تصور الحرف والمعنا = واحسب حروف الهجاء بالحرف
تلقى على ساس مرجعنا = مهما اختلف من زمان وظرف

يا ود امانه معك قلبي = لا تجرحه وانت ساكن فيه
يكفي من اسلوبك السلبي = تاخذمنه ود ماتعطيه

صدق المشاعر وصفو الذات = تجسدت فيك يا الغالي
حساس قلبك وعذب صفات = ما فيه مثلك شرح بالي

اصبحت اشوف الحقيقه حلم = وامنى الروح واقنعها
وانا ادري انه عليها ضلم = اعيش به عكس واقعها

ياموطني موطن الاسلام = الحب لك ياوطن وحدك
مرت ثمانين عام وعام = واحنا نحافظ على عهدك

ليلي سرى واسدل وشاحه = ونور النهار ابتدى ثاني
وانا مع الويل واجراحه = واللي جرحني وعناني

الله على الود يجمعنا = من بعد فرقا سنين اطوال
في ديار زهران مرجعنا = اللي بها يستريح البال
من غيرها ما لنا معنا = ولا يطيب في غيرها منزال
دايم لها الشوق يدفعنا = والقلب دايم لها ميال
منها صفانا ومنبعنا = متوارثينه من الأجيال
والمجد فوقه تربعنا = ونعيش ونموت فيه ابطال

مشتاق قلبي على الاوطان = وبالحيل حنيت لااخواني
يجذبني الود والعرفان = اللي من اعماق وجداني
أسأل على عزوتي زهران = وأسأل على كل زهراني
واطلب من الواحد الرحمن = يحفظك يادار جداني

اشتاق لك ياهوى الباحه = واشتاق للورد والريحان
اللى بها الروح مرتاحه = ولحباب قلبي بها مسكان
بـروق ورعـود وسياحـه = وشمس الضحا عانق الهتان
بلابـل الخيـف صـداحـه = تشدو لنا بأجمـل الألحـان
ضبابهـا يجلـب الراحـه = ويداعب العاشـق الولهـان
يـداوي القلـب وجراحـه = ويبري السقيم الذي مرضان

من في الخلايق رهيف احساس = ينقذ فؤادي من احزانه
قدام لا تبين عند الناس = ويشمت بها كل عدوانه