لولا إختلاف البشر فالذوق=وكُلآ من الناس لُه نظرَه
كان السِلع بايره فالسوق=وعلى كِذا الحال فالكسره

تِّغرّبَتبي أحاسيسي=بين الآسى وإحتِدام الياس
للقُرب قاموا بتدريسي=وماأستحملوا غُربة الإحساس

فن الصفا للأدب عِنوان=والجيدَه سِعرها فيها
لا كِسبت الشوط فالميدان=تِنعَد مكسب لراعيها

إذا أنفَقد فالكلام الفقْد=ماتفيد قيلة بدل فاقِد
قِدام توقع مكان النقْد=إحرص على رُؤية الناقِد

كُل ماأقول العتَب فاصِل=يعزِل جروحك عن جروحي
أخاف أعاتِبك فالحاصِل=يرجع عِتابي على روحي

خلف القِناع المزَيْف حي=أمكّر على أهل الهوى مَكرُه
ومابعد كشف الحقايق شي=إن ماعِرف عِندهُم قدرُه

فالذاكره مابِقي لك شي=كُل ماتركتُه في بُعدك مات
مااااااغير جَرح المشاعِر حي=عايش مِعي في صميم الذات

الصمت ينجيك ويقدّيك=وهرج القفا دوم لُه ناسُه
اللي هرج فيك لا يشقيك=هرجُه يعوِّد على راسُه

أنا مع الناس نياتي=مالي غرض في نوايا الناس
ومِن وكّل الله فالآتي=بقدرتُه مايصيبُه باس

حيرّني الوِد في أمرُه=وخلا المخاليق في حيره
مِن يحتسِب فالغرام أجرُه=ويفُضها بيننا سيره

إحسب خسارتك لأصحابك= مِقدارها كم لين اليوم ؟
يمكِن عن الكِبر ترقابك=وترجع مكانتك بين القوم

يامن عماك الغدُر مشكور=مِن قلب صادق معد يآمنْك
شجّعتني أكشِف المستور=وأعلِّم الناس عن معدنك

غرام قلبي زهم لُه ناس=أخلوه ولحاجِتُه جاني
لما جعلتُه عليهم راس=أخلا فؤادي وخلاني

مْحال جرح الغرام يمُر=وبِمعَالَج مِسببُه يسلم
لأن طعم الحقيقه مُر=وآمْر وأدهى من العلقًم

كُل ماتَغاضى نِظر عيني =عن جور قلبي وماسواه
ذِكرى جروحُه تصحيني=مِن عِز نومي لجِل فرقاه

أيامنا نورها شارِق=تبّين الفرق فالأصحاب
واللي عيونُه على الصادِق=مايحتِمل شوفة الكذاب

لو صاحبي يختلِف مبداه=أعلِن عليه الهجِر وأبدا
وأحفظ لُه الطيب ماأنساه=لأنها مسألة مبدا

مِن يحسِن الظن فالمظنون=ويجازي الطيّبَه بإحسان ؟
لاشاف راعي الهوى مطعون=محروم مِن نِعمة النسيان

أعايِد الناس لعِيونَك=يافَن ياذوق يامياس
ومايكمل العيد مِن دونك=لو عايدوني جِميع الناس

تِغَّرَبَتبي أحاسيسي=بين الآسى وإحتدام الياس
للقُرب قاموا بتدريسي=ماهمهُم غُربة الإحساس

لا شافني قال خالي همْ=ويقول للناس ياحظُه
مايدري إني أصمْ أبكمْ=والحال فالوِد مِن بعضُه

هاجوس شعري مِشاغِلني=أزريت أراضيه وأرضابُه
لكَن عسى الله يجَمْلني=وأسدِد الطيب لأصحابُه