|
يختفون وراء عباءة الطيب
ليس حبا في الطيب بل خوفا من أسماء أندثرت نصف حروفها وتشتت باقيها حتى أصبحت أسمائهم لغز للناظرين يا هؤلاء لو كان تعاملنا يتوقف عند حد الطيب لما كانت هناك ذكرى وعظه لما كان أمرنا ديننا بالامر بالمعروف والنهي عن المنكر لا نقول أحرقوهم وقطعوهم أربا أربا ولا ننصحكم بتمزيقهم وفضيحتهم ولكن نقول لكم أوقفوهم عند حدهم لستم جدار قصير يتسلقه الواهمون الذين غرقوا في بحر الخدعه والجهاله بأنهم أصحاب علم وقلم لا أحد يكبر أحد فكلنا سواسيه صغيرنا يزهق كبيرنا بدينه وصلاته وفقيرنا يدخل جنته قبل غنينا ومن لم يحمل الشهادات يكفيه أن يناضل المتعلم بحفظ ايات من الذكر الحكيم لقنوه الدرس حتى لا يعود الى فعلته لسنا صاغرون ولن نكون هكذا ولن تكون هكذا عجبا لأمركم تأتونه من باب الكرماء ويأتيكم من باب الطغيان وعندما نريد كسر رقبته نراكم ترتدون عباءة الطيب والحلم والكرم سقط المعلمون وسقطت أقلامهم ليس لهذا كانت رسالة المعلم والمربي الفاضل وأن جهلتم فعودوا الى حيث كان المربون ينتجون تربيتهم للساقطون ليتنا نستطيع أن نرسم لكم طريق اللا عوده وحتما سنستطيع رسم اخره كما فعلنا عندما رسمنا أوله أكره لابت المسالمون بخوفهم وليس بضمائرهم تحيه الى ذلك المعلم الذي صرخ وتسلل عنه الباقون تحية الى ذالك العلم الذي أطلق رصاصة تدوي في اسماعهم وهرب منها طاغية الجهل والوهم وحتما سيعود ولكن من خلف الستار |
سألني يوما أحدهم
ماذا يعني لك (بيان الصمت)؟ قلت كل شي,, للجاهل معلم وللسائل مجيب للادب معرّف وللطيب مصدر وللحرف باب وللكلمه أستاذ وللاخلاق مدرسه وللكرم والد بيان صامت وصمته أدب يفكر ثم يفكر ثم يفكر ثم يتكلم لا يعجبه الهراء الثرثرة تزعجه الهدوء ديدنه لم يتفوه بكلمه لا تعطي معنى ينصح وكأن من أمامه فلذة كبده عالم ويتعلم تقول له استاذي يقول مازلت طالبا تواضع العمالقه يعجبني في شعره انه يفكر ثم يأسس ثم يبني لا يدع لك مخرجا بأختصار (رجال في رجل) |
قالت :انا سماء
وانت عندي أرض ياواطي المقام قلت: يعني انتي سماء فيك شمس وقمر وفيك النجوم متناثره وفيكي سحابه والكواكب عايمه قالت :نعم قلت: العفو يالحالمه المعالي ما تجي (مجرد كلام) العلو: اذا جيتي ونطقتي رفعت راسي واستمع لك وأرجف اذا صوتك هدر وأرتبك في حضور من حطك سماء لحظات ونادت وارفع ابصاري للسماء شفتها فالدور الاول للعماره قالت: ها....رفعت راسك لي ياواطي المقام ضحكت من جهلها,,, قلت العلو جاك من طوب وأسمنت وعمار وفوق شقتك ثلاث أدوار أعلى من علوك يا سماء أختفت,, ونادت من الدور الاخير قالت: يالواطي وكني اسمع صوت وألتفت لليمين ولليسار قالت: أنا هنا ..هنا.. فوق فالدور الاخير ارفع بصرك وناظر لعلّو المقام نظرت: واشوف جنبها (قطه) يعني (بسه) تطور فكري وقلت (هره) قالت: ها..الحين مالك عذر أنا السماء وأنت ارض يالواطي وشارت وقالت (ياحرااااااااااااام) قلت ايه يا (القطه) هذي أنتي وسماء وستويته فالمقام من بعد ماكان الشمس والقمر والنجوم والسحابه والكواكب تحتها صرتي يا (القطه) جنبها صافحت عقلي وقلت : (المعالي ما تجي مجرد كلام) |
ياليتني في مدرستك
كتابك وأمتحانك في شنطتك أبقى سجين حاملتني على كتفك أمير وفي حصتك (على كفك )أميل تتقلب ضلوعي مابين يساراك ويمين واااااااااااااااااااااه يانظرتك مايفارقني حلاها تتصفحيني حرف حرف وتحفظيني بين فكرك وقلبك وفالاخير تكتبيني حرف على بيض الورق وفي أمتحانك تحمليني وتحضنيني وتخفيني عن أنظار الجميع تداريني حبيب ولو سألتك وقتها أبغى أروح عنك ولو دقيقه تصرخين وتزعلين وتقولي حبيبي لا تروح أرجوك خلك جانب اللي يعشقوك ولما تجيك الاسئله (تلاقيني أجيك) وانتي متوتره تفرحين تفرحين وتكتبيني (أجابه) واذا قالوا كيف أمتحانك قدام أهلك (تغطرفين) تقولي: جاني سؤال صعب عليه 20 نقطه(لكن حبيبي جاني يمه وجاوبت منه) يمه حبيبي عايش في قلبي وفكري يمه حبيبي ما تركني يمه حبيبي حضر ولا حضر ما تعجزني الاجابه اااااااااه يمه اااااااااااااه يمه حبيبي والله حبيبي أمير أمير أمير بعد أمتحاني حضنته أحبه أموت فيه وكل ما أذكر بعد (النجاح) ترميني على ذاك الرصيف أقول ياليتني ماكنت كتاب وأمتحان بس الامل اني أكون كتابها وامتحانها فالعام الجديد |
يوم ضاعت كلمتي
ما لقيت عن حرفي بديل الا بنظرتي يمكن تجيب المستحيل جتني وفي حضورها شفت الاناقة مابين عين وعين من تحت الجبين يشع نور ..والغريب ما جهرني نورها هادي وأنيق قلت انتقل من مكان اليا مكان فيه الظلام في دخلتي وقبل ما اخفي هالظلام بلاحظ وين يوصل نورها!!! العجيب...انه احتواها كلها بالطول والعرض ماله نصيب التفت وشفت رسمة عينها والسيف من فوق شفتها رزين ورياض بيضاء مابين عينها حتى فكها ويدينها من كتف(سلمى وأجا) جنحان لكن ما تطير والكمال باين في وصلها حبيت أكمل وصفها!!! لكن شموخي ما رضي أرخي راسي وعيني في قدمها قالت وهي تراقب نظرتي!!!!! ليه رحلتك وقفت على اليدين؟ قلت ما سمعت ان قيس في ليلي كتب,, (ان أقدامها تشفي العليل) |
تخيل ان عدوك (بحر)
وأخوانه (جبال) وأعز اصحابه (تربه وسحاب) ماتعصيه (شمس الضحى) (والقمر) من شانه حضر (والماء ) بكره وأول أولاده (رضي) (والبشر) كل البشر يعشق (بحر) تخيل,, وسطة المعركة منه فيكم (ينتصر) تخيل,, في بر ولا في بحر منه فيكم (ينتصر) انت تخيل,, أما أنا وقت المعركه بلبس (قناع) وأختفي وسط البشر (الاقنعة) تحميك من (قسوة بحر) والاكيد ان (الاقنعة) تحميك من غدر (من يعشق بحر) |
قابلتها ,,وعادت لي بعيونها ذكرى (حنين)
قلت:السماء .....ولا على أرضك (هرم) قالت : سراب,,مالي عتاد ,,في رحلتي (عابر سبيل) أو بالاصح (عابره يم السراب) ايييييييييييييييييييه,,قالت :علامك مبتأس قلت سبحان من أوجد هذا الجمال قالت :أنا؟ قلت السحاب...... ضحكت ودارت..وعادت بسمّوها (برق ورعد) من بعد ما حركت كل السحاب.. وقام يهطل على كتوفها (وابل غرام) كني أشوفه من (غرام) قلت:أبتدينا,,, قالت:بسألك؟ - اذا جيتك حزينه,,تشاركني الحزن ولا تواسي دمعتي؟ واليا مثلي بكيت..هذا وفاء؟ ولا مواساتك لدمعي يعني (ماحسيت فيني)؟ -اذا جيتك سعيده,,وأنت في حياتك حزين!!تشاركني فرحتي,,ولا تجيني بدمعتك؟ واذا شاركتني فرحي,,معقول أحساسك عديم ولا تجامل ضحكتي,,وان كان دمعك ما نساك.. أستاهل انك تطفي فرحتي؟ -اذا راح من عندي (فقيد),,تجي تنحب معاي,,ولا تقول (مالي ومال الناحبات)..وان جيتني (وش يقولوا الحاضرات),,وان ماجيت..كيف تنعيني يالحبيب؟ قلت: ربي يعين,,, يالله نبدأ من أول سؤال؟ الجوا................. قالت لي : العفو؟ أبغى اجابه واحده عن كل هذه الاسئله في (كلمتين) |
يموت من مات
يومين وننسى ونعود نبكي بعد أيام ونضحك وننسى ونحبس الدمعة مت ماجات سيرتهم نقول (هلّي)وتروي الخد طيحتها نهر جاري,,, من مياه....ما يمنعك عن شربها غير (ملوحتها) لكن تذوّقها,, يدلك يوم تطعم ملذتها ان دمعك مثل ما تبكي,,يبكي.. شوف مكان ركن (شفتك) عند مضيق علّوها وأسفلها ليه تتوقف الدمعة؟ أنا اقلك...لجل أعرف رسالتها تبغاك ترسل على قلبك مرارتها تبادل حزن بين عينك وقلبك ما ظهلر للناس بيّن وما اختفى(يبقى شموخه في اختفاءه) نقول يبكي,,,,مجرد توقع نقول مسرور,,,,مجرد توقع ان نام ماتدري متى يغفي وان سهر تحسبه نايم هذا قدر قلبك تدرك شعوره لكن عينك تجهل والجهل للقلب (ثوّر محكمتها) ايه....ننسى بعد كل العراقه في مسايرتها باقي لنا فالعام(يومين) نبكي ولا نسأل عن القلب ويغوص دمعك على شفتك وكامل سيادتها يوم يظهر هلال يقول الصوم باكر تتذكر حياة اللي رحل ماهو من عيننا ....(من مائدتنا) ,, ,, ,, ,, ويوم يهل العيد....بعد الصلاة ما هو من قلبنا.....(من تهنيتنا) يموت من مات ماننسى... كيف روحي (تنسى مملكتها) |
عودي
انا لو بكيت مره ما ابكي بعدها والله ما ابكي وانا دائي من عرفته ما يخاويني ثواني عودي مو عشاني عشان لا تبكي بعدها ما اريدك تلومين نفسك لو دقايق لو رحلتي بحسن ظنك مي حسافه هذا قدّرك وانتي ابخس في ثمنها ما عليّه ولا عليك من ملامه اخاف من غدر الليالي يجيبك في وطنّا وتنحي بالرجال اللي غلاكي من غلاها عندي البرهان من غدر الذيابه اللي من جهلك صاروا ذيابه وعندي البرهان (في سيفي حماقه) لا الذيب يبقى ذيب ولا الغابه تنّعم في أسدها ولكن حذاري تجين وانتي فريسة انا نصحتك والذيابه في مهدها نصحي أعزه على حد سيفي اشوفه اقوى سلاح والعاقل ولدها عودي بس ما ابغاك في ارضي وداري على ارض (هذيك العاجزه) اللي من اجلك (حررتها),,, من نسج الخيال |
يا فجعة القلب
من دقة الساعه يا فجعة الروح من لحظة فراقه اللحظه اللي من سنيني محتريها,,, كنها رميت سهم في وسط غابه سابت الساحه عيني تحتميها يا وجد همي وغمي من وساعه ضاقت الفرحه والكفن عوّد يلتويها يا مُنى الروح بوصيك مني وصايه ناظري بقلبك وعينك أغمضيها والله لو جات المنية والوداعه لرمي البدله وروحك ألتجيها انا الكفن وانتي مرامه |
رحل
بعد ان زرع في بيته نبتا من طيب واخر من وفاء رحل بعد ان علمهم الكرم رحل وقد زرع في قلوب من سكن معه ومن جاوره قيم الاوفياء رحل جسدا وبقى لهم ولنا روحا نستمد منها كل ماهو خير رحل لانه لابد من الرحيل وهذا مصيرنا ومصيره رحل لحضور موعد ساعة رحيله ولم نرحل لاننا ننتظر ساعتنا لم يحن موعدها بعد قد تكون بعد ثواني أو بعد ساعة أو بعد يوم أو شهور طالبنا وطالبوا الجميع لانفسهم أن يدعوا له بالرحمه والمغفرة والله غفور رحيم ولكن لنعمل قبل أن يطلب غيرنا الدعاء والترحم على رحيلنا لنبدأ من الان ونقول للجميع هنا وهناك وفي كل مكان لنحافظ على الصلاة ونحسن الخلق فوالله هاتين كفيلة بأن تزرع في قلوبنا الايمان فواحدة تنهى عن الفحشاء والمنكر والبغي وهذا حقنا عليها ان أقمناها والثانية ليس لها ثواب غير الجنة اليكم جميعا: الصلاة بيني وبين ربي فأعطوني ما عندكم من حق الى كل من أخطيت بحقه وظلمته ,, اسقيني من سماحتك وعفوك عني |
قالت : أحبك وموت فيك
انت عمري وحياتي انت نهاري وليلي فيك شمسي وفيك نور القمر انت شريان تاجي انت الوريد قلبي وعيني روحي مالها غيرك (ونيس) قلت:ندخل هالاختبار مادام صرت في حضورها موت وحياه قلت:هيه تعالي يا وجه الفقر قالت:أقول انت في طريق وانا في طريق قلت:من كلمتين صرتي أكذوبة (حياة) |
دامت لي وراحت لغيري
وهم يقولون عكس ما صار لو دامت لك ماراحت لغيرك دام الحزن لي وشفته في عبّود وكل من حوله بكى حتى عيني لقيت فيها ما شفته في غيري وضاع الفرح لي وشفته ضايع عند غيري راح من عندي وشفته من عندهم ماسك السير حتى النوم ضاع من عيني ومن عينهم ماغفت عين هم يعزون أنفسهم وأنا اعزي جروحي هم يبكون الفقيد وأنا ابكي على (100) فقيد دامت لي ودامت لغيري وهم يقولون عكس ما صار لو دامت لك ما راحت لغيرك |
أعرف قدري وحجمي
فلست لحاجة الى من خلفي أن يوصف لي ما أمامي الجاهل عدو نفسه قالها العلماء والمثقفين والادباء ونعيدها اليوم ليس تخليدا لذكرى من أطلقها ولكنها تكرارا لمن يصعب عليه فهمها قالها ذات يوم أحد من أثق في علمهم: يقولون ماذا يقولون دعهم يقولون فالنخل المثمر دائما ما يتعرض لقذف الصبية بالحجاره سيستمر قلمي وسيبدع حرفي رضيتم أم أبيتم ليس بكم ولكن بأعضاء بوح القلم من يملكون الابداع حرفا وفكرا فهم وقودنا لما نسطره وثقوا تماما يا................. أنه عندما يرفضونا هنا (سقوطنا الحقيقي) وليس سقوطكم المزيف فالكبير لايسقطه الا كبير مثله وليسقط الصاغرون |
عشقت البحر فكرهته بمخاطره
عشقت البر فضاق صدري بخفاياه عشقت الجبل فكرهت انعزالي عن البشر عشقت الشمس فألجمني عدم التمتع بالنظر الى شعاعها عشقت القمر فعاتبته بكثرة انتظاري ويختفي في يوم عشقت الجوع فتركته بسقوط قدره عند أول لقمة أتناولها عشقت العطش فأنساني كل من فالدنيا وهددني بالموت فبعدت عنه عشقت المطر فحبسني في داري سجين وأسير عشقت البرد فجعلني أبحث عن نار وكأنه يريد ان ينتقم مني فمن أنتي حتى أعشقك يا فاتنه؟ وأبكي لفراقك,,,, |
جيتك يا دنيا
بعد مافارقني الاحباب وجيت أسألك عنهم عسى قلبك وسيع هم فارقوني غصب ما هو رضا وانا وقلبي وعيني انحرمنا بالفراق ايه يادنيا ما وطت أقدامهم أرضك؟ خبرينا عنهم وين المكان,, ما ناظروا لشمسك في بداية يوم كيف كان الفجر في عيون الهوان أكيد شاغلتهم مد بحرك وجزره ماعانقوا ملح البحار نور القمر يا دنيا أكيد بالعين ما اغموضها خبريني كيف أمسى اليوم بسواده وش يقول ذاك القمر عن حالهم يا دنيا خبريني؟ أسألي رملك أسألي حتى الهواء أسألي أوتاد ربي حطها بالثبات لأرضك ,, أسألي حتى السماء شوفي السحاب شوفي النجوم وان ضاع عنك هالجواب أسألي من رجهم ربي عالتصنت يمكن تلاقي لي جواب |
جاها نصيب وأنا ماجاني نصيبي
بعد ما جاها النصيب!! وبعد شهر مدري عام مدري سنين جتني في حلمي مرتين مره على جسدها فستان أسود وطرحه سوده من حرير وبعدها في نفس حلمي جتني وفي يدها أربع أكفان وأبوها حامل كفن,,, قلت الله المستعان تعال اللي شهدت سنين ودي معاها ياللي حملت أفراحنا يوم ما كنت الامير ياللي حملت أحزاننا يوم ما كنت السجين مانستنا جت برضاها تنادي عشقنا أوعدك اذا مت راح تدخل في عدتها (اربع شهور وتزيد عشره من ايام الشهور) وأن ماتت قبلنا راح تكتب تحية لك ولي في وصيتها مجبور يا قلب نتركها كان هذا قبل الحلم ولاهنت ياقلب بفراقها (هذه عواقب محبتها) وكان هذا بعد حلمي هذا وفاها ومن يوفي اذا ضاع النصيب,, هذا وصلها ومن يقطع جاك في حلمك وزارك يبقى هذا الوصل (أحساس القلوب),, |
قابلوها..
عقب عيني ما غفت حزة لقاها,, وعلموها.. ان قلبي عن هواها مايباها,, أحرموني وأحرموها.. وعذبوني وعذبوها.. يابلاي ويا بلاها ما بعدنا عن هواها!! والله ان الدنيا ما تسوى بلاها والحشا تصلاه نار من عناها من سنين ذكرها فالقلب حيّ مانساها والنهاية علّها ترجع ليالينا معاها ون غفت عيني,,(خبروها..واصدقوها..وعلموها) ان قلبي في هواها,,ما نساها |
قالت يوم أوادعك تبكي عيوني عليك
وأنت عينك ما بكت يوم الوداع ليه دمعي يهطل على خدودي ويخلق أنهار من كثر مبكي وانا أزهم عليك أذري بصوتي وحرفي يختلط ويصير قطرات وأتلذذ بطعمه وأثره أملح من مياه البحر وتضيع كل الحروف,, قلت لا تظلميني شفت دمعك وانتي ما شفتي دموع ما شفتي بحر خلّف سيول بس دمعي ما نساني دايم وفي ما ظهر على خدي وبان غاص في جوفي أمين راح يطفي لهب في داخلي (ولع حريق) هذا دمعي غير دموع البشر دايم وفي والوفاء طبعه مايعشق بشر يعشق (أسير) |
قف؟؟
فلن ترضي قلبك بهذيانك,,, ولن ترضيك عينك بمتاهاتك,, أحتارت روحك في أي الطرق تسلك"" هذا (سجّان) ظالم وذاك (سجين) حالم ومعقلهم (روح) سقط عليها وابل من (رماح) جهلك فسقط (كيانك) وأصبحت(لاشي)!!!!!!! هل أدركت الان أي الطرق سلكت؟ |
ليه تبكي؟
والفرح توه بدا ليلة فرحها,, ليه تبكي هالعروس؟ فستان ابيض ...وسط كل الحضور ليلة عمر..ليه خان العمر...فرحة عروس؟ كل من فالحفلة صمت منظر جرح (بدموعها) كل القلوب النساء,,,,, كل الحنان...العاطفه هُم ذكريات يموت عند البشر (احساس) عُمُر الا النساء....مايموت احساسهم ولو السعادة حاضرة مايطفي (شعلة فرحها),,,الا اغلى(..........)قلبها ما يغرها (فرحة عمر) مايغرها (الالماس) ما غر (العروس)كل الحضور في (ليلة عمر),,, يوم لدت (لليمين) واستدارت (لليسار) وطافت بعيونها (كل الجهات) كل من حبها... جاها يشارك فرحها في عرسها ما بقى منهم أحد ما غير غاب العمر في ليلة عمر ايه يا كل (العمر) كيف تفرح؟ ما سالتم ليه غاب الفرح في ليلة عروس؟ |
يوم ضاعت كلمتي
ما لقيت عن حرفي بديل الا بنظرتي يمكن تجيب المستحيل جتني وفي حضورها شفت الاناقة مابين عين وعين من تحت الجبين يشع نور ..والغريب ما جهرني نورها هادي وأنيق قلت انتقل من مكان اليا مكان فيه الظلام في دخلتي وقبل ما اخفي هالظلام بلاحظ وين يوصل نورها!!! العجيب...انه احتواها كلها بالطول والعرض ماله نصيب التفت وشفت رسمة عينها والسيف من فوق شفتها رزين ورياض بيضاء مابين عينها حتى فكها ويدينها من كتف(سلمى وأجا) جنحان لكن ما تطير والكمال باين في وصلها حبيت أكمل وصفها!!! لكن شموخي ما رضي أرخي راسي وعيني في قدمها قالت وهي تراقب نظرتي!!!!! ليه رحلتك وقفت على اليدين؟ قلت ما سمعت ان قيس في ليلي كتب,, (ان أقدامها تشفي العليل) |
تخيل ان عدوك (بحر)
وأخوانه (جبال) وأعز اصحابه (تربه وسحاب) ماتعصيه (شمس الضحى) (والقمر) من شانه حضر (والماء ) بكره وأول أولاده (رضي) (والبشر) كل البشر يعشق (بحر) تخيل,, وسطة المعركة منه فيكم (ينتصر) تخيل,, في بر ولا في بحر منه فيكم (ينتصر) انت تخيل,, أما أنا وقت المعركه بلبس (قناع) وأختفي وسط البشر (الاقنعة) تحميك من (قسوة بحر) والاكيد ان (الاقنعة) تحميك من غدر (من يعشق بحر) |
ذيب وذيب
والبقية من اعداد البشر في لحظة غروب والشهر توه جديد والاماكن خالية لا وزير ولا رقيب عن يمينك صحراء.....وعن يسارك بحر ومن أمامك ذيب وخلفك اخوه الذيب في لحظة ألم عوى ذيب مدري ما عوى....هذا احساسي يقول .....انه بكى قلت ياذيب هذا الذيب يعوي ...وش يقول؟ ترجم أحساسه...اشوف دمعه على خده سطع ياذيب أحساسي يقول انه (فقيد) عيني ما تكذب نظرها.....حتى قلبي (صايد..صايب..حكيم) ياذيب... لو كنت أنا ذيب...ما ضاع ذيب وأنا ذيب قال السبب انتم يالبشر!!!!!! أنا (الفقيد) |
الساعة الآن 09:21 PM |
Powered by vBulletin® Copyright ©2000 - 2024, Jelsoft Enterprises Ltd. Designed & TranZ By Almuhajir