من سوء الاحوال لا تغضب=اصبر و ياما الزمان يجيب
مَعِين الايام ما ينضب=كل يوم ناخذ منُه ونسيب

كل مابتسمله زمانه ... ضك=مسكين ونفسه مشقّيها
مدام يبصر بعين الشك=اللي يجوب الرمد فيها

يامرحبا بالذي صمّل=يعيش فاضلاعي منيّف
جاني بأشواقه محمّل=يطفي لهب شوق مازِيّف
في سكة الهجر ماكمّل=حيثي على الهجر ما اصيّف
قلبي رهيّف ما يتحمّل=وقلبه ما يتحمل .. رهيّف

رايق الحرف=
من رايق الحرف والمعنى=سلام للطيبين ابديه
في دارٍ الكل له يعنى=واهل المثل كوكبتهم فيه
الفـــــارس=
من طيب روس وطبايعنا=ترحيب مثل الذهب نقريه
في الدار زادت مطامعنا=وكلٍ ذراعه وماتعطيه
رايق الحرف=
نبع الوفا فيك طمّعنا=تبقى وحاويه ياراعيه
يافارس القيل سمّعنا=مايفيدنا فالذي نشكيه
الفـــــارس=
لولا الوفا ماتجمّعنا=اوحيه ومثلك وفي يوحيه
ولا بان ما اخفيت اسرعنا=والمشتكي بالحلول نجيه
رايق الحرف=
كنا في طرقه خوي معنا=وقف لنا اخوه بيقاضيه
ولاشك دونه تدافعنا=هل ذا غلط يومنا نحميه
الفـــــارس=
من شان نلقى منافعنا=قلي خيوط القضيه ايه ؟
ولاشك تحكم دوافعنا=وكلٍ معه عقل ويقديه
رايق الحرف=
ياراعي العرف تابعنا=مثال باضرب ولك ببديه
عسى الحكم منك يقنعنا=واللي معه حجته تبريه
معي خوي درب يجمعنا=وعلى الخوي حق لمخاويه
قابلنا اخوي وتنازعنا=لياتهم ماقفي واعطيه
الفـــــارس=
ياراعي الميز ماضعنا=اسمع لنص الحكم واصغيه
قرّب فيما بينهم واعنى=بالمنطق اللي لهم تلقيه
صاحبك لرضاه وقّعنا=واخوك من حقه تراضيه
ومدامه الحق يرفعنا=ماهو عدل نرجع نوطيه

من صغر سنّي وانا اردّد=(( عمر الوفا مايعوّد نقص ))
وعلى كذا صرت متمدّد=وان قلي عقلي اقله اص
في طرقة البذل ما اتردّد=الين قصقص فؤادي قص
وطلعتلي بقول متجدّد=لا تامن اللي وفيته .. خص

كل ماعترضلي شبيه الورد=اصيح بالمنطق الواثق
واقول يا مغرمين الود=منهو بلغ مبلغ العاشق ؟!

حكمت قلبي سنين كثار=غير الاسى منك ماحصل
لكن على منهج الثوّار=يا من عثابه فساد .. (ارحل)

محمد ساعد العمري=
وين التجي و التقي ملجـا=والجا عن اللي معي لاجي
طالت بي الحال منحرجى=و تزداد ضيقه وانا راجي
بي شرخ و القلب منشجى=و يا دمعها العين ثجاجـي
حتى اصبح الفكر مرتجى=و اصبح علي الاسى داجي
عايش بروحي وهي حرجا=لا موت حاصل ولا ناجي
ومن غير ملجا ولا منجـا=على كـذا تـم منهاجـي

الفـــــارس=
سيّار جيت اقري النهجى=وهيضني العَد والعاجي
وعلى لحن ضيقت الخرجى=قمت اسلك دروب وفجاجي
اذن الفرح لو دعت صنجى=ولاشك تحتاج لعلاجي
والوقت واحواله العرجى=ما حدٍ عن سيوفها ماجي
لكنه اللي رجى الفرجى=وعن مقصده حالت سياجي
من قال ماله امل يُرجى=وله رب ما خيّب مناجي

يامن معك ما جنيت اسلوب=اقصاي خلته وسويته
صبيتلك من ودادي كوب=باسلوبك الفض طشيته

لن جيت للحق ما عندي=ادنات ما يبرر الجيّه
غير انّه المبسم الوردي=من يوم سبتك لعب فيّه