قررت اودع كتــــاب الطِيب = لا اقـــرا معـــانيــه لا قرّيه
راع الردا والكذوب مصيب = والصدق بالود من يشريه

المعذره ماقدرت الّحق = اكتب على القاف تعليقي
اللي تركته عليّ الحق = اعطيه فى القن مايليـقي

الطيب فيكم أصل يعرق=ما اوفيك لوطال تنميقي
قارب وسدد وفا تشرق=وطرّق على الطيب تطريقي

يا اصحابنا شدوا الميثاق = في السر والجهر نعمل به
نبني فكر عالي الاخلاق = من بعدنا اجيال تفخر به

رد الشاعر الكبير ابو سالم الرحال ( الاحمدي )

لك ذوق راقى على الأذواق=وصاحب الذوق مانكبه
نرقى بموروثنا الآفاق=وراع الأدب ناقف بجنبه

مشكور ياطيب الاعراق = فوق الخشم مننا حبه
للحرف معنى على الاوراق = أُما بلا العقل أو طبه

رد الشاعر الكبير ابو سالم الرحال ( الاحمدي )

منى على ما سبق الحاق=يامن مشيت الوفى دربه
الطيب يبقى مع السباق=وللمجد راعيه يوصل به

ياود في القلب ركزته = اينع زهر والغلا مثــــمر
لا قطف للود وانجزته = والغير ممــنوع يـستثمر

ابعد عن النار لا تلعب = لا يغرك الحلم وسكوتي
المعركه لو بدت تَتّـعب = وآنا الصبر والجلد قوتي

يانجوم غابت عن المطلاع = أو غيم في الجو حاجبها
بالأمس ساطـــع لها ابداع = واليوم مفقـــود واهجــها

ضيع مكاسيب راس المال = من لاحسب للهلل قيمه
من لافقد في الغياب رجال = مايحفظ الــــــود ويديمه

ترسل نصايح على الجوال = مشكور يامشتقي فيّه
ابشر بحالي على احسن حال = اما الشعر ورث جَدّيّه

كثير تسمع من الأقوال=لمخالف الدرب والنية
والقصد باين من الأفعال=ويظن الأوصاف مخفية

لاضاق صدري من اصحابي = فضلت كف الأذى والصمت
اســـمو عن المنطق النابي = وان جاتني من رفيقي شِمت

همي مداره بعكس الشمس = يشرق مع غروب شعتها
يسري عليه جـهار وهمس = وغروبه الصبح طلعتها