.
.
..
.
.
.
.
.
.

من دم قلبي سقيتك ود=وحتى على الروح فضلتك
غالي فقلبي ولا لك حد=شريان قلبي تمنيتك

يااللي بحياتي تمنيتك=تمشي معايه سواة الظل
وفي داخل القلب اغليتك=واليوم حتى معاد تطل

بان القمرفي سماي وهل=حركلي القلب واشواقه
أخاف شمس الفراق اتطل=وتهزقلبي من اعماقه

لي روح باسبابها مجروح=خلت لي الحال بي يثرا
وللأن آلآمها فاالروح=عيت معي يوم لاتبرا

وليف الشوق=
ارسل تحيه لبوممدوح=من صافي القلب نهديها
غالي علينا عزيزالروح=نسأل عن اوضاعكم فيها
ابوممدوح=
أزكى تحيه شذاها يفوح=بالمسك والطيب مسخيها
لأهل النقا والوفا مشروح=صحبتك ماأبيع أشريها
وليف الشوق=
ايام وانته معاد تلوح=وحنا على الطيب نمشيها
وافي ولك الغلا مايروح=وشوفتك من القلب نغليها
ابوممدوح=
ماني بعيد المدى والشوح = لاجات أشاره نلبيها
وأنت من اللي بنيت صروح = ربعها تحي بلا فيها
وليف الشوق=
الدار بابه لكم مفتوح=ترحيب باالطيب نغليها
يامن لكم باالفؤادشروح=في داخل القلب معليها

.
.
.
.
.
.
.
.
.
.

يارجال بالاسم متساوين=والكل منكم يعرف الدرب
ابقوا على الطيب متخاوين=انتم تراكم فموقع حرب

يكفي ياالايام ماجاني=وش عاد باقي عليه اتزيد
فااللي مضى كله احزاني=خلي فرح لونهارالعيد

.
.
.
.
.
.
.
.
.
.
.

ياملتقى حرب واحراره=واجب علينا نهنيكم
بعد اقبل العيد بانواره=الله يحقق أمانيكم

.
.
.
.
.
.
.
.
.
.
.

الله يديم الصفا يعمر=ويزيد ولف الاحبه فيه
والكل منهم يقول أمر=اطلب على ماتبي لبيه

دايم اشوف التغلي فيك=حلوه تجيني من الغالي
مهما تكبرعلي افديك=باالروح والحال والمالي

.
.
.
.
.

العين رفت علي اليوم=ولايوم بحساسها خابت
أما سعد زخته لي كوم=ولا نحاسه علي جابت

قابل البشري (الجمل) ووليف الشوق=
مادام ليل الصفاعامر=وجاناعلى حسب مانطلب
نبقى لحن حي ومباشر=حصري على ملتقاناحرب
بيان الصمت -أبو فرح -سالم البشري=
ابشر وماتطلبه حاضر=ياطيّب الأصل والمذهب
حنا على النهج والساير=نمشي معك حسب ماترغب
قابل البشري (الجمل) ووليف الشوق=
عاده لكم ماضي وحاضر=وافين في بعدها والقرب
يااصحابنا دلوا الحاير=اللي تعب مالقيله درب
بيان الصمت -أبو فرح -سالم البشري=
تسلم وفيك الوفا خابر=ياعد فالقيل ما ينضب
ما اقدر أقديك فالظاهر=دامت خوافيك وسط القلب
قابل البشري (الجمل) ووليف الشوق=
قضيت ليل الهوى ساهر=اعيدالافكار واحسب
واللي ظهرلي من الصادر=لاهوخساره ولامكسب
بيان الصمت -أبو فرح -سالم البشري=
معروف صعب الهوى جاير=ما الومه اللي فليله طب
وراعيه لابد ما يساير=ان كان يبغى ينول الصعب
قابل البشري (الجمل) ووليف الشوق=
سايرت ودي على الاخر=مايوم رديتله مطلب
لاكن غزال الحمى نافر=من فعل فاعل ومتسبب
بيان الصمت -أبو فرح -سالم البشري=
مادام لك ضد ومخاشر=لاتتركه فالحمى يلعب
والود رسِّيه لا يهاجر=واسقيه من صافي المشرب

وليف الشوق=
اللـي مــنـول اذا شـفــناه = نـفــرش طريقه بوردوفـل
والقـلـب يـفــرح ويـتـمـناه = اصـبـح عـليــنا مـعاد ايـطـل
سالم البشري=
دامك تعزه تبا ملفاه=وجاك الأسى بغيبته واقبل
قدام لاتشتكي فرقاه=الواجب إنك عنه تسأل
وليف الشوق=
كل مااجي للأ سف ملقاه=ودايم عليه السؤال اسأل
الله اعلم على بلواه=اللي بغيابه عليناحال

الى متى والعقول صغار=والناس بعقولها كبرت
تبقى العقول الكبار كبار=وكباربعقولها صغرت

.
.
.
.
.
.
.
.
.
.
.

وليف الشوق=
يابوفرح ياجويدالساس= ابقى افاده فغيبتكم
وش غيبك وانت اعزالناس=وخلاك تمادا في قطعتكم
ابوفرح=
يامرحبا من طناخة راس = ترحيب غالي بحضرتكم
حاضر ولاغبت يانبراس = ليتك تراجع شريحتكم
وليف الشوق=
لك قدرماله ابد مقياس=ونسعدعلى يوم طلتكم
غالي عليه وفوق الراس=وكل يوم تعلا معزتكم
ابوفرح=
هذا العشم فيك يا قرناس = ذخر وفخر وقت عازتكم
يوم المعادن ذهب ونحاس = غطت على الكل شوفتكم

اليوم حظي معايه قام=خلاني اغلا البشرشفته
لو00زانلي من قبل ايام=ماكان كل العنا ذقته

القلب يعشق بعض احيان=محبوب من قبل لايشوفه
صوره طبعها شعورانسان=تاجي على كامل اوصوفه

ياقلب يااللي تحب الناس=صعب البشر يوم ترضيهم
خلك على العز والنوماس=حتى على الطيب ماشيهم

.
.
.
.
.
.
.
.
.
.
.
.

الطيب عزه على اهل الطيب=وفاالذاكره ذكرهم يبقى
واللي يودي كلام ويجيب=لاعاد حتى لهم تشقى

.
.
.
.
.
.
.
.
.
.
.
.

والله نكره جميع اعداك=باالذات للي وقف ضدك
وقت اللوازم على يمناك=ونجافي اللي يبى صدك

بعض البشر ماتسيب الناس= وتخلي الكل في حاله
في ناظري من اخس اجناس= ماكان يرضيه لوجاله

.
.
.
.
.
.
.
.
.
.
.
.
.

وليف الشوق=
الصاحب اللي غيابه طال= ماعادادري عن اخباره
عساه طيب شديد الحال = غالي وفاالقلب مقداره
ابوفرح=
يامرحبا ياجويد الخال = ياحر فقلوبنا داره
ابشر ترا زانت الاحوال= والطيب ماتنطفي ناره
وليف الشوق=
عسى البقا جعل عمرك طال=ياصقرعالي له انواره
طمنتني واستراح البال=يارب تسعد له ادياره

.
.
.
.
.
.
.
.
.
.
.
.
.
.
.
.
.
.
.
.
بكل الحب والتقدير دمتم على الف خير

.
.
.
.
.
.
.
.
.
.
.
.
.
.
.
.

وليف الشوق=
ياابوفرح شايف التغيير= ولا00انا ايتورالي
حتى التواجد اشوفه كثير=واعزتي عنه واحالي
ابوفرح=
شايف وساكت ولابغى اثير = من حوله شكوك واقوالي
مير اطلب الله عساه البـير = مايذوق من ماه فنجالي
وليف الشوق=
ما نقبل الوضع هذا يسير= لابد من حل فاالحالي
لاكن امره يبى تفسير = اللي تزايد ومتوالي
ابوفرح=
ان كان تبغى عليك اشير= عطنا مشاعيب وحبالي
قدام عصفورنا لايطير = ويصيبه جنان وخبالي
وليف الشوق=
واجب علينا بلا تأخير = فاالمر نفزع وفاالحالي
مانقدم العذر والتبرير = لو ان عقله خلا خالي

وليف الشوق=
اشغلني الفكرمدري ليه = وضيع حسابات تحسيبي
والقلب زاد التردد فيه = عيا على بر يرسيبي
حاولت الآقي سبب مشقيه = واعدل اوضاع ترتيبي
ازريت لاارسي على مابيه = واحترت وازداد تعذيبي
قابل البشري=
قلب العنا لافقد غاليه=زادت عليه الاصاعيبي
يبدي فرح والاسى يخفيه=ويتوه بين المطاليبي
لكن حدد هدف وارميه=وعادتك هداف ومصيبي
وشرواك خط القلم يكفيه=وتغنيه طول التجاريبي

وليف الشوق=
ويش الذي صابها الموجات = وشوش برادارها كامل
من بعدها تغيرت عادات = فااللي معه مكتمل صامل
بعدالتحدث على شفرات = ماعاد ينفع لها مجامل
في مثل هذي من الحالات = لا بد تبريرها شامل
سالم البشري=
بالهون ياحاسب الحسبات=اشبك على الحيد متحامل
اللي مشى صافي النيات=تاتي معه حسب مايامل
ماعندي ارقام سريات=ولاني مهندس ولاعامل
واللي سمع مصدر الأصوات=يقدر مع الوضع يتعامل

.
.
.
.
.
.
.
.
.
.

كل الاحاسيس تندهله=في داخلي بس مخفيها
مهما تعذبت من اجله= صابرولايمكن ابديها

.
.
.
.
.
.
.
.
.
.

ادور ارضاه وامشيله=واللي يتضايق منه مايجيه
وليا طلب مطلب ايجيله=قفى وخيب امل راجيه

.
.
.
.
.
.
.
.
.
.
.

حارم عيوني لذيذ النوم = كله على شان ترعاكم
مهم حصل00من عنا لي يوم =أنساه حزة ملاقاكم

.
.
.
.
.
.
بكل الحب والاحترام دمتم باالف خير

ودي قلوب البشر تصفى = من كل علة تعانيها
لاعاد تحقد ولا تجفى = وغير الصفا شي مافيها

.
.
.
.
.
.
.
.
.
.
.

تغيرت فاالبشر عادات = ماهي من اطباعهم كانت
الله يستر من الجيات = اللي من علومها بانت

.
.
.
.
.
.
.
.
.
.

وليف الشوق=
سـلام رده ومشتاقيـن = لهل الوفا جيتي عانـي
باخذ واعطي مع الغالين = اللي لهم عندنا شانـي
سالم البشري=
يامرحبا ياهلا واهليـن = ترحيب منطوق بلساني
واللي كماكم لهم تثمين = يبشر بعزه بعد جانـي
وليف الشوق=
عسى البقا واستمعلي زين = بشكيلكـم حـال عنانـي
من بعد وصلت معي لاوين = كيف افرض اليوم نسياني
سالم البشري=
بالي وسمعي معك هالحين = قلّي ترى الوضع مابانـي
وش لخبط الحال بين وبين = خـلاك مهمـوم وتعانـي
وليف الشوق=
اللي سكن فالحشا والعين = من حالته صرت حزناني
اليوم اشوفه على نارين = بعد المداوي رجع جاني
سالم البشري=
خلك معه فالقسا واللين = لاتقول كاني وماكانـي
الحال مايحتمل بعديـن = مادام الاول كماالثانـي
وليف الشوق=
جهدي معه باذله كل حين = اللي سكن داخل اعيانـي
خوفي عليه من بعدبعدين = يشكي من الآه وحدانـي
سالم البشري=
اسعى ورب العباد يعين=رسّه على الشط بآماني
والمقبله فالها بيزيـن=ويعيش بعد العنا هاني
وليف الشوق=
بادي حزن فاالعيون ايبين=لين اصبح الوضع انساني
محدن سأل من ثمان سنين= ومن حاله الصعب بكاني
سالم البشري=
فاد العذل وانقذ الشاكين=في وقت شري وقوماني
فاز الوفا منهج الصافين=و الصدق راعيه كسباني

.
.
.
.
.
.
.
.
.
.
.
.
.
.
.
.
.
.

خلاص ضاعت عليه اخطاي = من بعد ماشمسهم غابت
من فرقته صرت اجر ابكاي = وكل الاماني لنا خابت

.
.
.
.
.
.
.
.
.
.
.
.
.
.
.

بعض البشر معدنه صافي = تلقا الوفا عندهم موجود
وفي بعضهم قول ياكافي = مايمشي الا على المنقود

فاالقلب شيٌتلك مسكان = قصرا من الود تقديرك
مايسكنه غيركم انسان = ولايدخله واحد (ن) غيرك

.
.
.
.
.
.
.
.
.
.
.
.
.
.
.
.
.
.
.
.
.

حطيتهم فوق راسي تاج = وكامل الطيب معطيهم
واليوم صاروا على منهاج = و ما حد قدًر موفيهم