|
ياملتقى العز ما يهنأ=ويموت ماحقق أحلامه اللي معه حقد وتعنـأ=انلبسه ملبس أقدامـه |
إصحى وصحصح وركّز زين=قدام لا تغُـص بـه حرفـك الطيب قسمي وصرف الشين=اصرف دبل زود عن صرفك |
لو نُوصف العقل للعاقل =العاقل يميزه عقله كالجهل ننّعت به الجاهل=عقله يميز مدى جهله |
سهري معك لـو تخيلتـه=نايم وحلم المـودة طـال وأصحى وباقي ماكملتـه=حتى الأمل عاش بي رحال |
بحثت في ذا الذي إسمـه=قوقـل ولا فادنـي بحثـا عن رمز حرفه وعن رسمه=وأصبحت في حال لُه يرثى |
همس القوافي= ياراعي الطيب ياراقي =ياللي اعدك من الأخوان أغلى التهاني من أعماقي = تنصاك ياصاحبي بخيتان بخيتان= ياذوق ياعالي أخلاقي = يا أخ عندي رفيع الشان وصلت تهانيك خفاقي =همس الوفا تحمله عنوان ابو سالم الرحال= يستاهل المركـز الراقـى=من كان فارس من الفرسان ومن حق من معدنه ناقـى=يعلق على صدره النيشـان الكحيلة = اجمل تهاني لكم نرسل=للترقيه يا عريب الجـد ياسيف با للآزمه يُنْسل=لاجا لزوم/ن/ وجد الجد |
من نفس جوك بغينا جو=بنعيش به جو من جوّك لاتحرم اللي عشانك جو=وتحجب عليهم سما نوّك |
الرؤية اليوم معدومة= جو العرب اتربة وغبار شمال وازيب ومدعومة=من الصبا كنها إعصار |
الحب بحره عذاب وطـب=ياما ضحايا على شاطيـه احد ن غرق فيه قبل يطب=واحدن فغبـه ولايكفيـه |
الكحيلة= اجمل تهاني لكم نرسل=للترقيه يا عريب الجـد ياسيف با للآزمه يُنْسل=لاجا لزوم/ن/ وجد الجد |
الفارس= يبـو محمـد سـلام الله=عليك عد المطر لاهـلّ والكيف دامه من الدلّـه=نبغى انتسامر وعندي زلّ بخيتان= يامرحبا بك وحيا الله = ياطيّب العلم والمدهلّ كيف النشيطة ولا أمله= ولامثل شرواك منه أملّ الفارس= دام البقى يابْشـر الطلّـه=صاحبك في علمكم امّـلّ تايه يبى عـارف يدلّـه=وانته في درب الغرام تدلّ بخيتان= عارف لدرب الوفا كله = ودرب الهوى يعرفوه الكلّ صاحبك ينظر لك تقله = وتشرح له الوضع وتفصلّ الفارس= يوم الشجر باهي الظلّه=مانابني من جنابه ظلّ يقولوا محظور مايصلّه=وانا منى خاطري آصلّ بخيتان= ظل الشجر يملكه أهله = مادام محظور مالك حلّ لو كان في منظره فله = خواطر أهله عليه تفلّ دوّر على ظل وأحتلّه =ما كان من قبلكم محتلّ واللي يبى شي يعجلّه= ولابد له يوم مايوصلّ |
يا نهري الجاري الرايـق=حبك مع الدم فالشريـان من حبك العذب والصادق=اروي ضمأ ودي العطشان |
اليوم همي كبيـر و زاد=من وضعك اللي محيرني لكن تكفى عشان الـزاد=أول ماتصحى تطمنـي |
الــــمــــثــــل = سلام ممنـوع ،، ومهـرب=معناه ،، خارج نطاق الياس القاف ،، مفحوص ومجـرب=راسم معانيه وسط الـراس بــخـــيـــتـــان = ترحيب 0مجموع 00ومسرّب=تلقاه 00داخل نطاق النـاس الحرف 00منقوش 0ومدرّب=نقشه ذهب والحروف الماس الــــمــــثــــل = من يعلم الغيب غيـر الـرب=وش جود البيت غير الساس لكـن ابنشـدك ،، لاغـرب=الحرف ، وش لذة الاحساس بــخـــيـــتـــان = لا شرّق القاف وتغرّب =عن موطنه للمعاني حاس حرف المثل دايم مقرّب= لأهله وطيبه لهم مقياس الــــمــــثــــل = ترجـم امانيـه ،، واتعـرب=واقـع ،، امانيـه للجـلاس وبالعكـس فديارنـا خـرب=قطع عروق الوفاء جسـاس بــخـــيـــتـــان = فاللي على الدرب 0ماذرّب= لو خالطو من جميع أجناس من صُغر لهم الوفا مشرّب= الكل منهم 0علم نبراس الــــمــــثــــل = راع الوفاء ، فالوصل ما اضرب=ما يقطع الوصـل بالوسـواس وراع البـهـم للبـهـم زرب=خلـى الذيابـه لهـا حـراس بــخـــيـــتـــان = راع الهدف 0جابه مسكرّب = حاز البطولة 0 وحاز الكاس واللي ورد عد ومخثرّب = ماله منافس ضعيف الباس الطيب راعيه مايترّب = الأوله مكسبه نوماس طاب اللحن يالمثل وأطرّب=مسامع الكل يالفراس |
اكتب اسايه واجيبه لك=والا ارسله يمكم اصلح ياشيخ استح على شكلك=معقول ماتحس ما تكلح |
بأسكب هوى ودكم في كأس=وأخففه ثلج من روحك وأنسى معك عالمي والناس = وتقول في صحة جروحك |
=بخيتان البشري يامن لكم عندنا مقـدار=يابو مُنى ياعريب جدود سلام يمشي لكم بوقار=ياصلك معه الوفا ممدود =وليف الشوق ترحيب ياحرنسل احرار=دايم على النايفه موجود راع الوفا ما عليه غبار=شرواك فيه الوفا مشهود =بخيتان البشري الطيب منبع لكم وشعار=يأهل الوفا ماعليكم زود هيا إستمع نشرة الأخبار=وأفيدنا في خبر مسنود =وليف الشوق أنا معك لآخر المشـوار=حتى نصل غاية المنشود هات المعاني ولا تحتـار=وإحنا معك نبذل المجهود =بخيتان البشري هذا العشم فيك يابيطـار=دايم على خُبرنا المعهود اللي رسم داخل الإطـار=صورة لقي أصلها مفقود =وليف الشوق أحترت والفكر مني حار=المسألة حبلها معقـود هل ريشته رسمها تذكار=والا أصلها للمكان يرود =بخيتان البشري البث فارض عليه حصار=بالمختصر تحتويه قيـود ماجاب تفصيل عن ماصار=وكالته في نمط محدود =وليف الشوق حسب الذي فالوكالة دار=اللي علا وأعتلى محسود والأصل يبقى لو الأنظار=في رسمته شوفها مشدود لابد يلقى خبر لـه سـار=اللي رسم لو عضتّه بنود وختامها نطلب المعـذار=لو ما وصلنا بك المقصود |
أنا زماني دروسه جم = اللي عنّا كثرها مليت ياكم بنسى وبأذكر كم = ياللي بذاتي ولاحسيت |
كل الذي منه لي يبقى=باقي بقى داخلي باقي باقي معي غير مايبقى=إن مابقي مابقى باقي |
كم العدد داخل الحسبـة=وأول رصيدك عددهم كم حتى معك نعرف اللعبة=بالكيف والا معك بالكم |
ماهو لكم طبع فالسابق=ونقول لاشـك عفويـة لأجل إننا نعرف الصادق=فأصحابنا صافي النيـة |
أسرارنا فالصدور تحـط=كنوزها مأمنـة بأقفـال واللي يخمن وشال وحط=مثقال ذرة يبين محـال |
تقوم تمشي ترّوح فيـن=يادوب ليل الوناسة طاب في ليل جوه يسر العين=يابدرفي ناظري ماغاب |
=بــخــيــتـــان البشري ياللي لرمز الحروف تجيد = نبض المعاني عليه إلحق إن كان فالمسألة بتفيد = عجّل عليّه وخلك رشق =نبض الوجود عندي لحرف المثل تمجيد=وافتق شعاع المعاني فتق عطني علومك وانا ماحيّد=ولابد نوصل معك للحـق =بــخــيــتـــان البشري في خارطة مالها تحديد = للجانب اللي يبي له رتق كل مانخيط الفتوق تزيد = مساحة فتوقها تشتق =نبض الوجود لاتزيد في رتقها وتعيـد=واحرق بقايا اثرها حرق بدَّل قديمك وفـالتجديـد=لاشك تلقى بديل وفـرق =بــخــيــتـــان البشري كل ماطواها كفنها سيد = ينتق بها للطبيعة نتق في كونها مالقت تأييد = يفهق جيوش المآسي فهق =نبض الوجود من قيدها ماتفـك القيـد=ترجي من الله يجيها عتق يبغالها وقت في الترشيد=قدام عرق الحياه يطـق =بــخــيــتـــان البشري في ضحل ماها يخُوت تصيد= ومتلثقة في غواها لثق والعاصفة لو تهب تبيد= ويخُوتهم ماتلاقي درق =نبض الوجود راع الجهل مده التجميـد=لاتحط له قدر بين الخلـق ومادام ماشكلـوا تهديـد=وهروجهم في الهواء الطلق |
منك الخطأ ما استصيغه نوب =وأسامحك فيه لو يحصل من أجل خاطرك يالمحبوب = دايم على دمحته نعجل |
بخيتان = سلام رسمه معه معناه = منقوش حاويته حروفه ينصى الجمل دام لاقيناه = إنكان تسمح له لظروفه قابل= ترحيب وافي وعجلنـاه=الكل يوحيـه ويشوفـه ومعناك لا بان لي مبداه=نعطيك وصفه وموصوفه بخيتان = تبقى ومرحوم ماننساه = من عقّب أحرار معروفه غالي ومثلك عزيز الجاه = معناي ياصلك مظروفه قابل= حنانزيد الوفا مبنـاه=نجمع ولانفرق صفوفه ومرحومنا ماتناسيناه=والراس ماينكر كتوفه بخيتان= فالخُلد جعله بأمر مولاه = وثلاث تنفع وموصوفه عيّا لاينصح معي مقواه =قابل ويامكثر اهدوفه قابل= مادام منك الخطا ماجاه=فالقلب لاتكثر حسوفـه ياكم راحل توادعنـاه=قدام لانلمـس كفوفـه بخيتان= الطيب فالكل وثقناه =واسمع لما جد معزوفه مجبور اطيعه جُبر ما اعصاه = واسقاني المُر بصنوفه |
كيف أحكم الطرف يوم يلد = لاشاف مياس مزيوني عن مابغى لامنعت ارتد = دامه مع الوضع مفتوني رد الشاعر حفيد الحجيري= الطرف كالحر لا من هد=ما يقبل يكون مسجوني مثل الحيام فـورود العد=عد الرها منه يروَونـي رد الشاعر ابو خالد الفريدي= شوفه يشد الجوارح شد=ياهل الهوى لاتلوموني لياشفت عين وخد وقد=ارجفت وابديت مكنوني |
العرِف نهجه عليه حكور = ماكل من هو تعرف قال مشروط عاقل وراعي شور= من ميز فكره وسيع البال |
عرّفتِني بالزمان المُر = اللي لفابك ولي جبته شيله وفارق لاعاد تمُر= عين العقل فأمركم صبته |
=سرور البشري سلام نبعه فؤاد مود=للي لهم شان فالأمثال محتاج شاعر ملاقا ضد=يسد في دقها واجلال =بخيتان البشري ترحيب مني وفا ينمد=لطّيب العلم والمنـزال جيت الملاقا وشاعر ند=ياسد لخفافها وثقـال =سرور البشري الله ليبقيك وأنـت تسـد=هذي حقيقه مافيها جـدال شفت العيون الشقيه تلـد=عكس الأماني نظرها ما ل =بخيتان البشري تسلم لك الطيبة تنعد = بالفعل ماهو حكي وأقوال لوكان طرف الشقي يسعِد =كان الأماني بشوفه نال =سرور البشري سـدد وقـارب ولاتبعـد=شاعرومثلك يضد جبـال نظراتها دون فقد ونقـد=خلت قصار العلوم طوال =بخيتان البشري انا على ماقصدت اقصد=اللي مشت بالطريق الضال لو ثاقبة او نظرها مد= ماكان يشقى بها العُقال |
للود لذة مـع انشابـه=حلوُه بها دايـم تقويـه في غيرهـا لاتهقوابـه=جرب وتلقى الحلاوة فيه |
لوكنت تسأل بأسلوبـك=الصادق الراقي المعهـود تلقى الإجابة ومطلوبـك=بأسم الوّله داخلك موجود |
صحيح روحت أنا عنّك = لاكن جسد بس فارقتك الروح والفكر لحقنّك =فوداعنا يوم عانقتك |
في غيبتي لا فقدت أفقِد = من له مودّة بدون قياس وأصحاب عن شوفهم مبعِِد= لأجل إنهم للوفا نبراس |
قاتل وبين البشر محمول=حتى قتيله يعـزر فيـه والمجتمع بينهم مقبول=واحكامهم دائماً تبريـه |
منساك والقاك ناسيني =حتى الصبر مل واستكبر ياللي معك طيلة سنيني =كل ماكسرت الوداد اجبر |
كيف امنع الطرف لا يبكي = اللي تعودّ على شوفتك كل ماذرف دمعته يشكي = زودّ عليه عنى فرقتك |
ابو مبارك اليوبي= سلام يحمل معاه الـود=والطيب لاهل الوفا قاده كل المعاني معاك اتجد=لجل الجزاله لكم عاده بخيتان البشري= ترحيب نسمة عبيره ندَ= من صافي الطيب ميراده وعندي لجزل المعاني نقد=من عد ماينتهي ماده ابو مبارك اليوبي= تبقى وفيك الوفا يعتد=يامن لك النار وقـاده اشوف عيني معاد تلد=الا على الزين بزياده بخيتان البشري= يامن لنا بالهجوس أنشد= أهل الوفا ناس نقاده أخاف طرف الشقي يسهد=قدام لايحقق مراده ابو مبارك اليوبي= الزين يظهر لاجاه الضد=ماهو كما قال حسـاده كلما نهيته عليّ ارتـد=ياكيف؟ والعين معتاده بخيتان البشري= اللي تقوله كلام يسد =والزين له ناس فقاده ومن يجعل الناس له مقصد = لابد له ناس قصاده ابو مبارك اليوبي= خلخاله اللي بدا يرعـد=يستوقف الطرف وستاده مقاصد الناس ماتنعـد=لاشافة الزيـن بقـلاده بخيتان البشري= طرف الشقي كان به يسعد = للخير والشر صياده إسمع كلامي ولا تنّكد = بالشرع والا الزم الهاده إصحى تجاوز حدود الحد =ومايجهل الدرب مرتاده حُط الذرى قبل لاتحصد = زرعك ومحسوب حصاده |
فايز المحيسن= سـلام منـي وفـا مبنـا=أكبر من اللي إنبنا فالصين يابومحمـد لكـم سقنـا=فنجال ... وأمقننه تقنيـن بخيتان البشري= ترحيب حاضر لكم معنا=للطيب يبقى ليوم الدين هات المعاني وأخذ معنا=ياخال ومثمنه تثميـن فايز المحيسن= تبقا ومن كـان يعشقنـا=سالت دموعه على الخدين ضو القمر بـان وحرقنـا=كيف البصيره معه ذلحين بخيتان البشري= كنـك تقلـي توهقـنـا=باللي بكانا بدمع العيـن ليا بدأ قول بـك سرنـا=اجبر بخاطرك لأجل الزين فايز المحيسن= فالود ما ظنتي ... يهنـا=اللي ... تبيّن لكم باكيـن الخوف مع ناس يشهرنـا=وما نحتمل شرهت الوافين والقلب ... عيا لهم يدنـا=كنّه ... حباره وهو شاهين لاهد ... فالصدر يفزعنـا=ونصد عنه يسـار يميـن واليوم ياصـاح مبلشنـا=كل يوم يشكي مع الشاكين أرسل على حلهـا وحنـا=ما نحيد عن حلكم بعديـن بخيتان البشري= الودّ راعيه له يقنا = للي على منهجه ماشين ومن لا على النهج يتبعنا=ماهو من اللي لنا شارين والقلب فالودّ يحكُمنا =وإحنا على مابغى راضين شفنا القضية في جلستنا = والآن نصدر حكم ويبين فالضبط صغنا وسجلنا =عليك ماله حقوق تدين واليا شكى لا تواخذنا =اسفه وخلك من الناسين |
عيّا لساني لكـم ينطـق=ومنكم عيوني جفاها النوم مابين الأحلام والمنطـق=اسبح فبحر الفكر واعـوم |
الساعة الآن 05:22 PM |
Powered by vBulletin® Copyright ©2000 - 2025, Jelsoft Enterprises Ltd. Designed & TranZ By Almuhajir