الوقـت هـذا ظلمـنـي ظـلـم=ماهـو مثـل وقتـي المـاضـي
اليوم ادور علـى اهـل السلـم=من بعد ماكنـت انـا القاضـي
حياتنـا مثـل عـرض الفـلـم=أحد(ن) مبـوّز و احـد راضـي
لـو كـل منـا يحقـق حـلـم=ما ضاع وقتـه علـى الفاضـي
دامـك فـي ذا الامــر مـلـم=تبقـى كفـؤ بالقضـى حاضـي
واللـي درس فالمعـارف علـم=مايخاف مـن حـادث عراضـي

يـانـاس يـالـلـي تعـرفـونـا=حنـا نسيـنـا كثـيـر الـنـاس
مـاهـو ردى بــس اعـطـونـا=وقـت(ن) وبـه نلقـط الانـفـاس
سلام يامن تنادونا=وين اللياقة عسى ماباس
لازم على الماد توفونا=إلا إذا في الأمر هوجاس
أن كان فعلاً نسيتونا = قمة ألم ياجويد الساس
وان كان باقي تودونا = مكانك القلب والاحساس
الله يسلمك جيتونا = هذي لياقه بهد وراس
وانته على الماد ياخونا=جهز فريقك تنول الكاس
حشا ترى مافهمتونا =انتم كما الذهب والالماس
نحبكم لو تعرفونا =حب الأخو للأخو مقياس

وقررت تغيير القافيه للشطر الثاني
ولكم الأختيار والمقدار




ومداخله للأخ الصييفي


ومداخله للأخ الخيال


ورد لي على مداخلة الأخ الخيال

ماينفع النصح والأرشاد=للي بصيرته من عميه
كل ماتقله يزيد عنـاد=والصح اخذ عنه حميه

دامك نصحته ولا ينقـاد=أصمخ عمى يشبه الدمية
لاعاد ترجيه يـا أستـاد=أرميه في آخسه رميـة

ماني مقاشـر ولامعتـاد=ولازيد فوق العمى صميه
حاجه كذا عند ابـورداد=يكنهـا دام مـن كميـه

يابنت قلبك حجر ميلين=قاسي وماتهزه الأشواق
وانا قليبي مثـل فليـن=خفيف والحب له ينساق

يامشتكي قلبك المسكين=خله يداقش مع العشاق
يمكن مع طعنة السكين=يشتد عوده من الاعماق

ياصاحبـي كلنـا داريـن=ان المحبـه لـهـا اذواق
ومداقش العشق ماهو زين=يحرق فيوز الهوا احـراق

اذبـح قلـب الهـوا ويزيـن=وان لـزّم ..يجيـه طــراق
يعرف طريقه مع البنزين=ويتوب يسلـك دربٍ شـاق

لو كنت تمشي معاه يمين=لا تامنه صدمـة البـواق
خل المرايه على الجنبيـن=درب الهوى يحتري سواق

ضرب المطبات صعب وشين=مثل المخيله مـع البـراق
اليا ابرق البرق جاء بعدين=امطار وينبت بـه اللصـاق

ياللي بنار الهوى راضين=اشوف جو المعنـى راق
الله يعينه على الغاليـن=ولا ينتهي ودهم بفـراق

الحب يلزم له التأميـن=والمشي له دايماً بخلاق
حتى ولو كان مختلفين=يومً يجي يالغي الأرهاق

من عهد ادم الى هالحين=محد اخترع للهوى ترياق
ساعه منه لا صفا بسنين=يوم يتوالف بطيب عناق

انا مسكين قدام العواطـف والكـلام الزيـن=اثمن كلمتـي واحسـب حسابتـي وجدولهـا
انا مرمي كلامي بالخطاء وصبح من المخطين=احاول ابـري الذمـه واذا غلطـت اجادلهـا
واسجل في كتاباتي خليـط للهجـة الجيليـن=عشان الخلط بالهجات ثبت عنـدي تعادلهـا
ولاهو عيب نذكر كلمـة اللصـاق للهاويـن=لأنـه لا لـصـق بهدومـنـا لازم نبدلـهـا

ان كان ودك بضبط النفـس=ابعد عـن الشـر وعمالـه
مالك ومال النكـد والرفـس=لـو زيـن ابليـس افعالـه
بعض العرب يعشقون العفس=والمعفسـه ؛؛اكبـر أمالـه
همهم دفس الحقائق دفـس=حتـى ولـو داس بنعـالـه
اللي تعـدل بعـد الخفـس=ويحكم قوافـل ،، وجمالـه
صار يتصدق ،، بطيبة نفس=واخفت يمينه عـن شمالـه
المشكله بعضنا بالعكـس=يبحث عن الشر من ماله
وليته يروح ويجي بالدس=مجاهر ومبسوط من حاله

ان غبت عنكم ترى مشغـول=ماغبت من شـان زعلانـي
وان جيت انا جيت بالمحصول=اللي ملـى القلـب للسانـي
كلامك يا محمد دائما معسول=وكل يقول اعتذاره أرضاني
محصولك اللي تقدمه مقبول=نخـب أول مـا لـه ثانـي
مايصح غير الذي معقـول=واللي اشوفه مـن اعيانـي
ما دام هذا الكـلام تقـول=مقبول اضمك ،، مع اخواني
لا غبت عنا لكم مرسـول=يا القلب في الصدر دخلاني
ان غبت عامين ولا حـول=سماح يا شيـخ صدقانـي
مرج الرفاقه له فلول=دايم يميل بالغصانـي
وغصنك علينا يميـل=ما نرضى ينقطع ثاني

لاوالله الا اكلها بوش=في اخر العهد بالجزمه
فرده وجاته وهو مربوش=والثانيه جات ملتزمه
جاته من المسلم المغشوش=اللي القهر جابله ازمه
وختم على الكافر المنفوش=بالذل والناس منهزمه
واكيد انه غدا ملبوش=من قوى باسه ومن عزمه
لكن حقيقه ولد فرفوش=جاب المطمه من الرزمه

هـزه تـهـز الـبـدن هــزه=احداث غزه مع اسرائيل
والناس تنظر ومـن رزه=ووضاع ماتحتمل تطويل

الخوف خله من الله دوم=لاتصير ناسي ومتناسي
ماتنفعك دعوة المظلوم=لاجاك قطاع الأنفاسـي