لما ترقوا لنا اصحاب = فاعلى مناصب ادارية
حتى اللقا خف والترحاب = ماهي الوجيه الذي هية

ماكل منه ترقى طاب = بخت الذي يحسن النية
واللي يتواضع مع الاحباب = كسبان مليون فالمية

لولا الهوى ماشقينا يوم = ياليت قلبي ضربله حساب
ماشفت في عالمه مرسوم= غيرالالم والهوى غلاب

مريت لجل خاطر عيونك = ماهمني فأي ساعة الوقت
إن قلت مجنون مجنونك = في كل لحظة أقول اشتقت

حالت مابيني وبينه ظرووف = وصبحت حاير متى انشوفه
كل ماوعدني يجيني خوف = خوف إتكرر لنا ظروفه

دورت في معظم الاوطان = ابغى شبه مثل موطنا
اللي يقارن بها غلطان = قيها حنان وأمن يحظنا

أصحاب نكسب فود وطيب = والكل عندي لهم مقدار
مايوم ظني بهم بيخيب = في وقت سائت بنا الاقدار

ياخلي هون على الأحباب = لاتسير قاسي في احكامك
من بعد مانوضح الاسباب = احكم وراضي وقدامك

ودك عيوني جبا تفداك = مادام مالى هوى غيرك
سنين لي وانا أترجاك = طامع فودك وتقديرك

ياليت شفت البلى فالسوق = عيون ترمش فذي وهاذي
شباب فاضي ماعنده ذوق = تخطي على الناس وتآذي

ظلم الأحبة لعيني لاح = والعين من جورهم بكيَت
يمكن بهذا البكا ترتاح = تغسل بها هموم مالقيَت