هيا اسمعو آخر الأخبـار = جديد تـوه خبـر طـازه
خوينـا هفـه المسيـار = ومن التعب جاء بعكـازه
درب الهنا آخر المشوار = يا زينها طلعـة الفـازة
يقطف من الورد ما يختار = و الورد مرهون فالفـازة

الواقع المر عاصرناه = حار الفكر و الفضيلة تموت
ياللأسف كيف ضيعناه = درب الحيا و البقية سكوت
و الدين ينهى و أنا أنهاه = والله يعينه لا فات الفوت
لا تعذلونه جويهل تاه = أجرد و عنه اللحا محتوت
ما ينحكم ضيع المجراه = لا له مكانة و لا له صوت
بالذوق حنا تجاهلناه = لجله جويهل قليل القوت
و الجهل حنا تخطيناه = مبطي دفناه بالتابوت
لو هو عناني أنا ما أعناه = لو يفرش الأرض بالياقوت

بين البحر و النجوم علوم = ما يتوه من شاف نجماته
و اللي عليه النظر زيزوم = يصعب علينـا مجاراتـه
بين البحر والنجوم ارسوم = والبعـض يجهـل دراساتـه
انعـلـم الجـاهـل الـمـعـدوم = خـط السفـن فـي ملاحـاتـه

بين البحر و النجوم علوم = ما يتوه من شاف نجماته
و اللي عليه النظر زيزوم = يصعب علينـا مجاراتـه
يامرحبا بصاحب المنظوم = والفن لايق على ابياتـه
العلم تبنى عليـه فهـوم = والذوق فوق اعتباراتـه
لا ني بحاكـم ولا محكـوم = لي قـول متقـن عباراتـه
أدرى على الصاحب المكلوم = لا يزيد جرحـه و آهاتـه
راعـي الوفـا دايمـاً مظـلـوم = يُعطـى علـى عكـس غاياتـه
هات اختصارك مع المفهوم = مـن شـان حصـر اتجاهاتـه
عمر الصقر ما يعاشر بـوم = لــو قـــلّ فالـصـيـد هـدّاتــه
يبقى علـى النايفـات يحـوم = لـو مـات مـا تنلقـي رفـاتـه
يبقى الصقر منزله معلـوم = مـا يغـيِّـر الـبـوم نظـراتـه
للعـز مـبـدا وعلـيـه يــدوم = محمـود فــي كــل وقفـاتـه