ياقبايل حرب مقريت الفداوي=يالرجال اللي تشجعنا بأدبها
لو بغيت اعدهم ماني بقاوي=خايفٍ لايكون غلطه وارتكبها
الكلام الزين بالساحه هداوي=والضعيفه هينه للي كسبها
والجزيله حذرتن تبغا ملاوي=والعوارف ماتجيب الا صعبها
من يخاو الذيب يلقا له مخاوي=في ظهور اللي مطوات{ن}اقربها
لو طريق الهون والكود متساوي=مالقيت الغاليه تسوا تعبها

عقب حلق بالفضا الحر النداوي = ذيب قومه كل عله له عطبها
وانت يا غازي الزغيبي منت هاوي = مسكنك بالكون في عالي سحبها
اطرب الخفاق قولك يا هواوي = وبنتنا قامت تماري في ذهبها
تشري الجزلات ماهي بالرشاوي = وللدلال الصفر تستحضر حطبها
دام خلفي حرب ما هبت النواوي = با تقدم والرديـّه اجتنبها
من يلوم الذيب لا اصبح يعاوي = ماكرم اللحيه ولا قدر شنبها
والرجل ان هدته كثر البلاوي = الخفيفه لا لفت له ما قربها