قلبي الشخصك عطيته ود=وشخصك الودي عطا ذاته
ومابينهم ما وقف لك ند=لويكتب اجمل عباراته

اليوم اول نهار اليوم= يارب تجبر خواطرنا
ولانشوف في عامنا مظلوم=وافراحنا اللي تشاطرنا

العذر مني. انا ماخطيت!!؟= لكنِ حسا سي الشارد



يقول لاتجرحه ياريت=خوف احتمال الخطأ وارد

قلبي يقلي بلاش زعاج= مالك وماله وماليه
عطاه ربه و ما يحتاج= نسبة غلا الفين بالميه

ياللي نويتم على المرواح=من بعدكم واعنا حالي
القلب في دربكم سواح= اخذوه با الله للغالي
قولو وليفك بكى ماارتاح=شـوق الولـه شاغل البالي
في ود وده عناق ارواح=تمازجت دون ماتبالي

دنياي مع مرها تنكيد=شربت من كاسها سادة
كل يوم منها الجروج تزيد=مات الفرح .يوم ميلاده

اعطيتك القلب و اوصيته=عن المفارق مادامه حي
صونه ترا الود ما اعطيته=إلاانت يامن العيني ضي

سنين عمري قضيت احلام=ماحققت ربع ما أبغاه
كله طريقي حقول الغام=تفجرت قبل ما آطاه

القلب مستيسره ياود=عامين واربع امضيها




وإن كنت قاسي . معي لابد=روحي فداء روح غاليها

رحلة عمــر كلها ما ساه=في قارب الحظ وحداني
كل ما قرب وقترب مرساه=لبعد مدى الموج وداني

تو ما اشرقت شمس وجداني=واعلن . ربيعه خريف القلب
يوم السعد شوف خلاني =انسى معاهم زمان الغلب

ياغربة الروح غربتي=نفسي وانا بين عرباني
كل ما الامل منه قربتي=لفوه في بيض الاكفاني

واعيني اللي ضناها الشوق=تبكي على افرااق غاليها
من ترقد الناس لين تفوق=وهي ازرق الدمع غاشيها

لا يا صباح السعد والنور=صباح به شوف خلاني
اعيش به بالخفوق شعور=يملا الفرح منه وجداني

ياكوكبٍ. بالسما عالي= يطغى على الكل بحضوره
قلبي معك دالهِ سالي = ماهزو القلب جمهوره

قلبي الشخصك عطيته ود=وشخصك الودي عطا ذاته
ومابينهم ما وقف لك ند=لويكتب اجمل عباراته

عند الثريا مواقعنا=شمالنا الجدي لاخطيتو
تتعب يومنك. اطالعنا=مكاننا فيه ما جيتو

يامن مكانه بوسط القلب=يا ود بالود حاويني
اشتاق لك والوله لاهب=يحيي عروق ألآمل فيني

خذني معك يا شعاع الشمس=لديار خــلـــي ومـضـنـونــي
بـكـلـمــه وتـخــاطــب. هــمـــس=تـعــال وسـكــن بــهــا عـيـونــي
انسـى معـايـه عــذاب الامــس=تــرتـــاح والـــنـــاس يـنـســونــي
معك العنى ما بقي لـه رمـس=بـلـسـم دواء كــامــل شـجـونــي

الكذب عمره .ماعمر حي=مكشوف لو كبرت اقواله
شيبه البيت العناكب هي=تبنيه والريح تشتاله

صورة من الواقع الملموس=تبلورة نفس ماساتي
لوكان فيها الخبرمدسوس=معكوس في داخل مراتي

اشتاق له كل يوم . ايمر=والروح تشتاق بزياده
منه فرح في حياتي مر=انسابه الهم وانكاده

ياما بكينا على الاحباب=وهلت دموع الآسئ فينا
العيش من بعدهم ماطاب=نبكي وتبكي .معانينا

ياكيف بجزاه. وأجازيه؟=وأنا اتنفس لمعروفه
كامل بمد الوفاء .موفيه=طبعه وفكره وبه نوفه

كان ألامل والوداد وكان=روحٍ تنادي على روحه
حتى تهاوت له الاركان=بعد ألأمل هِدت صروحه

اثر المحبة لها طابع=يضفي على قلوبنا رحمة
تعال بعيوني وطالع=تشوف الاشواق . في زحمة

لو إن وسع الفضاء بك ضاق=وهلت عيونك من العبره
لاتعلن الياس والخلاق= عنده لمُر ألآسئ دبره

كل ماعذلته خفوقي عنك=القاه يعطيني اسبابه
اللي تبين لنا معدنك=حتى تملكت. لعجابه

مابين جمر الوله والشوق=وارواح ندرى مشاعرها
تزيد بي حرقة المعلوق=وتطفي لهيبه عبايرها

يامن له الود صاينته=من زود الاشواق ناديتك
ولو يعلم الحُب مِن. انته؟=حبك معي يوم حبيتك!!

لاتحسب إن الوداد مزوح=تسلى بها النفس وتروحي

لجله ودادك علاج الروح=اعطيتك الود يا روحي

مابين عيني وقلبي دار=حديث ماني بفاهمته
القلب يشكي أسئ ومرار=والعين بالدمع ترجمته

مابين طرفي وقلبي دار=حديث برموز سريه
قلبي يقول الغلا ماصار=والطرف يقول مازيه

صباح عطره خزامى نجد=غب المطر يومه اسقاها
للغالي اللي علينا لد=وده سقى الروح وارواها

وثقت لي بالهوى قيدي=ونسيتني داخل سجونه
وزيارتك لي يا سيدي=راس السنة يوم تحيونه

لاتقتل الفرح بجروحي=انا بدونك ولا حاجه
ماتدري انك كما روحي=تحماكم ضلوع منعاجه

إن كان يرضيك يا المحبوب=تجرح لي روحي وتدميها
خذ راحتك والصبر مطلوب=مادام ودك سكن فيها

[TABLE1="width:100%;background-color:black;"]

لما جيوش الغلا حلت= في خافقي واستحلت روح

ازيدها كل ما قلت= حتى غدا خافقي مذبوح

اسمع خبر يستريح البال=قلبي عطاني تواقيعه
يقول ما اسمع من العذال=ولو اخسر الروح مابيعه