في غيبته من يسد الباب= ويواسي القلب فهمومه
وآنا اعرف ان القمرلاغاب=ماينفع الليل ونجومه

طالت علينا مسافتنا= والقلب تاهت به دروبه
لاقلت سهلت مهمتنا =تزداد تعقيد وصعوبة

صبرت لين الصبر قلي = لو تقضي العمر ما داويك
دواك عند الحبيب اللي = اللي بصده معزر فيك

قلبي على غفلته صادوه= يوم الحذر قلت يحماني
وابا اشتكي ان كان ماردوه= للعدل00وحقوق الانساني

أتعبت قلبي عشان اسلاه= حتى بدا الحال في جسمه
حاولت لكن عجزت انساه=وامسح من الذاكرة اسمه

انام بالهم 00واصحا00به=يجري معي مثل مجرى الدم
ولاحدن سألني عن اسبابه=يزيدني فوق همي000هم

لوترجم القيل افكاري=اللي بها هاجسي مسكون
كان انتهى فيه مشواري=واصبح هديرالحروف سكون

قالوا لي انسى وكيف أنساه= كلما نسيته تذكرته
اللي زرع في زماني آه=بعد الذي فيه قدرته

أمشي ومشيي على مقياس=ماتخلفه طولة المده
ولا هم قلبي كلام الناس=اللي توديه وترده

مابان لي من ظلامه شمس=تجلى عن الروح ظلمتها
اللي عشانه ظلمت النفس=وحملتها فوق طاقتها