بن وازن=
يا نجم فالملتقى ناير=في ظلمت الليل والعسعاس
أمشي على النهج والساير=مع الملاء بصافي الانفاس
سالم البشري=
ماحدن فراع الوفا حاير=بالحق يشهد جميع الناس
شاعر وتفهم على الطاير=دايم ومشيك بحسن قياس

محمد سعد اليوبي=
ياسالم اشكي صدوق النزف=اللي من القلـب مصـداره
كل مانهيته يزيـد العـزف=يطلب حرش نعنبـو داره
سالم البشري=
مالوم شاكي أجاد الوصف=عن حالة القلب واخطاره
وانا معك لاعرفت الظرف=اللي عزف نغمة اوتاره
محمد سعد اليوبي=
محتاج منهم شوية عطف=ولا يعرف اللعب وأسراره
حصل مدافع عطاله كتف=وأنه هواء في آخر الحارة
سالم البشري=
اللي تقبّل قرار الحذف=وقلبه تقنّع بمعذاره
لاعاد يرجي هذاك اللطف=لامن طراله على افكاره

القن=
ياسالـم الفكـر جننـنـي=خلاني امشي واهوجس فيه
ويوم الفرح يقترب منـي=يهزني شي مـدري ليـه
سالم البشري=
يامرحبا القن يسألني=واقلّه القلب لاتشقيه
باسلوب رايق ومتأني=خل الأحاسيس تسترضيه
القن=
جاهـل بالاحسـاس يافنـي=مايدري بـن النظـر يبكيـه
صـغـيــر الـفـكــر والـســنــي=قلي طريقة عشان ارضيه
سالم البشري=
الود ينساس في ظنّي=إن كان عارف مدى راعيه
واللي يبا يعيش متهني=ياخذ منه زي مايعطيه
القن=
اغـلـيــه بـالـحـيـل لـكـنــي=اكـره اذا مـر لــي طـاريـه
وسـواس فكـري يخبلـنـي=ويجدد الجرح من ماضيه
سالم البشري=
القن مغرم ومتمني=والبعد مشقيه ومعنّيه
واللي يبا الدح لايونّي=يصبر على الخل ويماشيه

الكحيلة=
عليه من سيدي سلطـان==قـدره ونفسـه وخفتهـا
امير عندي وانا رضيـان=والناس مانـي بحاجتهـا
لـولاه ماقلـت للقيـفـان=حـرام معـرف كتابتهـا
تسلم لنا يارفيـع الشـان=لك هيبـةً مـع فخامتهـا
كتبت بيوتً عسى وان كان=ترضيك لازرت صفحتهـا
أبيات ماقالها اي انسـان=يعجز بعد عـن مجارتهـا
لوكان شاعر وله ميـدان=أظـن مايجـي فحروتهـا
سالم البشري=
شعر الكحيله إلى كحيلان=واضح ولاقل هيبتها
بحروف تنشاف للأعيان=أبياتها زين صاغتها
مضمونها فارس الفرسان=جابت صفاته ولمّتها
فاسلوب خالي من البهتان=أثنت وحطت شهادتها
وانا عن الشعر بالإحسان=أبختلف مع سعادتها
من بال صافي وصدق لسان=رديت فابيات قالتها
هاذي مجاراة للتبيان=تفسير لختام جابتها

أبو هاشم=
فنجال دلة وشبت نار=وجمعة نشاما لهم تقدير
وجزل المعاني من الاشعار=هي غايتي ياوجية الخير
سالم البشري=
يامَحسن الشعر والشعار=الي لهم بالبنان نشيـر
ابدا معانيـك لا تحتـار=فالليلة اللي شذاها غير
أبو هاشم=
ياماحـلا نقـوة الأفكـار=من شاعرٍ يحسن التصوير
لا قالها يلفـت الأنظـار=ماهو كما اللي يبا تشفير
سالم البشري=
مني لك الشكر يالبيطار=يكفيني الحرف والتعبير
قود المثل واكمل المشوار=واخذ الإجابه بلاتأخير

مشعل النويمي=
ليت إنتعامل كذا فالطيـب=نمشي على الحب كالاخوان
لاشـك فينـا ولا تثريـب=درب المودة لنـا عنـوان
سالم البشري=
بالطيب والود والترحيب=الملتقى فاتـح البيبـان
وراع النقا لالفا مايخيب=واجب نحطه على الأيمان

أبو زكي=
في محمل الخير نحملها=ونلتمس عـذر للزلـة
ولكـم زلـة نوصلهـا=من يذكر الرقم لي كله ؟
سالم البشري=
سبعين قالوا فمجملها=من يكره الخير ويملّه
لاتعدها قبل يكملها=للدرب يابو زكي دِلّه

سالم البشري=
سلمكم الله وانا سالم=ياللي لكم عندنا قيمه
سلام والشاعر الوالم=ناخذ علومه واكاليمه
أبو زكي=
ترحيب بالكاتب العالم=في علم عنده تعاليمـه
والحلم مايطاوع الحالم=ولا يعيش واقع تحاليمة
سالم البشري=
دام البقا والوفـا دايـم=لاهل المعاريف والشيمه
والحلم يبغى رجل عازم=صادق بسعيه وتصميمه
أبو زكي=
في الصدق مايلومك اللايم=وانته حكـم لـه تقييمـه
في يدك الأمر لو عايـم=بأمرك صدر نص تعميمة
سالم البشري=
ندرى على الكل ونسالم=بالطيب نوفي ملازيمـه
وراع الخطا نوجّهه لازم=وان زاد نصدر مراسيمه

محمد سعد اليوبي=
لقيت وسط البريـد كتـاب=شكله خطر مصدره مجهول
والآن أبغى أعرف الأسباب=لأجلك عن الملتقى مسئول
سالم البشري=
ياشاعر الطيب لاترتاب=هذي رساله لها مدلول
ولاكل واحد من الكتاب=يقدر يترجم بلا محلول
محمد سعد اليوبي=
باقرأ لك النص دون عتـاب=اللي في ذيل الخطاب يقول
موجود في الكرت رقم حساب=محفوظ به كامل المحصـول
سالم البشري=
يابن سعد ريّح الأعصاب=شرح المعاني معاك يطول
كم رقم يحسب به الحسّاب=يلقاه بعد العنا مقفول
محمد سعد اليوبي=
إن كانه النت فيه أنشـاب=إبعث رسالة على المحمول
فيها محصي مع الشيـاب=والخير في مثلكم مأمـول
سالم البشري=
مابه خلل ماعطى مجناب=مكتوبنا ساري المفعول
معناه واضح وحاز إعجاب=من غير قاتل ولامقتول

سالم البشري=
في ملتقى حرب متفقيـن=مايهزنا شي يابن العـم
دايم على الطيب متخاوين=واللي يبا الطيبـه يغنـم
عبدالله عتيق الحنيني=
عساك سالم على البيتين=ومن العنا والشقا تسلـم
اخوان على القسا والين=وان قلت لك تم قلي تم
سالم البشري=
تأسس الصرح بالوافين=ابشر بها تم لك ونعم
مدام شرواك مهتمين=أكيد بيصير شي مهم
عبدالله عتيق الحنيني=
شرواك للمرجله تأمين=علمٍ عليه الوفا يلزم
مدام شرواك متصافين=اصدورنا ما تشيل الهم
سالم البشري=
للمجتهد عندنا تثمين=وحقوق الاعضاء ماتُهضم
وراع الخطا ننذره بعدين=يُفصل إذا زاد منه الذم
عبدالله عتيق الحنيني=
انا اجتهدت انصح الباقيـن=يا ستاذ يا مدرسـه ولكـم
اكيد لا خطيت فالي شيـن=و لا اخطيت يا ستاذ لاترحم
سالم البشري=
محشوم والحق فالك زين=واللي انذكر للجميع يعم
ومن شان نرقى مع الراقين=نعنابه الكيف قبل الكم