|
غزلية
آه من جرح عقب خف عاودني = حيلتي يا هل الهوى اجر بالونّه الهوى اللي في شبابي مقيدني = والسهوم اللي لها اسنين عادنه مار اباشرح شي له عام لاهدني= يافهد دن القلم يا فهد دنه يافهد وان بان حزني لاتنشدني= دوك جسمي يابس كنه الشنه يافهد حب الغنادير هددني = مار جعل الله يعوضني الجنه والعذارى بينهن مبعد ومدني = مبعدات ومن تورّن يدننه وعذابي من اهموم تراودني = كل يوم هموم قلبي يرودنه من حكمني بالهوى صار يبعدني=مخلف ظني وان جاهل ظنه مانكشف لي لين بالحب حددني= والعذارى مكرهن عندهن سنه والغشيم اللي على الحب حاسدني= ماحسدني لو مشاكيه لاعنه غير وال العرش ماحد مساعدني = الكريم اللي له الفضل والمنه |
اكتب لنا ياصاح وامليك بنصاح
اكتب لنا بانصاح وامليك ياصاح = اكتب مادامك بالكتابه نصوحي قلب العنا منلاح في راس ملواح = ملواح مع لوح الهبايب يلوحي والسدمني باح واسبايه اجراح = يالله يالمعبود تشفي جروحي ليا من جسمي راح ماينفع اصلاح = وشلون عالج جرح روحي بروحي جرح الهوى ياصاح متلف وذ باح = الله يعيدك يالزمان السموحي وقت مضى بافراح وايام ملاح =واليوم اجاوب كل نايح بنوحي اجاوب اللي ناح لاارقد ولا ارتاح = من لاهب بين الضماير يفوحي سهم الهوى ذباح من جرّبه طاح = يضيع بين المرشده والنبوحي ليا بغى يرتاح باله وينساح = انصاب مخطور بسره يبوحي في هاجسه سباح ماطاع نصّاح = ويقول هذا اللي كتب لي بلوحي وانا مثل من طاح بيدين ذباح = افهم واقدر بس للهرج ماوحي |
شــــــــــــــــــــــــــــــكر
وفّيت لين اوفيت يالجار فرحان = يوم الوفا ماكل واحد ينوله مواقفك ياجارنا طيب واحسان = فيها الشهامه والوفا والرجوله وهذى اسلوم اجدودنا يابو سلطان = وحنا ورثنا الطيب على وصوله مع الشجاعه والكرم صدق وايمان= والحق في كل المواقف نقوله اقصد قبيلة حرب ياطير حوران = اللي لهم في كل موقف بطوله من غير قصور بكل سكان الاوطان = وكل يابو سلطان يذكر فعوله والعلم له مغزى وللعدل ميزان = والرجل وقت الجد نفسه ذلوله وانته فعولك كلها جزال وسمان = اعطيت كل اللي يمينك تطوله لاهنت ومن قلدك بالفعل لاهان = واللي مقامه في مقامك وحوله بالاوله وقفتها وقفة انسان =انسان لكن من خيار الحموله والثانيه وفيت واكملت باتقان = واهديتها لي يابن عمي نحوله يفداك من يصرف من الهرج مازان = ونفسه عن الفعل الجميل معزوله ليا قلت هذي حاجتي منظره شان = وقامت تكشف لي بوادر خلوله احيان مايقدر ومرات تعبان = والا توارى واختفى عنك زوله شكرا جزيلا مع تحيه وعرفان = يالطيب اللي فعله يفوق قوله واسلم سلمت ودمت والحق برهان = ومن مال واخطا مانجامل ميوله |
مساجلة مع نايف الجربوع
بسم الااله المنفرد في صفاته = اللي خلق دنيا تجدد عبرهــا وهذا رد نايف الجربوع الطريسيابدا كلام عارف سابقـــاته = وأوآخره عند المقرر خبرها ابا اشرحه في سيته واحسناته = من غير ذكر امور الله سترها واسند على نايف واخصّه بذاته =آخذ معه واعطي بامور يخبرها يابوطلال العلم فيه التفــاته = راجع حساباتك وعدّل صورها يا لطيب اللي ماتزعزع ثباته = ترى العقول اليوم تسبق نظرها العلم خلّه في محلّه وهاته = وليا حضرت المشكله لاتحضرها ولا تأخذ الدنيا بعنف وشماته = اليا كسرها فلان ربك جبــرها وان شفت رجال تلحف عباته = خلّه ونفسك عزّها لاتحشــرها ومن دار لك ظهره وغير مباته= لاتناقشه مادام رجله قصرهـا الرجل يالطيّب عيونه مراته = اشياءتجيك بضر جنّب ضررها وترى المصلي ماتفيدك صلاته= لوحاول ان الطايله يحتكرهــا وكم طيب بعض المواضيع فاتـه= الله يعمر الدار واللي عمــرها الرجل تعرف سيرته من سماته = ولاتقيّم وجيه الرجال بشعـرها كل رضي ممشاه ومواصفاته = والناس في بعض الامور تعذرها الا الذي يهوي عليك بحصاته = ذا عقّبه يمناه لين تعسرها والشي دايم لذته في طــرا ته= واهل العقول اليوم تاخذ حذرها وصات من هو مخلص في وصاته= فكّربامورك والدروب اختبرها
حي الجواب اللي طلع نايفاته = ما قهقره طول الجبال ووعرها من شاعر مارس وعصر حياته = خطط ووصط غايته واختصرها من عند ابو خالد لفت مرسلاته = بشذى الزهور اللي شذاها غمرها مغيب القاموس من معجزاته = وعنده لغة كشف المواهب ذخرها كلام وافي محكمه مبهماته = وضرب على حساسها مع وترها حلحيل حل المستحيل امنياته = لين الجزيله بالصقيله نحرها وطلب احساباته وهن واصلاته = واقفال محروس الخزينه كسرها وانا رصيدي فيه عندي ثباته = واخشى الخساره واتحاشى خطرها واما الخبر جمعت باقي رفاته = وميزة بطن السالفه من ظهرها وخليت اخو مره ضحية خواته = خايف على نفوس الكرام يغدرها يطرد مجاهيمه على صافناته = وماجاز له من سود نوده عقرها وترى الحديث وصحته من رواته = والذاهبه تلفى على راس اثرها وكم عاقل حاول يثبت براته = وادان نفسه مادرى انه عثرها وكم ميت مات وبقت ذكرياته = وكم حي ضحى بالحياه وهجرها والرجل حي ليا حفظ واجباته = ويبكي على جثمانها من قبرها |
ابدا بذكر اللـــي لـــه الجـــود والمــد = اللي جميع الخلق يرجون مــــده ومن بعده ابدا اللي على خاطري جد = خواطر في ضامري مســـتـجـده فكرت بعيوب البشر مالهـا حـــــــــــد = لكن به شي طغى فوق حـــــده منه الحسد واهل الحسد مالهـــم ود = راع الحـسد مكـروه مابه مـــوده الخير يبني والحسد صاحبـه هــــــــد = مما بنفسه ماقـــــدر له يهـــــده راع الحسد مكشوف حقده بلا ســــد = ليا شعربه صــاحبه بان ســـــده لكن مدّ الله ليا مّد مـــــــــــايــــــــرد = عطا جزيل المد مــاحد يــــــــرده راع الحسد حاقد ولاهل الكرم ضــــد = مما بقلبه فاعل الخير ضـــــــــده والبخل يبني دون حب البشر ســــد = درب المحبه والموده يســــــــده البخل يخسر من سعى به ولو كــــد = حاسد بخيل ولايتمتع بكــــــــــده ليا عدوا اهل الخيروالجـــود مايــــعد = نقص ان حيا وان مات ما حد يعـده ورفيقي اللي كل مالنت له شـــــــد =ليا جات له فرصه على الحبل شده ان كان ماله حاجة في مـــــالـــــــد = ورزق يجي يمي يحـــاول يلــــــده بعده رجا ومفارق عنه لابـــــــــــــد = فرقاه واللي تستحي منــــه بـــده ومن صد ماني صاحب له ليــا صــد = الخير والخيره ببعده وصــــــــــــده تصرفه عن رفقته حــــــدني حـد = مادام نفسه للمغـــــا لط تحــــــده الناس قالوا كـــل فعــل ولــــه رد = والبادي أظـــلم كـــل فعل ومــرده وهرج بلياادراك يســــمج ليا عـــد = والملتوي نقص على من يعــــــده ومن شاف نفسه عــاليه مالها قد = رفعت نفسي عن مقامه وقـــــده ومن كان اناني لايقــــدر ولا يــود =هذاك كـــل ينبذه مـــــــأ يـــــــوده لاموف الكيله ولامعطي مد = لعل يمنى مدته ماترده |
وصل الكلام اللي صريح ومفهوم = يامرحبا به عدّ ماثمر شجرها وقريت مابه من عبارت وعلوم = وعرفت مضمون البيوت وخبرها الصاحب اللي من هوى البيض محكوم =روحه هوى الخفرات كبر وعصرها يشكي من الهجران والهجرمذموم = الهجر هو سو النفوس وقشرها اقول مالومه ولاهو بمليوم = نفس تحب الزين كل عذرها سهم الغرام ليا نفذ صار مسموم = وليا ضرب حال قويه جمرها لكن يابو بندر توقع عن الشوم =الرجل نفسه للصواب يعسرها درب السنع واضح عسى عمرك يدوم= والدار قبل تطبها تختبرها وللناس يامحمد تقاليد وسلوم = اعلمك باشيا لو انت تخبرها ولانته على طرد المقفين ملزوم = من اهجرتك من الصواب تهجرها مايتفق ياصاح شاتم ومشتوم = يلزمك عز النفس قبل تخسرها والسر خله يابيض الوجه مكتوم = ترى الرجال اليوم تاخذ حذرها وما دام مالك غير ماكان مقسوم = بعض المواقف خلها لاتحضرها وانا ليا شفتك من الوقت مضيوم = سندك الايمن لليال وضررها للخارطه عطني علامات ورسوم = حتى ليا مني رميت اعثرها عطني معالمهابتوضيح ورقوم = عقول الرجال بحرص تسبق نظرها اما وقعنا مع مسلم وسلوم = والاعليك نردها ونحجرها وهذي حياة الناس هازم ومهزوم = وان شفت لك راهي ترى يوجد ارها للنامسه خرطوم وللفيل خرطوم = والفرق واضح والهدف من اعبرها دنيا بها يا القرم معطى ومحروم = ومالك ومال اللي تحوّس جررها لاشك ابا احذّرك عن موقع البوم = تجنبه حتى تجنب قذرها ماقلت من قول موقع ومختوم = مني بخطي في ملفي صورها وتم الكلام اللي من الفكرمنظوم = والله يعمر الدار واللي عمرها |
اعزائي الكرام جمعت هذه المشاركه ثلاثه من كبار الشعراء مرزوق بن مبشر وعلي بن زيد وزامل العوفي (مشرف لحن القوافي) ومناسبتها
ارسل الشاعر مرزوق الحثل قصيده لزامل العوفي ويقول :.
الله يعينك يابـو خالـد علـى فـراق=صديقك اللـي بـاق حـق الصداقـه وتلاحظون معي عمق معنى الشاعر حتى بالنصح انته وفيـت وصاحبـك ياعلـي بـاق=افضل قـرار اقطـع حبـال العلاقـه خلى الصغير بموقف العـزم عمـلاق=ومـن لايسـرك مايضـرك فراـقـه كم واحـد يرقـد ويصحـي ولافـاق=وعدو مصـدر قوتـه لـه عشاقـه الطيب له عشـاق والعكـس عشـاق=والحلم عكسه يابـن زيـد الحماقـه ادري لرفقة صاحـب العمـر تشتـاق=لكـن صديقـك فيـه خبـث ةنزاقـه رغم اعترافك له هوى النفس ينسـاق=كنـه بكـرت العايـلـه والبطـاقـه اذا انتهـى بـراق خايـلـت بــراق=مافرحـت الحـره بصـك العنتاقـه عملاق لكن مشكلـه بيـن الاعمـاق=وحب الضمير احيان سـاس احتراقـه ومن لااعتبر من لذة العقل ماذاق=طعم الحياه ان كـان مغويـه ساقـه للهاويه هاوي مـن اخفـاق بخفـاق=واشتـال حمـل برغبتـه والوساقـه وقدام لحطـة لفـة السـاق بالسـاق=بالخرقـه البيضـا النظيـف الرقاقـه نطلب مـن العـادل بتقسيـم الارزاق=يكفيـك لوعـات الدهـر واصطفاقـه يابو علي * قله وقلـه ولـو ضـاق=قله تـرى للنفـس والجسـم طاقـه نصيحة مجرب بلـغ فيـه الارهـاق=باسبـاب تزويـر الصديـق ونفاقـه حيث ان لك سابق سوابق بالأحـراق=ولـك بالفضايـل قاعـده وانطلاقـه *والمقصود بأبو علي هو زامل العوفي وهذه مجاراة الشاعر زامل العوفي
مرزوق يامرني وبـن زيـد نـزاق=واظن مالـي عـن نحاهـا ادراقـه وهذا مردالشاعر علي بن زيدالفريديالله يقدرنـي علـى قـول مــالاق=نصيحـة بأحسـان ماهـي اخناقـه اسمع يابو خالد سعت لك بالاوفـاق=ابعد عن اللـي مـا للامـاه فاقـه صحيبك اللي من على مهجتـه واق=سلامته مـن كيـد غـدره شفاقـه للمـال محاق وللحـال ســراق=ويحـرق شراييـن الفـواد الدقاقـه لاتلتـزم لـه يابـو خالـد بميثـاق=الحـال ماباقـي عليـهـا لحـاقـه ولاكل حزه وانـت للصبـر تتطـاق=ومن طاوله سقمه مع الوقت عاقـه مايلتفت يم الـورى عقـب مـاذاق=مثلـك ولاعقـب المضـره صداقـه وماكل ماساقك هوى النفس تنسـاق=ان كـان تقبلهـا نصيحـة رفاقـه ان طعت ولا ما انت في سن الارهاق=عاقل ولك عرف وسيع نطاقـه والنـاس مختلفـه مزاجـات واذواق=كـلا لقلبـه رغبـتـه واشتيـاقـه مير الحظيظ اللي معه صبر واخـلاق=علـى معاويـن الدهـر ونزنـاقـه صدره وسيع ونظرتـه يـم الافـاق=ولاله علاقـه مـع خطـاة العلاقـه للشـر فهـاق وللخـيـر سـبـاق=وراع ابرحيـه مايحـب الـدراقـه وزكى سلام يساق من فيض الاشواق=واحلى من الشهد المصفـى مذاقـه لبو هلال وعلي بـن زيـد ينسـاق=ماهل مـن وبـل المخايـل حقاقـه
جاني كلام اهـل المعرفـه والاذواق=على هدف واضـح جزيـل دقاقـه اللي لهم راي علـى غيرهـم فـاق=الصادقيـن المخلصيـن الرفـاقـه اليا هرجوا جابوا من الهرج مـالاق=يشهـد لهـم منطوقهـم باللباقـه مرزوق ينصحني بتحذيـر واشفـاق=عن الصديق اللي يخـون الصداقـه وزامل علي لمناقش الوضـع ذواق=وموافق مـرزوق علـى سياقـه كلام بـه نصـح وتنبيـه والـواق=والناصـح الطيـب يريـح الواقـه ياهل الوفا هرج الوفا ساس الانفاق=يازيـن تأنيـب الرفيـق بـرواقـه لكن كـم عـارف للا فكـار سبـاق=يخطي ولو فكـره وسيعـن نطاقـه وكم عاقلن مع رغبة النفس ينسلق=وكم عاقل مدرك هوى النفس ساقه والوقت به عاقل ومفسـد ودراق=فداكـم اللـي موقفـه فـي نفاقـه شكرا على حسن المعاتب والاخلاق=والمنطـق اللـي يتصـف باللياقـه يامن معاتبهم على النفـس تريـاق=صديقـي الغـادر تقـرر طـلاقـه يوم الكريـم ارادلـه بعـد ماعـاق=لو كان له وسط الضمايـر عراقـه انا معه وافي وهـو صـار بـواق=يسرق ثميـن وماهـر بالسراقـه لاغلى ماعندي صار مفسد وحـراق=حتى الخفي اللي ورى العظـم باقـه وسكر على الجاري خفيات الانفـاق=السـم فعلـه والملامـس ارقاقـه. يالطيبـيـن الله مـدبـر وخــلاق=وله حكمة تغلب علـى كـل طاقـه والنفس محتاجـه مـدرب وسـواق=سواق مـدرك فاهم بالسواقـه ومن بعد شكر اللي تكفل بـالارزاق=شكـرا لكـم يالناصحيـن بحذاقـه والشكر والتقدير من عمق الاعمـاق=ويرافقه مـن غالـي الـورد باقـه لفايز الموسى* على بيـض الاوراق=اللي سلـك درب الجمايـل عشاقـه واطلب من المولى عسى الشر ينعاق=هـذا ماعنـدي والتحيـه غـلاقـه |
ياراعي الجمس الحمر هاك مضروف = وزنه خفيف ولابحمله كلافه ضرف مهم بداخله عدة احروف = يحمل سلامي والتحيه مضافه اعزم وقاك الله من كل صادوف = واجزم ولو طالت عليك المسافه من الخرج مسراحك على بحة الشوف= والظهر في طيبه مقر الخلافه لالك ملف دونها ولالك وقوف = اقض اللزوم وقرّر الانعطافه ملفاك شخص للمهمات موصوف = تلقاء المحبّه مع كريم الضيافه عطه الجواب ولك جميل ومعروف = واصبر الين الخط يفتح اغلافه ثم قل يابو بندر ترى عندك ضيوف = عندك حتى تأذن لهم بانصرافه اهل لزوم وراعي الشغل ملهوف = ليا احتس تكثرلفته واحترافـه قل مرسل المرسول يشكي لك ضروف = هذا ولدك وعند ابوه المرافه في عصر امان ولازمه طابع الخوف = لوكان مايعرف سبب للمخافه من الهموم يجيه طوف وراطوف = والله اعلم في نهاية مطافه ليا انجلى عاصوف يفشاه عاصوف = كسافة لوكان ماهي كسافه هموم تجيه اشكال والوان وصنوف = نوب ينام ونوب نومه يعافه واسمع وقاك الله من كل صادوف = احيان كذب اللي تقول الصحافه يكتب بها عاقل وجاهل وملقوف= لكن يدان المتهم باعترافه هذا كلامي وانت قل لي وشتشوف=وليا عرفت الحق مالي احسافه |
سلام وتحيه من ضميري لــها مفعول = طعمها العسل وبريحها المسك والكادي تحية محبه ساقها منطق معســول = تحرّك من الاعماق جود لمن جادي على نايف الجربوع مني بكل وصول = لانه حكيم ويفهم الجيم والضادي علومي يابو طلال بنيت على مدلول = اباارمز لها والعلم وضعه ماهو عادي انا ليا بغيت اقول مدري وشاباقول = لكن خاطري لمنازع الهرج منقادي اباسألك عن رجال حازم ماهو مسئول= بداء وابتدا بالحرب والاظلم البادي وعن اللي حمل واليوم فوق الظهر محمول= وعن المستفيد اللي قضى العمرمافادي وعن اللي مثل ماقيل يكره وهو ماكول = وعن الساكت اللي كل مايسأل ينادي وابانشدك عن بنت وفت عقب حال الحول= لها وقفت تعجبك في عالي الوادي وعن الابلج اللي تعتزي به وهو مشلول= وعن اللي يصيدونه وهو قبل صيادي وعن الزارع اللي كل ماجمع المحصول = كلته الطيور وعاوده حظه الرادي وانا لي هدف لاشك مابغى الكلام يطول = افضل يكون العلم في منطق هادي اذا كنت مثل الذيب وصط البلاد تجول = با العلم واسبابه وانا موقفي عادي كبير المقام اليوم تكفيه حبة فول = وهو من قبل يشره على طيب الزادي عقب مايقود القود بذراعه المفتول = وطاه الزمان اللي وطا بعض الاجوادي انا بانشدك وشصارمن هول لابالهول = اريد الخبر وانا على العلم ورّادي ليا ارسلت للمرسل جواب مع المرسول = توكد ترى ما فات ماهو بينعادي توقع ترى قدامنا عالم مجهول = تدين البري بالذنب وتميل القادي انا عارف ان الرزق عند الولي مكفول= يسوقه ولي العرش من غير ميعادي حياة الرجل تمضي وتفنى وهو مشغول = ورا الزود يجري لكن يموت مازادي نبي ندرس الاوضاع ونلاعب المجدول = نصفق مع النادي ونلعب مع النادي |
اهلا هلا عد الخضر والهشيمي =وعداد وديان الجبال وشعبها ببيات شعر من رفيق حميمي = يدرس خوافي كلمته ويحسبها منطق مهذب في صياغة سليمي= تحمل مواضيع قليل صخبها عبدالله هليل هميم محيمي = على العلوم الطيبات بادبها ولاقال لي هذي علامة خصيمي= اخفى جميع اهدافه اللي نصبها وانا مفاهيمي وسيني وجيمي =كل العقول المدركات تغلبها لكن حسب عرفي وحكم الحكيمي=نبي ندورجزلها مع جلبها لعلها تمشي بدرب قويمي=وتبر القلوب الغاضبه من غضبها يا بوهليل من بشيل القديمي=يشيلها للواجبات وطلبها افتيك باشيا مانت فيها اعليمي=والمايله عارفك ما ترتكبها تدريب حربي مع سياسة قصيمي=من لابة تعرف مواقع لهبها اهل الشجاعه راجمين الرجيمي = اللي نهار الكون تدفن اركبها صاحبك بن عمك لوانه وخيمي = لازم عيونك عن خطاه تعصبها الاليا جت ضربة في الصميمي=وعليك طاولة الاواعي قلبها عليك بالحكمه ورافة رحيمي=والنار لاترمي عليها حطبها يفنى الرجل لكن فعله مقيمي = والطيبه كل يريد يخطبها والوقت فيه وفيه عدل وعقيمي=حتى العجوز اليوم تفتل شنبها كد قال بالمعنى صياف السحيمي=ترى احبال اليوم يقرص ذنبها ومرزوق مبشر قال قول الفهيمي=بعض الحبال احيان يخشى عطبها ومن نايف الجربوع ومن الطهيمي=سمعتها والمعتدل ماعقبها وليا اختلط حب الحدج واللقيمي=اما اقبل الموجود والااجتنبها وان صار جو الوقت حر يضيمي=تلقا البراد وصافي الجو بابها ياطيب خلفك حّر هميمي = الصاريه من شمها ما شربها الطيبه تمسح دموع اليتيمي=والخايبه نقص على من قربها ومثلك ان شاف المبرمه والبريمي=العقل ليمها بصمت وقصبها |
اوصيك ياللي لك افكار تصرّفها = الهرج يبغى ملافي تقبل اللافي ان قلت كلمه وعارض من يخالفها = احفظ كرامتك لاتهفي مع الهافي لاتقول كلمه ومن يسمعك عايفها = بعض البشر هقوته يرقى الجبل حافي اشوف لي عالم تفرض سوالفها = وكم جاهل ميقن انه خوش عرّافي نفسه على مجادل اهل العرف عاسفها = في كل حاجه بهرجه يهرف اهرافي وليا سمع سالفه لازم يحرفها = يبي ينير الفضا بسراجه الطافي كنه له اسنين حافظها وعارفها = له صوت عالي ولكن البلاءخافي اهل هروج السماجه ما تشرفها = مجالس بينها هالصنف تنعافي ترى السمينه ليا سولف مسولفها = تبي لها مستمع لوكان عرافي ما هو بشخص يغمّض ويتخطفها = ليا اعطاك صدغه وغمّض قلت ياكافي وصط المجالس تعبث في هواتفها= وعندالملازيم ماتوفي ولاتافي وان جيت في ديرة فاطلع مشارفها = حتى تبين الامور ويصفي الصافي الناس دايم هواها مع عواطفها = هذا نظام البشر من عصر الاسلاف واكثر عيوب الملا مانته بكاشفها = وقليل اليوم من يوفي ويستافي اوضح اشيا كثير الناس عارفها = على حسب ما عرفته والله الشافي |
زاد هم المولّع وصبره طال =وابتدا الصبر ياصل ورا حدّه راح قلب المولّع مع الجهال= والغضي يافهد طوّل الصده قام عقل المعذّب يزيد هبال= علته تتعب الجسم وتهده ولابقي له صديق يروف بحال= واحد فيه الاوجاع مشتده مع جد يد الغرابيل ضيقة بال= تنهي العمر لوطالت المده شلت حمل من الحب ماينشال = وان بعثت الخبر مارجع رده كني مكبّل في ثقيل من اغلال = صابني واحد مابنى هده ماقدرت انهي المشكله واحتال = ياجزيل العطا ترفع الشده كفو اللوم والعذل ياعدّال = خلّوا القلب يختار ماوده ماتفيد النصايح وقيل وقال = هرجكم يقطع الرزق ويلده لاتقولون صحتك عال العال = نفهم العلم وش هزله وجده |
اقتباس:
|
غزليه قديمه حبيت اجيبها ولا تشرهون علي يالربع:.
ــــــــــــــــــــــــــــــــــــــــــــــــــ ـــــــــــ
قال من دمعه على خده يهله = ماشكا قلبي تكلم به لساني [/quote]انحرف فكري مع الخفرات كله= قادني مع حبهن واخلف كياني آه من قلب كواه فراق خله = يشتكي حب الغضي صاف الثماني لي حبيب ماجرى لي جايزله = كيف اراه بكل حب ولايراني كلما خلت الوصوف وزين دله= صحت باعلى الصوت هذا الموت جاني عود موز ناعم في مزرع له = كل ما هب الهوى يرجح لياني والثنايا قحويانن في مزله = من نبات الوسم تسقيه الغشاني والعيون السود في مثل الاهله = كلما طرّق بهن خلي كواني والردايف ثوبها الضافي تشله =ناحل المثناه في حبه رماني ومع وصوفه والحلا زين الجبله =طبعها فاق العفيفات الحساني يامليح الوصف لغزك من يحله= خيرك لغيري وانا شرك بلاني ياحبيبي لاتعرّضني مذله= لاتعذّر جيتي وان جيت عاني ولاتحملني لحمل ماحتمل له =الضروف تحدني والعمر فاني ووجودي وجد من دمّر محله= واحرقوا مبناه في عدة ثواني بعد ماقلبي هوى الخفرات تله = تل دلو تلته حيل سماني |
=ابوخالد الفريدي;645223]
تهيض المكنون من شوفة العين = شي حدث بالكون لين افسد الكون ــــــــــــــــــــــــــــــــــــــــــــــــــ ــــــــقامت تغير في الحياة الموازين = والوضع ياهل العرف من دون في دون اهل الفساد الضالين المضلين = قاموا بالارض ومن سكنها يععبثون تدمير واحراق وتعدي على الدين = وبطش وتحدي والعرب كيف يرضون ياهل الكرامه ياعرب يامسلمين = يا هل الشجاعه والوفا وشتحرون اليوم ذبح وقصف باهل فلسطين = وبكره على كل ا لعباد يتعدون اصل البدايه والتعدي با الادنين = والنقص فينا والصهاين يزيدون اسياسة تمشي على غير تقنين = النهب تخطيط من اهداف صهيون صرنا نواجه في وطنا شياطين = يتوسعون وينهبون ويحرقون حتى الفضاء لاهل الخبايث ميادين = بالكون كله يفسدون ويعيثون وحنا نشوف ومذعنين ومهانين = ونشكي مصايبنا على كل ملعون بديارنا صرنا صغار وذليلين = ونطلب من اعدانا علينا يعطفون عقب المعزّه كيف صرنا مساكين = من اليهود اخبث بشر نطلب العون اعدادنا تبلغ ميات الملايين = وببلادنا يذلنا اثنين مليون الدين فينا قل واستفحل البين = وصرنا بذل ووضعنا غير مامون نظلم ونذبح والنتيجه مدانين = ومصيرنا في يد هل الشرك مرهون بسويسرا نشكي ونرسل محامين = فقط نبيهم للجرايم يدينون وعلى المزاج يعدلون القوانين = ليا ما رضوا قانون بدل بقانون وصرنا على هالحال مابين نارين = نشكي ونبكي واليهود يتصدون والصير طال سنين وسنين وسنين = واليوم كل شايف الضيم مغبون نطرد ونذبح مثل ذبح الخرافين = وبلادنا مطمع لصاحي ومجنون يطاردون ارجالنا يسار ويمين = ويحاصرون اشعوبنا ويتحدون وين الرجال الصادقين الوفيين = الحازمين اللي من الله يخافون وين العرب وين الرجال العزيزين = اللي على الاسلام واهله يغارون وين الشجاعه والشرف والشريفين = اللي عن الواجب باالار واح يفدون الى متى نقهر ونرضخ الى وين= يا اهل الشرف متى من النوم تصحون المسلمين بكل ديره مهانين = وانتم بواشنطن ولندن تمشون عودوا لواجبكم بكل الميادين =تحركوا في صدق والنصر مضمون بالاوله كونوا على الدين حرصين = تحصنوا بالدين وابنوله حصون صيروا يد وحده بوجه المستبدين = في صف واحد والله اللي به العون ولاتصدقون اقوال ناس خبيثين = ترى الخبيث يعاهد الله ويخون ولاخير في مال اذا ماقضى الدين = ولاخير في عيش المذله مع الهون المال ماحنا منه مستفيدين = من قبلنا ماخلّد المال قارون المال ساسه ينصرف دون ثنتين = دون الشرف والعرض والباقي يهون وكل العرب ماهم عن الوضع راضين = لكن متى الصيحه على شعب شارون ولازم نقاطع منتجات المعادين = من امة الاسلام لايستفيدون مقاطع صامد وتاثيره يبين = لو ما خسروا هالعام بكره يخسرون ترى مقاطعهم يسوي مضامين = ترخص بضايعهم وهم يستحسون وتضعف تجارتهم ولو هو بعد حين = لين انهم عن واقع العلم يدرون من غيرهم نلقا مصادر وتموين = ارخص واخير ومصدر الرزق مضمون صيحة ندا لاهل الجدود العريبين = اطلقتها وانا من الوضع محزون واسوقها للصادقين الميامين = اللي من دون الحق والدين يثنون ما يستح العار ناس كريمين = العار لاهل الشرك وابليس ملعون الله يعدل مايلات الموازين = وعسى العرب من غفوة النوم يصحون تعتبرهذه القصيده من السهل اللي كل يقول مثلها لكن الهدف ثقيل[/quote] |
اقتباس:
|
يامرحبا ترحيبة مضمونه = وهذه الالغاز يامدورينها وشالفتاه اللي عملها بعينها = مع دورة المفتاح تذبح جنينها تنفع وبعض اوقات مكروه نفعها= وبعض العرب ينقد على حاملينها وانشدك عن بنت تغير بلونها = وتبدله خفيه على راي عينها تاكل ولا تشرب ولاتنقل الخبر= ولاحد من اهل العرف يعرف رطينها وانشدك عن بنت كرمها عذابها = وعيالها في شكلها مخالفينها تدخل على الحكام ماتطلب الاذن= واهل اليدين الماهره هايبينها ونشدك عن بنت توصف بعزمها = اغرب مافيها في حشاها يدينها ليا منعت الدهن عنها توفت = وفي بارد الما في عملها تعينها وانشدك عن زوجين والاسم واحد = اللي تسوي خير ونته تهينها مطاوعه لامرك وتشتال حملها = تنقل وهي تعطف على حاملينها وانشدك عن بنت جميل قبالها = تقابل الحسنا وتعلن بزينها تحملك وتقلدك ونت تحملها = وتجاهل اللي واقف عن يمينها وانشدك عن بنت كثير حضورها = وحضورها بمقدمة راغبينها جوز ليا شفته وباسم مؤنث = وتزود النعمه على حاملينها ووشبنت دايم شغلها هو عماها = ونحولها على عملها يعينها تاكل ولاتشرب وكل قناها= ونجاحها منسوب لصانعينها وانشدك عن عود يسارك بشاربه= وابنه تحت يمناك ما هو يمينها ابكاه وصياحه وضحكه تشابهو = معروف في قاسي حياته ولينها وانشدك عن رجل عطوف بشاربه = وكل البشر جمايله حافظينها طيب وكل الناس ذاقوا فوايده = حتى وحوش البر يجبر جنينها وانشدك عن عود اعروقه تجانبه = عدلات وعيال الرضا مجودينها وكبار عياله كلهم وصط بطنه = وبنته تثبت روسهم وصط عينها وانشدك عن ورع تزوره وتكرهه = في حلة ساس الشجاعه سجينها تشاهده بالعين مانته بتقربه = لان فعوله كلها خابرينها وانشدك عن عود برك في مكانه =في خدمة المخلوق نفسه يهينها ثبت على رجليه واحتل موقعه= ياطالب الراحه تجي له بحينها وانشدك عن رجال بالفعل قاطع = ياقف حمى بين العجوز وعنينها لايمكن الرجل الغريب يتجاوزه = مادام هذ الرجل بينه وبينها وانشدك عن غشاش تنفاه المدن = معروف في كذبه ونفسه يدينها ياقف مواقيف الشجاع المحذلق = وينحاش عنك وعلته خابرينها وانشدك عن بنت قليل جمالها = وعيالها بيدينهم قاضبينها تشرب ولاتاكل ودايم ركوبها = على عجوز كلنا راكبينها ووشهي فتاه جعله يطول عمرها = من كثر ماتعطي الملا حافظينها منها سلاح الناس والخير منها = وفيها الحياه وربنا هو ضمينها ووشهي فتاة كل حي ذكرها = جميع خلق الله يدرون وينها كل الديانات الثلاث تعرفها = ومن حبها جميعهم ظالمينها ووش هي فتاة شفتها عند راعي = هي قاسيه ويميز البنت لينها قوامها ممشوق والجسم ناعم = وتفيد وقت اللازمه ناقلينها وأنشدك عن رجلين في جسم واحد = بضاعة سمينها في ثمينها والاسم واحد والمصادر تنوعت = وينفع بأمور بعضنا عاشقينها ورجل ليا منك تلمسته أعتزى = في لهجة لو هي خطا فاهمينها لو ترجمة يقول يارجل جنب = خل الدروب لعالم سالكينها وأنشدك عن ورع يتعبك صيده = من أسرة بعض الملا جاهلينها تضرب به الأ مثال في صعب مسكه = في بطن بنت ودايم هو جنينها وأنشدك عن ورع ينادي المختفي = ومواقعه بين الزريق وكمينها يستقبل الضيفان في كل ساعة =ويحول الشرهه على ناقلينها ونشدك عن رجل لوى راس بنته= باوامر تجيه من مصدرينها حتى يخلصها من اسر بنتها = وتبديلها يتم من فاحصينها وبنت يجيها الامر من راس ورعها= وهي تامر أرجال لها مجانبينها من فعلها تقضي حوايج مهمه = في بطن عود وتحت بنت تزينها وانشدك عن رجل كريم مكرم = حسبت بناته كلنا خابرينها وحسبة عياله عد حسبةبناته = وحسبة وجوده عد حسبة سنينها ووش الحرام اللي نسميه طاهر = في ديرة حتى الاعاجم قطينها اسباب تحريمه على شان بنته = وشحرم ام الخير يامحرمينها وانشدك عن بنت توصف بعدلها= صنعة ارجال للطلب وازنينها تفتيك باللي قبلها مانت عارفه = تقضي بها حاجتك في وقت حينها وبنت تجود زادها في حنوكها = ثم ترسله تقصيد على خدينها تسلمه بنت الخدين وياخذه = وتحت الاذان يجمعه عبر عينها وانشدك عن رجل سمعنا بفعله = تميز براسين والموت بينها في يد شجاع يخدم الدين مذهبه = باسم مميز ميزته دارسينها وانشدك عن رجال طاعك وطعته =وعطاك من بعض الحقايق سمينها اذا عدلته واعتدل صار عادل = وارضى عميلك بالقضيه بحينها وانشدك عن رجال بالحق ملتزم = كل الرجال يجي لها حسب دينها يعامل الكافر بكفره ودينه = ورعاية الاسلام بارضه يعينها ياقف مواقف عز مع طاعة الله = واهل الفجر له موقف مع لعينها وش هي فتاه جسمها من ولدها = ماتنوجد لولا تجمع بنينها وليا مشوا بنينها ضاع جسمها = والفايده ترجع على ناقلينها ووش هي عجوز كل ممشاك يمها = جميع سكان الفضاء واصلينها من لا وصلها اليوم بكره يصلها = ومشوا لها ناس وهم كارهينها وأنشد عن اللي يختلف عن سميه = مواقفه وقت الخطر مدركينها اللي اليا جاء الجد تعرف مواقفه = والاسميه لعبة للا عبينها اسمه اليا جاء بعكس معناه سالم = وفيه الحجر وبه قلعه عامرينها وانشدك عن شجرة من الارض جذعها = لاهي نبات وموتها بيدينها لاجماد لاحيوان لاصنعة بشر = ومن طبعها اللي حولها طايعينها ياسامع لغزي تراها توفت = وناس تأ يدها وناس تدينها وبنت تفيد وفي زمان معين = كأنها تعطف على مجالسينها ومع فايدتها تنذر اللي يجي لها= تنطق يرمز وعلمها من خزينها وانشدك عن ورع صغير مدرب = ياطا على اخته ثم يبيح كنينها وياطا على اخوه الصغير بنابه = وهذي يغيرها وهذي يهينها وانشدك عن ورع يدور ويشرى = يجي اجموع والبشر طالبينها ليا عكست اسمه مهيمن وقاهر = واسمه فقط حرفين ياعارفينها وابشدك عن رجال سمّوه كاذب = يسكب دموع كلنا مكذبينها رجل يخاف وكل حي يخافه = له صولة تقضي على مواجهينها وانشدك عن بنت بها مايسرك = اهل الوجيه الفالحه عارضينها فيها بنات طيبات وحمّل = بعيال هم بالمبتدا مخلّفينها وبنت تشيل اسلاحها وصط بطنها = ليا وجهت تقضي على مواجهينها تقضي على خلق صعيب نزالهم = تقضي على السفاح في دمع عينها وانشدك عن بنت عملها على الظهر = مترابط فيها قساها ولينها ماتعطي المطلوب لولا عروقها = تحمل ومحموله على حاملينها وانشدك عن بنت زهت في قرونها = تحمل اثنين ذكور معذبينها عند الرجال اهل الكرم وعذابها = والقابضين حضور ومريحينها وانشدك عن بنت جليسة نشاما = مكرمه بس اختها هاينينها والثالثه لوهي عزيزه تحتها = صارن ثلاث مادخل شي بينها ونشدك عن بنت تبرع بزادها = تطعم عجوز مسرفه من خزينها تومر وتنهى ماتصرف برايها = ولها ولد يوصل ولد من كمينها ووشهي فتاة تشتهر في عنادها = حتى انها ماتجامل معالجينها الا بذيب بارزات اسنونه = اما تطيع الذيب والا يهينها ووشهي فتاة شرّها لشر غيرها = تذبح عجوز كلنا مالكينها تنفخ عليها نفخة الغيظ والغضب = حتى توفى ويتحرر سجينها وانشدك عن شمطا قليل حلاها = جميع عقال الملا كارهينها اللي كسبها مكسبه من خساره = واللي خسرها يشتكي حربينها وانشدك عن بنت يريحك شوفها = ويوجد كثير من البشر كافلينها مع البشر ربيعها هو ربيعهم = ومن طيبها كل الملا راغبينها ووش بنت دايم ثابته في حماها = ما تشوفها وهي تشوفك بعينها تفيد حاكمها بعلم يفيده = ليا جاه زاير حطته في جبينها ووشبنت مثل الطوق باطراف ابوها = تكمل المطلوب لمكملينها اللي مساحتها للاجواد ساحه = ما دامهم في عودها مثبتينها انشدك عن بنت تبدل اعيالها =من شان يشفي فعلها ناقلينها تقضي على الجمع الضعيف المسالم = ولولا ولدها ما نفعة مستعينها انشدك عن بنت تعذب صغيرها = وتقطعه في مصلحة من يهينها من راسها ترسل عليه المذله = حتى تثبت فيه من يستعينها وانشدك عن بنت عملها بعالي = تميزت للي تخدمه بلينها تجلس من بين اثنين هذا عملها = ومقاسها يحصر على حاصرينها تركب ومركوبه وتلطف بغيرها = والمتضح من وصفها كبرعينها وانشدك عن بنت مفيده ونفعها = للي بداخل بطنها ساكنينها تاقف على الاقدام لكن مربطه = ومثبتات فلبسيطه يدينها وانشدك عن بنت قليله اسنوعها = ناس تقبلها وترجع تهينها في بطن ابوها ساكنه مع خواتها = حتى يظهرها من يدمر خزينها وسألت عن بنتين واللغز زايد = على فتاة ربحت ناطحينها باربع عيال مثبتين العلاقه = اعيال في بناتها واصلينها ولقيت بالتاريخ رجل وحرمه = زوجين والحرمه وفت مع خدينها من خبثهم كذبوا على الناس كذبه = لين انطلت على بعض سامعينها يوم منعوا ركن بالاسلام قايم = لعينة توافقت مع لعينها وانشدك عن رجال سموه طاغي = له حرمة دينه على غير دينها حرمه تعوذ من بعلها بربها = ولربها ناجت بخافي كنينها ووشبنت دايم ضربها بامر زوجها = والزوج يجيه الامر من وامرينها ليا ضربت ظهر الذلول اجرحته = في راسها المحدود من صانعينها وانشدك عن بنت ضعيفه جميله = دايم تحب الخير لمجالسينها تسمر مع السمّار مادام زادها = ياصل لها وتكرّم مكرّمينها وانشدك عن بنت بها الخير والوفا = لكن جهّال الملا مفسدينها جميع ماتبغاه تلقاه فيها = في دبرة الله وهلها حافظينها ونشدك عن بنت تفيد بعملها = وفعولها تظهر على مقتنينها تاكل وتشرب بس ماتقبل الخطا = وشرابها يوزن من مشغّلينها وليا ختلط شرابها هووزادها = تجلي عيوب اللي لفوا واردينها وانشدك عن رجل على طول واقف = اما يسا رالبنت والا يمينها بنت تجي وتروح ماتستعينه = لكن يعيبها على مالكينها دايم وهي متجوده في جنوبه = حصانة منها على محصنينها وانشدك عن بنت تريح جليسها = اخبث مافيها يوم تسمع حنينها المزعج المبكي تتله وتبعده = ولاتتركه يحول بينك وبينها ووشبنت دايم تنقل الخير والحلا = اللي تطيع وتحترم مرسلينها ليا حمّلت طارت وسارت على الظهر = واستبلوها ارجال مودعينها ونشدك عن بنت تفيدك بدمعها = ليا احتجتها جمعت عينك بعينها ترسل ادموع لاجل توقف ادموعك = قولو وسشم البنت ياعارفينها وانشدك عن بنت تأدي عملها = ابصمت وستعداد لمعاملينها مكانها المعتاد بالبيت دايم = ودايم وهي في خدمة محمّلينها وان حمّلت تبقى على الارض ثابته =فيها مثل تحقير ياحاقرينها وانشدك عن بنت بها الخير والاذى = اللي تبكي بالرضا ذابحينها مقطومة الراسين مردومة الخصر = مكروهة لونفعها فاق شينها وانشدك عن بنت تقدر وتحترم = تحمل وتالد للاوادم بعينها من شافها حامل عرف ويش حملها = ما هي بتخفي والملا مكرمينها تطلع على العالي وتبدى عملها = والعارفين بضيفها رابطينها وياويش بنت من قساها وقشرها = تحد ورعان وهم طايعينها تحدهم دايم على العنف والقسا = واشيا لولاها كلهم رافضينها وسألت عن بنت معروفه بغدرها = من مكرها تصطي على مواجهينها يجي لها المغدور والنت لابده = كنك موصيها على زايرينها وانشدك عن بنت تعلاك جسمها = وعلى الصديق اللي وفى نستعينها تصغر وتكبر حسب رايك ورغبتك = والفايده منها على ناشرينها ولقيت لي بنت تساعد وتطعم = وتحقق المطلوب لمصرفينها يلبس بها العاري ويشقى بها الشقي = تحل وتحرم والملا عاشقينها جميع ماتبغاه تلقاه فيها = وحتى تفيدك لازم انك تهينها وانشدك عن بنت عريض ظهرها = وفت القسا الفتاك تحمي ضنينها اضلوعها برّا وركبت جملها = على جملها اللي ثبت مثبتينها وانشدك عن بنت تفيدك بعلمها = اطيب مافيها كلنا مصدقينها لها عيال كلهم وصط بطنها = واكبر ولد بعيالها هو سنينها تصدق الا ان كان صايبها مرض = وانواعها على طلب طالبينها وانشدك عن بنت من الارض ساسها = وشدت وخلتها حجرها وطينها لاتعيش في ارض ولاتسكن الفضا = وطول الدهر على الظهر عاكسينها وانشدك عن بنت خطير لقاها = من خبثها كل الملا كارهينها لو تنقتل ماحد يطالب بدمها = لان كل في عملها يدينها تمشي بليا ارجول ويدين مالها = وتدخل ابيوت واهلها قافلينها وانشدك عن رجل يعذب ضيوفه = وتصرفاته كلنا مرتضينها اللي عذابه مصدره من عيونه = وغذاه من بنت عنه مبعدينها وانشدك عن بنت تحرك وثابته = ارجول بنت ومثلهن هن ايدينها اللي ولدها مختفي وصط بطنها = حرص عليه وهي مهان متينها ولقيت حاره بها بيوت عامره = وعجزت لاعرف كم عدد ساكنينها مساكن فيها جنود عواري = وادروب ساعات العمل سالكينها وانشدك عن بنت بها الخير والرضا = من طيبها تفرض على فارضينها يسلم بها المبلي ويدفع بها الاذى = الله يعز وينصر منفذينها وانشدك عن بنت ليا حل ذكرها = تذكر فوايدها ويذكر طنينها ليا كمّلت دوره تبين عملها = والطامعين بنفعها مراقبينها وانشدك عن بنت سببها جلبها = اهل التلاوة والرجا منفذينها ليا مرّها اللي طالب طاعة الله = نفذ لها مطاعة الله بحينها وانشدك عن بنت فليل خطاها = لكن تخطي من خطا محاسبينها ليا طلبت العلم تعطيك نانتجه = وطعامها اللي تقبله هو ضميتها وانشدك عن بنت بعيد مغزاها = بنت الفرج والبنت الاخرى عوينها تحيب من بطن الحبيبه حبيبنا = الله يكثر بالحبيبه خزينها وانشدك عن بنت حسبنا حسابها = ضمن اربعه واهل الرجا حاسبينها ليا شرفت فالخلق يخاف منها = تذبح جنود ويختفي خايفينها وويش البنات اللي ثلاث عددهن = ولكل وحده وصفة عارفينها الاوله باسم ذبح من يذوقه = والثاني اجسام الملا هو كنينها والثالث اللي يرفع الضغط فعله = وعنهن يفيد من المباني حصينها وانشدك عن بنت لها حكم صارم = وتصدر احكام العداله بعينها تقول لك حاسب ووقف وروح = ومن عدلها تحكم على حاكمينها وانشدك عن بنت هذا زين نفعها = تنصف ان كان اهلها منصفينها مما بها تنعشك واللي بوصطها = مما يرد الرو ح صافي سمينها ووشبنت اليا حصلت ثنتين منها = كاسب ومن زادوا بها خاسرينها هي سابعة سبعه ولافيه غيرهم = ومن بينهم في ديننا مقدرينها وانشدك عن بنتبن في جسم واحد = وتصير بنت بصّرت سامعينها صارت لطرّاد البلاوي قلاده = كنه يقول اللي تشوفين وينها وانشدك عن بنت تزوج وتالد = تزوجت يوم اهلها مزوجينها تاكل وتشرب والقريب يعرفها = مثل البشر توصف وتنظر بعينها وانشدك عن بنت تحكم بغيرها = وبا اشكال ونواع تخدم مالكينها بنت لها بالمدن والبر فايده = واللي مخزنها يفيده خزينها وتفيدنا بالبر والجو والفضا = وساعة تعاملنا بها هايبينه ونشدك عن رجل على طول صامت = لكن اعلومه بالرضا قابلينها حتى لوانك عالم الارض تنشده = ويعطيك من جزل السوالف سمينها ونشدك عن بنت تحطك بعينها = وبالعرف والمعروف تصبح خدينها فيها الشجاعه والوفا والامانه = ومن طيبها المعروف تحفظ سجينها ماحصلت تهديه على ولدها = وتحتاج لاشيا في عملها تعينها ونشدك عن بنت لاهلها غنيمه = واهل ا لنفوس الخاسره رافضينها يكسب بها واحد واهلها ثمانيه = ومن ضمن اهلها من البشر ناقلينها ترتيبها الثالث وتاثيرها النما = ونكارها شر على منكرينها وانشدك عن بنت تبهذل وتحكم = من حاكم يحكم على معذبينها يسومها العذاب من رام بعدها = عن موقعه وبكل قسوه يهينها دخولها في بيتها هو هدفها = وشروطها يلن بها محكمينها وانشدك عن بنت تبين لك الخلل = في دبرة ارجال لها دارسينها تحكموا فيها وجابوا خبرها = نتيجة للي سأل عارضينها واللي سأل فاحص ويبغى نتيجه = نتيجة تخفى على ناقلينها انشدك عن بنت يمثّل بصغرها = ولها فعول ماحد يستهينها اللي بها الخراب والششر والاذى = وحيان منها خير لمعاصرينها ووشالفتاة اللي على الصدر راكبه = طوق على الاعناق لمركبينها لياحكمت يجري على العنق حكمها = من فوق ابوها والبشر حاكمينها تمت عساه يوفق اللي كتبها = وعليكم التقييم يامقيمينها |
اقتباس:
والحقيقه ابو هلال ماقصر |
ليا صرت تبغى الحق والحق يزعلك = خلك بحالك في طريقك الحالك لاتحسب ان الناس دايم تجاملك = الناس تقصر كان قصرت احبالك بيني وبينك سلك واباقطع السلك = ما كل من يصبر يطيق احتمالك لاتحسب ان الله على الخلق فضلك = والحر مايتبعك من شان مالك شهامتي تحكم علي اتجاهلك = لاامشي وراك ولا اتمنى زوالك الله هو المعبود هو مالك الملك = والا انت ملكك مايتجاوز حلالك اعرفك حاكم بس حكمك على اهلك = امرك ونهيك ما يتجاوز اعيالك هذا ماعندي والسبب من تعاملك = كف المجادل لايطول جدالك |
اقتباس:
|
اقتباس:
والمعذرة القصيده من ايام الشباب |
ا لى مرزوق المزيني مع التحبه:. في28/4/1415هـ
ـــــــــ
انا ابا ستعين الخالق الرازق الرحمن =وابا اكتب جميع اللي نويت اشرحه كلّه ـــــــــــــــــــــاباعرض على مرزوق علم تحت عنوان = مواضيع صارت لغز وابانتظر حله انا قصتي فبها اكثر المجتمع حيران = قديمه جديده مصدر الخبث والخله ابي رايه الصايب ومن يستعين يعان =لعله يبين درب انا كنت مادله انا يالمزيني لي خوي طلع خوان =خوي ملازمني وهوخارب المله خوي تبعني لاهو جني ولاهو انسان = احبه وهو يقضي على الحال ويسله اثرخوة الملعون من نزغة الشيطان =لاانه تغلغل داخل الحال واحتله انا اقدره واغليه وادفع به الاثمان = لكنه لعين وخوته كلها عله ليا مني بغيت اعامله كلّح النيبان = واشوف الغشش واضح ليا حل بالحله خبيث المعرفه لايدين ولايندان = وانا ليا اختفى جيته من البعد عانن له واجيبه بلين ورفق وافتح له البيبان = لكنه عدولي وانا صرت ما مله لو ابغى اتعامل معه باللطف والاحسان = يعود بحقد وفي عظامي دفن غله لكن ميزته مابه تمرّد ولاعصيان =ولايتبع الانسان قدام ياذن له وانا منخدع في خوته ماضي الازمان = بداية غلط واستغفر الله عن الزله فلا انته رفيق له ومن رافقه خسران = ولانته خبير به ولانته خوي له لكنه مشى في كل شبر من الاوطان = وليارافق الانسان خلاّه عبدله ولاهو خفي اخفيه والمختفي مابان = ولاهو وفي وبين امره مع الشله لعلك توافيني براي معه برهان = ترى النفس من بعض الطواريق منحله ولاتجيب لي راي قريب من الاذهان = ولاتشير به ليه ولاتقول لي خله تحدث برايك عقب ماتنصب الميزان =ترى من عطيته صايب الراي تحسن له ورد ابو هلال واجادبراي هادف والعلم كله هادف
هلا مرحبا والقاف تفتح له البيبان = على الدرفتين بمدخل السور والفله ـــــــــــــهلا مرحبا با لسايق الكبتن القبطان = بعث لي بلغز وقال لي ينتظر حله ولااقول له لين ولااقول له صوان = لازال الخبر مجهول جسمه تحت ظله نصب لي هدف ويقول ترم الهدف باتقان =ولاقول له ضمه ولاقول له خله وضعني بموقف حرج في قصة النيشان = ولاهو بقدر لي ولاهو بمدله ومنعني لابوح بسر عن علة المرضان = يخاف المريض ليا درى ويش يحصل له لكني عزمت اعالج السم بالقران =والا بكية مع مدخل السم تدخل له وزعت العلاج اثلاث ثلثين دون اعلان = والثلث الاخير لصاحب الشان ثلث له حداني على المسرا راع الناظر السهران = بعث لي مراسيله وانا لازم ارسل له كلام من الوجدان تصخر له الوجدان = على سلم المرجان يصعد وتنزل له لقيت الهدف ماهو بكادي ولاريحان = ولاهو بخال له ولاهو بعم له لقيت ابوخالد صاحبه طير بن برمان = على كف خمسه حط حطاب وشتله صديقك عدوك من فصيلة عوج دخان =صديقك عدوك وانت بالحبل ممهل له نزل بك على غير الرضا فوهة البركان = تشوف الخطر واضح ولكن تحمل له معك قو باس ونابغه لكن الحرمان = جبرك الهوا تدفع ثمن علبة الجله لانته بجابان ولاانته قطيع لسان = لكن النصيب ليا ربض يعلن الذله رفيق الردى يردي ولوهو ولد سلطان =يهين الكريمه لين تخضع توسل له وانا اقول من يركب جواده بدون اعنان = عدوه رديفه والمحابيل تحبل له عمود الخطا من بالخطا جامل الخلان = وبعض المجامل بالخطا مصدر الخله حسب علمي المحدود شان الصداقه شان =وصديق يجامل مع صديقه عدو له 9/5/1415هـ |
نهار الخميس اشرفت في عالي المرقــاب = اعالج لواهيب على الكبد محترّه افكر بعالي مرقبي ماحسبت احســـــــاب = لامور تحد القلب ساعات وتجره انا ماحسبت لشي ولكل شي اســــــــباب = وامور الهوى والعشق جربتها مره لكني عقب جربت حطيت دونه بـــــــاب = عقب ماتعبت اعذرت من خيره وشره طلعت الطـويل وعدت من طلعته منصاب = ولون قبلي من تعلاّه ماضـــره الاوعذابي يوم عيني شـــقت باغــــراب= عقب شوفهم صارت حياة العنا مره تجدد علي الجرح والجرح ماكد طــــــاب= ابانسى الجواهر وعرضت قدمي الدره وانا صرت مثل الل رمى له هدف ماصاب= تركت النظر بالعين وابحث عن الجره رماني مليح الوصف بالعين والاهداب = مع الاشقر المجدول والصدر والغره لمحت الجمال ومنظر الحسن لي جذاب = وبلحظه حواسيسي مع الحسن منجره بعد ما لحظته صرت متوتر الاعصاب = وجميع الجوارح من هوى الزين منضره وانا ليا ذكرته زاد قلبي ولع واعجاب = وافكر مثل ماقيل بمعاود الكـــره لكني فقدته تقل ملح بماْ ذاب = فقدت الامل في داعج العين بالمره جريح الهوى مملوك لوتنصحه ماتاب = يصارع بحر من حب ويعيش في بره |
جار الزمان وقام يكسف وميضه =والظلم حلّ وغيّب العدل حاميه والحل بيدين القلوب المريضه = والشر زاد وصاحب الدين يخفيه كل يشوف الكارثه والغميضه = والكفر يعلن به مع الناس راعيه الظلم ينشر في البلاد العريضه = وبن البلاد اللي له الراي راضيه واللي يحب الخير يمشي بغيضه = وان كان صاحب حق كل يعاديه والمعتدي طالت عصاه الغليضه = ماجا على دربه برايه يمشيه وفعل الجريمه والمجامل فريضه = على الزعيم اللي عدوه يبديه الضعف واضح والمواقف بغيضه= أخس جندالله يعلن تحديه والوضع مابه لاهل الصبرعيضه = مادامت المامون مالله بهاديه ليا بان في وجه المبلّم جضيضه = كل العيوب اللي بغيره بدت فيه ليا سعى في عدل حمّل نقيضه = راع النفاق بكلمة الزوريرميه من عالي المبنى يحط بحضيضه = تلفق له التهمه وكل يعاديه واللي فقد من حق مايستعيضه = الحق يلعب به بلا حق حاميه ظلم وجرايم فايضه مستفيضه = والسيل جنب وانتحى عن مجاريه واهل المجاهر بالرذايل حظيظه = والحق كل في مزاجه يسميه وقت كما مزن تقطع نفيضه = زل محسوبه والهبايب تلاحيه |
اقتباس:
هذا تمني والله يحققه |
اقتباس:
|
Quote=ابوخالد الفريدي;792124]قيل لي نايف الجربوع شاعر وما يقصد حركه قلت كيف؟
قالوا انت ملك الالغاز هات له الغاز وكانوا يسممونني بهذ اللقب فلما سمعت هالمدحه ملك الالغاز .. فيها نفخة راس وانا انبري واقول:. ـــــــــــــ
ليازان جوي للتماثيل واشتقت = قلت الكلام لمن يثمن كلامي ــــــــــ 16/10/1410هـاللي من حسن نيته كد تحففت = ويجيب مقصودي ويفهم مرامي يابو طلال العلم لك لاتعوقت =بعد التحيه مع جزيل السلامي والمعذره كان بكلامي تطرقت = لاشيا بعيده ياعزيز المقامي وشهي عجوز في عصبها تعلقت = خاشرك فيها المغربي والتهامي تزينت لك وانت فيها ترفقت = قسي الحديد ولين ريش النعامي وانشدك عن شي يجاملك لو بقت= اسود سواده مثل ليل ظلامي ليا طردته عن محلك توفقت = وان حل في دارك يمشيك عامي وكنز جمعته يالسنافي مع الوقت = خلاك لك بين الرجال احترامي انفق منه ماهو بينقص لو انفقت = حتى ولايمكن ينوله حرامي وانشدك عن شي بعد فيه برقت = يمرّويقفي مثل حلم المنامي ان شفته مشرق فانا معه شرقت= وان طال يقصر والركايب ظوامي وويش اللذيذ اللي تعرفه وله ذقت= ومن عاش ذاقه من جميع الانامي وعن كاذب غشك ياليتك ماصدفت =ومن صدق الكاذب ماظنه يلامي ياللي بتفسير المعاني تعمقت =وشالذي من وين ما سرت امامي ووشالذي لو فيه بالفكر دققت = تلقاه ميت حي باردوحامي ماتمسكه لو للخضيرا تسلقت = ويحتاج له من عاش حتى النيامي تم الكلام وهات من حل ماطقت = واسلم رعاك الله يابن الكرامي سلمته الورقه قراها وابتسم وحطها بجيبه وبعد يومين سلمني الرد وفيه :. لاتقراه لين تحاول بالحل....... { {ـــــــــ نايف بن جربوع الطريسي قال:. ــــــــ
حي الجواب اللي بعيد عن المقت = عداد ما يمطر حقوق الغمامي ـــــــــــجاني جواب له معاني وفرقت = بين المعاني بعدماصار امامي كلامك اللي ياعلي به تنطقت = باهداف مخفيها عن عيون رامي وان لحل الغوز ابن زيد نسقت = بين القلم والسطر بعد اهتمامي وبديت احلل بالمعاني ووثّقت = بغرب وشرق ومن جنوب وشامي الاوله دنيا تزين وعاشقت = فيها الحياة بحب ماهو غرامي وللي يفسد في محلك وله لقت = ذاك الجهل بقلوب ماهي فهامي والكنز ياللي في شداده توسقت =هذاك علم وصاحب العلم سامي والرابع اللي مع مسيره توهقت = عمر الفتي عام مضى عقب عامي تشرّق معه باول شبابك ليارقت = وركايبه عدة اسنين حطامي والخامس اللي وصط بحره تعمقت =النوم لذه للعيون النيامي والكاذب الغشاش من بعد مافقت = هذا الامل والا خيال عدامي والسابع اللي يسبقك كان سابقت = الشوف مع مستقبلك يالقطامي والثامن اللي باربع اوصاف طبقت = ذاك الهواءللروح قبل الختامي وان ترى مع مع موكب الغازك الحقت =لغز ولاني عنك بالعلم كامي وشهو رفيق رافقك وانت وافقت = صامت مطيع مايرد الكلامي لاشك مايفزع بضيقك ليا ضقت = وليا رفعت احسام يرفع حسامي هذا وانا عن لازمك ماتدرقت =ولاني عن اسرار الطبيعه محامي ادركت المطلوب ولغزه يقصد الظل وصح لسانه[/quote] |
اشكر كل من قراء ديواني هذا مع الاذن لمن يرغب الاقتباس ونقل مايريد
|
هلت دموع العين من شي مكنون=وقامت هواجبس المولع توالا هاف الحشا من غيبته عشت محزون = ابوجبين موضي كا الهلال سهم الغرام ليا نفذ غير مامون = كم عاشق ماله عليه احتمالا ليا صطا راعيه من دون في دون = ويبدل الحال السليمه بحالا ياللي تعذلوني كفى لاتعذلون =احتلني موض الجبين احتلالا حاولت في قلب مولع ومفتون =قلت انس ياقلب العنا قال لالا قلبي يقول اعيش بالحب مجنون =مهما حصل مانسى حسين الدلالا كل البشر من خلقت آدم يحبون = شي مقدر من عزيز الجلالا والحب له في كل الاحوال قانون= حرام في حاله ونوب حلالا يامحلا المجلاس مع صافي اللون =وقت الربيع وفوق خضر التلالا |
بالله باهل القصيد اللي تغنونه =تكفون سمعة مجال الشعر صونوها ]ــــــــــــــــــــــــــــــتحكّموا بالكلام اللي تقولونه = والشعر هيبة حدوده لاتعدوها وان كان معناه صعب ولاتعرفونه=الافضليه بمعنى صح خلوها تسمّعوا للرجال اللي يحكمونه =اللي نجوم السما بالعرف وصلوها الشعر له ناس تشقى فيه وتصونه =وليا لقوا عقدة بالحيل حلّوها با لعقل والميز ماتجهل بقانونه =ماهم مثل قوم ودوها وجيبوها اللي ليا ذعذع الطايف يخمونه = بلا معاني قوافي حكي صفوها مره تعدى الهدف واحيان من دونه=وليا جمعوها عشر قيفان غنوها ياطيبكم لو مجاله ماتجيبونه =ولاتدبلون الكبود ولاتغثوها اما الشعر غثّكم والا ثغثونه =نصيحة اللي لياطعتوه خوذوها وان كان عييتم الناصح تطيعونه =قال المثل شرهة العذرا على ابوها فجاريت هذ الشاعر بما يايلي=""
سالم ضعيان هاض وجاب مكنونه = وأورد علوم رجال العرف قالوها ورّد كلام مصيب وطايل كونه = ياهل المعرفه قصيدة سالم اقروها قصيدة عن كلام الزور مامونه = قول الحقايق عن السامود عدوها أبيات شعر على معنى وموزونه = أهل المعرفه بفن وذوق صاغوها غيره على الشعر من ناس يهينونه = أهل هزيلات والجزله توطوها ليا تكلم واحدهم جاب طبلونه = ودخل على المنتدى ثم قال حطوها كنه يحاول يذل الشعر ويخونه = وبالمنتدى سوقوها له وقادوها والمنتدى كل شي مايعافونه = قصايدٍ فيه لابو كلب لا بوها ليا صار معروف عن غيره يبدونه = لين اختلط هزلها والجزل وعموها والشعر قاموا يبيعونه ويشرونه = كم من قصيدة بملي البطن باعوها وناس سرقته وناس تعمي عيونه = وناس ليا شافوا الهزلات غطوها لكن ياسالم فداك الشعر وجنونه = الناس حتى المباني هد هدوها ريح ركابك وخل الشعر لعفونه = القافله جا لها ناس تولوها |
quote=ابوخالد الفريدي;922000]
وقلبي اللي وارد الهم لاعه =عقب انتحى المطلوب همه يلوعه [/quote]عقب الخوي اللي طويل ذراعه=اللي يجملني بطوعي وطوعه اللي مماشيني بعزم ومطاعه = واللي تنور في طريقي شموعه ويفيدني بالمرجله والصناعه = وفيه الجماله مع حليه ونوعه وهبه من الله ماخذيته شجاعه = لين انه اصبح باليات فروعه ماعاد عندي عقب فارق مناعه=وابكي عليه ومستحيل رجوعه يرجيه طفل عقب سن الرضاعه=ويرجيه طالع في بداية طلوعه واللي ماجرب غيبته وانقطاعه= العلم مقبل لاتغره دروعه لابد من يوم يرد الوداعه =وتبدا اغصونه تنفصل عن جذوعه مايفيد طب ولاتفيد الشفاعه = ليا بدت تظهر علامة ركوعه كل ليامنه تمزع اشراعه = تبدا قطوعه لين تبلي قطوعه يابن عتيق ان كان عندك قناعه =نبغى الكلام اللي ثبات وقوعه ترى الكلام الصدق ممكن ضياعه =عند الهتول اللي تقلل سنوعه وانته برايي من كبار الجماعه = رجال عرف وزاكيات طبوعه استلامك والمعذره على القصور لاهنت
قدر ومقام المعتبر باالرفاعه=اللي يتل السبق تل بطلوعه /عانق شعاع الشمس حزت شعاعه=مع الحرار النادره والبتوعه يعانقه طربان له بندفاعه=ويقلده في هدته وبشلوعه يفداه قلب المرجفه والرعاعه=اللي لميع الشمس لا المع يروعه سمعت منه اللي يليق استماعه=وبعطيه علمن يقبلنه اسموعه مالي بدعوا ما شتكيت استطاعه=خصمك خصيم المجتمع في جموعه واللي يجيه ايقول سمعن وطاعه=مقدام قطاع النفس عن ضلوعه ومثلك يزود مزهبه من متاعه=وياخذ حصيله مثل خيرة ربوعه يوفي على ماقيل مده وصاعه=ويقلط على خير الرطب من قدوعه والكل لا بده مقطب شراعه=والدرب واحد لو تفرع فروعه الكل يب ياتي رحيله بساعه=شين مقدر مستحيلن رجوعه يروح والتركه الغيره اقلاعه=انكان ماهو لقمته قد جوعه وماراح راح ولا يعود طماعه=ويبقا وقاره ثابتن مع نجوعه يا الله عسا لك يا الفريدي شفاعه=عند الرسول بيوم تحشر جموعه صلو على اللي ذايع الحق ذاعه=المصطفى نهج الهدايه شروعه |
ياهل الكرم وهل القلوب الصحاحي = ياهل الوفا ياهل العقول النظيفه ياللي وفيتم من جميع النواحي = ياكاسبين الطايلات الكليفه انا عزيز النفس وافهم صلاحي = ومالي ومال المرجفات المخيفه ابحث عن الراحه وهذا ارتياحي = والنفس عن بعض المواقف عفيفه كفيت عن بعض الليال الملاحي = اللي بها النفس العفيفه ضعيفه إلا إن صارت في المحل السياحي = اللي بها المضيوف يفرح بضيفه وإن جيت أطير ولا نهض بي جناحي = خليتها بالعام مره طريفه مايرد غير السانيه بالمناحي = ولا الرجل يمشي مماشي شريفه يا مرددين اللي له اسنين ماحي = الرجل للصاحب ستار وسقيفه وأنا ترايه قبل عامين صاحي = مار انتظرت ايلين جت للنصيفه واليوم نور الفجر بين ولاحي = ولحقت نفسي والاصابه طفيفه شفي وقمة فرحتي وانشراحي = ليا طاب من حطيت بعدي خليفة ياللي نقلتم جيشكم للضواحي = عودوا ترى الدار القديمه مريفه موفقين الخير وابغى السماحي = الله لايفر ق وليف ووليفه أنا هجرت الدار داري مراحي = وترى المسايل ياجماعه خفيفه سلمت وإستسلمت خوذوا سلاحي = ولا ارد بن شداد لو شال سيفه والمعذره ياهل القلوب الصحاحي = انتم رجال وتفهمونه الوظيفه |
اقتباس:
|
كلفت في علم تنفيذه ماهوعادي=يلزمني البحث فيه ولاعنه صدّه تحية مع دخون العود تنقادي =مني لبو فارس اللي صادق وده طلبك يا صاحبي ياذخر الاجوادي = اذا قدرته بحيل الله ما ارده الشاعر اللي ضعيف وحادر وادي=يكذب ويظلم ولاياقف على حده يسب يمدح وهرجه تايه غادي = ويشوف نفسه وشوته خارج القده يوجهه للمشاكل حظه الرادي=على المشاكل وظلم الناس وشحده والثاني اللي براسه كبر وعنادي= جميع باب يجيه بفايده سده توجهه للسنع ماهو بينقادي =تبني له البيت ويحسب انّك تهده يصيح وينوح ويصفق مع النادي=وعن ضيعة الراي لوتنهاه ماترده والشاعر اللي يقول النصح وينادي=ويكثر القول لوانه ماهو قده واللي كلامه بعشقه غير متقادي =ماجا بباله قبل ما ينقده عده كم شاعر لو طمع بالصيد ينصادي =وكم شاعر يعتبر من ينصحه ضده الشعر يبغى الامين الصادق الهادي =ما هو بخمّة كلام هاته ووده الشعر يحتاج له شاعر ونقادي =والنقد للشعر يكشف هزله وجده واختم كلا مي بدهن العود والكادي=للي ليا مد مده يحسن المده |
الساعة الآن 08:40 AM |
Powered by vBulletin® Copyright ©2000 - 2025, Jelsoft Enterprises Ltd. Designed & TranZ By Almuhajir