|
انت الجسد والمواطن روح = على الجسد دايم تحافظ باسمك وعزك نجي ونروح = ونرعاك بالعين ونلاحظ |
هذا لأنك ملكت الود = فالقلب ياروحي اريدك تدخل على كسرتي ماترد = يكفي مرورك وتعليقك |
السلام عليكم ورحمة الله وبركاته
افتقدت ابو محمد اخي واستاذي بخيتان في صفحتي من مده وارسلت له كسره عتاب الاحباب على الجوال وجاني رد شافي وافي وبيض الله وجهه وعساه للقوه والله يديم المحبه يابو محمد وعساك سالم وغانم
يابو محمد ويش اللي صار = عن صفحتي شنهو الحادي مثلك يشرف لنا لازار = ويثمن الحرف للبادي فقدت شرحك مع الشعار = اللي لهم قول فالمادي الرد من ابو محمد
يابو احمد ابعد عن الافكار =اللي بنا تسنّد الوادي مثلك وشرواك يالبيطار = محسوب عندي فالاجوادي دايم ولك عالي المقدار= ماينقص ان كان مازادي |
في وقت قاسي ولاينقاس = والله لا اجازيك فالسية وانته وانا والزمن 0 والناس= تشهد على كلمتي ذية |
خلك معي رايق مروق = لاتشغل البال بالافكار إن كنت بالود متشوق = الود عندي مولع نار |
في سكة الود ماشيلك = دليلي الشوق في دربي ولاجيت فعيوني اشيلك =وانسى بشوفك زمن غلبي |
ساهر الليل= اللي تكوى وطاب العام=من بعد عامين متهالك يجوز يفطر بعد ماصام=والا يعيش العمر هالك بخيتان البشري= اللي بعد ماتكوى قام = واصبح لدرب الشفا سالك يمشي على معرفة ونظام=ورزقه على الخالق المالك |
فهد المخلفي= ياصاحبي من قبل عامين=باب قفلته لخاطر بـاب لازل قدرك بجوف العين=يبررك عالـم الاحبـاب بخيتان البشري= لو ماتسلم بقـول اهليـن=اسباب نقبل بها لاسبـاب وانته على الراس لاذلحين=قدرك لحسبتك فالاخـوان فهد المخلفي= انته معزب وعلمك زيـن=وقدري يعرفونه الاصحاب في نجد ياصحابي منحين=اذهن سراب السهل كذاب بخيتان البشري= انته حبيّب ولك وافين = والكل يحسب عليك حساب اللي سِبح في بحر قزوين= قالو كبار السمك لك جاب فهد المخلفي= الشك يلحق سخيف بطيـن=ولا بطان القروم رحـاب ممشاي دايم بسلـم وديـن=من ظن بالشين ضنه خاب بخيتان البشري= عساك محمي من الثنتين = مثلي وعنها معك مجناب اثمن اللي لها تثمين = وماقعي عالي المرقاب من سابق الوقت متعلين= نتبع لسنّة ونص كتاب يمناي يابو غلا ويمين=شرواك عنها الوفا ماغاب |
صقر المراقيب= التقنيه يـوم وصلتنـا=فبداية الوقت قلنا زيـن وفتالي الوقت ضرتنـا=وسلاحها صار ذو حدين بخيتان البشري= لاشك من يوم ماجتنا = عشنا التطور وبه ماشين للان لكن مصيبتنا = فاللي بها يرغبون الشين |
البيرق المنصور= غير الوفا مامعي مسعـار=لـو حاربونـي 12 يـوم وانته لك الطيب والمقـدار=وشرواك منها ماهو محروم بخيتان البشري= عندي لراع الوفا معبار= وماني بغيره معك ملزوم يارمز للطيبة وشعار = شرواك ماهو بها مظلوم البيرق المنصور= السوق مليـان بالتجـار=هذاك يشري وذاك يسـوم والمشكله الخاين المكـار=اللي كما الحصني المفطوم بخيتان البشري= لكن ما كلهم شطار=احد يوسّم واحد ميسوم اخذ الحذر والجمل لاطار= تلقاه راضع من ام البوم البيرق المنصور= انا كمـا الكهربـا والنـار=لكن مابغـى اشـن هجـوم مدينه نكـرم لهـا الاقطـار=حشمه . لوانه ماهو محشوم بخيتان البشري= وانعم 0ويبقى الكبار كبار= تقعد مع الصايبة وتقوم والعارفة بالعقل ما احتار= لاشاف سد العلوم رخوم البيرق المنصور= عليـك مانـزود يابيـطـار= ياقرم عايش مابيـن قـروم بعض العرب للنهار غبـار= والبعض الآخر وفا وسلـوم بخيتان البشري= لاتشغل البال والافكار= ولاحي بين العرب معصوم والمرء فيما بغى يختار=والشر والخير دوم خصوم ومادمت محسوب فالاخيار=ياحر خلك قوي عزوم ولا يفطّر الصايم الافطار= ولاصام مفطِر نهار الصوم |
كل ماجمعت الحروف الوان= وتقولنا الفايدة منها دار المعزة امان امان = والكل فتواك عنونها |
كل ماتغيب الزمن يلهدك=ولاجيت نفسك بها ملهود نقزت عينك باصبع يدك= لكن وشحيلتك مقرود |
انا اشتكي من هموم الوقت = والا اشكي الوقت من همه عايش من السبت لين السبت= انثر آسى القلب والمه |
ويلاه والثغرمتحرك =وياروعته لابقى ثابت اقابله عنه ما حرك=لوكان شمس الضحى غابت |
من بعد فالنون حطيتـه=سبب خروجه عمى للعين برمشها بعد غطيتـه=خرج ولا قال رايح فيـن |
صوت المشاعر لها ثارت=حفيظته صمت منطوقـه لحظة هجوس الأمل جارت=ضدي والأنفاس مخنوقـه |
كنت ارتجي شوفتك لاغير=ماشلت هم الشكل واللبس قنعـت وانتـه ملـقـى خـيـر=وطرفي تلقى عزايه امـس |
يا ود في وقتنا الراهن= كل ماهدى واستقر وراق في خافقي حرفك الساكن=مع اتساع الفضا بي ضاق |
هذا طلب من خفى صدري=مرسول لك لوتفكر فيه في خاطري يوم مايطري =غير الوفا لك ياراعيه |
من بعد فالنون حطيته = سبب خروجه عمى للعين برمشها بعد غطيته = خرج ولا قال رايح فين |
ماعاد بقيت لك حاجة = القلب مايسكنه غيرك والفكر ماكني احتاجه =يسرح وبالليل يضويبك |
الغالي وليف الشوق= سلام مايحـتـمل تاخـير = اسرع من البرق فمزونه اللي على الطيبه مايدير= ماأكدو علم يعطونه هذي رساله تصل تذكير = لابد فاالوضع تفتونه لوكان حاصل على تغيير = توفيه باللي تسوونه
بخيتان البشري= ترحيب مايلحقه تقصير = ولا يختلف سير مضمونه صاحب ولك عندنا تقدير=واللي بدوا علم يوفونه يارايق الفكر والتعبير =حنا على ماتخبرونه ماغير ماتخبرون يصير= ولوصار تغيير توحونه |
لو ما اتفقنا على الاسلوب = مايختلف بيننا المنطق الا اذا كان شي محجوب = غير الذي به لنا تنطق |
فايز المحيسن= يامهندس الحرف والمعنا=وياحابك القيل بنواعـه أسمع وشاهد مواجعنـا=وأعلم ترى العين دماعه غاية مونانا ومطمعنـا=نكشف عن قلوب خداعه من شرق جتنا تضيعنـا=في شرع الاسلام بداعه حثرب في صفوة منابعنا=اللي لهم حق بالطاعـه تبغـا تفـرق تجمعنـا=والشر ذايع في مذياعـه عّبادة الشمـس تطعنـا=والمشكله ناس منصاعه في قولهم من مرابعنـا=هذا هو الجرح ووجاعه ياكيـف منّـا مايتبعنـا=وحنا على الحق بتاعـه فكتاب ربـي مراجعنـا=محفوظ لقيامة الساعـه بخيتان البشري= لك استمعنا فأسمعنا = ياراسم الحرف بابداعه حنا معك وانت به معنا = واجب على الكل مفزاعه قلوب داها مايقنعنا = لو رآينا صعب بأقناعه من وين ماجا مايمنعنا = نسعى لصده واخضاعه ندري وتاريخ يطلعنا = لو قنّع الوجه بقناعه مادامت الحق يجمعنا = نبتر به البُطل وذراعه عن ديننا ماتزعزعنا= لو جُرثمة فيه وضّاعه عن دربنا مايرجعنا= طاغوت مع كامل اتباعه الله رحمنا ورافعنا = وارواحنا فيه ملتاعه شجيع حرفك وشجعنا = ومانحمل الحرف لك ذاعه |
بخيتان البشري= كل ما اشرقت للنوايا شمس=عن صفوها غيـوم تحجبهـا ويرجع بها في بقايا الامس=طبـع اهلـهـا تــرك واجبـهـا العمودي= طبيعة الوشوشة والهمس=ما تجهل الناس صاحبها أللي الموافي يمد الخمس=وبشين طبعـه يجنبهـا بخيتان البشري= اللي دخوله يجي بالعكس=ما اظنه الناس يكسبهـا من يجهل القنّ ماله رمس=بين العـوارف ومذهبهـا العمودي= رديت رغم ان مالي نفس=أغلّـب الـروح واتعبهـا مع ناس مايفهمون الدرس=فالعلـم نعـرف مراتبهـا يعفّسون المعاني عفـس=تشهـد بذلـك مكاتبـهـا والسلعة أللي ثمنها بخس=مانسومهـا ولانقربـهـا بخيتان البشري= يامن طمست الحقايق طمس=من شرقها ليـن مغربهـا ثوب الخطايا لبسته لبـس=واحنا العواقـب نحسبهـا دامك مرست المعاني مرس=وكدرت صافـي مشاربهـا ماغيرك انته سبب فالعمس=نفسـك بنفسـك معذبهـا |
بخيتان البشري= ايش الذي بـالاوادم حـل = احترت بالمظهر الظاهـر طرفي على مايشوفه مـل = غير الذي نسمعـه عابـر مجنون مندس وسارق طل = وقبّل على شوفته غايـر واحد و واحد وقال الحـل = اثنينه وقلت لـه شاطـر حرب= يامن بطيبك ملكـت الكّـل = ومشيك على المنهج الساير لاتقـول ماصـار مايعقـل = مشهور ماهو مثل شاهـر وحنا عن الحال ما نجهـل = واللي يناطح جبل خاسـر ولا...ياس من حالة المختل = على الشفـا ربنـا قـادر |
مطرز الحرف= طرزتلك بالصفاء حرفـي=وأثنيتلك بالسـلام الحـار يامن تميـزت فالوصفـي=وصغت المعاني بكل إصرار لي ود عيا معـي يصفـي=كدر علي ليالـي إسـرار مدري عنه ياخوي أعفـي=واللا أتركه وأنهي المشوار بخيتان البشري= امعنتلك بالنقاء طرفي = ولبيت بالاحترام السار ترحيب يمشي على العرفي=ياعالي القدر والمقدار ابحث سبب كان لك مخفي=واعلم ترى الود يابيطار اليا صدق عنك مايقفي = لوهي صدوف الزمان كثار زيده وفا ولا بدأ يجفي= لاعاد في ذا الامر تحتار اللي مضى منه لك يكفي=ومعوض بخير في ماصار |
حفيد الحجيري = سلام يابو محمـد جـاك=روابـط الـدم مرسالـه يا راس فالنايفـه مبـداك=من راس هام السحب طاله بخيتان = ترحيب يابو علي ينصاك=باواصره مُوثِـق حبالـه لك فكر بالمعرفة عـلاك=وعرفي علا سهيل منزاله حفيد الحجيري = تبقى ولا شك في شرواك=وافي وللخيـل خيّالـه شفنا هنيّه و شفنا هناك=عجايب الوقت و أهواله بخيتان = معناي يمشي على معنـاك=تسلم على قول من قالـه نسمع بهـذا ومثلـه ذاك=من 0 مصدر البث وارساله حفيد الحجيري = ما دامت الحال ما يخفاك=والوضع بلحيل يُرثالـه ش الحل فيما رأت عيناك=واِمتى يجي دور عقّالـه بخيتان = عنيتني في امـر عنـاك=وامشي معك خير نسعاله لاجيت بالقن سهل القاك=ولاجيتني ننهي القالـه حفيد الحجيري = يالله يميني علـى يمنـاك=والصلح ما ندوّر بدالـه وان كان محدن سمع لنداك=شرهه على الثوب و عقاله بخيتان = خطاي عجلة تحث خطاك=وكلٍ لنا يحـط معدالـه ومن لايبى الحق مايبغاك=فـي دلتـه رُد فنجالـه |
يامن بحبك لنا بالـي=ايش ذنبنا بعد ماتبنـا ماكان يطري على بالي=نرجع لكم بعد ماغبنـا كان الهوى عندنا بالي=لكـن تجـدد وتعبنـا اليا متى وإنت ماتبالي=تسعى ورانـا تعذبنـا |
بخيتان البشري= احترت في صاحبي ياستاد=الوسوسة دورهـا بايـن كل ما انصحه حالته تزداد=مليت من كثر مـا اعايـن ما ارضى على مثله المنقاد=ذا شي ماهو لنـا هايـن واعرفك واحد من الـرواد=ماتجهل مدين مـن دايـن هزيم الرعد= أهل المعزة وأهـل وداد=وما كان بيناتكـم كايـن ياللي لطيب الفعل معتـاد=ما اظن مثلك لهم شايـن وما دام مثله من الـورّاد=تلقاه فـي يـوم متلايـن محسوب مثلك من الأجواد=لجلك لعهد الوفا صايـن |
مالوم ورد الزهر لامال=وتحدثت عنّك اغصانه لو يعلم انك قلبت الحال=معذور لو عاف بستانه |
لاحت بروق المزن وارعد=عسى مطرها سقى وبلـه وإن كان وإنه نحى وابعد=فيك 0 الرجا مانقطع حبله |
انته الوكيل 0 الرقيب اللي=لموكلـه حافـظ أموالـه الخوف من بعد مايولـي=مايرجـع المـال لعيالـه |
بخيتان البشري= باقات بالورد نهديها = يابو علي تستحق اكثر لجل الثقة دوم نعطيها= للي بها دايم الاجدر شاعر والافكار تبنيها= من بال بالمعرفة اخبر والعذر منا ياقاريها = من فرحة الحرف ما عبر حفيد الحجيري= هديـة الغالـي أغليهـا=غلاة مهدينهـا وأكبـر ثقة هل العرف نحميهـا=بالعرف والجهد ما نقصر تسلم يا بانـي قوافيهـا=تسلم و تبقى لنا و تشكر فأول حروفك و تاليهـا=تكميل فيها الوفا مصدر |
بخيتان= يامن لكم بالهوى خبرات= ابغى استشارة في علم الود سلام اسرع من الغارات=يوم الهدف تضربه وترد سالم= ياكم قرينا عنه حالات=وشفناه فالوقت منه يسد ترحيب سابق صدى الموجات=قدام طرف النظر يرتد بخيتان = تبقى على طيّب السمعات= ياساس حايز كنوز المجد لاهب نود الهوى نسمات=لمعالجه كيف صد البُعد سالم= باستنفر الفكر والطاقات=ابجتهد فالأمر واجد خَلي عبيره وصل للذات=يقنع هجير العنا لااشتد |
ياخـــوك وشبك معاديني = وجمـايلي فيك ماتنعد ان قلت بالخير ممديني = لا اكفيت شرك تراه يسد |
لاتكدره خاطرك ياسيد = يكفيك غُلب الزمان سنين ماودي إن الجروح تزيد= لابد يوم الفرج له حين |
اخفي الم كامل جروحي = لوكنت في يوم مجروحك من شانها ياهوى روحي = روحي تنفس هوى روحك |
بخيتان البشري = مايختلف شكله الظاهر=عن باطنه بالوفا لا فاح سلام 0 مع ليله الساهر=يبقى الى فالق الاصباح وليف الشوق= باعداد مافالبشرطاهـر=واعداد ماخطت الالواح ترحيب بالشاعرالماهر=اللي معه خاطري يرتاح بخيتان البشري = تبقى على الطيـب ياقاهـر=جيش الآسى فالخوي لا ناح كيف اقطفه ورده الزاهـر=ورحيلي اليـوم برقـه لاح وليف الشوق= ياصاحبي اليوم لا تجاهر=باالصبرتجني كثيرارباح والوضع عادي ولاتباهر=كثير يامـا عليـنـا راح |
نقرة ولاجابت ذِراها = ما جمّل السوق راعيها شقى عليها وذراها = ومكاسبه غُرم تاليها |
الساعة الآن 09:41 PM |
Powered by vBulletin® Copyright ©2000 - 2025, Jelsoft Enterprises Ltd. Designed & TranZ By Almuhajir