رميك سماء يابنت الاجواد ويغيب...
بين النجوم الساطعه والسحايب

وابعد عليك من الثرياء المقاضيب...
لو طاب لك رمعك فلا هو بطايب

حناء بساحة فكر فيها تعاجيب…
هنا هنا حذف الغتر والعصايب

واللي يفكر ياخذ الفكر ويجيب…
مكنون مخزون العقول الابايب


ومالك لو ا ماصااااابت وخيرها في غيرها

مالك لوا ماصابت ولاهنت انت ومن يقرا 🌷🌷🌷

وش رايك في خشة هالمزيون

https://encrypted-tbn3.gstatic.com/i...1DHeyDEVgUxVNg

هههههههههههههه
بين النجوم الساطعة والسحايب
هذا دليل ان الرمي قوي طال عمرك


مزلت فـي مرماي عند الاطانيب
والغز بنجيبه ولــــو كان شايب
اما انا ولا حـــدا هــــــالمعزيب
ان طابلك ولا على غيــــر طايب
ريلكس يابن العم وشوي تهذيب
ترا الزعل مـــرفوع بين القرايب
ياعقب من يحمون للفطر الشيب
حمول خــيل الياسرجت لطلايب
ماينسي محسن فعــوله تعجيب
اللـــي بدس الطير فك الركايب
لاهنت ولاهان منطوقك يا ابن العم ولو الغز مو عاجبني
ماشفت هذا الاصرار
واسف لو ازعجتك
ونقول

http://www.marefa.org/images/thumb/2...200px-Swak.jpg

يامرحباً بااعداد نبت الاداعــيب
&واعداد ماشقة من الهجن نايب

وحي الكحيله مالحقني تعاصيب
&بااعداد ماتذري هبوب الهبايب

مالي زعل فالعب وسط الملاعيب
&من حرب والا من بعيدً غرايب

كتب التحدي في جديد الاساليب
&يثير فــكر اللي فعوله عـطايب

اما يحل الــغــز والا لنا يـــجيب
&لغزن يخلي فروة الرأس شايب

والغز عند حسين عطب المخاليب
&جابه وشوفي كيف حط النصايب

يسلم لسـانه في جديد المـكتيب
&حط الرسن بالهرش فك النشايب

وصح لسانك
وصح لسان ابو علي وكفوووو ياحسين صابت
والشكر كل الشكر لكل من شارك ولم يحالفه الحظ🌷

صح لسانك وكفوووو صااااابت 🎯فالصميم
وبيض الله وجهك

صح لسانك يابوعدي لغز جزل من جزل

كفوو يابوعلي صح لسانك على الحل المثالي

صح بدنك يابو عدي وصح السانك وبيض الله وجهك

ياكاتب الجزلات في صفحة الويب

يشكرك أهل القيـل حاضر وغايب

في صفحة الامجاد اعلى التراتيب

فالمركــز الاول تقــود الكــتايـب

صح بدنك
يابو عدي وكفووووك الطيب

تشرفت بحل لغز من نظمك وابداعك ياغالي

كفوك الطيب يابو مروان

وصح بدنك ياغالي

صح لسانك مليون وكفوووو والا يبيض وجهك
كفيت ووفيت

صح بدنك يابو مروان مليون والجزاله منبعك

ولي اشرف يابوعلي بحلك لغز .الجمل
ولاهنت انت ومن يقرا

وهذا توضيح بسيط
بالحل
لماذا لا يقدم راس القعود على الصحن؟
أ) لان الجن تسكن فيه
ب) لان الدود يسكن فيه
ج) عادة قديمة عند العرب
د)لانه ينحر ولا يذبح
ر)أن القعود أشرم والعرب تعتبر الشرم صفة نقص ما تواجه بها الضيف
هذا اللي قدرة اجمعه من معلومات والله اعلم

ياسلام عليك يابو عدي

ماشاء الله تبارك الله

اشعار جزلة

الغاز مليانه رائعة

ثقافة عالية

موسعة في تراث وتقاليد العرب

الله يعطيك العافية ويزيدك من فضله

🌷🌷🌷🌷🌷
الله يسلمك من النار وعذابها يابو علي هذا من حسن ذاتك
ولاهنت انت ومن يقرا

ويعافيكم يارب ويطول بعماركم جميع من قرا

🌷🌷🌷🌷🌷

صح الله السنتكم
وطاب فالكم
ولغز ثمين لاشك

صح بدنك لاهنتي