وليف الشوق =
الــــى مــتــى كــثـــرت الاحـــــزاب = وكـــلا يهـفـهـف عـلــى قُـرصــه
مــن دون تلـقـى لـهــا اسـبــاب = يـفـرح لـيــا جـــات لـــك قَـرصــه
وين الصفى اللي على مرقاب = والـكــل يـسـعـى عـلــى حـرصــه
الــوقــت هــــذا مــنــه مـنـصــاب = والبـعـض مــا يضـيـع الفـرصـه
بخيتان =
حتى مع السند والبنجاب = يقر ميزانها البُرصه
ولاعاد تومي بها الابواب = رياح 0 بفواه منخرصه
ياذيب ياللي عوى لذياب = كلِ وبإذنه عطه خُرصه
الوقت فيه الحيا غلاب = ومن حقك تقص فالرصه

ابو بتال =
يا اهل الـعقارات دلوني = عقاركم فالموده كـيـف
الـنـاس فـالود لاموني = والسوق ما ينقرب فالصيف
بخيتان =
الناس مايوم هموني = لي بالنشيطة مَراد وكيف
على حسب مايقولوني = شبيه سوقه بحد السيف

صقر المراقيب =
بشّار لازال متولّي = في قصر من زمرته محروس
ولو كان في حكمه ايضلّي = يحرمكم الخوخ والمكدوس
بخيتان البشري =
إن عشت بتشوفه يولي = وفي نهايته لك عِبر ودروس
والقِنّو تلقاه مدلي = من غُصنه اليانع المغروس

بخيتان البشري =
ابو علي مثل ابو محمد = عندي يافواز ماتفرق
وانا اشكر الرب واتحمد = وإن جاء علي دنيتي تشرق
فواز الزويهري =
عيـنـيـن مـنـهـا الـنـظـر عَـمِــد = حتى تشوف الرضا يبرق
والخير من ذا العطا ممد = كـريــم مـنــه الـغـصــن يــــورق
بخيتان البشري =
قرارها صادر معمد = تحِدّ النظر سرق ماتسرق
والود جاري ماهو مجمد = وبحوره الطيب ماتغرق
فواز الزويهري =
الــســـاس واحــــــد ومـتـصــمــد = وفـــوقـــه بـــنـــا لـلـنــجــم يـــــــدرق
وليا حصل جرح يتضمد = دام الــــــوفــــــا بـــيـــنـــنـــا يــــــمــــــرق
بخيتان البشري =
جمر الادب حي مارمد = ونار الاجاويد ماتحرق
وساق الوفا جرحه نكمد = ويجف مانتركه يعرق

حبيت اهنيك ياعيدي = بالعيد يافرحة ايامه
معك السعد دوم ياسيدي = لي بالعمر باقي اعوامه

لاتعاكس الريح تغديبك = وتطير فالجو كما القرطاس
والا كما الغصن توميبك = لو نسنست هزك النسناس

اللي بقوله 0 مثل ماتقول = بقول لك عيدك مبارك
بك الفرح 0 فرحته مايحول = مابيني وبينها دارك

العلم ما اطرأ عليه خلاف = استقبلِه كالمطر مدرار
الطيب والود فيه اصناف = مايوم به تنطفي لك نار
له ضيف وعيوني المضياف = لاتشغل البال والافكار
انا جبل والحمول خفاف = ثابي وساس الجبال حجار
ودام الصخر مع بعض ما اخاف = تهزني ريح والا اعصار
يزيد في قوتي اضعاف =دام الصخر مجتمع ما انهار
ماينفع كتاب دون غلاف = ولايمكن يكون شكله سار
انا عليكم ذرا ولحاف = لسدكم ماالفت الانظار
ومن خاطري مايجيك اجحاف = لي في خفايا الفؤاد اسرار
إن كان تسعى ورى الانصاف = العذر يغنيك و المعذار
ترى علومك على مهياف = للي نحتبه بعيد ديار
عفوت عن كامل الاطراف = ولاعاد ياتي لها تكرار

سرور البشري =
اللي مضى جمعنا واحد = ماعاش منهو يفرقنا
واليوم لاجيت بتعايد = تقول يا الله تسترنا
بخيتان البشري =
اللي مضى قنه السايد = مافيه فارق وفرقنا
واليوم فاين لنا معايد = غير الذي في سوايرنا
سرور البشري =
اليوم كل شي بالزايد = عشناه واقع في حاضرنا
والمشكلة لو لها قايد = ماكان تفتش دفاترنا
بخيتان البشري =
اللي على المذهب الرايد = عملة لنا في مصارفنا
ولا زاد من زادنا زايد = نعطيه ماهو مفقرنا

بكرة باصلي صلاة العيد = وبعايد الناس فالمشهد
وحزني على من رحل بيزيد = الله يامصعب المشهد

اهنئ الناس بك ياعيد =وعيدي بهم غاب عن عيني
ماغير طيفه عليّه يعيد = وطي الاحزان تطويني

ياعيد بك فرحتي مزحه = لعيون من جيت اعايدهم
عيدي ولي صادقة الفرحة = اللي بك اليوم فاقدهم

عيني على عين في عيني = نظراتها تشتكي وتقول
وين الذي وينه و ويني = تحت الثرى 0 والدموع تحول