|
إن كان ممكن ولي تقدير = وعندك كما لك لي منزال لاترفع الصوت بالتعبير = من يرفع الصوت قدره زال |
سالم= طيب على الوصف والواصف=طيب على الواقع الموصوف ياخوك سوّى لنا عاصف=فقلوبنا والعباد تشوف بخيتان= يالف على ولفه الوالف = لو كان بعض العباد يلوف ياخوك ماشفت وش شايف = هونّ على قلبك المعصوف |
بخيتان = سلام فيه اشتياق و ود = لأصحاب غابوا عن الأنظار نسأل عن احوالهم و نود = الخير دايم بهم اخبار العبيدي= يامرحبآ .. لآ تشوف البعد=في حالتي كيف كآن صآر الود ودك وماله ند=وانته عن اللي مضى مختآر بخيتان = في كل لحظة بود الد =بالطرف حتى على الزوار هذا الذي فالخواطر جد = من طيب الأحرار للحرار العبيدي= ماني عن دروبكم مبعد=قآضب لك الدرب يابيطآر انا معك صد ولا رد=مير استلم مني المعذآر بخيتان = لاشك فدروبنا نسعد = بشوفتك راع الوفا محتار وقت الطلب فالحمول تسد= وفيت ياوافي المقدار |
سرور البشري = جيت أشتكي لك من الأنصاف=اللي فقدته مـن المنصـف من بعد ماكان لـه ميقـاف=اليوم مبعـد عـن الموقـف بخيتان البشري= ياسرور ما ارضى عليك خلاف = ولا أفتيك قدام لا أعرف ايش سبب الميل والأجحاف = خلاه في خانة المجحف سرور البشري = أبومـحـمـد مـــن الـعــراف=والعـارفـه كـيــف بـيـعـرّف أشكـي مـن اللـي نظـر ماشـاف=زي ماشتكى ربعته حجرّف(رحمه الله) بخيتان البشري= العِرف له عارفة صراف = مثلك وله عقل متصرّف اللي لشّوفه بدى ماطاف = والمندرق صعب مايكشف |
العقيد= ابدي نظر لا قضيت الشان=وانا لكم عـون تخبرنـي ماقلت لك امس يابخيتـان=الوضع ماهـو مطمنـي.! بخيتان= شرواك فاللازمة عنوان = يامحمد اخبرك تعرفني ماقلت لك امس بطمئنان = واليوم شوفك يراطني العقيد= جسيت نبضه على برهـان=وقصيت دربـه وجاوبنـي واللي يحسب العرب جهلان=جاهل وعلم الجهل يجنـي بخيتان= لايهمك ملهي الرعيان = صدقت يالذيب صدقني درب الوفا عانقه حرمان = جواب لو كنت سألني العقيد= لاشك في مبداءه خسران=منسوب لادم حسب ضني مايدري ان الزمن ذا فان=وش مكسبه فيه وش يبني بخيتان= ويعيش في دنّيته حيران= قاصر وللناس مايعني وإن كان في حالته مرضان = يشفيه ربي ويامني |
سالم البشري وفواز الزويهري= جلسة بالأمثال نحييها = وصرف المثل فالمصافا زين مادام حضروا اهليها = أكيد نلقى لها تثمين همس القوافي وبخيتان= ياكم والكل محريها = الجلسة اللي تسر العين لاشك معكم نعليها= من سابق الوقت لا ذلحين سالم البشري وفواز الزويهري= هيا اسمعوا جروح شاكيها = من حال منه الحجار تلين تعاظمت في مآسيها = ظلمة وعيا مداها يبين همس القوافي وبخيتان= ماباس يا أصحاب نغليها = اللي لنا حالهم شاكين حنا الإفادات نبديها = ولأصحابنا فاللزوم نعين سالم البشري وفواز الزويهري= بانت فالأضلاع صاليها = والوقت زاد البلا ضعفين ياكيف نقدر نداويها = بعلاج ما يقبل التخمين همس القوافي وبخيتان= لابد تكشف خوافيها= اتعبتنا في يسار يمين حدد إصابتك واحويها = حتى الدواء مايجي وصفين سالم البشري وفواز الزويهري= قدام تعجل وتكويها = بوصف لك الوضع في شطرين في بنت الأفكار بانيها = معنى حروفي على الوقتين همس القوافي وبخيتان= تعجيلنا لأجل نبريها = اللي حوى وصفها غصنين وبنات الأفكار قاريها = وحروفها تحكي الجيلين |
البيرق المنصور= انته حقوقك من التوزيـع=والنشر لاشـك محفوظـه تشري فسوق العرب وتبيع=لواشكل الناس محظوظـه بخيتان= ليه في حرف المثل تشريع=أعطيه بأسنـاد مقبوضـه ومن يجهل السوق دوم يتيع=من كثرة الناس والفوضـه البيرق المنصور= لولاك منته منيف منيع=ماقلت لك بنك بقروضه ويعذل فواده عن التقنيع=لكن مايعـذل الموضـه بخيتان= اللي تطبع على التطبيع = مرفوض لو قدم عروضه ومن يرتوي غير بالتنقيع = دلالته فيه ملحوظه البيرق المنصور= خبرتك انته من التصينـع=لوانها تكـون مرفوضـه تمشي ومعك الزبون ايطيع=والخمس كل يوم مفروضه بخيتان= دامك موكل على التجميع = ولا انكتب فيك ملحوظه ما اظن فيها تعبك يضيع = وشهادة الحق ملفوظه ماتهمنا كثرت التلميع = وشروطه العقد منقوظه انتا وانا نحكم التربيع = لو احتوى كامل غموضه |
إن سلتني ليه متعجب = عجيب وقتي ! وعاجبني إنك مؤدب ومتحجب = عني ! ولا عنك حاجبني |
ياحرف حاويني إعتابـه=من بعد حبر القلم به ساح راع الغلا يمسك أعصابه=مهما ظروف الزمن تجتاح الوقت لو كشـر انيابـه=عزم الوفي معتلي ماطاح بكرة الفرج ينفتـح بابـه=وتعيش لحظة بها أفـراح |
ِِبيت المعزة على سيسان =ثابي على طيلة عهوده لكنه الوقت بعض أحيان= يشح بأهله في مردوده اليوم ماهو كما ماكان = أول محرر من قيوده اليوم عكس الذي به كان = الوقت بيّح له سدوده وقالوا فالأمثال من ازمان = كلِ بجوده وماجوده واللي على الناقصة خسران= ضيّع لجهده ومجهوده |
قيّس ومتر بعرض وطول = بطلقك واعطيك حرية وإحرص بعدها تجي وتقول = غيرك من الناس مالية |
اجبر على خاطري لو كنت=مجبور ما اقوى على جُبرك مايجبره غير جبرك انـت=تراه مكسور مـن خُبـرك |
ياحرف للصاحب المخصوص=عبّـر ولاتعاتـب الهقـوى أنا اخبر إنا البنأ مرصـوص=مبني على الخير والتقـوى حتى لنا خالف المنصـوص=خلا عروق الظمـا تـروى ليته يرى المعدن المفحوص=قـدام جمـر الوفـا يغـوى |
بخيتان البشري= كل المعاني لها منظـور=منظورها منبـع الفكـره واللي كتب خطه المعمور=مدلول واضح على فكره محمد سعد اليوبي= ما أنت على النايفة منكور=ولا هي على مثلكم نكـره وأنتم وإحنا نعـد النـور=ومنهاجنا الود ما نكـره بخيتان البشري= شرواك وافي ولي مخبور=ولا حد ن على جابته مُكره لا أنا ولا أنته نفك صدور=ونعرف اللي نوى مكـره |
عنك الخبر مصدره يرويه= إن لك علينا عتاب ولوم وإن كان خاطرك فيه وفيه= لاتترك الجو فيه غيوم |
وليف الشوق= نبغا طرب يجذب الالحـان=يبهجك من روعـة افنونـه مخصوص مني على بخيتان=نبغا البشـر بـه يغنونـه بخيتان البشري= جيتك وتوي دريت الآن= يابادع القاف ولحونه ياحرف تُسلب به الأذهان = لاشك والكل يبغونه وليف الشوق= قالوا لنا سابق الازمان=من يطلب الحق يعطونه وهذاالزمن ياصقرشيهان=بعض العرب ما يوفونه بخيتان البشري= ماشي باقي على ماكان = يامكثر الوقت وطعونه شرواك لأهل الوفا ربان=وبعض العرب يعمي عيونه وليف الشوق= ماكان فالبـال والحسبـان=بعـد الموافـا يكبـونـه محسوب في جملة الااخوان=واليـوم ياكيـف يجفونـه بخيتان البشري= كان الموافا لهم عنوان = مايختلف يوم مضمونه ايش الذي ميّل الميزان = في علم انتم تقولونه وليف الشوق= ارخصتله غالي الأ ثمـان=وراه قلبـي ومـا دونـه وفي مشهد العقل والنقصان=الـيـوم ودي يبيعـونـه بخيتان البشري= مادامت إنه عزيز إنسان = ماهي غريبة تعزونه ولاشك بالمعرفة له شان = شرواك والطيب عربونه ومهما الخطأ من جنابه بان = برفق لابد تدرونه زِيد الوفا وبإذنه الرحمن = تصلون للي تريدونه |
فواز الزويهري= سلام لهل الصفا مـردوف=فيه الجواهر وفيه الماس من بنك بالمعرفه مصروف=غالي أعمه لكـل النـاس بخيتان البشري= يامرحبا شانها معروف=يازويهري ياصليب الراس والمعرفه مايجيها خوف=منطوقها للفهيم قياس فواز الزويهري= تبقى على الطايلة وتنـوف=يالبشري اللي جويد الساس ومن بعدها للمعاني حروف=والوضع ياصاحبي حساس بخيتان البشري= يامن على مثلها مألوف = ياراعي الطيب والنوماس قدام لا بالعيون نشوف = بقول ياصاحبي لاباس فواز الزويهري= عامين والثالثة ملهـوف=أمشي فظلمه بلا نبراس وأخايل البرق يوم يروف=لكن مابه ملايت كـاس بخيتان البشري= مادامت الواقع المكشوف = بك رحمته شفتها مقياس اقول فالفايتة مخلوف = دام الامل معتلي للياس |
ابن رهدون= الخط الاحمر خطر ممنوع=لا لاح يدي علـى قلبـي الله من حالتي موجـوع=دآيم عيونك على دربـي بخيتان البشري= سلك الخطر ميزته مصنوع = مخصوص للحرف لا طبي دايم يركز على المجموع = اليا اتضح ناتجك سلبي ابن رهدون= صحيح لاخالف المطبوع=معاك يالبشري الحربـي محذوف كسره قبل أسبوع=في قمة الذوق وش ذنبي بخيتان البشري= لاتصير مما جرى مفجوع = مابيننا فالأمر حربي إن كان ماقلت لك مسموع = عين العقل اقسم بربي |
==
==
الوهم عالم وله سكان = تمشي على حُكم حُكامه اوهام دستورهم بإتقان= تنفيذها لكامل نظامه |
وليف الشوق وفواز الزويهري= ليلة من احلى الليالي جات = حلوة ويازينها ليله واللي لفونا رجال ثقات = والطيب ماننقصه كيله بخيتان وهمس القوافي = منا نصيحة لكم بالذات = لاتصير فدروبكم ميله الظن لايخيب والهقوات = سلام للكل بنشيله وليف الشوق وفواز الزويهري= مادام قدامكم باشات = الطيب لأهله بتدبيله ترحيب منا على العادات = اصفى من العذب في نيله بخيتان وهمس القوافي = قدامكم للوفا هامات = والصعب نسعى لتذليله عسى البقا واسعد اللحظات = والبن مصبوب مع هيله وليف الشوق وفواز الزويهري= انتم لفيتوا على الطالات = والكل يبشر بتكميله ومن قبل لاتوضع البصمات = نبغى المثل عالي سهيله بخيتان وهمس القوافي = حنا فرسم المثل خبرات = نرقى بكم يارجاجيله من يمكم هاتوا القالات = ومنا تجيكم تحاليله وليف الشوق وفواز الزويهري= مانابنا شك فالحسبات = كيف العمل فيه والحيله اللي تمادى على الزلات = نبغى انتجنب تهاويله بخيتان وهمس القوافي = اللي تعوّد على الميلات = يصعب على الناس تعديله ومدامت إنه عليه إثبات = الحل للباب تقفيله وليف الشوق وفواز الزويهري= لكان ساكن بوسط الذات = ياكيف عن موضعه تزيله لاتزيد الأجراح باللوعات = وتقطع لنا القلب وتغيله بخيتان وهمس القوافي = ادراه ياصاحب الجزلات = لايوم تسعى فتقليله لاتطري اللي عليكم فات = مهما عمل زيد تدليله |
صقر المراقيب= في شهر تعتق به الارقاب=بسألك جاوب عريب الجد عينك على شاشة المرقاب=ولاّ تشاهد قنـاة المجـد بخيتان البشري= ياستاذ غالي من الأصحاب = في ذا الشهر اجتهد و أجد وعيني على زيارة الأقراب = والفت نظرها لمن يسجد |
سعد المحمدي= القوس نعطيـه باريهـا=وداع ياملتقى الكسـرات باقات من ورد نهد يهـا=ياملتقى الذوق والروعات بخيتان البشري= القوس بيدين راميها = راع الوفا إن سرى وإن بات خواطر رجال راضيها = راع الوفا مده الجزلات |
حفيد الحجيري= هلّ الشهر وانقضى نصه=و ما باقي إلاّ يهلّ العيد والقلب في داخله غصه=كلما برا حال حال يزيد بخيتان = ياشارح الدرس في حصه = عسى السعد يالصحيب يعيد مع قلبي الحال له قصه = ماهي على مابغى ويريد |
ساهر الليل = سلام احلى مـن الحالـي=واغلا من الين في صرفه ياصحاب بااشكي لكم حالي=الود باوصف لكم شرحـه كان الغلا فـوق فالعالـي=واليوم فجاه انهدم صرحه بخيتان = ترحيب فالمستوى عالي = باللي رسم شكوته حرفه لاباس ياطيب الفالي = الود عشناه ونعرفه اللي بلا ساس ماطالي = إنساه لو بان بك جرحه |
الصامت ( تركي البشري)= محتار من أمس ومساهر=بسألك لو كان بالإمكـان عند العضو ميزة الشاعر=ويشاهد المتواجدون الآن بخيتان= بأفيد حسب الذي خابر= شاعر من اول دخولي كان العضو مع حضرة الزاير = سيان مع بعضهم سيان |
صقر المراقيب= ياصاحبي نطلبك تحديد = في رد مقنع ومليانـي انته تفضل تغني زيـد = أو تلعب الزير بدواني بخيتان = كلِ على مايبى ويريد = أحضر لهذا وللثاني ودي سؤالك عليك أعيد = لياتها تجر الألحاني صقر المراقيب= عشق الحرابي معي مايبيـد=وللملـح نغمـات فاذانـي وان كان شفت الحماس يزيد=في كـل الالـوان طربانـي بخيتان = لموروثنا عاشقين اكيد = وفي زيد للصف رباني عساني القاك يابن عبيد = ونلعب سوى كل الألواني |
عقيد الخيل = سلام يحييك طريائه=حربي تفاصيل بالرده الحال يشكيك ما سائه=يوم انها طالت المده بخيتان البشري= ترحيب ما ماتوا أحيائه =عن الرياجيل ما ارده لابأس يامشتكي دائه =عجل وماصار لي عده عقيد الخيل = تاق الجسد له واعضائـه=والهاجس ازريت عن صده كيف اتبصر في ماجائـه=كيف امنعه كيـف احـده بخيتان البشري= اللي معه داخل أحشائه = لو اختفى يبان لابده رئيس لجنة مع أعضائه = يحضر اجندة لما عنده |
صقر المراقيب= في ملتقى ربعي الشجعان=اهل الوفا قربهـم جنّـه لي مدة ٍ فاقـد بخيتـان=منهو يجيب لي خبر عنّه بخيتان البشري= حاسبك من حسبة الأخوان = والفضل لله والمنّه ماينفقد لك عزيز إنسان = أهل الوفا حافظه قنّه |
بن عضيب= يبكي بـكاء مجلس الكسره = عـلى الـتـقـالـيـد والعـادات قـال الوفـاء اليوم ياحسره = فقلوب بعض الخليقه مات بــخــيــتـــان البشري= أهل الوفا عشرهم عشره = دايم دروبه لهم ساحات واللي على قلوبهم عسره= عكس الوفا حازو النكسات |
المدهوش = لاعـل ماشريابخيتـان=رحبت وقفيت عن ضيفك ماهوسلوم العرب يفلان=حتى تقفي على كيفـك بخيتان البشري= ضيف الوفا مايجي عجلان=خل الصبر يالوفي كيفـك سقنا من الطيبة فنجـان=لاتقول تشهر لها سيفـك المدهوش = الضيف مايقبل السفهان=وانته الكرم من تواصيفك الضيـف يبقانبانشطـان=انشدكبـارك وعريـفـك بخيتان البشري= باين وفانا على برهان=مايحجب النور تغليفـك انته معزب من الصدقان=من يوم ماتم تشريفـك المدهوش = يمكن تذبح كبار الضان=ولضيف حلوه سواليفك حنا حكمنا على مابان=من بعد شفنا محاريفك بخيتان البشري= لاتلحق الناس بالحقران=عليك مردود تسويفك مالك ولاشي فالأقنان=من يوم هاذي تصاريفك المدهوش = انا بحكمك ماني قنعان=ولزوم بالحق توقيفـك عند اربعه كلهم شجعان=تقراءعليهم مضاريفـك بخيتان البشري= روحّ ودوّر مدى الأزمان = ماني محدد تواهيفك لابد مايقنع النغصان= اللي بيعزف معازيفك |
هزيم الرعد = منهو طلب فزعة الأجواد=يلقى التكاميل في حينـه مشكور يا مشرف الرواد=ميقافكـم تـم تدوينـه بخيتان البشري= ما احد عليكم بزوده زاد = غالي ولك قدر مغلينه لا شُكر واجب لكم ياستاد = من يطلب العون بنعينه هزيم الرعد = فرصة سعيدة بلا ميعاد=يوم التقينـا ربابينـه يا ليت تنزل معي للماد=نقطف زهر من بساتينه بخيتان البشري= ياليت موعد لها ينعاد = ونشوفكم ياسلاطينه حاضر وليل الحروف اعياد= تراقصت في ميادينه هزيم الرعد = ضامي وجرح الهوى وقّاد=والفكر مالـت موازينـه بيني وبين الحبيب بـلاد=والشوق فجّـر بركاينـه بخيتان البشري= يولدّ البُعد شوق واكاد = ويولدّ فراق شاكينه وتُطوى المسافات لو ابعاد = بشوق شوفة مودّينه هزيم الرعد = عيني وقلبي معه فجهاد=كل يوم في حال يبدينه والأن صبري معه ما فاد=خلاص ضاعت عناوينه بخيتان البشري= دام الصبر جوكم ماساد = ومنك الامل تم تكفينه احتسّ لك من منامك زاد= وانساه مع ماضي سنينه |
==
== ==
مر وتمايل في نون الطرف= من عانق العيد بااطيابه يالحظة الشوق طاب العزف = بالخاطر اللي تغنابه |
ماعـاد "باقـي " كـلام وهـرج=لـه فايـدة 0 بعـد 0 ماينقـال لاصـار عطـلان ذاك "البـرج "=مايغطي 0 إرسال 0 و 0 استقبال |
من بعد بكرة تحدد عيد = باقات الأشواق تنساقي لكل غالي يبى ونريد = فيها التهاني من اعماقي |
ابو طلق = كل ما اشوف الشمل ملتم = بالعيد والا في غير العيد أبكي على من رحل من كم = وآشوف كل الفرح تنكيد بخيتان البشري= لو كان جرح الزمن يلتم = وكثر البكا بالعلاج يفيد انثر على من رحل عن كم = دمعي والأفراح لهم اعيد |
قدام يبدأ زحام العيد=الاوله قسم راعيهـا جينا نعايد عساه يعيد=اعوام لاخوان نغليها |
بخيتان = سلام نبدأ سلام ختام = نختم به وجودنا معكم للكل شامل وفاه التام= توديع ياصل مسامعكم وليف الشوق= ترحيب يبقى مدى الاعوام=يااللي الوفا طيب عادتكم شوفتك تبري لنا الاسقام=ولايمكن اليوم نعذركـم بخيتان = تبقى ويبقى مهم وهام = قرارنا بعد نسمعكم لايمكن نصدّره قدام = عن كامل الوضع نطلعكم وليف الشوق= تلزم عليك الاخوه الزام = دام الوفا من طبايعكم تلقى قرار انكتب بأقلام = لجل العشم فيك نمنعكم بخيتان = يقوله اللي مقامه قام = إن الخبر فيه يجمعكم حسب الذي بثه الاعلام= نفذ أوامر لمرجعكم وليف الشوق= كريم مثلك سليل كرام=واللي كمايه يوزعكم ياسعد من صام فيه وقام=معنى المثل فيه ما اروعكم بخيتان = الآن ياحر ياضرغام = نقنع وله عذر يقنعكم والعتق جعله من العلام = للكل في شهر ودعكم |
بخيتان= مـن بعـد بكـرة تحـدد عيـد=باقـات الأشــواق تنسـاقـي لـكـل غـالـي يـبــى ونـريــد=فيها التهاني من اعماقي أبومديده= يـامـن غـلاكـم مَــداه يـزيـد=العيد مع شمس الإشراقي و تـحــدّد الـيــوم بالتـأكـيـد=بكـره يجـي عيـدنـا النـاقـي بخيتان= الله يديم السعـد ويعيـد=ياراعي المنطق الراقـي وفرحة العيد في تجديد=بمثـالـكـم دوم يـارفـاقـي أبومديده= مـعــاك الأحـــزان والتـنـكـيـد=مـاعـاد يـبـقـي لـهــا بـاقــي ياللي على جانبي ماتحيد=بأرسِـم معـانـيـك فـأوراقــي بخيتان= بالجانب الحسي التجريد=عجـز يصـور لـه آفـاقـي وانتا وانا كيف معه نفيد=وذهنه معه دوم فاخفاقي أبومديده= إنــتــه وأنــــا نِـتـقــن الـتـسـديـد=وغُـــزر الأحـاسـيـس مِـتـلاقــي ومِن لايصحصِح على مانريد=نفـتـيـه فـــي مـنـهـج إلـحـاقــي |
عادي اذا ماتبى تقرا = فيني حروف الآسى والهم لوجرحها منك مايبرا = وسهم يتجدد مكانه سهم |
بثوب الحيا باقي سنينه=يموت وأهل الوفا حيين ان كان ماتم تكفينه = باللي بنقص الوفا ماشين |
الساعة الآن 09:47 PM |
Powered by vBulletin® Copyright ©2000 - 2025, Jelsoft Enterprises Ltd. Designed & TranZ By Almuhajir