حلفت مالك علي يمين=كل يوم في ناظري تحلا
ولوتطلب عيوني الثنتين=عليك والله 00ماتغلا

اسأل رجال الوفاء والعرف=من يعرف الحل يبدابه
عن عملة مالها من صرف=أغلى من المال واصحابه
العام كلٍ بها يعرف=واليوم محدٍ بها آبه
البعض عنها يغض الطرف= والبعض الآخر قفل بابه

قابل البشري =
اسمع ندى الشوق والاشواق=رحـب وبقدومنـا حـيـا
و يقول يا معشر العشـاق=هيـا بـنـا للهوى هـيـا
نبض الوجود=
الفل والورد لك ينسـاق=مرشوش بالعطر والميّا
مع نفحة الشوق يامشتاق=كتـاب يوصلـك وديّـا
قابل البشري =
يا كامل الزيـن يـاذواق=مالـك مشابـه ولاز يـا
حالي بدونك تعب وارهاق=لانـي بميـت ولاحـيـا
نبض الوجود=
ماتحرق الشمس بالإشراق=وان عَمْـدت دوْرّ الفيّـا
لاطب عندي ولا تريـاق=وانته عن العشق منهيّـا
قابل البشري=
حبك سكن داخل الاعماق=ولا جيت بطلعه00 عيـا
كلما غفا من سباته00 فاق=حتى طوى خافقي00 طيا
نبض الوجود=
الحب له نـار ماتنطـاق=تكويّ فـؤاد الفتـى كيّـا
وقلبي معه شَطْب الأوراق=وماعـاد للحـب يتهيّـأ
قابل البشري=
دمعي تحدر من الاحداق =حتى شوى وجنتي شيا
والروح مني على مغلاق= ولاشفت من يمكم شيا
نبض الوجود=
اللّي على الطيّبه سبْـاق=راضي مع الناس مرضيّا
داري على دمعك الرقراق=لايحْرِمْ عيونـك الضيّـا
قابل البشري=
علقت قلبي على معـلاق=وقطعت عن عرقه الريا
ووقفتني فوق عظم وساق=لارشد صبتـه ولاغيـا
نبض الوجود=
تقفلت عنـدي الاخـلاق=واصبحت جاني ومجنيـا
ماعاد لي في الفضا براق=قفلـت الابـواب كلـيّـا

الجمل=
سلام من شاعر الشعـار=اللي لفا من قبايل حرب
بيوفي اهل البلد والـدار=وبيطحن اللي فراسه حب
نبض الوجود=
ترحيب لك وافي المقدار=يوصلك من شرقهـا للغـرب
ياشاعر(ن)ماعـلـيـك غــبــار=احنا شربنا المعانـي شـرب
الجمل=
عسى البقا طيركم ماطار=وقدامنا مامعـك مكسـب
العام تدري عن اللي صار=وهذا السنة مثلها واعجب
نبض الوجود=
دار الــزمــن يـاعـزيــزي دار=واخْلفْ على مثلكم مذهب
حكمـه مـن الـرب والاقــدار=سـاقـتــك لاعـنـدنــا تُـغــلــب
الجمل=
رميت نفسك فوسط النـار=والنـار تاكلـك ماتلعـب
مهما تركز مـع الافكـار=بغزيك من حيث لا تحسب
نبض الوجود=
الشمس ماهي كما الانوار=وانا هنا شمس ماتغـرب
ياضيف دامك لفيت الدار=خَلْك بها ذرب ومهـذب
الجمل=
خلك من الشمس والاقمار=انا من المستحيل اصعب
ومنك الهزيمة عليه عار=ومع مثلك الفكر مايتعب
نبض الوجود=
مكتوب ..لك داخله إنذار=النار تصلاك لا تقـرب
ماتلحق الذيب ..يامكار=ماغير مهزوم ياثعلـب
الجمل=
انت تحـت سيفـي البتـار=وان مارضيت الحكم تُغصب
ومهما تحاوص يمين يسـار=مصيود مصيـود يالارنـب
نبض الوجود=
مذكور عنـا وبالآثـار=سباع بالناب والمخلـب
ماغير روْح مع من سار=لا تجيك طيحه وتتكبكب
الجمل=
وحنا ليـا دارت الاخطـار=اشد مـن صمهـا واصلـب
ولا انت فارض عليك حصار=مالـك طريقـه ولامهـرب
نبض الوجود=
لاياجمل قول00 لاتحتار=ناديت لك قول يامرحب
لاهب قدامك الاعصار=لملم صحايفك لاتنـدب
الجمل=
انـا مسيـرك ماتختـار=رضيت ولاعسى تغضب
والضلع ماهـزه التيـار=لوكان طول السنين يهـب
نبض الوجود=
يابحر هادي وفجأه ثار=باغوص في داخلك للغُب
فطين لي خبره البحـار=اعرفك واعرف معاك العب

مجازف=
لاشفت بحر المـوده مـد=بامـد لاكـنْ علـى قـدي
اخاف في دربهـم انصـد=ويضيع في مامضى جهدي
قـابــل الـبـشــري =
غريق بحر المـوده جـد=مايعبـره كـل متـحـدي
واللي صدق في دروب الود=لابـد مايخلـف الـكـدي
مـــــجـــــازف =
الود كم لـي عنـه مبعـد=لانه كشف للبشـر سـدي
واليوم جرحي عليـه جـد=وتجمْعّ الهم فـي وجـدي
قـابــل الـبـشــري =
لابـد راع الهـوى يرتـد=ومن بعد جزره يجي مدي
ومادام عاد الهـوى عـود=لاتقابل الوصـل بالصـدي
مجازف=
جروح بالـود ماتنعـد =خلت دموعي على خدي
هزمني الود ماني نـد=والحال ياخوك متـردي
قابل البشري=
اثبت وخلك شديـد وضـد=للـود ازمـات وتـعـدي
ولا ارخت حبال المودة شد=ولا اسرع معاك الهوى هدي
مجازف=
بأهداب عينه يقيم الحـد=وبنظرته ضاع ما عندي
تعبت وانا وراه اطـرد=مابين بدي ومـا بـدي
قابل البشري=
لا تضيع مابين صد ورد=وتجيب فالعلـم وتـودي
قله ابا فالمـوده عهـد=تبقى معي ماتجي ضدي
مجازف=
والله لولا الحيـا والنقـد=ومحاسب الرب في لحدي
لأكسر حواجز واهدّ السدّ=واغتالُهْ المبْسَمْ الـوردي
قابل البشري=
مادمت حاسب لها وتعد=كف القدم واغسل اليدي
وامنع عيونك لاعاد تلد=في كل خافي ومتبـدي
مجازف=
كل الجوارح لهـا تنشـد=اللي تفطْرّ لهـا كبـدي
عطشان واقف بجنب العدّ=بشوف بالعين وباعـدي
قابل البشري=
اما اطلب القرب ولاشد=فكر وبالعقل تستهـدي
لاتصير هايب ومتردد=تبني فالاحلام وتهـدي

خالد بن عبيد الاحمدي=
بعد التحيات واعجابـي=في شخصكم ياعقيد القوم
برسل لك العلم بكتابـي=عسى الصداقه معاك ادوم
قابل البشري=
ينصاك عـزك وترحابـي=اليوم هـذا وغيـر اليـوم
ياصقر في راس مرقابـي=ماني من اهل الزرى واللوم
خالد بن عبيد الاحمدي=
خابرك منعـور وحضابـي=شغموم وايضا ً ولد شغموم
ودي ابيّـن لكـم مـابـي=وابغى إفاده بدون رسـوم
قابل البشري=
لاهل الوفا حاسب حسابي=واجب معك يالرفيق نقوم
لكن كيف احكم غيابـي=ومابان لي فالعلوم علـوم
خالد بن عبيد الاحمدي=
اللي من اول على بابي=اليوم من شوفته محروم
اقفى وانا طحت بنشابي=هموم تقفي وتاتي هموم
قابل البشري=
بعد المحبيـن غلابـي=كم قلب من سبته مكلوم
لكن لازم له اسبابـي=مافيه تهمة بلا متهـوم
خالد بن عبيد الاحمدي=
شفت القـدر كشّـر النابـي=وصعب اعتراضي على مقسوم
قلبي وفـي صايـن احبابـي=بس المصيبه طلـع مظلـوم
قابل البشري=
ما للقدر عنك مجنابي=هذا امر ناتجه محسوم
والقلب بيلاقي صعابي=مادام في ودهم محكوم
خالد بن عبيد الاحمدي=
صادق ولا انته بكذابـي=وماقلت هذا لنا معلـوم
بس الملامات واعتابـي=على الذي غدرهم بسموم
قابل البشري=
مانتـه بنمـام مغتابـي=حتى عليك الجميع يلـوم
عطنا سبب بيّن وثابـي=لاتلف حول الحمى وتحوم
خالد بن عبيد الاحمدي=
ماتاكل السحـت وترابـي=رواد مسجد كثير الصـوم
كل السبب ناس حجّابـي=ضدوا ضنيني بضرب لكوم
قابل البشري=
لوكنـت للـود طلابـي=باسلوب ومسايسة مرسوم
ماكان وقفوا لك احزابي=ما كنك الا غلبت الـروم
خالد بن عبيد الاحمدي=
ذولك ردييـن الانسابـي=طيبي بهم ناتجه معـدوم
شوف الحسد كيف سوابي=خلّوا طريقي يثور الغـوم
قابل البشري=
دامك علـى قـن وادابـي=وماشي على الساير المفهوم
راع الحسد اخصره هابـي=مانته على مراقبه ملـزوم

محمد سعد اليوبي=
صنَّفت للمعرفة مرجـع=بحروف خطيتها من نور
حتى غدا الملتقى مصنع=للدر واللؤلـؤ المنثـور
قابل البشري=
اللي لعـب لعبتـه وابـدع=في حضرته يحضر الجمهور
حتى الذي منقطـع يرجـع=يبحث عن الماس والبلـور
محمدسعداليوبي=
منه رسم للهدف وأمتـع=إن كان سجل هدف معذور
في داخله قلب ما يقنـع=من ودهم أظهر المستور
قابل البشري=
حرن على النايفة وقـع=ماينلحق والصقور صقور
واللي سجد قبل لايركـع=ماهوعلى ركعته ماجور
محمدسعداليوبي =
الحر لا إرتفع يرفـع=مكانته والصقر مخبور
واللي يصلي على أربع=ماهو على فعلها منكور
قابل البشري=
الحر من مخلبـه يشبـع=ولاهمته نقة العصفـور
لاضـر منهـا ولاتنفـع=ومقسومها الطايح المنقور
محمدسعد اليوبي=
أسمع مثل والعرب تسمع=الحر ما ينهزم منصـور
حرِّيف داير على أُصبـع=يمسي ويصبح عليه يدور
قابل البشري=
يبقى الوفا غاية المطمـع=راعيه عند العرب مشكور
دايم عن الدرب مايطلـع=ولاينحني حنية الباكـور