بنتٍ لشعار النبط تربط الجيد=كم شاعرٍ يركض لها ويحبلها

خطابها واجد ولافيه تحديد=وكم شاعرٍ يعجز وهو ماوصلها

زرعٍ نبت في جال حيدٍ مهايف=في جنب عدٍ ماتجيه الضوامي
ولاوردوه اهل العلوم الكلايف=نبته غزير ومن على الحد زامي
موصوف به من يتعبون العسايف=واسمه يسمى فيه مثل الاسامي

وش اللذي ينطق بلا حلق والسان= الشاهد الله قد سمعته ينادي

معروف عند الكل من مر الازمان=من قبل مايخلق ثمودٍ وعادي

وش اللذي يعبر محيطات وبحور=حتى عنان الجو يعبر عنانه
مخلوق مابه عظم لاجلد لاقشور=جبار لوزاد البحر بعصيانه

رجلٍ على اهل اللازمه يبدي الراي=له المكانة فوق قدر ومهابة
معروف مايخفى على كل قراي= وفي سيرته معروف هدي الصحابة

ويش دربٍ ما تجيه ولا تمرة= للعرب مشيوف لاكن مايجونه
حدثوني عنه ماليون الف مرة=قالو إن الدرب هذا . يسبرونه؟!!

ويش شيٍ كل مازاد يتنقص=عارفينه طايلين العمر مايخفا عليهم
ناظر حروف المثايل وانته ابخص=عجل بحله قبل ياتي. حديهم

ابسال العراف ياويش مخلوق=مخلوق لكنه على عظم واحد؟ّ!!
شفته مع اللي يرعي الابل والنوق=وشفته مع اللي بالمعارك مجاهد
سبحان من فرق له اللون والذوق=وعزه بذكر ٍفي كتابه يشاهد

ابنشد الحضار عن عودٍ اقشر= عودٍ حمل لبنه ولابر بابيه
من القشر فاتح الفمه ويجغر=الياتناوله الولد في مثانيه

وش الفتاة اللي مشت درب مامشي=من قبلها سبت ضروفٍ حدتها
هي اول السالك وهي من بدا هي=ومن بعدها غصب البشر قلدتها

ويش اللذي يذكر ولا يوم به شيف=لكن جميع الخلق تشكي فعوله؟؟!!
ماهو جماد ولارقى بالشفاشيف=ويصيد صيده دون مايمس زوله؟؟!!

ياويش حر ماقنصوبه صقاقير؟؟!!=حرٍ ولاهو من طيور الهدادي؟؟؟

تلقاه بالديرة وبالبر ماغير!!!=وايضى نهار الكون عند الطرادي؟؟؟

وش اللذي جاير ولافيه رحمه=عدو لاكن مايشوفه معاديه
قالو عنه كافر ومقطوع رحمه=وماله شقيق ولا صديقٍ يواسيه

ويش بنتٍ كم مطنوخٍ طلبها=جالها بالوصل يسحب في ردونه
ماتباع ولاذكر حيٍ جلبها!!=ومن بغها يشتري مايبخسونه؟!!

ياويش زرعِ زارعه مايسقيه =ويثمر وغيره ماجنى من حصيله
لو مر ت الايام يبقى لراعيه=ماقلت قولي غير عندي دليله

جزل الصنيع اللي وراء الظهر ترميه = الخير دايم لاتحاقر قليله
يبقى لك المعروف لو كنت ناسيه = ولو طالت الايام تحصد جزيله

حياك ياللي ماتشابه معانيه=ياشاعرٍ جزل المثل منه قيله
حلك صحيح وبالمعاني موفيه= اللغز بالمعروف مارباط خيله
جبت الجواب ولابقي شيء نحكيه=الا عسى عمرك لياله طويله

ياويش رجلٍ مايعرف النوم=من خلقته ماتطرق اجفونه
يسقي رعيه ماتعد بكوم=لولاه ماحين تعرفونه
الواجب اللي قام به ملزوم=حكمة ولي الخلق في كونه

عمرة قصير ولا تعدا ليالي=وإن كان زاد يشيخ والعمر توه
كم حي بسمه من بنات ورجالي=مولود يومنه لمع برق نوه

ياويش بنتٍ حولت داخل البير=ماهي مغصوبة مار هذا قدرها

من دمها يشرب عتاة المناعير=ياكيف ما يخشون منها خطرها؟؟!!!

وش اللذي في سرعته يسبق الصوت؟=ياخذك في جنح الظلام وتجيلهّ!!
فالثانية يوصلك لندن وبيروت=ماله جناح ولا رجولن تشيله؟؟
دائم مخاوينا اليا حفرة الموت=ولاذكر ولا مخلوق يمسك شليله

وش هامةٍ عن عيون الناس مخفية=لوبين اللذيل مابين لك الراسي

ترمي من اسهومها بالسم مملية=مايفيد معها طبول وقرع الاجراسي

الا لجاها شجاعٍ معه جنبية=يقطع لها راسهاوتضيع الانفاسي

ياويش بنت كل حي هواها=واللي وصلها سميت بسمه البنت
حية وهو ميت صويب الهواها=ميز معي بالعاليه لاتهونت
تلقا ردهاه ماتبلل بماها=في قدرت الخالق به ايقنت وامنت

يا ويش راكب له تبسم رديفه=واضحى مثل مابين الاجواد منقول
لحظة نزل ما لام نفسه بضيفه=اكرم كرم لضيف والعلم مفتول
دسم طوارف لحيته من رغيفه=حتى غدا من عقبها شيءمجهول

وش الفتاة اللي سكناها اسطنبول=مرفوعة عن الردا ماتنالي

تشوفها بالعين والاصل مجهول= عطني جوابك يا كريم السبالي

ياويش عودٍ له مكانة وتقدير =وبنته جميلة كل فالح طلبها
مايطلبون البنت كل المناعير=بعض الرجال مجنبين لجنبها
ماتنشري باريال ولادنانير=ثمن مهرها حسبة المحتسبها
العود مع بنته شيوخٍ مشاهير=من ماضي الازمان جود نسبها
اخوانها عشرة وهي منهم تصير=قلي وش اسم العود والبنت جبها

زرعٍ نبت في جال حيدٍ مهايف=في جنب عدٍ ماتجيه الضوامي
ولاوردوه اهل العلوم الكلايف=نبته غزير ومن على الحد زامي
موصوف به من يتعبون العسايف=واسمه يسمى فيه مثل الاسامي

ويش رجلٍ معتلي له فوق هامة=فوق بنتٍ لجلها يُقصر مسيره


الرجل معروف لرموز الفخامة=كم يشيل من الحمول اللي كبيرة

المشاركة الأصلية كتبت بواسطة الكحيلة (المشاركة 1424043) بنتٍ تجي لناس مع ساير الناس=كلٍ تجيله حسب ماهي تجيله احدٍ تجيله بين غفلة وهوجاس=واحدٍ تجيله من مقابل قبيله تلعب على المنكوس في وقت ألأدماس=وتارد على عدٍ هماجٍ ذبيله