بخيتان البشري =
بنلعب مبارة وديه = بهدافها نمتع الجمهور
سلام فالعيد رديه = على الوفا نهجها المخبور
علي عيد =
امتاع فيها ونديه = والكل لهدافها مسرور
ترحيب شوفتك عيديه = كيف اجبر الخاطر المكسور
بخيتان البشري =
فالقارة الشبه هنديه =تلقى امم مالها دستور
دول والاحلاف جديه = في كسر خاطرك لعبت دور
علي عيد =
ماهي كذا احلام ورديه = عانت مآسي زمن مخطور
والعلم لو كان فيديه = دستورنا منهجه مايبور
بخيتان البشري =
الباب لو كان جنديه = حارس وصاحي عليه يدور
ماسده ابدان مرديه = ونهارها مابداله نور
علي عيد =
خاب الرجا فالقياديه = ماعمرو للعبور جسور
وللفرس ادوار كيديه = تجاوزت حدها المحظور
ارواح واموال نقديه = في نصرة الطاغية 0 مدحور
لوكان بوذا وسنديه = تلقى قرار الامم منشور

لاتزيدني فوق مابيه = العيد لو مر بي عادي
ماتلتقي فرحته فيه = العام ودعتها اعيادي

خلك معي صدر جوفه صدر = صدرين لو الظهر واحد
مفتاح صندوقها في قبر = مقفلة مالها مشاهد

روحي لروحه تقدرها = وروحه تذكرني احزاني
ليه الخواطر يكدرها = من حسبتّه حسبتّ اخواني ؟

بخيتان البشري =
سلام ماينثني دونك = على الوفا ياعزيز الجاه
ياقاري الحرف بعيونك = ويامترجم القيل في معناه
راشد الزهراني =
يـامــرحــبــابــك وبــلــحـــونـــك = من مبتدا الحرف لا منهاه
ما نقصر الجهد من دونك = لا بــان مـنـك المـثـل وبـنـاه
بخيتان البشري =
تبقى0 والاخلاق مضمونك = وكلمة قبل عاجنا نبداه
دايم لي الناس يطرونك = بالطيب والعرف في مبداه
راشد الزهراني =
الله يــحــفــظــك ويــصـــونـــك = ياعـد صـافـي عــذي مــرواه
هـات المـثـل وابــدع فنـونـك = وانـا معـك فيـه ليـن اقصـاه
بخيتان البشري =
بحر الهوى ليه 0 يغرونـك = مراكـب الشـوق فـي مرسـاه
وتبـحـر مــع الـلـي يـودّونـك = وتلـقـى مآسـيـه كـذبـة مـــاه
راشد الزهراني =
حقـك علـى الـلـي يحبـونـك = ولا سـعــوا للهوى مـسـعــاه
لمـا الولـه هيـض شجونـك = امسيت معهم على مأساه
بخيتان البشري =
اهل الهوى فيه يفتونك = دايم على عكس ماتبغاه
واهل المودة يخلونك = بين الوصل والهجر والآه
راشد الزهراني =
الود ما يخيب ضنونك = لنك وردته على مضماه
والهجر عنه انفح ردونك = قبل يتبلواك في بلواه
خلك مع اللي يصافونك = واسلوبهم ود ومصافاه
على الموده يعينونك = وانسى عميل الهجر واسلاه

فواز الزويهري =
ثيـران الأسـبـان فيـنـا تـحـوس = حــســيـــبـــك الله يــالــقـــاضـــي
الـلـي دفـــع للـخـسـاره فـلــوس = عــشـــره مـلايــيــن فـالـفـاضــي
خمسه وفيها الألم محسوس = وتـقـبـل الـوضــع يـــا ريـاضــي
واليـأس اصبـح بنـا مـغـروس = ونـــفـــوز لا ديــكــنــا بـــاضــــي
بخيتان البشري =
جاهم جلبنا بهم وتيوس =وللسوم دلالنا راضي
ياذيب تبقى الحياة دروس = ولايقابَل الدرس باعراضي
راحت في جوف القبور الروس = اللي بها عزنا الماضي
وناب حاضرك جاه السوس = لاعاد عليه تغتاضي

بخيتان =
طويق قابل جبل ورقان = تمايلو بس ماطاحو
وضح يابن عيد لبخيتان = وش حالهم كان لك باحو
علي عيد =
لجل إنها ثابيه السيسان = رغم الاعاصير ماناحو
لو عانقو ميلة الازمان = وثارة براكين 0 مانزاحو

همس القوافي =
حرفي عجـز يوصفـكْ يـا حـرّ = اشــيــل وانــضـــم فهـالـقـيـفـان
تبقى الجواهر من اصل الدرّ = ولاغــيـــرك الـــــدرّ يـابـخـيـتـان
بخيتان البشري =
شرواك درب الصفا ماغرّ = ياملبس الحرف بالتيجان
فضـلاً يافـواز ليسـت أمـر = بسألك يا شادي الالحـان
همس القوافي =
صاحب بطيب الوفاء يذكر = والطيـب يرجـح بـه الميـزان
واليـا سـأل صاحبـي يبـشـر = انـــا مــعــه مـصـغــي الاذان
بخيتان البشري =
لما عليك العلوم تمر = تعقل ياعاقل فصيح السان
حلو الزمن لا خلطه المر = كيف اعزله داخل الوجدان ؟
همس القوافي =
دنــيـــا الـبــنــآدم بـــهـــا مــايــســر = وفـيـهـا مايـجـلـب لــــك الاحــــزان
يعني من الصعب تقضي العمر = كـــلـــه فــــــرح ايـــهـــا الانـــســـان

علي عيد =
بالعيد اسمى تهانينا = للكل 0 والملتقى نقريه
سلام حسب القوانينا = والساير اللي سوى نمشيه
لغيابنا ظرف حادينا = وكلٍ ظروف الزمن تحديه
ومهما المصاعب تلاقينا = ناصل وراع الوفا نوفيه
بخيتان البشري =
مبارك العيد ياخينا = ياصاحب نعزه ونغليه
يامرحبا ياموافينا = ترحيب بالطيب لك نبديه
ماتختلف بك هقاوينا = ياللي على الدرب ماتخطيه
وظروفنا لو تراعينا = ماكان جور الزمن نشكيه

وليف الشوق =
من بعد غـيـبـه لكم عايد= ولو ماالمقادير ماغبنا
ســلام للــكــل واعـايـد = ماخص والطيب يجمعنا
درب الوفا ماعنه حايد = عاداتنا من مناهجنا
وكلا لـه المنزل الشايد = وتقدير عالي لصداقتنا
بخيتان البشري =
مادامت الدعوة معايد = عساه عايد معايِدنا
ترحيب له فالوفا عايد = يثمر ويثبت عوايدنا
طيب النبأ جوه السايد = مأخوذ من طيب صاحبنا
مبداه فالمنزل الرايد = مايختلف عن مبادئنا