|
( ريــــشـــة عــبـــــادي )
قلبي من الحرمان في نبضته حزن=كنه وترّ جاوب بريشة عبادي يشكي همومٍ فاقت الطّن بالوزن=والصّبر ماينطاق لو به فوادي يالله يامجري لنا الرّيح بالمزن=يامهلك ألأيكه وتبّع وعادي طالبك شاعر جاب قافه على إزن=افرج همومه وانت قادر وهادي الشّاعر / خالد بن عبيد بن معتوق ألأحمدي |
( طـــــبــــــــيـــــــــــعـــــــــــــــتــــــ ـــــي )
مااجرح شعور النّاس مااتحاقر النّاس=طبيعيتي من يوم ربّي خلقني الشّاعر / خالد بن عبيد بن معتوق ألأحمديحسّاس واتعامل مع النّاس باحساس=والله من امراض التغطرس عتقني امشـي مع الطّيب ولا اخاوي انجاس=والصّدق من عمر الطّفوله عشقني واوزع البسمه وانا اواجه الباس=اكتم همومي لو زماني خنقني مااشكي على مخلوق لو عشت بافلاس=اشكي على اللي بالتّوكل رزقني والجاهل اللي دقّ للشّر مرواس=عنه آتغاضا لو بشرّه لحقني ابحث عن اللي فيه مفخر ونوماس=وحبل المراجل بالوراثه وثقني ولا اقبل عليّ الليل في ظلم ودماس=والوقت في نار المئاسي حرقني اللقا سلايه بين حبرٍ وقرطاس=لاقمت اعبر عن عذابٍ عمقني اسري بهوجاسٍ واعوّد بهوجاس=وعن واقعي شعري حشا ماسرقني ولا اسب في شعري ولا اعادي النّاس=وهذا الفضل والمنّ للي خلقني |
( قصيدتي في الاعلامي / وائل رفيق )
نجحت فالاعلام ياوائل رفيق=ونوّرت شاشات القناه الرّايده واثريت ساحات الفضا باللي يليق=على منابر للمنافع جايده اصقلت موهبتك على النّهج الوثيق=مهنه لصرح اهل الثّقافه شايده ماتستضيف الاّ نوادر كالعقيق=منهم فوايد للمشاهد عايده برنامج العرجون به نور الطّريق=حلقه ورى حلقه تعمّ الفايده كمّ انفرج به همّ من عانا بضيق=واعلن رحيل همومه اللي كايده والاجر فيه يعود يالقلب الشّفيق= للطّاقم المبدع ولاانته نايده وبرامجك وانته بها قايد فريق=طاقم عملها ناجحه وامحايده يابن المدينه قلبك لطيبه عشيق=تظهر معالمها في كلّ معايده تنقى مواضيعك وبالنّظره عميق=تبعد عن المتردّيه والبايده واظهرت من طيبه مواهب تستسيق= طعم النّجاح اللي نجاحك هايده انيق فالهندام وافهرجك انيق=وثقافتك مع طيب ذوقك زايده يانجم بين نجوم يظهر لك بريق=وموقعك فالافلاك ضمن القايده واقولها واصدق بها نعم الصّديق=وياكلمة اهل الحقّ دايم سايده نجحت فالاعلام ياوائل رفيق=ونوّرت شاشات القناه الرّايده الشّاعر / خالد بن عبيد بن معتوق ألأحمدي |
( البحور العميقه )
خذها يابو غانم وهذي حقيقه=من واحدٍ مايعرف الكذب والزّور الشّاعر / خالد بن عبيد بن معتوق ألأحمديغلاك عندي من سنينٍ عتيقه=مكنون وسط اللي بالاضلاع محشور ياصاحبٍ بالحق يغلي صديقه=وقت الزّمان اللي به اسموم ودهور يانجم عالي فوق ساطع بريقه=وسط السما زايد به الحسن والنّور جنحان طيبك في سمانا طليقه=راع الوفا دايم على الزّين مذكور تربطك بالحكمه علاقه وثيقه=شهادتك في وقتك استاذ دكتور كيف العمل قلّي وكيف الطّريقه=فاللي قطع وصله على غير دستور غلاه وسط القلب ولع حريقه=واحياة من نزّل تبارك مع الطّور جلسه معه لوهي تفوق الدّقيقه=انسى بها ضيقه لها عدّة شهور بعد الهنا ياخوك عايش بضيقه=صارت لي الدّنيا كبر عين عصفور عاشق شكالك حر فرقا عشيقه=ومن خاطب العقّال يسمع لهم شور صاحبك واقع فالبحور العميقه=ويامنقذ الغرقان ماجور ماجور وصلّي على اللي قد سلكنا طريقه=إعداد ما يبنى من بيوت وقصور |
( عافتك نفسي )
عافتك نفسي وقلبي مابغاك=لو دفعك الشّوق ليّه من جديد انهدم مبنى تشيّد من غلاك=لبنته تزهاه من معدن فريد صار لك ماضي يحدّث عن لقاك=ذكرياتك فيه ماعادت تفيد اذكر انّك كنت فعيوني ملاك=واذكر انّك كنت في حبّي سعيد المشاعر نبع صبّة في رضاك=وفي حساب الحبّ فاضت بالرّصيد لكن انت انهيت حبّك في جفاك=والشّكوك تميت للحبّ الوطيد فعلك المنكور عيّفني هواك=ولا يفيد اعتاب يالعقل العنيد والعذر مرفوض ماكفّر خطاك=خذّ جوابي فيه بالرّاي السّديد عافتك نفسي وقلبي مابغاك=لو دفعك الشّوق ليّه من جديد الشّاعر / خالد بن عبيد بن معتوق ألأحمدي |
(ذكرى تولّي مقاليد الحكم )
عامين مرّت عليها جعلها فازدياد ........... ذكرى تولّي مقاليد الحكم فالبلاد من حقّنا نحتفل وانعيش فيها الفرح .......... على ألأمن والعداله نهتني طيب زاد وانجدد البيعه وانعلن معاها العهد .......... واحنا معك ياملكنا فاليُسرّ والشّداد ايعيش سلمان رمز الحزم عند العرب .......... ذكّرهم بموقفه في طارق ابن زياد اللي فرض نفسه بموقف يبيله كفو .......... سدّ اللزوم وتمكّن من مرامه وكاد اسّس تحالف وكوّن جيش ماينهزم .......... واللي يعاديه حتماً من رصاصه يباد ليثٍ ورث هيبته من ليث قبله ملك .......... ومن شابه ابوه من عادات ابوه استفاد له نظرةٍ ثاقبه تسبق وقوع الحدث ........... منها نيران المجوس معوّده لرّماد واضفا على شعبه الميمون كلّ اهتمام .......... وعدهم بخير واعلن بالله الاعتماد انشا حساب المواطن للمواطن رصيد ........... حتّى يحسّن ضروفه فازمة الاقتصاد ايحب شعبه وشعبه بادله بالشّعور .......... ومن دافع الحب ناجوا فيه ربّ العباد يالله تحفظ لنا سلمان والمملكه ........... واحماه برعايتك واعطيه منك السّداد الشّاعر/ خالد بن عبيد بن معتوق ألأحمدي |
( بحر الغرام اصعيب )
شوف المحبّه كيف تغبن للرّجال=من غبنها يبكي بها الرّجل الشَّجيع ان كان شاف الضَّيم محروم الوصال=من ودّ ودّه له ضروفه ماتطيع يوم الضّروف القاسيه مثل الجبال=معها العواذل واقفه سدٍ منيع وماتنفع الحيلات فالماكر محال=امن الطّرق تبراك يالخطّ السّريع فتل الحبال اعصى على نقض الحبال=وان ضاعة الدّبره ترى الغايه تضيع وجرح المحبّه فالضّماير لايزال=ياشمعةٍ تضوي عساها ماتميع لاتشرهي شرهتك ماتلقى مجال=مقبول عذر اللي عمل مايستطيع ولاتخرجك عن طورك ونهج العدال=اضروف عاشق يشكي الرّب السّميع ممّا يعاني من صراعات وجدال=بالواقع اللي سبّب الهمّ الفضيع لوهوشكى لعاقل يصيبه بالهبال=ولو يظهره للنَّاس شيّب بالرّضيع من حربّ شنّة ضدّ من يبغى الحلال=له شيمةٍ تنهاه عن نهج اللكيع بحر الغرام اصعيب والعوم استحال=وياصعب غبّه فرعها الموج الرّفيع وهمّ الفراق بظلّم مثل الاحتلال=قسوة ضروفه تبكي الرّجل الشّجيع الشَّاعر / خالد بن عبيد بن معتوق ألأحمدي |
( شركة موبايلي )
ان كنت ماخذلك شريحة حلا دولي=لاتحاول انّك تكايدني وتشقيني انا معي باقه بها الحظّ مستولي=باقة حلا ونّ شاريها وترضيني للنّت متصفّح مواصل لمن حولي=واشحنّ بميّه لمدّة شهر تكفيني ولاتقارن احوالي فذولك وفي ذولي=شف وضعي احسن وترجح به موازيني وانجيت اغيّرها ولا الامر مقبولي= ابلسّ باقه على ذوقي وتثميني وان كان مستغرب يا روحي وش تقولي=قول احمد الله زرعت المعرفه فيني بمشي على منهجك في صرف معقولي=لاهي بمغلوله ولا بسط يوذيني لمبايلي تخفيض ويصيب فذهولي=من زود مابه من المجّان يغريني يلحق على برودباند كنّكت محمولي=وعروض باقات كل ساعه يوافيني وامبايلي بشعار له اثبات مدلولي=يامبتكر عالمك يمناك في ايميني ومنته مخسّرني لو الخط مشغولي=سولف ياروحي معي هرجك يسلّيني ومن بعد حمد الله لها الشّكر موصولي=الشّركه اللي على اثرها تحاكيني الشّاعر / خالد بن عبيد بن معتوق الأحمدي |
( شركة موبايلي )
ان كنت ماخذلك شريحة حلا دولي=لاتحاول انّك تكايدني وتشقيني انا معي باقه بها الحظّ مستولي=باقة حلا ونّ شاريها وترضيني للنّت متصفّح مواصل لمن حولي=واشحنّ بميّه لمدّة شهر تكفيني ولاتقارن احوالي فذولك وفي ذولي=شف وضعي احسن وترجح به موازيني وانجيت اغيّرها ولا الامر مقبولي= ابلسّ باقه على ذوقي وتثميني وان كان مستغرب يا روحي وش تقولي=قول احمد الله زرعت المعرفه فيني بمشي على منهجك في صرف معقولي=لاهي بمغلوله ولا بسط يوذيني لمبايلي تخفيض ويصيب فذهولي=من زود مابه من المجّان يغريني يلحق على برودباند كنّكت محمولي=وعروض باقات كل ساعه توافيني وامبايلي بشعار له اثبات مدلولي=يامبتكر عالمك يمناك في ايميني ومنته مخسّرني لو الخط مشغولي=سولف ياروحي معي هرجك يسلّيني ومن بعد حمد الله لها الشّكر موصولي=الشّركه اللي على اثرها تحاكيني الشّاعر / خالد بن عبيد بن معتوق الأحمدي |
( محيط الحُبّ )
برغم ماني في غرامك معاني=اجمل عذاب الحُب عشته بحبّك واسباب ذلك يوم حُبّك بلاني=طبق لمقولة من يحبّك يدبّك هواك غربلني وزلزل كياني=وانته كذلك في غرامي مهبّك يعني علاقه مفعمه بالتّفاني=اسلوكها فالحُبّ قامت تشبّك ارتاح لاشفتك واغادر مكاني =هذي سواتي صدق واقسم بربّك صوتك لحن هادي يشنّف اذاني=وفاللي جرالي منك يحتار لبّك من زود حبّك اغضِب اللي نهاني=وافرح لمدحك وازدري من يسبّك وعذراً...محيط الحُبّ ماكان هاني=خالف نوايا صاحبك ماكسبّك والبعد راحه لو فراقك كواني=وايضاً يريحك بعد وقتك لعبّك وفعلاً يابحر الحُبّ موجك عصاني=وطبعك كِذا ماينجو اللي يطبّك الشّاعر/ خالد بن عبيد بن معتوق الأحمدي |
هذه قصيده تشرّفت بإلقائها
في ديوانية ابن العم / ابراهيم بن عوّاد الأحمدي يوم الجمعه1439/7/27 عند الجريدي قرب مكّه فبستان=في ديرة تجاور منازل خزاعه وفي يوم جمعه مقبل ايّام شعبان= ليل السّعد ياليل جمع الجماعه فيه التقينا وانبسط فيه الاخوان= شافوا بعضهم فيه بعد انقطاعه وبالأُنس والمقدار رجّع للأذهان =حدث نعيش اليوم نفس انطباعه ذكرى اجتماع العام في دار شيهان= اللي تعوّدنا نجاح اجتماعه والحاظر اتشابه مع الماضي الان= وعادة ولد عمّي اتشرّف طباعه ساسه وفا لابيّن اللازم ايبان=وعنده لحلّ المعضلات استطاعه ابو خليل امجوّد الطّيب بعنان= اللي مضرّي للجزيله اذراعه وينوب عن شيخ الجريدات فالشّان=في امّ القرى نال الثّقه عن قناعه واليوم جيناله وليل السّعد زان=يوم انّه امحدّد على الوعد ساعه وانقول يابن العم مافيك نقصان= وجهدك مثمّن فاجتماع الجماعه الشّاعر/ خالد بن عبيد بن معتوق الأحمدي |
( لاقلت حربي )
وقت المواقف عزوتي شرّفتني=مذكورةٍ بالطّيب محدٍ جهلها لاقلت حربي درع جنبي ومتني=عزوه لها تاريخ شرّف لهلها كم ناس في صيت الحروب احسدتني=واعلومنا بالطّيب كلا نقلها وان جات صكّات الدّهر وازعجتني=تفزع قبيلة حرب تنهي شكلها وان جا لزومي والقبيله دعتني=على علوم العز يسري جملها لي هقوةٍ بالوقت مافشّلتني=والاحمدي لاراد حاجه وصلها من روس حرّابة دوّل واحتمتني=بني حمد ماالله مخيّب ل ملها منزالهم ديرة فخر مسعدتني=محشومةٍ عبر الزّمن من دولها مااستسلمت لحظه ولا حسّفتني=قوافل التّركي بها معتقلها في جوّها ماالقى سموم الفحتني=متنفّس النّفس ان شكت من عللها دار الشّجاعه بالمعزّه كفتني=فلّة حجاجي في صعودي جبلها من حبّها في شوقها ساحرتني=وعن النّخل بالكون يفرق نخلها وناسٍ على مدحي لها لايمتني=تنشد عن الفقره وصافي عسلها الشّاعر / خالد بن عبيد بن معتوق الأحمدي |
تشرفت بإلقاء هذه القصيده في حفل تخرّج ضبّاط
قبيلة حرب من الكلّيات العسكريّه يوم الجمعه1439/8/11 في قاعة اليخت في مدينة الرّياض من اقصى الغرب لوسط مملكتنا=وصلت لنجد بالنّفس البهيّه ورغم الجهد في بُعد المسافه=طويت البُعد من دافع حميّه في محفل حرب واللازم دعاني= واشارك في قصيده منبريّه بها يظهر كلامٍ نفتخربه=ولا يحسب علينا عنصريّه علوم الحقّ مافيها تطاول=ايحقّ الحقّ من نفسه قويّه قبيلة حرب كسّابة مدايح=وفتاريخ صفحتها نقيّه هل الانصاف ماتنكر وفانا=وطيب العرف مع طيب السّجيّه ولا تجحد مناقب ميّزتنا=مابين النّاس ماهي بالخفيّه وشبيبة حرب نالت كل طاله=تنوّخ راس يقدح عنجهيّه فعايلهم شهامه والشّهامه=لها عند القبيله اولويّه وهذا اليوم في حفل التّخرّج= ينومس للرّجال الصّيرميّه تباها حرب ببناء القبيله=تخرّجبه كوادر عسكريّه من الضّباط فالجيش السّعودي= رجال العِزّ فيهم مقدريّه وسام الصّاعقه وايضاً مضلّي= نفر منهم يوقّف له سريّه حمى لدّار في جيش البواسل=تحت رايات عزوه فيصليّه وماكانت غريبه لشّبيبه=مشت مشي الجدود الاوليّه جنود فجيش قايدهم معزّي= عطوه ارواحهم من صدق نيّه على التّوحيد تعلن له ولاها=ونال امناه ورجاله ابيّه وصارت دولته في ضلّ حكمه= تنعّم بمن واخاء الرّعيّه وتاريخٍ فات عاد اليوم نفسه= نصون العهد بالنّفس الرّضيّه في وجه اعداك يادار المعزّه=لنا وقفه تجنّبك الاسيّه نردّد عاش سلمان المفدّا= زعيم الارض له طيب التّحيّه الشّاعر/ خالد بن عبيد بن معتوق الأحمدي |
( متنفّسي حرفي )
فالحُبْ متشفّق..وماصرت متوفّق ولو كنت مترفّق..( مازادت اشجاني ) الحُبْ ضيم وهمْ.. من وضعه المبهمْ ومن كُنت به مهتمْ.. ( بالصّدّ عنّاني ) البال به مشغول..زايد عن المعقول احترت ويش آقول.. ( في شوق واشقاني ) انشد عن احواله..وارسل لجوّاله وماني على باله.. ( ياليته اوفاني ) عيّا يجيك النّوم..ياطرف يامحروم تسهر تعدّ انجوم.. ( فالليل وحداني ) ذي حالة العشّاق..تتعبهم الاشواق وفالشّعر والاوراق.. ( وضّحت ماعاني ) متنفّسي حرفي..لاضاق بي ضرفي وبالشّعر ياطرفي.. ( يرتاح وجداني ) الشّاعر/ خالد بن عبيد بن معتوق الأحمدي |
( إرجعي يُمّه على قيد الحياه )
قبرها جيته ودمعي ماهدا =وراحت كفوفي تمسّح في ثراه قلت بعدك صار وقتي في ردى= إرجعي يُمّه على قيد الحياه شوفي اللي فارقك ماله جِدا= غير يمسح دمعه ويكِثر بكاه لحظة افراقك وهمّه له بدا= والشّقا زايد ولا يوصف مداه الحزن والسّهد صاروا له عِدا= يحرمونه فرحة الوقت وصفاه يشتكي غيبتك ما فاده نِدا=سيطر افباله زمانٍ مانساه واصبح يردّد لعلّي لك فِدا=انتي اغلى من ملك قلبي غلاه بعدك الدّنيا مقضّيها سُدا=ليتني ويّاك فارقت الحياه الشّاعر/ خالد بن عبيد بن معتوق الأحمدي |
هذه القصيده تشرّفت بالقائها في الاجتماع السّنوي
في ثالث ايّام عيد الفطر المبارك لعام 1439 والمقام في منزل الشّيخ / رباح بن مطلق بن عثمان الأحمدي في قرية السّديره. ( رباح العزْ وارباحه تضاعف ) حضور الحفل من بعد التّحيّه=معايد عيد ماشفنا مثيله لكم معذار فبداية حديثي=وقبول العذر للعاقل جميله هجوس الشّعر ماتوصف شعوري=بنظم الشّعر لو جابت جزيله مقام اليوم اكبر عن قصيده=تشوق النّاس فكرتها جميله من اللي عادته يرضي غروره= لمنّه قام ياهون الثّقيله عن التّقصير فالتّعبير يعذر=في وصف الحال في ليله فضيله ايشوف النّاس تغمرها السّعاده=تقول فجو ترعدبه مخيله محل الشّيخ تزهابه ضيوفه= توافي فيه محبوب القبيله رباح العزّ وارباحه تضاعف=بحبْ النّاس من مدّه طويله تجيه اوفود تقلط في محلّه=ولولا زود حبّه ماتجيله وهبه الله في خلقه محبّه=وطيب اخلاق فالعالم قليله يدسّم يدّ من زاره فداره=ونباه ايسرّ من ياقف قبيله ويذبح حيل مايحسب عددها= شبيه الغيث لاسيّل مسيله جيناه اليوم في ماقف يشرّف=في محفل عزّ يسعد من دعيله وانا باقول فنهاية حديثي=وجب تنويه ابناء القبيله لوانّي جبت هالليله قصيده=بميّة بيت نحسبها قليله الشّاعر/ خالد بن عبيد بن معتوق الأحمدي |
بمناسبة زيارةخادم الحرمين الشّريفين الملك سلمان بن عبدالعزيز
للمدينه المنوره1440/1/15 ( زعيم الارض ) منوّر طيبه حضورك وشالت بالنّشيد الحان=تزيّن لك شوارعها واهلها فيك فرحانه ترحّبّك تهلّي بك تشيل الوردّ والرّيحان=تشوف الخير بقدومك على شوفتك ولهانه وهذا صار لجل انّك حبيب الشّعب ياسلمان=قويّ العزم راع الحزم مسهِر عين عدوانه يعيش الشّعب في ظلّك رغد فالعيش واطمئنان=تزيد بنهضة بلادك ويدك بخير مليانه وقايد جيش مايُغلب ومنهاجه على الايمان=يشتّت شمل عدوانه لجا للحرب ميدانه مسبّب رعب فالعالم بساله تدهش الاذهان=ومنّك يستمد الدّعم ذلك زاد فيمانه ياقايد امّة الاسلام ناصر امّة القرأن= ياحامي سنّة محمد لقى شانيك خذلانه وتدعم كل ماريرقى بالامّه وانت راع احسان= وعهد ربّي يجازي راعي الاحسان بحسانه عطاك الله ورث المجد تفخر به مدى الازمان= تهقوى فيه وتماري وتكسب فيه برهانه وحنّا اليوم شوف العين شفنا الحق بالبرهان=ولي عهدك على نهجك مثبّت مجد جدّانه تاريخ آبوه يكسب فيه سيف ودرع زود احصان=ينال المبتغى فيها وحنّا شعبه اخوانه اطال الله في عمرك على طاعتك للرّحمن=ومدّ الله في خيرك عساكم دوم فامانه قدوم السّعد بقدومك ياحاكم فيك عزّ اوطان=بشاير خير في طيبه تعيش الأُنس بالوانه وهذا نجلكم فيصل وريث العزّ والسّلطان=بشاشة وجهه الناظر غدت لطّيب عنوانه وله نايب يسدّ النّوب رمز المعرفه ذيبان=ويحمل من صفات ابوه من جدّه وعمّانه جميعاً سرّهم شوفك يحيّونك ياعزّ إنسان= ومن زود الفرح ذالليل كلاً ينطق لسانه منوّر طيبه حضورك وشالت بالنّشيد الحان=تزيّن لك شوارعها واهلها فيك فرحانه وهذا صار لجل انّك زعيم الارض ياسلمان=قويّ العزم راع الحزم مسهِر عين عدوانه الشّاعر/ خالد بن عبيد بن معتوق الأحمدي |
خـالـد بــن عـبـيـد بن معتوق الأحـمــدي
هذا شهرٍ للعباده عندي افهـذي شهـاده=فيه فرصه للتّسامح والوفي يعفـي خويّـه ادعي الله فالسّجود اللي سجدّته له عبـاده=يستر المولى عليك ويستر المولى عليّـه مــشــعـــل الـمــعــبــدي خالد بن عبيد يونس نار في داخل فـؤاده=والحقيقه ضيقته مانـي سببهـا فالبريـّه أنت ماجبت الجديد ولا تسلّمت القيـاده=لاشداد ولارسن حتـى نوكّلك الرعيـّه خـالـد بــن عـبـيـد بن معتوق الأحـمــدي مايضيق الصّدر دام الصّقر مايخسر مراده=مير يامشعل صفحنا والعفو من طيب نيّـه مانلوم الرّجـل كانـه ماتوفّـق باجتهـاده=وانت ماتكّذب عيونك سقتها سوق المطيّه مــشــعـــل الـمــعــبــدي أنت علمك ماعليها ثبوت ياعين الجـراده=غير تصفق باليدين العوج وتقول الخطيّه مانلوم الي تورّط وانفشـل عنـد الافـاده=يونس بطعنات في كبده سـوات النافعيـّه خـالـد بــن عـبـيـد بن معتوق الأحـمــدي انت ياللي لك عيونٍ بالظّهر فال القـراده=تشبه الخفّاش نوب ونوب داب ونوب حيّه لو تشوف الحقّ بيّن تنكر ومكرك زيّـاده=كيف هذا وانت تحسب من حموله صيرميّه مــشــعـــل الـمــعــبــدي أبرق الجنحان ماهو صقر يعجب في هداده=ليت يصحى اللي رقد من عهد ليلى العامريّه مانغيّر فالعوايد وانت لك دوره وعاده=لايعدّيك الزّعل وتزلّ رجلك في نحيّه خالد بن عبيد بن معتوق الأحمدي الصّقر لعلن هداده مانت كاسب في جهاده=حالتك يرثى لها منته بحافظ للوصيّه ذيك فيك وطبعك اللي ماخذٍ فيه الرّياده=وابرق الجنحان مخلابه يورّدك المنيّه |
الساعة الآن 11:46 AM |
Powered by vBulletin® Copyright ©2000 - 2024, Jelsoft Enterprises Ltd. Designed & TranZ By Almuhajir