|
حرب=
نامت عيونه ولا نامت=عين الذي يعشق عيونه كل مايتقرب منه قامت=الحرب بالسيف من دونه الحجيري= هايم وقبله عرب هامت=فاللي بالأرواح يحمونه والغاليه في سومها سامت=لمسبقّ السوم عربونه |
صقر المراقيب=
معذور من برّح لقرصه=لاصار فعله بلا منقود يوم الوطن ياحسن فرصه=جدّد ولائك لأآل سعود الحجيري= حسن رضا خالقه حرصه=وروحه عن أرض الرساله تذود وللي على القرص محترصه=يقول: يا عبد لك معبود |
الحجيري=
شاعر .. حروفه كما .. الصحرا=مثل الخلا الموحش الخالي وشاعر .. حروفه كما .. العذرا=تستقصد القلب طوّالي عذب المراوي= شاعر مع الخيل ياشقرا = مثل الذي فبالك وبالي وشاعر مثل حالتك يدرا= تبقى معانيه فالعالي الحجيري= يا عذب الأمثال بالفطرا=المر ما يَطْعَم الحالي يكفيني أكتب لمن يقرا=للشعر شرواك يالغالي عذب المراوي= ياعد وقت الضماء مروا = عذبه مراويه وزلالي رايتك لاهل المثل خضرا = وعذالك تفوق عذالي |
عيد الفطر 1433هـ
مدري نهار الشهاده ؛؛ كيف=المسلم يعايد المسلم؟؟
وأخواننا تحت حدّ السيف=والله عن أحوالهم يعلم الحجيري= مدري نهار الشهاده ؛؛ كيف=المسلم يعايد المسلم؟؟ وأخواننا تحت حدّ السيف=والله عن أحوالهم يعلم فواز الزويهري= بالأمس*مرت*سحابة*صيفتكـشـف*لـنـا*الـواقـع*الـمـؤلـ م منها*زرعنا*حـروف*الحيـفونــور*الأمــل*بعـدهـا*أظـل ــم خالد بن عبيد الاحمدي= عيّد مدامك تذمّ الحيف=وصافي نوايا عسى تسلم ربّك قوي ينتصف لضعيف=ويرسل على الظّالم الاظلم |
العيد 1433هـ
أمي و أبويه على التحديد=بالعيد ماني مهنّيهم
بأهنّي العيد لأجل العيد=يستقبل التهنئه فيهم |
الحجيري=
نسمة حروفك يابو سيمار=تهزّ ورقان و طويقا اِسمك من الآن موسيقار=الحرف . والحرف موسيقا الصامت= تسلم يامكسي الحروف وقار = طوق جزيرته تطويقا ماتهم الالقاب من يختار = مثلك للقب . أصبح وثيقا |
الحجيري=
ترحيب عدّ الزهر لأزهر=مقطوف للأزهري زهره يا سامي الإسم و المظهر=لفعولك الساميه شُهره الأزهري سامي= تبقون عد المطر لامطر= واعداد مافاحبه عطره والناس لفعولكم تخبر= في عسر الايام مع يسره الحجيري= لأجلك في علم الوفا تظهر=يا شيخ محدن جهل مُهره اللي ما يقنب ولا يزأر=هل يا أزهري تردعه زأره ؟؟؟ |
العراب=
غنا صفاء بالحروف وقال = هف هف نسيم المثل غربي ارسل سلامه صدى موال = يرج في ملتقى حربي الحجيري= بحروف يسكن صداها جبال=يذهن لها خافق الذربي ترحيب كيفه قرى فنجال=يغنيك فالأكل و الشربي |
كم ود جاير و متسلطّ=عدل الهوى يكمن (ف) جوره
ما تملّه إلاّ . يملّ الشطّ=من صفق الأمواج (ف) صخوره |
( العالمي ) للنصُر حصري=و ( المونديالي ) حِكِـرّ للجار
يالأهلاويّه إش لكم يطري=لو حلم الأهلي حقيقه صار حرب= على الورق يكتب الحبري=بعيار والا بدون عيار والاسم ماهو لنا مغري=ايهمنا نلفت لانظار الحجيري= الأوله بإسمهم جبري=تاريخ ما يعتريه غبار ما يسبق الصقر و النمري=تمساح يزحف لو إنّه طار ######### ارداف من السينات= كل العرب والعجم تدري= إنا في هذي البطولة كبار وحنَّا سبقنا بها بدري= ونلنا الشرف قبلهم باصرار ########### همس القوافي= هذا فوقت (ن ) مضى بدري = واليوم ماعاد له اخبار للي درى واللي مايدري = بأسم البلد حاملين شعار الحجيري= ورطتني ليه يا شعري=في مجنن العشق والأشعار أبختصرها لكم دغري=لسّاعكم فأول المشوار ########### بخيتان= العالمي صار منهصري = ازرا بعدها يشب النار ولاهو على ناد مقتصري = الاسم 0 متنقل ودوار |
الحجيري=
سلام ياللي جمعت العرف=وجمّ الأدب و أجزل المعنا و شكّلتّ منها نواصي حرف=عزفه يشنفّ مسامعنا حرب= ترحيب ياحر تغرف غرف=من بحر درُه مطامعنا ياحرف مثل الذهب فالصرف=الليل لايروح.سمّعنا |
أصدّ . والعين يمتّهم=تسرح مع الشوق بالعاني
هذي حصيلة مودتّهم=جوارحي عمْد تعصاني |
ترجمان الحرف=
شاعر حضوره مهو عـادي=يلقي سلام الوفا مايخـص ســــلام لـلــكــل فـالــنــادي=ايقوله اللي شديد الحرص الحجيري= ترحيب من شاعر قيادي=فيه الوفاء يزود ما ينقص اقلط على الطيب يا منادي=حريص و مجاوبك أحرص ترجمان الحرف= فماد المثل ماسرع جيادي=لها السبق وانته الابخص عمره مايحدى لها حادي=درب المعالي تقصه قص الحجيري= ماد المثل يا أجودي مادي=وانته كفو منتْ نُص و نُص لكنّك الليل يا مفادي=لا يروحّ الليل مطلع نَص ترجمان الحرف= الفل والورد والكادي=قدمتها فالحقيقه لشخص ظني يساهم على اسعادي=بس النتيجه تجيب المغص الحجيري= في ودّ وألاّ وفاء البادي=كسبان لا تعتقد يرخص ومن كان عن دربكم غادي=يكفيك حصّيت قلبه حص ذُواقة الملح فالزادي=أخيْرْ لك قبلْ فيه تغص وألاّ السعد دبرة الهادي=ما حيّ فإسعادكم له خص |
يحيي معوض السناني=
قرار صائب من المشرف=العام للمنتدى وشعره كلف حفيد الشعر يشرف=للحرف والمعنى والكسره ابو سالم الرحال= مبروك للشاعر المرهف=اللى نثر للمثل عطره والذرب كلاً عنه يعرف=على النقا معتلى قصره |
ترجمان الحرف=
انا وخواطر وسارا بس=اندور في ساحة المعنا الكل مسوي علينا اكس=لوحدنا ماش احد معنا الحجيري= مادامكم في حِلال برنس=القيل ، فالقيل يجمعنا على بساط الصفا و الأُنس=مْنادَم الحرف مطمعنا |
الحجيري=
يا حرف له فالمثايل شان=ما تجهل أهل المثل شانه بأسألك والقول له برهان=ما ظُنّ يخفاك برهانه خليل الثقفي= انا معك حاضر الميدان = اساير القيل واعلانه اورده كامل التبيان = مابين لحنه واغصانه الحجيري= بعد اختلط حابل أهل الدان=مع نابله وأخلفوا دانه خليل كيف الخليل يْهان=ونصبر على جور من هانه خليل الثقفي= تضيع بعض الامور احيان = وسلطانها يضيع سلطانه ومن حكم العقل والميزان = لابد ما ترجح اوزانه الحجيري= لكنّ واجب على الخلاّن = للخلّ إذا اِحتاج خلاّنه ما تكتفي بفُرجة الأعيان = وخليلها الدمع فأعيانه خليل الثقفي= مادمت في حالته شفقان =احسب حصيلك في ميزانه ومن كان قادر وله سلطان = لحياضهم يسرج حصانه الحجيري= روح اسأل الخلّ عن حسّان=ويصفّلك كسبْ حسّانه اللي حياضه جعلها جْنان=في روض الأشعار و جنانه خليل الثقفي= مكسب اعدك من الاخوان = في ساحة الشعر والوانه ولاصرت من ماذكر قنعان = نقفل على الحرف بيبانه |
خليل=
سلام فيه الوفاء مكسب = لاهل المعاني وزواره وابغى معك للمثل نسكب = من طيب فنه واشعاره الحجيري= في دار له شمس ما تغرب=وما تنثني همة كباره ترحيب يا صوت له نحسب=جاب الحجيري من دياره خليل= هيا استمع نغمة المطرب = اللي يدندن على اوتاره ليله وكلاً لها يحسب = والجار مرعوب من جاره الحجيري= على نغم عزفكم نطرب=وجمر اللقى ما أرمدت ناره لكنّ من يامن المرعب=سرعان ما ياخذ بثاره خليل= شوقه لذاك الهوى مطلب = ضاري تعود على اسراره واللي معه ماعرف منصب = ماضن يقدر على اوكاره الحجيري= لمعانق الشوق لو يرغب=بالظنّ ما يبلغ أسواره وبكره المسا نشوف من يشرب=عذى الهوى و شارب أمراره |
الحجوري=
يامُطلقّ الصقر للقمري = يامعلم العاشقين الفيء لوكان اقلك تجي تجري = تعال والأ ماقلك شيْ الحجيري= يا حرف لأهل المثل مشري=بارد على الكبد مثل المي بشرّ لعل الخبر مغري=وإنّه يا ناصر بشاره لي !! |
بخيتان=
فالقلب الاوضاع محيوسة = ومتشربكة فيه طول وعرض والناب عينه على السوسة = تقز عرقه وتِقرِض قرض الحجيري= لا باس يا شاكي حسوسه=ربّ السماوات ربّ الأرض الناب حدّه على ضروسه=والقلب ساوَ الطلب بالعرض بخيتان= متاعب الوقت ملبوسة = هل واقع الناس يفرض فرض لاصارت قلوب مدسوسة = فيها لقلبي غلول وغرض الحجيري= نار الحسد نار مقبوسه=تحرض قلوب الحسادا حرض وقلوب فالغلّ محبوسه=ما يخافها اللي يقوم الفرض |
صقر المراقيب=
دورات الايام وآنا آخوك=لنّاس تكشف معادنها شف قشطة التّاج جتها بوك=حتى احرمتها زباينها الحجيري= في هيض مبداك ، لافضْ فوك=كذا لياليك ديدنها وعن بُوك والتاج يا أبْن أبوك=كْرَفْتّ قد تخبرنا عنها |
يقبل حبيبي سحايب شوق=ويصدّ أعاصير في غروره
قلبه ينادي و عينه فوق=كذا الهوى حسب منظوره |
صديقك اللي صَدَقْك القول=ولأحتجته حاضر على يمينك
ماهو يصدِقّك مهما تقول=ولأحتجته يغيب عن عينك |
اِعلم يا رافض سجون الصمت=حريّة الهرج مستنقع
لو طحت في وحلها ما قمت=حذرا . لسانك بها ينقع |
راشد الزهراني=
يا ذات الأفهام كيف الرأي = في قلبي اللي ورى وده رايح ولا يستمع لنداي = وأزريت اهاديه وارده الحجيري= خلك على اسمك ، و خذ مبداي=الحبل ما أرخيه ما أشدّه قَبِلْ يا راشد يقلّك باآآآآي= ويروح روحه بلا رَدّه |
ابو مبارك اليوبي=
بعداد مافالكتب اوراق=سلام والطيب يجمعنا والله ياصحابنا مشتاق=للقيل في منتدى المعنى الحجيري= عداد ما فيك من أشواق=قلبك نطقها لمسامعنا يا مرحبا أكثر . من الأعماق=كل المنى وجودكم معنا ابو مبارك اليوبي= من فرحتي طرت فالافاق=بالشوق ياحرف مبدعنا والان ابرسم من الخقاق=لوحه عسى الوقت يسعفنا الحجيري= شوفتك وبل الحيا لأنساق=و لرسمكم شوق يدفعنا لعلّه يواسي الأحداق=فيما تشوفه في واقعنا ابو مبارك اليوبي= خيلت لي دار للعشاق=اسوارها حيل يلمعنا يازينها داخل الارواق=جنه وفيها تجمَعنا الحجيري= اللي في لمعاتها براّق=نوّه يغازل مرابعنا بالحسن تلوي لها الأعناق=ويمسح هواها مدامعنا |
الحجيري=
سنايدي قربّ ، آنا أفداك=أبغى أشتكي لك هذاك القنّ اللي لا ميّلّ . غصون الراك=تميل . ظنّك متى بيحنّ بخيتان= لبيه 0 آنا فدى عيناك = ياللي حروفك عليّه جنّ لو كان غُر المزون اغراك = لاتخيل لو مارعدها دنّ الحجيري= عن ماضي الشوق ما أدراك=قد قاب قوسين أن ينجن وبعد الرغى الله لا يبلاك=عودّ يهودر هذاك الهن بخيتان= مدرك بإدراك لو لولاك = عنه المعاني جرسها دن الله من بلوته يحماك = قدام لا الحكم يقلب صن |
الدار يا عماد وأهل الدار=والحرف يا عماد وأربابه
تسأل عن اللي لهم مقدار=شرواك يا مْطوِلّ غيابه |
قالت: يا شاعر بِشرْ ما أعْجَزْكْ؟؟=عنّا حـــــروفك مغيبّها!!
قلت: العفو ؛ ما أستطيــع أوجِزْكْ=يا أطول قصيده لو أكتبها |
الحجيري=
أحمد يا عم الوفاء و الطيب=يا راعي القن و القانون فاللي عن الذيب و اِبن الذيب=قصَر سلامه وش تقولون العامودي= حسن سأل والوجوب اجيب =واقول حسب الوفا ممنون لعل فال السباع يطيب=ما يقصر الواجب الا الدون الحجيري= حضرت واللي حضر ما يغيب=وأوجزت فالوصف والمضمون ايجاز من نظرته ما تخيب=قوله وحكمه فَصِلْ بالعون العامودي= ما يجوز منا حكم بالغيب=واجابتي حسب ما تبدون ولو تطلب الحق ماهو عيب=يمكن يكمل وتتراضون الحجيري= يا بادع القول بالترتيب=يكفيه وصفك له المعلون لعل شرهتك فيه تثيب=ونفسه لا هانت دواها يهون |
ابومبارك اليوبي=
سلام يابو علي مني=ياصلك عبر الاثير يقول لك حرف بالحيل يطربني=كايف من لسانك المعسول حفيد الحجيري= ترحيب عبر الفضا عني=فالحال رده لكم مايطول ياسايق الهيل والبني=مجمول راع الكرم مجمول ابومبارك اليوبي= تبقى وساس الوفا مبني=مابيننا والوفا معمول احيان بالود متهني=واحيان عنه الظروف تحول حفيد الحجيري= راعي وفا عنك ما استغني=وحبل الوفا بيننا موصول كل قلب فالود متعني=لو ربعَ ف فصل شتّى فصول |
الحجيري//
الأوله سلام يجهر بالوفاء ماهو يكنّه= تنصى الخويّ اللي في حزّات الطلب ما فيه كَنّه= من بال شاعر لا بدا ، مبداه فالمحضار كِنّه= صقرٍ يحادّ الغيم ويضللّ على روس النوايف= والثانيه عن ضلع فالحرّه ، ما قطّ اِهتزْ لكنّه= فجأه نسانيس الهبايب عن مقرّه حتركَنّه= ومْن الفجيعه ، حْروف شاعر بِشْر للماضي بكنّه= و جْبال مكه و المدينه دمعها ، فوقه ذرايف= حــــــــرب // حياك الله يابوعلي واعذرنا على التأخير واشكرك على تشريفي بهذه الحدايه ا الزوماله الرااااائعه واليك الرد / يــامرحبـا باللي حــروفه كل قلبٍ يملكنـه= ابو علي وابوعلي حرك هجوسٍ مستكنه= قلته وانا حروفي سيوف وكل شاعر يربكنه= واللي يحادي للغمام يحوم فوقه حر نايف= بعض العيون الله يمنا كل علمٍ يشربكنه= وابو علي نظرات عينه فالرواسي شككنه= مايدري ان الضلع ثابي بامر علام الاكنه= مايحسب حساب الثقال ولا يحسّب للخفايف= |
راعَ الجهل عن جداله صمت=و لقيت فالصوم جُنّه و خير
لا زاد غثّ الكلام . الصمت=أفضل وسيله على التعبير |
دليل الاشواق جهر الصد
يا مجاهر الصد.. لا يغريك=و تظنّ جهر المواصل ود !!
ترى الفراق اللذي مشقيك=ما أشقى من تغازله بالصد |
مضمار حروفي
قبل القلم يطعن الأوراق=وينزف على صدرها بوحي
تِقبِل حروفي خيول سباق=مضمارها .. نازف جروحي |
(لو ما خبر ما يوصّ الطير) مع الحجـــوري
الحجيري=
فالشرق بارق وبارق شام=وكل الدلايل حَسَب ما تشير الوضع ماهو على ما يرام=عسا يا ربي في كُتبة خير الحجوري= جهز سرير المنام ونام = وتصحى على العافيه بكِير وكل اللي شفته من الاحلام = تلقاه وقت الحقيقه غير الحجيري= دام إنّها يالأمير أوهام=طرفك وش مسهّره يا أمير لا تقول لي فبركة إعلام=لو ما خبر ما يوصّ الطير الحجوري= صدقني لاتصدق الاهرام = المسألة فبركة تحرير الوضع اشوفه على ميرام = رغم الخبر للشكوك يثير الحجيري= من بؤكم للسماء يا هْمام=رغم الدلو فوق جال البير والنخله اللي اِحتماها حسام=عشانها للمنايا نسير |
دخ الوجع والدواء مراجع // لعل باسه ما يبطيبه هههههههههه
رحت أشتكي من وجع ضرسي=اللي عليّ كل شويّ يثور
و لقيت طبي على الكرسي=قدام لا أدخل على الدكتور ابو فياض = اكيد شارب عليه ارسي=بارد وهو من قبل محفور ولا الهوى محد به يرسي =لوكان ربان للبابور |
مشرفنا وشاعرنا فريد المعاني حفيد الحجيري اليك مع التحية
الحجوري=
فريد معه المعاني بخير =وعن حرفه الحرف ماستغنى حسن فريد المعاني غير = شاعر ويعزف على المعنى الحجيري= فالحرف أعظم شرف يا أمير=لمّا لقب فيه يجمعنا مع حرف أزكى من النوّير=يا حرف أخجل تواضعنا |
مضمار حروفي مع الحجوري
الحجيري=
قبل القلم يطعن الأوراق=وينزف على صدرها بوحي تِقبِل حروفي خيول سباق=مضمارها .. نازف جروحي الحجوري= عجيب ياهو مثل براق = ومضه بغزر المزن يوحي مايطعن الدفتر السراق = لو مالقيه أُذن توحي |
كله سماحه و كله صفح 00 مع الحجـــوري
الحجيري=
يا صدر مثل الفضاء الراحب=لأصحابه كله سماحه و صفح ترك الفتى مترّك الصاحب=خساره وألا تراها ربح الحجوري= لاشفت صاحبك جاء ساحب = ولماترضّاه ماهو سمح علية لا تِكثر الناحب = تراه خسران مكسب جرح |
مشرفنا وشاعرنا القدير حفيد الحجيري : اليك مع التحية
الحجوري=
عندي مكانك اشوفه شئ = واهني الحرف بوجودك يامن وجودك ظلال وفي = خذني لحرفك من شهودك الحجيري= حي المثل دام ناصر حي=يا عدّ ما ينقطع رَودَك يا برنس حرفك شهاده لي=يا حاتم القيل في جودك |
الساعة الآن 07:31 AM |
Powered by vBulletin® Copyright ©2000 - 2024, Jelsoft Enterprises Ltd. Designed & TranZ By Almuhajir