يا اللي ورى بعض المواضيع لحَـاح=اعلـم بعلـم وحـط عنـده علامـه
كان اليالي عنـدك اعيـاد وافـراح=مـا مـر بـك ليـلٍ تمنـا منـامـه
لا تحسب اني دالـه القلـب مرتـاح=يوم انـي امـزج بالكـلام ابتسامـه
احـاول التمثيـل بأسلـوب مـزاح=واعايـش الواقـع واريمـه ريامـه
لخاف الجروح بعالـم الطـب جـراح=ولاطـب فـاد ولا تفيـد الحجـامـه
بيني وبين اللي تهنـو بـا الامـراح=مشـوار ماتنهيـه شـده وقـامـه
غريق موج ولا مع المـوج سبـاح=ضاعـن مجاديفـي وزاد التطـامـه
مع عالم الانسان واداعـب اشبـاح=فوجٍ يفـوت وفـوج يبـدى سنامـه
ليه مع الهوجاس مسـرا ومسـراح=حـدد شروطـه واستمـر ابدوامـه
يشـن هجماتـه عليـه ويجـتـاح=آخـر جنـودٍ مـا ايقنـو بالسلامـه
بجنود تفتك بالمقـاوم بـلا سـلاح=قرر وحل ونـال عـرش الزعامـه
عيا يزيح وعنه وش لون ابا انـزاح=لاصـرت يهـل المعرفـه والفهامـه
على مثل ماقيل طيـرٍ علـى جنـاح=للحوم هـام وكـل مـا طـاح هامـه
يبي فسيح الجو وإليا انتهض طـاح=طـال المطـال ولا تحقـق مرامـه
وتخيـل عينـي بالدجـا بـارقٍ لاح=واجتاحـت الغـرى زعـوج وعتامـه
عكس السفينه هب ذعـذاع الاريـاح=توقفـت واليـاس ركــز خيـامـه
ولي قال من له مع هل العرف مشواح=اللي غرامـي عينـةٍ مـن غرامـه
يبدى خفا الماعون لاصـار نضـاح=ومبناً بليـا سـاس عجـل انهدامـه
وعن حالي الماء لوتجرعت الامـلاح=لاصار يومك ما انت ناوي اصيامـه
اخير من عذبٍ تحـت كـف شحّـاح=يعـده المثبـور وقـت انسجـامـه
والعـود الأزرق بالدواويـن لافـاح=يعطيه راع الصنـف كـل اهتمامـه
وعليـك باللـي للصعيبـات نطـاح=و اصغيت له ولا استهنـت ابكلامـه
جاملت وقتـي واستحقيـت الامـداح=لو للدهـر قانـون فـزت ابنضامـه
نصيـح لكـن مامشالـي بالانصـاح=لقبـل ماغطـا ويضحانـه جهامـه
ان قلت فزت اليوم في جمع الاربـاح=بدايـت الصفقـه قسيمـة غرامـه
وعزاي في قولت بعيديـن الاشبـاح=ما احدٍ جنى من زود صبـره ندامـه
وشكواي للي يعلـم اسـرار الارواح=مغيث الديار الممحلـه مـن غمامـه
قلت وبقا باقي خفا السد مـا انبـاح=عن فرحة اللـي يهتـوون الملامـه
البـاب بـه قفلـه وللقفـل مفتـاح=ورهنـت مفتاحـه ببنـك الكرامـه
وصلوا على المختار ما الراعبي ناح=نذيرنـا عـن هـول يـوم القيامـه