انشدك عن رجل وقف وقفة شجاع= يصمد لهجمات الوحوش الجايعه
لاينفع مهاجم ولاينفع دفاع = والعهده اللي يستلمها ضايعه
مكلف بمواجهة بعض السباع= والاالبشرماهي لحكمه طايعه

انشدك عن ورع يقولون به شر= يجري بليا دم ياخف دمه
ليا جيت تبحث عنه تلقاه في البر=وفعل المشاكل والاذى كل همه
ومن ضمن ماسمع له من علوم واعبر= فيه ادمي قال هالورع عمه

انشدك عن بنت لها وجهين = وسيف العلم مضربه فيها
لها كلام ينسمع بالعين = واللي عمى للنار يعميها

انشدك عن ورع يعذب سجينه = وليانفذ حكمه تموت المساجين
لياسجن مخلوق جنبه قرينه = وانالقيته ساجن حول عشرين
يضرب سجينه بالقسا حول عينه= ضربة عطب تنفذ قريبه من العين
ويعود المسكين ينفض ايدينه =جداه يومي في ضعيف الكراعين

ويش رجل لايشير ولايشور= في عيونه يمسك الغر الغرير
ثابت معقد على الضعفه يجور= ولو قلبته صار منزلك الاخير

كان تسمح ياعميل الخير قل لي= : الجواب ولي سوال عن مدينه
اسمها لو ينعكس شي متدلي = شي يوكل في بلدنا عارفينه

وشبنت بين اثين في نصف الطريق= ما حققت مطلب ومرسلها اخطته
فيها مثل يضرب ومضمونه وثيق = واللي طلب منها العطيه ماعطته
صارت بسجن وعرقها راسه طليق = لين الرقيب الحر يصلح غلطته
في بطن رجل يعتبر رجل صديق = يعط العطا لكن فتوقه سلطته

انشدك عن رجل بوقته تحرّاه = وليا وصل تقدم على مايفيدك
مامور في فعله وتحديد مبداه = الله على فعله بوقته يعيدك
ليا اهديت مثله مكسبك فيه تلقاه = تكسب جميل ويرتفع به رصيدك
اللي تشوق له وتفرح بلقياه = مثل ماتفرح يوم عيدك بعيدك

وشبنت كل اللي يعرف يعرفها =تجي بنهاية فعل بين ومعروف
بنت بحكم الله يشرف شرفها= والاسم مركب يبتدي باربع حروف
اصلح بها غلطتك لو تكتشفها= ولاتترك الغلطه لو العالم تشوف

وشعيال بالعمل متكاتفين = اربعه وملازمين لاربعه
ثابتين ووضعهم متقابلين = يرفعون البنت واللي ترفعه
وصّلوها واثبتوها بالثنين = لاجل ترفع من وجوده منفعه
العيال من السفينه قادمين= والصديق الملتوي صاروا معه