بخيتان =
شفي بهرجتك يابن عيد = جلستك تشرح لي ( الخاطر )
( اللي تعوّد يجيب العيد ) = قدام وقته وله ساير
علي عيد =
شفي كما شفكم ويزيد = يامن بك النفس تتفاخر
هاته 0ويبقى مثل ماتريد = لك خاطري لاتقف حاير
بخيتان =
هات السواليف ياصنديد = وجزل علومي معي حاضر
نسري بها والهجوس تعيد = ماشوفته وقتنا نادر
علي عيد =
بالعلم من يستفيد يفيد = ومن يارد العرف له صادر
واللي لقن العرب مايجيد = في وقتنا مالهم حاصر
بخيتان =
ليه الوفا حالفه تهديد = وبأجياله السابقة عامر
عاش الوفا للمعامل سيد = فيهم برغم القسى القاهر
علي عيد =
كلن على مذهبه مايحيد = من ساس طبعه له معاصر
والطيب باهله بناه يشيد = مايغيب عن لازمه كادر

في سوق ورد الغرام ابطيت = ابحث وادورّ ولاشفته
طولتّ لكن مالاقيت = اللي يفرحك لاجبته

لابد يوم الموادع فيه = للاهل والدار والديرة
يارب حسن الختام ارجيه = لا اعيش واموت في حيرة

لجلك اعجّل واجي بدري = ودايم تجي مثل ماودك
غايب عن الود ماتدري = كم انكوى خاطر مودّك

من ودّ ساطي ولهفة شوق = فيها معزتك 0 يخبِرني
خاطر 0يسوق المشاعر سوق = كل ما اجبره فيك يجبِرني

يمكن يكون الصدود يهون = لولا الجفا حاربه ودك
كل مالاحاسيس ينهزون = مشاعري قاومت صدك

ياآسر القلب شي جنان = منك البيان 0به سحرا
من ثغرك الباسم الفتان = اشلون لو تنطقه شعرا !!!

وقتي سرابي في تالي ليل = ليل الذي صحي متأخر
فآخر رمق يوم شد الحيل = ماني متى صحي متذكر

اليوم باخذك في يختي = نبحر سوا لامغيب الشمس
من حسن حظك ومن بختي = تكنسلت رحلتي بالامس

ياما وياما شكت روحي = لي تشتكي واشتكي لله
عنها 0من مسبب جروحي = فالروح 0حتى شكيت الآه