمعاني ذوق
يجوز حروفي منكسرة=متي تضبط معي وتروق
بحر الكسرة) يامرحبا بالوفى عطره = لك ود عندي رفعته فوق
الكسر لابد من جبره = والحرف يصبح سهل منطوق

مشعل )جاني جواب طيب العشرة = اهل القدر عندنا مرموق
معروف وانتم اهل خبرة = اسمك علم غربها وشروق
بحر الكسرة) الطيب مرفوع من قدره = يمشي مع الدم وسط عروق
ماعندنا للوفى كبره = الجود ماهو لنا مدروق

مشعلِِ) ِوالله مانزيد في نبرة = يجعلك ربي ابد ماتعوق
وافي و طيب ولك شهرة =منك نتعلم ولك حقوق
ابو ياسر) احكم ومنصاع في امره = واللي مضى فالامر ملحوق
القاف ينفك من اسره = واللي نوى غدركم محروق

امانتك باللذي يخليك = ممكن دقايق تسمعني
قلبي وربي تعلق فيك =حرام هجرك معذبني

الناس نزعت بها الرحمة = تبغى تشوف الركل والضرب
الكل واقف عامل زحمة = اللي مافيهم يفك الحرب

سبعة عجايب في دنيانا =والوضع قالب فوقه تحت
الناس بافراح طربانة = بين الحجازي وبين الرست
واللي مسافر بشغلانة = يعني بشغله وهو بالبست
الناس عالذكر غفلانة = دنيا غريبة تجيب الكبت

من بعد هجره لنا اول = جا عندنا يطلب القربة
ذا جرح طول بنا ودمل= خلا حياة النعيم كربة

هذي الجزيره هدف منشود =الله جعل بارضها الحرمين
تهوي اليها قلوب وفود = توفي ركن باركان الدين

من بعد ماكانت الايام = حلوه وجميلة وتسعدني
اليوم جدت علي اسقام= بعد الحبايب متعبني

بعض المشاعر تجي تكليف = والبعض يصدر من الداخل
ماني بحاجة للتسويف = يبقى الصدق والكذب راحل

عد الطريق اللذي تمشيه = واحسب على قد ماتقدر
ان كان ياصاحبي تحصيه = لك ود قدر العددواكثر

اللي يريد السعادة يحل = عن الغرام اللذي فاني
امسك طريق التقى لاتمل=لاتطيع لف العريباني
ايش اللذي يجعلك بتذل=لاترتجي عطف انساني
اترك فنون الهوي واعقل=خليك انسان رباني

وضح لهم والمودة اعطيه =حاول وخلي امور العند
اما الغرام اللذي تشكيه =هو كذا فالجزر والمد

حال الوهن بي لما طال = سابوني وحدي وجافوني
ولما تحسن بي الحال = بعد الجفا صارو يغلوني

كيف المدينه واهل البيت = يللي اتجهتم نواحيها
والله في اهلها لاقيت = جود الكرم في معانيها

يامرحبا بملتقانا احباب =ناخذ من الود ونرده
اللي يجينا يجد ترحاب = واهل غلا بيننا نعده

لما قرينا من الشعار = الملتقى خبث بايصيبه
عسى المساعي بهم تنهار= وسمهم في تراتيبه