الطيب له صدر ياسع لـه = والخبث راعيه ضيق صدر
راع الوفاء الكل يشهد لـه = وهذاك لناقصـة مصـدر

لا يا ودادي رحلت لوين = فرقاك ما كان في بالـي
القلب شكواه دمع العين = روحي معك والجسد بالي

فهد المخلفي =
قلبي بصدري لاصار يتيم=بالله قلي وش الحل بـه
اقول احده ترومـه ريـم=لاكن انا اخـاف تلعبـه
بخيتان=
الحـب يحتـاج للتقـييـم=وراع الهوى جمرته شبه
وان كان خايف بلاش تقيم=مركب هوى الحب به غبه
فهد المخلفي=
ان كان يحتاج له تقييم=انته على الجال لك قبه
بتعبك بين سين وجيم=يامسندي قبـل لاذبـه
بخيتان=
ان كان تبغا العناء والضيم=خلك مع الـدرب لاتكبـه
اخوك باع الهوى ياغنيـم=ورتـاح ماعذبـه غلبـه
فهد المخلفي=
ادري انه اما حياة نعيم=ولا تجي نـار مشتبـه
تدري عسا العافيات تديم=وابرفع الكـف واحبـه

خالد الأحمدي =
بسم الـذي قسـم الارزاق=وآجـال خلقـه محـددهـا
اللي وهب للخضر واسحاق=حكمـه بالايـات موجدهـا
بظهر لكـم هـم بالخفـاق=يالصحابنـا اللـي نمجدهـا
بالقلب يصلا لهيب اشـواق=مثر على الحـال مزهدهـا
من واحد ٍ طاعبـي نفّـاق=وربّح على الروح حاسدهـا
واليوم حالي معـه بفـراق=والـروح بالصـد لاهدهـا
روحي عليها الفضا قد ضاق=يالصحابنا كيـف نسعدهـا
خطي لكم ماوصـل بـوراق=ابيـات بالنـت سـاردهـا
بخيتان البشري =
ابـدا بذكـر الله الخـلاق=ونعمتـه دوم نحمـدهـا
اللي عطى افضل الأخلاق=اميـن الأمـة وسيدهـا
يامن شكى حمل ما ينطاق=وفيه المواجـع يرددهـا
ظلام دامس بعد مشـراق=كـل المعانـاة جسّدهـا
اللي تحسبه لكم تريـاق=خسـايـره لا تكبـدهـا
طاقين واجب ترد الطـاق=فاتورتـه لـه تسددهـا
كثير في عالـم العشـاق=مودته ضاع مـع يدهـا
انساه لا عاد له تشتـاق=والمقبلة خيـر تشهدهـا

أحمد المحياوي =
من يعرف الحل لا يبخـل=إحترت والمسأله تقهـر
يا ناس كيف الهوى يدخل=بالقلب من حيث ما نشعر
بخيتان البشري=
المشكلة حلهـا يسهـل=عند الذي فالهوى قد مر
نسمة هوى تاصله وتطل=من داخل العين له تعبر

ابو ريم =
في ملتقى العز والنوماس=جينا نمد الوفـا ونقـول
سلام ماله ابـد مقيـاس=للكل من خافقي مرسول
بخيتان البشري =
في دار حربي لفى قرناس=والضيف له واجبه معمول
أهل الوفا رافعين الـرأس=ترحيبهم ياصلك مدبـول

نادوا طبيب الهوى نادوا=للي يعاني من الأجـراح
كِنا لهم مثـل مـا رادوا=واليوم ما كان ! شيٍ راح

علقتها بعد ما أستوفـت = واجب لها بالفؤاد يلـوف
ويوم إنها قصرت ما وفت = كفنتها واللحد فالجـوف

وليف الشوق =
سـلام وليفكـم جاكـم = ياالملتقى الشامخ الراقي
لو ماالمعزه ولولاكـم = غالين ماجيت مشتاقي
بخيتان البشري =
ترحيب مثني وينصاكم = مني نيابة عن الباقي
فالملتقى نقول حياكـم = مكنونها داخل أعماقي

الأحـــــمــــــدي =
سـلام يبـدا بريحـة عـود=والمسـك ياتيـك بختـامـه
ياالصاحب اللي من اهل الجود=ومجـوّد العـرف بخطامـه
بـــخـــيـــتـــان =
ترحيب زايد عـن المعـدود=يبريء من الهـم واسقامـه
ياللي لكـم فالوفـا ممـدود=ومحسوب فالطيـب علاّمـه
الأحـــــمــــــدي =
هيا استمع مشتكـى ملهـود=ياباخـص الـود وانضامـه
مادام عـذب اللمـا مفقـود=وش يرضي القلـب فهيامـه
بـــخـــيـــتـــان =
اللي شكـى حالـه المزهـود=وبلشان فالقلـب وخصامـه
مـدام عـد الرهـا مـارود=ابتل علـى العقـل واحكامـه
الأحـــــمــــــدي =
من بعد ماهو معـي موجـود=ضده خوالـه مـع اعمامـه
واخلف معي طبعه المعهـود=وشمّـت بنـا نـاس لوامـه
بـــخـــيـــتـــان =
يامن بغـى غايـة المنشـود=وضّح لنـا ضـدة اخصامـه
حتى معـك فالعلـوم نقـود=مأمـوم مـا يسبـق إمامـه
الأحـــــمــــــدي =
عشنـا مـوده بليـا حـدود=وراع الحسد نقطـع اعرامـه
واليوم درب الصفى مسـدود=والقلـب بلشـان بـالآمـه
بـــخـــيـــتـــان =
ياكم حاسـد لهـد محسـود=مثـل اللهب يتـرك حطامـه
عسى المنية تجـي وتـرود=مـن عكـر الـود وانسامـه