ماودعـيني تشوف الانت = في غيركم ماتبي شوفه
مثل البدرفالسما لا بنت = تحلاوتسعدبك الشوفه

يابويزيد اسمع الشاكي= اللي تجرع مرارالآه
من شاف حاله غدى باكي = وده يلاقي علاج لداه

الـيــوم مـاهـــــوكــــمااول = كثرالحسد والمشاجرفيه
واللي على الطيب ماحول = مده مع اهل الوفا يكفيه

سلام من عالي المرقاب = للي لهم عندنا شاني
عطنا افاده عن الاسباب = ولا نبا نجيلكم عاني

اغلا اسم في حـياتي مـر = دايم على البال مانساه
والله مهماالسنين تمر = فاالقلب يبقى معي ذكراه

وليف الشوق=
يابومحمد ضناني الشوق = كل يوم يزداد في حالـي
عيا معي لوقليل يـروق = ويرتاح من شوقهم بالي
بخيتان البشري=
ارفق على الحال يامخلوق = لاتروح في هجوس وجدالي
حتى معك نجتهـد يـاذوق = عطنا التفاصيـل فالحالـي
وليف الشوق=
قلبي على حبهم معشوق = مايوم عن خاطري سالي
افيدني كامل المنطـوق = اللي منه اقطع وصالـي
بخيتان البشري=
ياستاذنا الشاعر المرمـوق = نحتـاج توضيـح لتـالـي
وش بان في ودهم من عوق = بـدل لكـم كـل الأحوالـي
وليف الشوق=
الود من عندهم مسبوق = ولا يوم من يمهم مالي
كل مابعدناتزيد وثـوق = ويردني غصب لوصالي
بخيتان البشري=
دامه على عهده الموثـوق = وفالقلب والبـال لازالـي
ما لك في هذا الأمر مدروق =إنته مسيّـر فـذا الحالـي
وليف الشوق=
تركت درب الهوى باروق = وبعد ولا قيه في جالي
معاد ليه عليه شفوق = كيف البصيره ولدلالي
بخيتان البشري=
خل المسافات لك فروق = وخله من وجودكم خالي
الوضع يحتاج منك رفوق = لو كان بك المدى طالي
ولاشك من ذا العنا بتفوق = اللي تسبب فالأهوالي
هذا الذي يبعدك وتفوق = كل المصاعب وتنزالي

كل يوم وانا على ذا لحال = عيا معي يهتدي بالي
احيان حالي فعال العال = وحيان اشكي اسى حالي

شوفتك عندي تسر النفس = وتزيد الافراح في نفسي
واناانتظرجيتك من امس = من صبح يومي الين امسي

يابومحمد لكم مبروك = نهديك اغلا تهانينا
والكل فاالملتقى حييوك = والفوزغايت امانينا

يابـدريااللي مكـانك فـوق = عالي فالافاق منزالك
ماتدري انه عليك الشـوق = يزداد لوكنت فقبالك