بركان ثاير من الوجدان =والمصدر القلب واحزانه
ياهل ترى يستطيع انسان=يطفي لظى القلب باحسانه

لي قلب مثل الأسد باسه = في داخله نار تصلى اعداه
ورهيًف الحس مع ناسه =فردوس للي بطيب ارواه

فواز الزويهري =
بمعتق العود والعنبر =سلام واجب وكيف الحال
دايم ومثلك لنا يخطر=فالبال يامقيس الأمثال
فريد أبو مديدة =
أطيب من الورد وريح الزهر=ترحيب وافي وطيب الفال
انتم بمقداركم أخبر = فالقلب لك قدر ما ينطال
فواز الزويهري =
عسا البقا واستمع ياصقر=غريب فأرض الأسى رحال
كل ما ترجى عيوني تقر = يتبدل الميل عشر أميال
فريد أبو مديدة=
وانعم بكم ياصقر ياحر =ياللي بكم سآئت الأحوال
ويش ملزم العين كي تسهر =فالكون ما أظن شي محال
فواز الزويهري =
وسط الحشا نار ماتضمر =عامين وأنا مع الجمال
ماعاد عن لابتي أصبر =كيف أهتني والمفارق طال
فريد أبو مديدة =
لا يسيء حالك وتتذمر =الصبر من شيمة الأبطال
رب البشر عل الملا ينظر=وبالله ماخابت الآمال

سلام يوصلك عبر البرج = يالصاحب الوافي الغالي
أفيدني فاللذي بي سج =أخلف لي الفكر وأحوالي
أدعج غنج مافرضله حج =يدخل على العشر شوالي
إن جيت أبا وصل حباله هج= وإذا تركته تعنالي

أحمد المحياوي

بعداد ما أمطرت أملج =ترحيب صادق من اقوالي
اللي فهمته أنا مزعج=وانا بفيدك وإصحالي
لا جاك عاني وقربك لج=وافيه يا طيب الفالي
وان راح وابطأ وعنك دج= خلك وواصل ولا تبالي
لابد دربه يجيله فج=حتى ولو دونه جبالي
والدرب يصفى ولو به عج=وتشوف به برق وخيالي

غادرت عن داركم لكن = لازال قلبي فراضيكم
ياسيد وسط الحشا ساكن = القلب ينبض باساميكم

فواز الزويهري (المرافع عن العين )=
دعوى من العين ضد القلب=ياقلب ياللي سلبت النـوم
والقلب وده محامـي ذرب=فاهم مجرب ولـد زيـزوم
محامي القلب ( بيان الصمت )=
ياعين كنتي السبب في الغلب=ويـامـا بفـعـلـك لحـقـنـي لـــوم
شفتي المحاسن وجات بسَلْـب=وعقّب لي شوفك وراه سهوم
فواز الزويهري (المرافع عن العين )=
كانت ركابي فشرق وغرب=وأنت مكانك لنا محشـوم
واليوم رافقتني فالـدرب=أفضت بحري بهم ايـدوم
محامي القلب ( بيان الصمت )=
الآن بعد اشتعال الحـرب=من بعد صار الهنا موهوم
درتي علينا فقسمة وضرب=من الذي بالخطا موسـوم
فواز الزويهري (المرافع عن العين )=
للعين نظـره بأمـر الـرب=وبالثانية أنت الذي متهـوم
والعين تنظر بكـره وحـب=إذا اعطى الأوامر مليك القوم
محامي القلب ( بيان الصمت )=
منكِ الفكر بالمعاني شـب=وصوَّر عوالم ما بين نجوم
وكل الذي فالوعاء يْصَـب=يا تيك نضحه قضا محتوم
فواز الزويهري (المرافع عن العين )=
دعوى لقاضي يصدر الحكم=
ياقاضي العدل يا ذا اللب=أقرا الدعية و أنا مظلوم
فاللي ظلمني ورماني فغب=زين المناظر غدتلي شوم
ورقان (( الــــــــــقــــــــاضي )) =
معروف منهوالسبب في الحب=يالظـالـم الـلـي تـهــم مـظـلـوم
قرينـا الدعـاوي وشفنـا الطـب=واحكـام تصـدر علـيـه اخـتـوم
شــاهــد دلـيـلــي ولا تـتـعــب=واعطيك بعض العلـوم اعلـوم
بـشـار اعـمـى شـكـا يـطــرب=من صوت قمري غـدا مهمـوم
.............................................=
أستئناف الحكم من قبل محامي القلب =
...................=
محامي القلب ( بيان الصمت )=
القـلـب عـمّـا سـمـعـت مْـغِــبّ=والسـمـع نـايـب لـشـوفـه دوم
مـا كـل شوفـك وسمعـك حَــبّ=إلا بْمَـدَاخِـل عـلــى المـفـهـوم
ومـــا ظـنـتـي لـلـفـؤاد يـطــبّ=إلا بعـلـمـك وشـــي مـقـســوم
والأرض تسقي النوى والحَب=قـانـون بـيـئـة لـهــا مـرســوم
فواز الزويهري (المرافع عن العين )=
إثبات جاكم عماده صلب=بحر الموده خطير العوم
جميل عاشق عليل اللب=لبه بثينه أحـب البـوم
رآها بقلبه وفيها شـب=هايم تشبب بها مسقوم
والقلب حبه غيابت جب=ظني بناكم بدا محطـوم

هذا مــوكلك كــبلناه=ماباقــــي إلا القضـــــاة ايجـــون
معنا إدانـــة بـــما ســـواه=غــير الجرايم عـــليه اديــــــون

فواز الزويهري (المرافع عن العين )
ولقد حضر أيضا المظلوم المسكين
( العين ) ليرافع عن نفسه

)

ملاحظة : القضية لم يبت فيها
ولا نعلم من الظالم ومن المظلوم

ابن خير الله الردادي ( قـــــــــــــأضي )=
لابـــد نـعـمــل لــكــم جـلـســه=ونكشف خطاء الحكم وسبابه
يمكـن صـدر حـكـم بالخلـسـه=او ســبــت اشــهــود كــذابــه
واردف ابن خير الله الردادي=
بعد التداول وكشف السر=بان الخطاء عندنا واضح
العيـن سبـت خطاهـا مـر=والقلب اصبح لها فاضـح
فواز الزويهري (المرافع عن العين )=
أصبر تمهل لحكمك قـر=الحكم مابه قضى سارح
واحكم عدالك وسيفك كر=لا تحابي الحق وتمازح

عبد العزيز الزويهري ( محامي ثاني للقلب)=
يا ليه أظلـم فـؤادي ليـه=و أسبابها عين مـا تـاوي
يا كم نظـره شكاهـا البيـه=و من شوفه الوضع مأساوي
فواز الزويهري (المرافع عن العين )=
ياليه عينك نظرها فيه=ظنك لقلبك تبا اداوي
هذا النتيجه وما تجنيه=قلبك بفعلك بهم هاوي
عبد العزيز الزويهري ( محامي ثاني للقلب)=
القلب مرهف و لا تشقيـه=مظلوم و الظلم لـه كـاوي
شوف السبب ابتره وامحيه=و تلقاه لأهل الهوى مساوي
فواز الزويهري (المرافع عن العين )=
أوصى على القلب من يغليه=حاضر ولنصح أنا حـاوي
أبشر وأغض البصر يابيـه=لو كنت لصيـد متشـاوي

القلب أرض العمل والقول=والزرع ناتـج مسيرتنـا
يالله عبدك قليـل الحـول=نورك ولطفـك هدايتنـا

لولاك بالمسك تتطيب=ماكان للمسك عطر يفوح
الزين لولاك متغيب=وفي حضرتك للجمال صروح

ماعاد للنوم من مطرح=في عيني اللي تهل الدمع
وللحزن قلبي غدا مسرح=مارتاح وما للفرح يطمع

يالهف نفسي على التفاح=ولا على حب رماني
عامين قلبي معي ما ارتاح=كل ما اصلحه ينجرح ثاني