القلب ارتاح من لقياك = خلك على وصلنا واصل
ياصاح دايم على ذكراك= ماعندنا للوصل فاصل

معروف وافي لابد أوفاك =والود في قلبنا حاصل
والقلب يحزن على فرقاك = كسبان منهو لك امواصل

يللي إتفخار بأعلى ابراج = لاتحسب المجد لك بيدوم
الناس قبلك بنت من عاج = واليوم حاله شبه معدوم

سلام ياهل الكرم والجود = يللي بكم تكمل الفرحة
عسى سرورالليالي تعود= وتبقى على الود منشرحة

سنين مرت وهو مكروف = والجهد مبذول بالاضعاف
مفروض يرجع له المعروف= عند اللذي يعرف الانصاف

ياعازف العود اطربنا = نبغي انتسمع من الالحان
بالآمس شفنا حبايبنا = ودي غنايحرك الاشجان

سنين حلوة قضيناها = تبقى افؤادي أثرها حي
والرفقة هاللي عرفناها =هي إفحياتي الهوى والمي

بعد الرضا باللذي مقسوم = عايش نعيم الهنا ومرتاح
نمشي على خطنا المرسوم= لحين وقت القدر لالاح

عدت سنة والعمر محسوب= حنا على وضعنا حنا
نجاح فيها وفيها رسوب = ياحظ منهو نجح منا

يللي تكاثرت فصدودك = تبعد فذا البعد وتزوّد
والله وربك ومعبودك = مهما تباعدت بتعوّد

جاني جوابك ومقصودك = تجرح فها النفس وتجوّد
ياطيب الساس في عودك = بشرح لك الوضع لاعوّد

يللي إتصدق ابد لاتخاف = ماينقص المال من صدقة
تلقى عطاكم صار اضعاف= من ربي خيرات منغدقة