لو جيت تكتب على الالواح = لايقل حرفك احد ويعيب
تكسب فمنهجك هذا سلاح = حب البشر والموارد طيب

اه يازمن سرت أتسول = ارجي قلوب الآحبة تحن
شوف البشر كيف تتحول= حتى فطلة علينا إتمن

حتى لو النفس طماعة = زادت بها حرقة العشاق
يكفي من الوقت لو ساعة = اروي ظما لوعة المشتاق

سبحان ربي خلقنا إضعاف = ولما كبرنا استقوينا
حتى من الرب مابنخاف = إبليس ملعون يغوينا
كم من ذنوب لنا تنضاف = والوقت بالحيل ملهينا
يارب خلي القلوب إنضاف = واسألك يالله تهدينا
سبحانك الحق ذو إنصاف = رحمتك يارب تغنينا

يامشتكي لوعة احبابك = لي تشتكي من غرام الحب
أصل البلى كان فاسبابك = ليه اتجرأ وليه إتطب

الحب لامن طرق بابك = فيه العنا والتعب والغلب
ونيران الاشواق تصلابك = تلعب في قلب المعنى لعب

هاتو القلم بكتب التاريخ = تاريخ ساعة لقانا به
من بعد ماكبر لحانا إتشيخ = يعرف ذا عمري وهبته له

من بعد غلطة عمر ترجع = تعطي حلوفن لنا وعهود
لازال جرح الاسى يوجع = وفر حلوفك ابد لاتعود

لازال لحن الوفا بي حي = مايموت إلا اذا متنا
الكل غالي فحسبة خي = هاذي اساسا منابتنا

لحظة عناق الأحبة شي = أكبر من الوصف والتعليق
تروي ظما كل كائن حي = مهما وصفنا عليه مايليق

ياجيل ناشي حماك الله = خلك على الدين والطاعة
ترى العدو جاد في مسعاه= لاتغرك اشكال خداعة