كل الجروح العظيمه تهان=الا التي سبّت احزاني
ما ودها غير في حميدان=لكن وين الحميداني ؟!

قلبي نحابي على الوادي=من بعد جاته همومه صف
وماقصر البلبل الشادي=خلا عليل الفؤاد يخف

من عادتي ما لهمّي صوت=وعن غيره الله داريبي
تحيا هموم الزمن وتموت=بين الضلوع المحاديبي

ماقلت ذاك الفؤاد يحدّ=ويسبب الوقت في احراجه
يرمي وليفه بطوب الصد=ماكنّ بيته من زجاجه

سواعد الحزن شالتني=وقالت يادهنه ماتنكتين
من حيث مارحت راعتني=من يوم قفّى ضنين العين

في شهر الاحسان والرحمه=الله يا ان جده غير
من زحمه تطب في زحمه=والبال ! من وين يلقى خير

عودتني ع الغرام العذب=واقفيت عني في رمشة عين
وتركتلي قلب ماله طب=مثلك من البِيض يلقى وين !

صبري على اللي تقوله حِلم=وجروحي العطب تشهدلي
يا من في لحظه نكرت الظلم=واصبحت بين العرب مبلي
لكنّك أعلم .. وازيدك علم=صبر الحليمين وش يتلي
نهار ضاقت صدور الزِلم=والشر من بعدي وقبلي

الفـــــارس=
للحب مثل البحر غبّه=لا يغرك الشاطئ الجذاب
وتروح قلبك كما الصبّه=والياك مابين ضرس وناب
بحر الكسره=
انا سبب علتي حبّه=القلب كل ما عذله ما تاب
يا ليتني دوم في غبّه=ترتاح روحي من الاتعاب
الفـــــارس=
ما الوم قلب الذي طَبّه=قد شده المنظر الخلاب
حتى احتوى داءه وطِبّه=وان غاب ما يهتني بغياب
بحر الكسره=
ياصاح نار الهوى شبّه=ساس الهوى انفتحله باب
قلبي عطاه الوفا كبّه=يمشي مع الواشي الكذاب
الفـــــارس=
ودك بحلو النبا عبّه=واعطه من الوافيه باسهاب
ولابد له يوم يتنبّه=يعقل ويترك شبيه الداب
بحر الكسره=
لو خاف في يوم من ربّه=كان الوفا ينهي الاسباب
للغدر مفتاح مع ضبّه=يزيد مكره مع الاصحاب
الفـــــارس=
دامه كذا واجب تقبّه=الغدر ماهو سمات احباب
وان زاره الشوق ولعبّه=يرجع .. وفي الحالتين مثاب