|
كونك تمنّعت وتماديت= واسقيتني المر بغرورك ما يهمني وش كثر سوّيت= بقدر ما يهمني حضورك |
وحشتنا يابيان الصمت= وش فيك يامطوّل اغيابك يامن فبحر الصداقه عمت = مرفوض هجرك لأحبابك |
أجبرتني اقتنع بالطّيف = وأبكي ليالي الصفا وانعي ذبلت ورود المحبّه كيف= من بعد ماسْقيتها دمعي |
دمع الأسى من عيوني سال= والمنطق اهجرْك وأخونك وما وديَ ادخل معك فجدال= والقلب مأسور فعيونك |
مـن بـاديَ الـوقـت والأيــام= والطـفـل عـايـش بـأحـلامـه بـرئ يضـمـن لــه الإســلام=كـامــل حـقـوقـه وإســلامــه واليـوم فــي عـالـم الـظُـلاّم=يمشـي علـى كـيـف ظـلاّمـه صرخة الم تحتوي استفهام=ليه الطفل تشنـق احلامـه ؟ |
كُل ما سطع نور في دربي= تزيد اكثر معاناتي ليه الزمن بس ياربي=ماشي على عكس رغباتي |
صابر ودمع الأسى يجري= اظهر رضايا مع خضوعي اشتاق لك وانت ما تـدري= واخفي الم داخل اضلوعي |
عبدالعزيز الزويهري
لي قلب عاشق يحب انسان = و راسم جميع الأماني فيه لكن حسافه على ما كان = عيّت ظروف الزمن ترضيه . . صقر المقرح
ماحد من الناس يالشيهان= يحصل على كل ما يبغيه مير الأمل شمعته برهان= تفتح لك الدرب وتضوّيه |
حلم الطفوله يراودني= تطري عليّ ذكريات الأمس وهاجس الشوق ياخذني= في لحظة اغروب ضوء الشمس |
كملي وانا محتمل غيّه= وابادله بالجفا اشواق ماحد شغل خافقي زيّه= في عالم العشق والعشّاق |
في داخـل القلـب وناتي= تطرد سراب الهوى اللي مات وطلعت من الود بالآتي= رعشة خفوقـي مـع الآهـات |
رغم انه الشوق يتعبني= راضي بهجرك وراضي بك لكنّه الدمع يغلبني= كل ما تذكرت تعذيبك لجلي تحمّلت تحسبني= محتاج كثرة عذاريبك لو ما الليالي تحاسبني= انا اقدر اهجرْك واسيبك |
بعض العرب شينه اطباعه= كلمته دايم تسـد النفـس ودك تشده مـن اكراعـه= وتعلمـه كيـف يتنفـس كــلٍ يكـيـل الـوفــا بـصـاعـه= والبعض معظم كلامه طمس لا شفتهـا شـانـت اوضـاعـه= إجعـلْـه كـنّــه بـقـايـا أمـــس |
صرخة الم صادره من قلب= معانقه واحتواه اسنين تستجديَ اللي فؤاده صلب= على أمل يمتثل ويلين |
هلّت وبانت ليالي العيد= كل عام وانتم جميع بخير يا الله عسا فالنا التجديد= وتصرف إلآهي شرور الغير |
سافـر وظليت في حاله= عيّت تردّه عليّ خطاه وعاود الدمع مـسـياله= من طرف باكي تهامل ماه |
لو جيت للعقل والمنطق= مفروض ما اصدِّق اوعودك لكنّه القلب لو ينطق= يقول مرتاح لوجودك |
ضربة معلّم فراس الذيب= مهما عوا ما يفيده شي فيها أساليب للتهذيب= عساه يركد ويهدا شوي |
بالله ياصقـر للمقـرح= اسمع كلامي وطاوعني انا ليا شفتكـم افـرح= ورتاح اذا كنت سامعني شرواك مثل الشجر يطرح=وبطـيّـب الثـمـر يشبـعـنـي ياعـد أنــا طيبـكـم يـشـرح= صـدري وهـمّـي يودّعـنـي |
تركتني في زمن حسّاس= طيفك نديمي وتذكاري يكوينيَ البعد ، والهوجاس = يداعب الليل بافكاري |
ليه القدر ياخذِك منّي= وربي مقدِّر عليّ فرقاك ؟ يُمّه ترى البعد يألمني= وعيا الفؤاد الشقي يسلاك |
لاجن ليلي وصدري ضاق= وقـام دمـع الأسـى بـدوره تنتابنـي حـيـرة المشـتـاق = المنتظـر ساعـة احضـوره عطفاً على حالة العشاق = اللي بها النفس معمورة أغنم زمانك من الأشواق = ولا تنتظر كامل الصورة الشوق يا صاحبي حرّاق = للي لقـي فالهـوى جـوره المنتظر يـوم بـه إشـراق = يمحي ظلام العنـا بنـوره من طب بحر الهوى وانساق = والمـوج دورة وراء دورة لابد ينـزل الـى الأعمـاق = ما يكن .. حتى يجـي دورة بحر الهوى صعب ما ينطاق = وإيدي عن الغوص مقصوره وش الـعـمـل والـمـعـنـّا ذاق= فــي عـالـم الــود محـضـوره |
معذور وفلّي تسوّي حر= مضطر أعشق عذاريبك لاتحسب ان الفراق المر= يضطرّني فيوم وأسيبك |
سلام للنايب الراقي= نفحه عطر من زهر بستان صادر من القلب واعماقي= للي لهم في خفوقي شان يامرحـبـا بـكـل الأذواقــي= ترحيب شامل بكم ياخوان واخـص بـه كـل عملاقـي=شروا الصقر بادي الألحان خابرك فيك الوفا باقي= صنديد للطيّبه عنوان لجلك مخضرم وذواقي= جيتك أبانْشدْك يالشيهان مـثـلـك وشـــرواك مـانـلاقــي= صقر(ن) ومعروف بالأوطان هـات الخـبـر قـبـل الأغـلاقـي= يـاصـقـر يـافــارد الجـنـحـان أعرفْك للود شواقي= تتقن فنون الهوى إتقان اللي به الشوق حرّاقي= تكفيه نظرة غصين البان؟ الـــود مـــن يتـبـعـه شــاقــي= يشـوف فـيـه الـعـذاب الــوان الا اذا كـــــان لـــــه فـــاقـــي = نظرتـه تـجـذب لــه الـغـزلان من الوله دوم نشتاقي= للي غزا الخافق الولهان والبير ما جمل الساقي= واثر على الفكر والوجدان اصل الوله شي الحاقي=ماياتي الا بعد ازمان ثم يدبل الطاق بالطاقي= سوات خبزه من الفران |
اناعْرف إنك عليّ زعلان= وتمارس الثقل بفنونك وحتي فلحظة زعلك يبان= صدق الأحاسيس فعيونك |
تركتني والهوى مدروق= في داخل القلب ياروحي تسألني عنك الجروح بشوق= واحتار يابلسم اجروحي |
هذا الذي قبل ماشوفه= ضاعت سنين العمر مني يا للأسف عيّت ظروفه= تحققلي ما كنت متنمني |
أهجر وسوي على كيفك= وانا التمس لك من الأعذار ما دام خليتلي طيفك= يجي يسامرني في الأسحار |
سلام ينصى هل النوماس=نابع من القلب واحساسي ياصلك يالصاحب القرناس=ومصدره فكر محتاسـي ترحيب وافي لكم كالماس=ولانحـدده لـك بقياسـي من قلب صافي لكم حساس=مشغول في حالك الآسـي اللي هويته جويد السـاس=قلبه سوات الصخر قاسي خلا فؤاد الشقـي منحـاس=فبحر الهوا ما غدا راسي البـحـر وده شـديــد الـبــاس=يـلاعـب الـمـوج وسيـاسـي لابــد تـرسـل لـهـم عـسـاس=يكشف لك الضعف جساسي أنا فعلم الهوى نبـراس=لكنّه الوضـع منحاسـي ومن قفّل الباب بالترباس=لاهي ، لقن الهوى ناسي علم الهوى ماحتوى للناس=ومحال خطـه فقرطاسـي ولابد ماينسس النسـاس=ويحرك السلك بالماسـي أتعبنيَ الفكر والهوجـاس=ومن بعده اصبحت حساسي أخفي دموعي عن الجُلاّس=من خوف لايعرفوا باسـي لاباس ياصاحبي لابـاس=اللي تعانيه من كاسـي لكن طيفه لبسته لبـاس=وبذكره امشي مع الناسي من طب بحر الهوى جسّاس=يبحث عن الطيف روّاسـي ما يجنيَ إلا عوار الـراس=ويطغى على الفكر وسواسي الطرف ياصاحبي لك ساس=لجلـه علـى الزيـن حداسـي لــولاه ماتشـكـي الأنـكــاس=ولمـثـلـك الـيــوم بـنـواسـي |
لا تروح عني تخلّيني= أقضي مع الهاجس الأوقات توحشني لا غبت عن عيني= وتزيد في الخافق الدقات |
اللي من الناس أغراني= وحرم عيوني منام الليل استجذب القلب بلعاني= حتى تعلقت به بلحيل |
يا بائع الورد أبغالي= زهرة بنفسج بنفحة طيب مني هديه إلى الغالي= من قبل شمس النهار تغيب |
لاتحسب البعد يجبرنـي= اكون في موقفي سلبـي تروح وتقسى وتهجرنـي= ولا زلت ساكن وسط قلبي |
رجعت لك بس لجْل اعرف= إشتقت لي مثل شوقي لك ولا زلت أهواك والاّ صْرف= نظر وأنهي ارتباطي بـك |
ياكم فبحر الهوى مفقود= ومن حافه الموج وانجنّي هو بحر طامي عليه شهود= واللي نجا منه مستنّي |
من يوم ربي خلقني ، حر= كثر الأسى أهمله وانساه علّمنيَ الوقت كيف اصبر= وكيف الخطأ لا حصل ادراه |
جزا ( سِنِمّار ) رديته= لا عاد ترجع تكلمني باللي عملته وسوّيته= سببتلي جرح مؤلمني |
هجرت وخليتني عانقت= سراب يطردْه موجوعك يا من تحاول تضيّع وقت= أنا احسَب الوقت لرجوعك |
يا صاح لا شفت لك مسكين= عجز يجابه غلا الأسعار المنطق إنك تكون أمعين= وتُحسَب لدى الواحد القهار |
أجاملك والألم قاسي= بُعدك سقاني مرار الكاس أضحك مع الخلق متناسي= واخفي دموعي فوسط الناس |
الساعة الآن 04:50 PM |
Powered by vBulletin® Copyright ©2000 - 2025, Jelsoft Enterprises Ltd. Designed & TranZ By Almuhajir