عــنــدي أمــــل ،،، والـطـمــوح أكــبـــر=واســـلـــوب فـالـمـسـتــوى الـــراقــــي
أشــلـــون فــكـــر الـفــتــى يـصــغــر=فـــي جـمـعـنـا ،،، يـضـيّــع الـبـاقــي
بعد اطلاعي على المحضر=واللي سمعته من الشاقي
لابد في عصرنا مفكر=ياكم من الناس ذواقي
مـــــن دق بـــــاب الأمــــــل يــصــبــر=الـصــبــر نـعــمــة عــلـــى الــشــاقــي
كـــل يـــوم لــــه نــــور لــــو أدبــــر=يــرجـــع لــنـــا وقــــــت الاشـــراقـــي

وســـــط الـعـنـاقـيـن لــــــي صــــــوره=نـسـخـتـهـا فـــــي صــمــيــم الــــــذات
يــاجــبـــال ،، صـــمــــاء ومــشــهـــوره=فـيــك الطبـيـعـة مــثــل مــــا جــــات
ديره عسى دوم معموره=وعسى المطر فوقها زخات
يحق لجبال مذكوره =تفخر بها وتبدع الكسرات

في شاطي الروابي على المينا= تبحر سفينه لردادي
قامت ،، وفزت روابينا = تضرب تحيه من الوادي
نفخر على طول ياخينا =محيطنا يشبه الهادي
مابين ربع وبنيخينا=الفخر والعز يزدادي
راعِ الوفا وجيت شاطينا=وبطلتك يطرب الشادي
مرحب على العز خاوينا=واقدم على الخير يا منادي
يانار شبي وعشينا = من بعد دله وبرادي
وافي وحقق امانينا = معه اللقى غاية مرادي
يعطيك ربي ويعطينا =العمر ونجدد اجدادي
نكتب من ابيات ترضينا =يطرب لها كل الأجوادي
حنا عطاشا ،، وتروينا= ببيات كل(ن) لها ينادي
يا محمد اليوم ،، ماضينا =ما عاد له فالهوى نادي
مثلك وشرواك يسقينـا=مثل المطر شي موعادي
وجودكـم يامناديـنـا=يروي العطاشا ياأستادي
يا منتدى اليوم راعينا = في بحرك الكل روادي
وياوقت تسمح تعدينا= بنقلط الضيف للزادي
مشكور مهما تمادينا=قصاد وانته بقصادي
لابد يوم(ن) تخاوينا=والماد ياطالب المادي

اقـرا كتـابـه ولا تلـهـى=وقـل اعـوذ بـرب النـاس
ياقلب صحصـح ولا تسهـى=واصحى يوسوس لك الخناس
نصحك بطيبه لنا يزهى = أما الجزا ما يجي بقياس
عن جنة الخلد ما تُنهى = و لا عاد تسمع عن الوسواس

هات القرض قرب الكانون=ولـع لـي النـار بدّفـى
ليل الشتاء خالف القانون=وعيي على شاشتي يصفى
ياصاحبـي مثـل مايقولـون=فصل الشتاء جاك متخفـي
والناس عنه ترى يوصون=قرض مـع السمـر مايكفـى

مـا للوفـى ،، احكـام دوليـه=ولا له حراسه ،، ولا له عون
ولـو تعلـم النـاس مـا بيـه ؟=ما عاد تسمع فرح بالكـون!!
سلـوكـهـا الـنــاس نسـبـيّـه=ما يستوي المِعتلي والـدون
إفــرح مــع لـهـود مخـفـيّـه=وعيش الامل بالسنه مليون
مـــا بـيــن طـلـعــات جــويــه=اصبح يسيطر على المضمون
وينفـي لـنـا احـكـام شرعـيـه=ونصبـر علـى قـد مـا يخطـون
ياصاحبي احسن النيـه=مافيه حاجه بلا ماعون
هذا الوفاء زيـن مازيـه=لو البشر فيه يختلفـون
جـتـنـا مـلـفـات ،، ســريــه=خلت جميـع البشـر يبكـون
لـوحــة تـحـكـم ،، خيـالـيـه=سيطر على حكمها مجنون
المشكله امـور وضعيـه=تمشي على حسب مايهون
فيما سبق كـان مطويـه=واليوم طاحت على فرعون
مشينا ،، لها ادروب ملويـه=يصعب على غيرنا يمشون
في دربهـا ،، اليـوم مرميـه=ويلعب بها المارد الملعـون

يا قاضـي العـرف ،، يامحقـق=عندي قضيـه !! وابـي حقـي
من شاف ، ، حال الوفاء ،، ودقق=بـاب الوفـاء كـسّـره دقــي

ياجبـال بالعـز متصلـه=وللحر في روسها ماقـع
راس العناقيـن منفصلـه=والساس واحد على الواقع

أهات وسط الحشا حـازت=على وسام الحزن والهـم
تميزت !! بعد مـا فـازت=بالصمت تعبر ،، خلايا الدم
كيف المشاعر لها انحازت=إلا وفـكــرك لـهــا مـنـضـم
مادامـهـا لقلـبـك اجـتــازت=صابر مصير الجـروح تلـم

غاب القمر مع كسوف الشمس=وحتى نجوم السمـاء غابـت
وتخالط اليوم مع قبـل امـس=وكل الأمانـي معـي خابـت
لاترمي الروح وسط الحبس=والبال وتـروح فمناهـت
اصبر وخل المل فالنفـس=مادام ضـو القمـر ثابـت
روحي جسد والجسد كاللبس=والنفس في لبسنـا تاهـت
العين والقلب ، ضغط وكسب=والهم وسط الحشـا كابـت